#IFFIWood, 26 नोव्‍हेंबर 2025

जिवीत आनी VFX फकत भागीदार न्हय-ते ब्रह्मांडीय सह-कटकार. एकलो वास्तवाक फ्रेम करता, दुसरो ताका वांकयता; एकठांय येवन ते कल्पनेक शुध्द वाइडस्क्रीन अद्भुतांत रुपांतर करतात. आयज IFFI 2025त जो मनीस हीं दोन जगां सहज हाताळता —VFX अल्केमिस्ट पीट ड्रेपर हाणें -“द कम्पलीट व्हीएफएक्स प्रोडक्शन मॅग्नानिमिटी” ह्या विशयाचेर ताच्या उत्साही मास्टरक्लासा वरवीं महोत्सव परजळीत केलो.  

25 वर्सां परस चड काळाच्या कारकिर्दींत, आनी बाहुबली, आरआरआर आनी  ईगा सारख्या हिट चित्रपटां आशिल्ल्या ड्रॅपर हाणें  प्री-प्रॉडक्शन स्कीमिंगसावन  पोस्ट-प्रॉडक्शन पॉलिशमेरेन ब्लॉकबस्टर व्हिज्युअल इफेक्ट्सच्या  कलाकुसरी विशीं एक सखोल सत्र सादर केले. चित्रपट निर्माते, VFX कलाकार आनी सिनेमा मोगी, कल्पनाशक्तीक चकित करपी वास्तवात रूपांतरित करपी गुपितां आयकुपाखातीर जमले.

उत्तम VFX वास्तवाची सुवात घेना- तें ताका वाडयता. प्रत्येक पोशाख, कॅमेरा अँगल, प्रॉप्स आनी फ्रेम म्हत्वाचें आसतात. निर्णय पोस्ट प्रोडक्शनाचेर सोडप म्हणल्यार गोंदळ, वाडिल्लो खर्च आनी अंतहीन पुनरावृत्तीक आमंत्रण.” अशें, ड्रॅपरान सांगले.  

ताणें सिनेमॅटिक जादूची सूत्रा कशी आखतात तें सादर केलें:  प्रत्येक सीन पटकथांनी वेगळे करप, लेन्सिंग आनी कॅमेऱ्याची हालचाल पूर्व-व्हिज्युअलायझ करप, प्रॉप्स आनी डिजिटल डबल्स मिलीमीटर प्रमाणामेरेन स्कॅन करप आनी स्तरबद्ध शॉट्स चडांत चड  प्रभावाखातीर कोरियोग्राफ करप-हातूंत उजो आनी गर्दी रियल टाईमांत नियंत्रीत करप हांचो आस्पाव जाता. ड्रॅपरान धबधब्याच्या दृश्यांत ऑन-द-स्पॉट समस्या सोडयल्यो, म्हत्वाचे बिट्स काय मिनटात ब्लॉक, टेस्ट आनी लॉक केले, जाका लागून  पोस्ट-प्रॉडक्शनचो वेळ वाचलो-हें खाशेलपण ताणें डेमो वरवींय दाखयलें.

सहकार्य हीच खरी सुपरपावर - दिग्दर्शक, सिनेमाटोग्राफर आनी व्हीएफएक्स पंगडा मदल्या निर्दोश समन्वयाक लागून दरेक शॉट कलात्मक दृष्टिकोनाकडेन अचूक जुळटा हाची खात्री करता.

स्टोरीबोर्डसावन ते पुनरावृत्तीपूर्ण संकल्पना निर्मिती मेरेन, क्राउड सिम्युलेशन ते निर्बाध डिजिटल विस्तारां मेरेन, ड्रॅपरान हे सिद्ध केले की व्हीएफएक्स हे फकत पिक्सेलां विशीं न्हय,तर ते धोरण, नियोजन आनी संघकार्यय आसता.  

सत्राचो समारोप करतना, ड्रेपर हाणें उपस्थितांक याद करून दिली: "हुशारीन नियोजन करात,सगळें लॉग करात, आनी अशें सहकार्य करात जणू  तुमचो फिल्म ताचेर अवलंबून आसा– कारण तें खरेंच सहकार्याचेर आदारून आसता. व्हीएफएक्स ही जादू, पूण काळजीपूर्वक साकारली तरुच.”

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, Click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56