Ka bynta ba san jong ka Creative Minds of Tomorrow (CMOT) ka la kut noh ha Panaji da ka jingsngewskhem jong ki samla, ka jingkwah tip shaphang ki phlim bad ka jingsngew skhem kaba thymmai jong ki nongsaindur ba dang mih. Da kaba pyni ia san tylli ki phlim ba la pynwandur da ki nongiashim bynta ha kylleng ki san tylli ki kynhun, ka bynta ka la pyni ia ki jingmut bapher bapher ba la pynwan dur lyngba ka jingtreilang. La pynlong hapoh ka jingkyrshan jong ka International Film Festival of India ba 56, kane ka prokram sa shisien ka la pynskhem biang ïa ka jingthmu jong ka, da kaba lap ïa ki nongiathuh khana kiba dang mih bad ai ïa ki ïa ka lynti, ka jinghikai, bad ka bor ban kiew.

Ka jingialang ka la sdang ha Marriott da ka jingpyni ia ki phlim na ka bynta ka Grand Jury bad ka Great Grand Jury, bud sa ki jingiakren kiba la pynwandur ia ka thup ba khatduh jong ki nongioh khusnam. Ki nongiashim bynta, ki nonghikai, ki dkhot jong ka kynhun bishar, bad ki nongmihkhmat na ka kam phlim ki la iawan lang na ka bynta ka jingrakhe ia ka kam shna jingshna bad ka jingiatreilang. Ia ki dkhot jong baroh ar kynhun ki nongbishar la pynkup burom da ki Joint Secretary jong ka Tnad Information & Broadcasting - u Dr. Ajay Nagabhushan bad Dr. K K Nirala, Managing Director, NFDC u Prakash Magdum, bad u CEO, ShortsTV Carter Pilcher

Ki nongioh khusnam jong ka CMOT 2025 ki long kumne harum:

• Best Film: The Paper Sky (Blue Team)
• Runner-Up Film: The Spit Show (Green Team)
• Best Director: Raghu Arav – The Paper Sky (Blue Team)
• Best Script: Vishwas K – The Spit Show (Green Team)
• Best Director of Photography: Ramiz Naveeth (Green Team)
• Best Actor: Arpit Raj (Blue Team)
• Best Actress: Sajumi Hamalkar – The Spit Show (Green Team)

La ai syrnot ia baroh ki kynhun ba iashim bynta ha ka jingiadonlang ki ophisar na ka Tnat Information & Broadcasting, NFDC, IFFI, ki nongialam ka CMOT, bad ShortsTV.

Ha ka jingai jingkren, u Chairman jong ka kynhun ki nongbishar, Dharmendra u la iaroh ia ki nongiashim bynta bad u la kyntu ia ki ban bteng ban wanrah ia ki khana da ka jingshlur bad ka jingtrei shitom. Ka janmiet ka la poi sha kaba kut lyngba ka jingai jingkren sngewnguh da u General Manager, NFDC Ajay Dhoke.

Ka mat ba kongsan jong ka CMOT mynta u snem ka dei ka jingpyni na ki nongsaindur na ka Create in India Challenge (CIC) – Season 1, ka sienjam jong ka prokram WAVES. Khatwei ngut ki nongjop na ka CIC ki la rung ha ka CMOT bad ki la ioh jingithuh ha ka ri, ha kaba ki la iadon lang bad ki samla nongshna phlim ba tbit tam ha ka ri.

Hynriew ngut ki nongiashim bynta ha ka CIC ki dei shi bynta ka Team Blue, ka kynhun ba jop ha ka CMOT 2025:

• Anjali Verma (WAM! Challenge)
• Hussain Abbas
• Aditi Dixit
• Varun Sapkal
• Elango
• Amit Sonawane

(baroh na ka WAVES Awards of Excellence)

Ka kynhun jong ki ka la ïoh ïa ki nam ba hakhmat eh, da kaba ïoh ïa ka jingïaroh na ka ri bad ka khusnam pisa na ka bynta ka jingïakhun jong ki ha ka jingïakop kaba 48 kynta.

San ngut ki nongsaindur jong ka CIC ki la long shi bynta jong ka kynhun ba wan ba ar, kiba la ïoh ïa ka jingithuh ha ki thup ba kongsan jong ka kam shna jingshna, kynthup ïa ka Best DOP, Best Writer, Best Actress bad Best Animation:

• Vidit Singh
• Herram
• Manish
• Ayush Singh (Young Filmmakers Challenge)
• Chinmay Narote (WAM! Challenge)

Ki jingjop jong ki, ki pyni ïa ka jingkhlain kaba nangkiew jong ka Create in India Challenge, ka rynsan ba la saindur khnang ban kyntiew ïa ka pateng ban wan jong ki nongiathuh khana, ki riewshemphang ha ka teknoloji, bad ki nongsaindur jong ka India. Ka jingdon jong ki ha ki kynhun ba jop bad ki thup khusnam ka la pynskhem biang ïa ka bynta jong ka CIC ha kaba pynwandur ïa ka ïoh ka kot ba thymmai jong ka ri bad ban kyntiew ïa ki sap kiba la pynkhreh na ka bynta ki lad ki lynti ha ka pyrthei.

