#IFFIWood, 28 नोव्‍हेंबर 2025

भारताच्या डिजिटल कथा सांगपाच्या फुलपी परिदृश्याच्या शानदार उत्सवांत ‘बंदिश बैंडिट्स सीज़न 02’क 56व्या भारतीय आंतरराष्ट्रीय चित्रपट महोत्सव 2025त बेस्ट वेब सीरीज  (ओटीटी) म्हणून जाहीर केले .आनंद तिवारी हांणी दिग्दर्शीत केल्ली ही प्रशंसीत हिंदी सीरीज अमृतपाल सिंह बिंद्रा आनी आनंद तिवारी हांणी तयार केल्या, जी लियो मिडिया कलेक्टिव्ह प्रा. लिमिटेड निर्मित आसा ,आनी अमेझॉन प्राइम व्हिडियोचेर प्रसारित केला.

जूरीन एकमतान ही मालिका एक दमदार शॉर्टलिस्टांतल्यान वेंचून काडली, “कला आनी संगीत सगळ्यांक उपलब्ध करपा खातीर” ताची तोखणाय केली. ह्या शोचे निर्माते अमृतपाल सिंग बिंद्रा आनी आनंद तिवारी हांणी आयज भव्य सुवाळ्यांत म्हायती आनी प्रसारण आनी संसदीय वेव्हार राज्यमंत्री डॉ. एल. मुरुगन हांचे हस्तुकीं हो पुरस्कार स्वीकारलो. म्हायती आनी प्रसारण मंत्रालयाचे सचीव श्री संजय जाजू हेवूय हे वेळार हाजीर आशिल्ले.

राजस्थानांतल्या जोधपूर आनी  शिमला दोंगुल्ल्यांच्या वाठारां मदीं स्थापन जाल्लो ‘‘बंदिश बैंडिट्स सीज़न 02’  राधे आनी तमन्नाच्या प्रवासांतल्यान मोग, महत्वाकांक्षा आनी दायज हांचो सोद चालू दवरता. राधेचें कुटुंब आपल्या पुर्वजांच्या घरांतल्या वैयक्तीक आनी संगीत उलथापालथां कडेन झगडटा आसतना तमन्ना रॉयल हिमालयन म्युझिक स्कूलांत नव्यान सुरवात करून आपलो मार्ग स्वतः घडयता. दोगांयकय नेशनल टेलीविज़न कॉम्पिटिशनात धुकल्ले वता,  जंय पोरन्यो जखमो परतून उदेतात, महत्वाकांक्षा टक्कर घेतात आनी नशीब परतून बरयले वता. 

🎶🏆 'Bandish Bandits Season 2' takes home the Best Web Series (OTT) Award at the 56th International Film Festival of India#IFFI2025 #IFFI56 #IFFIGoa pic.twitter.com/8qUQ3trqgw

— PIB in Goa 🇮🇳 (@PIB_Panaji) November 28, 2025

ऋत्विक भौमिक, श्रेया चौधरी, राजेश तैलंग, शीबा चड्ढा, दिव्या दत्ता, कुणाल रॉय कपूर, अतुल कुलकर्णी, सौरभ नायर, आलिया कुरेशी, यशस्विनी दयामा, आनी रोहन गुरबक्सानी हांचो आस्पाव आशिल्ल्या स्टॅलर एन्सेम्बल कलाकारांचो आस्पाव आशिल्लो हो सीझन भावनीक खोलाय आनी संगीत निपुणतायेचो मेळ आसा जो भारतांतल्या सगळ्यांत प्रिय कंटेंपररी वेब सीरीजात आपली सुवात परतून सिद्ध करता. 

हाचे आदीं महोत्सवा वेळार जूरी अध्यक्ष भारतबाला हांणी नामनेचे जूरी वांगडी शेखर दास, मुंजल श्रॉफ, राजेश्वरी सचदेव हांचे वांगडा पत्रकार परिशदेंत प्रसार माध्यमांक संबोधीत केलें. डिजिटल कथनांचो विस्तार जावपी विश्व आनी ओटीटी प्लॅटफॉर्म भारताचे सृजनशील संस्कृतायेक नवो आकार दितात हाचेर तांणी भर दिलो. तांच्या अंतर्दृष्टीन समकालीन कथाकथनाच्या बदलत्या व्याकरणाक आनी देशभरांतल्या प्रामाणीक, विविधताय आशिल्ल्या आनी शिमो हुंपपी आशयाची प्रेक्षकांची वाडत वचपी भूक हाचेर  तांणी उलोवप केले.

2023 वर्सा इफ्फीच्या 54व्या आवृत्तींत सुरू जाल्लो बेस्ट वेब सिरिज (ओटीटी) पुरस्कार भारताच्या विकसीत जावपी मनरिजवणेच्या परिदृश्याचें आनी डिजिटल-फर्स्ट स्टोरीटेलिंगाच्या वाडट्या लोकप्रियतेचे प्रतिबिंबी दाखयता. भारताच्या चैतन्यशील ओटीटी इकोसिस्टमात तयार केल्ल्या वेब कंटेंटात  सृजनशीलताय, नवनिर्माण आनी प्रादेशिक विविधतायेची परब मनोवपाचो हे पुरस्काराचो हेतू आसा.

हो पुरस्कार अपवादात्मक कलात्मक योग्यताय, तंत्रीक उत्कृश्टताय आनी सांस्कृतीक परिणामाक मान्यताय दिता. तातूंत ₹10,00,000 रोख इनाम आसा , जें निर्माते आनी ओटीटी प्लॅटफॉर्म हांचे मदीं वैयक्तीक प्रमाणपत्रांसयत विभागुन आसतात.

दर वर्सा उत्कृश्ट वेब सिरीजचो भोवमान करून, इफ्फी भारताची डिजिटल स्टोरीटेलिंग क्रांतीक चालना दिवपाक आनी देशाक ओटीटी सृजनशीलते खातीर जागतीक केंद्र म्हणून स्थापन करपाची आपली वचनबद्धताय उक्तायता.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56