প্রধানমন্ত্রী শ্রী নরেন্দ্র মোদীনা থৌরম মপু ওইদুনা শেল-থুমগী মতাংশিংগী মন্ত্রীমন্দলগী কমিতীনা ঙসি চাওরাক্না লুপা করোর 2,781 রোম চংলবা য়াবা রেল মন্ত্রীলয়গী প্রোজেক্ত অনি পীখ্রে।  প্রোজেক্তশিং অসিনা ভারতী রেলৱেগী নেতৱর্ক অসি হেন্না পাকথোক-চাওথোকহন্নবগীদমক্তা অমসুং মপাঙ্গল হেনগৎহন্নবগীদমক্তা মরুওই। প্রোজেক্তশিং অসিদা য়াওরিবশিং অসিদি:

1. দেবভুমী দ্বারকা(ওখা) – কানালুস দবলিং তৌবা – কি.মি. 141
2. বদলাপুর – কর্জত 3 শুবা অমসুং 4 শুবা – কি.মি. 32

হেনগৎলক্লিবা লাইনগী কেপাসিতী অসিনা ভারতীয় রেলৱেগীদমক্তা ওইরিবা মোবিলিতী অসি থোইদোক্না হেনগৎহনগনি, মসিনা ওপরেস্নেল কেপাসিতী অমসুং সর্ভিস অসিদা থাজবা হেন্না লৈহনগনি। মসিগী মল্তী-ত্রেকিংগী প্রোপোজেলশিং অসি স্ত্রীমলাইন ওপরেসনশিং অমসুং মী চিনবা হন্থহন্নবগীদমক্তনি। প্রোজেক্তশিং অসি এমপ্লোইমেন্ত/সেলফ এমপ্লোইমেন্তকী খুদোংচাবা হেনগৎহন্দুনা মপুং ফানা চাওখৎুহন্দুনা 'মীপাল তাংদবা ভারত' ওইহন্নবা প্রধানমন্ত্রী শ্রী নরেন্দ্র মোদীজীগী অনৌবা ভারত ওইহন্নবগী মীৎয়েংদা তৌরকপা থবক অমনি।

প্রোজেকশিং অসি ইন্তিগ্রেতেদ প্লানিং অমসুং স্তেকহোল্দর কন্সল্তেসনশিংগী থোংদগী মল্তি-মোদেল কনেক্তিবিতী অমসুং লোজিস্তিক্সকী মঙম লৈবা হেনগৎহনবনা মরুওইবা পান্দম ওইরিবা পি.এম.-গতি শক্তি নেস্নেল মাস্তর প্লানগী মখাদা তৌবা থৌশীলনি। প্রোজেকশিং অসিনা মীয়াম, পোৎশিং অমসুং সর্ভিসশিং পুথোক-পুশিন তৌবদা অপনবা লৈহন্দনা কনেক্তিবিতী লৈহল্লগনি।

মহারাস্ত্র অমসুং গুজরাতকী দিস্ত্রিক্ত 4 কোভর তৌগদবা প্রোজেক্ত অনিসিনা হৌজিক লৈরিবা ভারতীয় রেলৱেগী নেতৱর্ক অসি কি.মি. 224 হেনগৎহল্লগনি। অয়াবা পীখ্রবা মল্তী-ত্রেকিং প্রোজেক্ত অসিদগী চাওরাক্না মীশিং লাখ 32 মুক ওইগদবা খুঙ্গং 585 দা কনেক্তিবিতী অসি ফগৎহল্লগনি।

কানালুসতগী ওখা (দেবভুমী দ্বারকা) ফাওবগী অয়াবা পীরবা দবলিং তৌবগী প্রোজেক্ত, মরুওইবা তীর্থগী মফম, দ্বারকাথীশকী লাইশঙফাওবা কনেক্তিবিতী ফগৎহল্লগনি অমসুং মসিনা সৌরাস্ত্রগী মফম পুম্নমক্তা হীরম খুদিংদা চাউখৎহনবদা মতেং ওইরগনি।

বদলাপুর-কর্জন সেক্সন মুম্বই সবর্বন কোরিদোরগী শরুক অমনি। 3 শুবা অমসুং 4 শুবা লাইনগী প্রোজেক্ত অসি মুম্বই সবর্বনগী মফমশিংদা কনেক্তিবিতী হেন্না ফগৎহল্লগনি অমসুং পেসেজ্ঞরশিংগী তুংলমচৎকী দিমান্দশিং অদু ফংহনবগা লোয়ননা খা-ভারতকীদমক্তসু কনেক্তিবিতীগী খুদোংচাবা লৈহল্লগনি।  

মসিগী রুত অসি কোয়লাস, থুম, কন্তেনর, সিমেন্ত, পি.ও.এল. গুম্বা মরুওইবা পোৎশকশিং অসি হোনবগী মরুওইবা রুতনি। কেপাসিতী হেনগৎহন্নবগী মসিগী থবক অসি রেলৱে অসিদা অহেনবা এম.তি.পি.এ.(মিলিয়ন তোন্স পর এনম) 18 গী পোৎ পুগনি। রেলৱে অসি চত্থোক-চৎশিন তৌনবগী নুংঙাইবা এনভাইরোনমেন্ত অমসুং পাঙ্গলগী মঙম লৈবগী মওং ওইবনা লৈবাক অসিগী ঈশিং-নুংশিৎকী পান্দমশিং অসি ফংহনবদা অমসুং লোজিস্তিক্সশিংগী মমল চংবা হন্থহনবা অনিমক্তা কান্নহনগনি। প্রোজেক্তশিং অসিদগী চহীদা থাও ইম্পোর্ত (লিতর করোর 3) দা হন্থহল্লগনি, কার্বোনদাইওক্সাইদ(কে.জি. করোর 16) ইমিসন তৌবা হন্থহল্লগনি। হন্থরক্লিবা ইমিসন অসি পাম্বী লাখ 64 (লাখ হুম্ফু) থাবগা মান্নৈ।  

***