Shaphang ka Creative Minds of Tomorrow (CMOT)

Ka CMOT ka dei ka sienjam ba kongsan jong ka Tnad Information & Broadcasting bad ka National Film Development Corporation (NFDC), kaba thmu ban lap, ban ai jingmut bad ban pyni ia ka pateng ban wan jong ki nongiathuh khana jong ka India. La saindur kum ka jaka sdang na ka bynta ki samla kiba don sap, kane ka prokram ka ailad ïa ki nongïashim bynta ïa ka lad kaba kyrpang ban shna ïa ki phlim hapoh ka jingïakop kaba 48 kynta bad ban pyni ïa ki ha kawei na ki tamasa phlim ba pawnam tam ha Asia.

Ka bynta kaba san jong ka CMOT ka la wanrah lang haduh 125 ngut ki nongsaindur ba dang mih ha kylleng ki 13 tylli ki kam shna phlim. Naduh ba la sdang ïa ka ha u snem 2021, ka CMOT ka la kiew stet, da kaba pyni ïa ki samla pule barim ha ki tamasa ba kongsan jong ka pyrthei, ka la ïoh ïa ka jingithuh na ka ri, bad ka la noh synñiang shibun sha ka ïoh ka kot jong ka ri India.

Shaphang ka Create in India Challenge (CIC)

Ka Create in India Challenge (CIC), ka sienjam ba kongsan hapoh ka World Audio Visual and Entertainment Summit (WAVES) jong ka Tnad Information & Broadcasting, ka la kiew stet sha ka rynsan ha ka pyrthei na ka bynta ki sap saindur kiba dang mih. Ka Season 1 ka la ïoh haduh shi lak ngut ki jingpynrung kyrteng, kynthup ïa palat 1,100 ngut ki nongïashim bynta nabar ri na palat 60 tylli ki ri.

Na kane, 750 ngut kiba la poi sha ka phainal ki la pyni ia ki kam jong ki ha Creatosphere ha ka WAVES 2025, kaba pyni ia ka jingsaindur thymmai ha ka animation, gaming, AI, XR, ki comics, ka put ka tem bad kiwei kiwei ki jait jingsaindur. Ka kynhun ka kynthup ruh ïa 43 ngut na palat 20 tylli ki ri kiba la poi sha ka phainmal.

Ka CIC ka la ïoh ïa ka jingïashim bynta na baroh 28 tylli ki Jylla bad 8 tylli ki Union Territory, ha kaba ki nongsaindur kidei kiba naduh 12 haduh 66 snem ka rta. Ha kaba iadei bad ki jingeh ha ka kam pule puthi, ka kolshor bad ka jingsaindur digital ba thymmai, ka CIC ka pyni ïa ka jinglong nongïalam jong ka India kaba nangroi ha ka ïoh ka kot ba thymmai ha ka pyrthei.

Shaphang ka IFFI

La sdang ha u snem 1952, ka International Film Festival of India (IFFI) ka ieng skhem kum ka jingrakhe kaba la rim bad kaba heh tam ha South Asia ha ka kam ba iadei bad ki phlim. La pynlong lang da ka National Film Development Corporation (NFDC), ka Tnad Information and Broadcasting, Sorkar india bad ka Entertainment Society of Goa (ESG), ka Sorkar Jylla Goa,kane ka tamasa ka la nangroi sha ka jaka ba don bor ha ka pyrthei ha ka kam pynmih phlim—ha kaba ki phlim hyndai ba la pynthymmai ki ïakynduh ïa ki jingpyrshang ba shlur bad ki briew kiba la pynskhem ialade ha kane ka kam ki iakynduh ia kito kiba dang sdang ha kane ka kam. Kaba pynlong ïa ka IFFI ban tyngshaiñ shisha ka dei ka jingbun ki bynta—ki jingïakob ha kylleng ka pyrthei, ki jingpyni ïa ka kolshor, ki masterclass, ki jingai burom, bad ka WAVES Film Bazaar ba shitrhem bha, ha kaba ki jingmut, ki jingïateh bad ki jingïatreilang ki kiew shaphrang. Ha ka jingpynlong ha rud duriaw jong ka Goa naduh ka 20–28 tarik u Naiwieng, ka bynta kaba 56 kan don ki bynta jong ki ktien bapher bapher , ki jait phlim bapher bapher, ki jingsaindur thymmai, bad ki sur—ka jingrakhe ïa ka jingtbit ka India ha ka kam saindur jong ka pyrthei.

Ban ioh jingtip shuh shuh, shon ha ka:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel:  https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *