#IFFIWood, 25 नोव्‍हेंबर 2025

क्रिएटिव्ह माइंड्स ऑफ टुमारो (सीएमओटी) ची पाचवी आवृत्ती पणजी येथे तरुणाईच्या दृढनिश्चयाने, चित्रपटसृष्टीतील उत्सुकतेने आणि नवोदित निर्मात्यांच्या नवीन आत्मविश्वासाने संपन्न झाली. पाच गटांमधील सहभागींनी विकसित केलेल्या पाच चित्रपटांसह, या आवृत्तीत सहयोगी प्रयत्नांद्वारे आकार घेतलेल्या विविध कल्पनांचे प्रदर्शन करण्यात आले. 56 व्या आंतरराष्ट्रीय चित्रपट महोत्सवाच्या अंतर्गत आयोजित या कार्यक्रमाने पुन्हा एकदा आपला उद्देश साध्‍य केला. उदयोन्मुख कथाकारांचा शोध घेतला आणि त्यांना कॅनव्हास, मार्गदर्शन आणि वाढीसाठी गती दिली.

‘ग्रँड ज्युरी’ आणि ‘ग्रेट ग्रँड ज्युरी’ च्या स्क्रीनिंगसह समारंभाची सुरुवात झाली, त्यानंतर पुरस्कार विजेत्यांच्या अंतिम यादीला आकार देणाऱ्या चर्चासत्रांनी सुरुवात केली. सहभागी, मार्गदर्शक, ज्युरी सदस्य आणि चित्रपट क्षेत्रातील प्रतिनिधी कला आणि सहकार्यासाठी आयोजित उत्सवासाठी जमले. माहिती आणि प्रसारण मंत्रालयाचे संयुक्त सचिव - डॉ. अजय नागभूषण आणि डॉ. के. के. निराला, एनएफडीसीचे व्यवस्थापकीय संचालक प्रकाश मगदुम आणि शॉर्ट्सटीव्हीचे सीईओ कार्टर पिल्चर यांनी दोन्ही ज्युरींच्या सदस्यांचा सत्कार केला.

सीएमओटी 2025चे पुरस्कार विजेते खालीलप्रमाणे आहेत:

• सर्वोत्कृष्ट चित्रपट: द पेपर स्काय (ब्लू टीम)
• उपविजेता चित्रपट: द स्पिट शो (ग्रीन टीम)
• सर्वोत्कृष्ट दिग्दर्शक: रघु आरव – द पेपर स्काय (ब्लू टीम)
• सर्वोत्कृष्ट पटकथा: विश्वास के – द स्पिट शो (ग्रीन टीम)
• सर्वोत्कृष्ट छायाचित्रण दिग्दर्शक: रमीझ नवीत (ग्रीन टीम)
• सर्वोत्कृष्ट अभिनेता: अर्पित राज (ब्लू टीम)
• सर्वोत्कृष्ट अभिनेत्री: सजुमी हमालकर – द स्पिट शो (ग्रीन टीम)

माहिती आणि प्रसारण मंत्रालय, एनएफडीसी, इफ्फी, सीएमओटी नेतृत्व आणि ‘शॉर्टस् टीव्ही ‘ मधील वरिष्ठ अधिकाऱ्यांच्या उपस्थितीत सर्व सहभागी संघांना प्रमाणपत्रे प्रदान करण्यात आली.

मेळाव्याला मार्गदर्शन करताना, ग्रेट ग्रँड ज्युरीचे अध्यक्ष धर्मेंद्र यांनी सहभागींच्या नाविन्यपूर्ण दृष्टिकोनाबद्दल प्रशंसा केली आणि त्यांना धैर्याने आणि प्रामाणिकपणे कथा लिहिण्याचे आवाहन केले. संध्याकाळी समारोपप्रसंगी एनएफडीसी चे महाव्यवस्थापक अजय ढोके यांनी आभार मानले.

या वर्षीच्या सीएमओटी चे एक महत्त्वाचे वैशिष्ट्य म्हणजे वेव्हज कार्यक्रमाच्या पुढाकाराने सीआयसी म्हणजेच क्रिएट इन इंडिया चॅलेंज - सीझन 1 मधील निर्मात्यांनी केलेली उल्लेखनीय कामगिरी. ‘सीआयसी’ च्या अकरा विजेत्यांनी सीएमओटीमध्ये वाईल्ड-कार्ड सहभागी म्हणून प्रवेश केला आणि देशातील काही बुध्दिमान तरुण चित्रपट निर्मात्यांसोबत खांद्याला खांदा लावून राष्ट्रीय मान्यता मिळवली.

सीएमओटी 2025 विजेत्या टीम ब्लू मध्‍ये सीआयसीचे सहाजण सहभागी होते:

• अंजली वर्मा (WAM! Challenge)
• हुसेन अब्बास
• अदिती दीक्षित
• वरुण सपकाळ
• एलंगो
• अमित सोनवणे

(सर्वजण वेव्हज अवॉर्ड्स ऑफ एक्सलन्समधून आले होते)

त्यांच्या टीमला 48 तासांच्या चॅलेंजमधील कामगिरीसाठी राष्ट्रीय स्तरावर प्रशंसा आणि रोख पुरस्कार मिळाले.

पाच सीआयसी निर्माते ‘रनर-अप’ टीमचा भाग होते. त्यांना सर्वोत्कृष्ट डीओपी, सर्वोत्कृष्ट लेखक, सर्वोत्कृष्ट अभिनेत्री आणि सर्वोत्कृष्ट अ‍ॅनिमेशनसह प्रमुख कलाकार्य श्रेणींमध्ये मान्यता मिळाली:

• विदित सिंग
• हेर्रम
• मनीष
• आयुष सिंग (Young Filmmakers Challenge)
• चिन्मय नारोटे (WAM! Challenge)

त्यांच्या कामगिरीने क्रिएट इन इंडिया चॅलेंजची वाढती ताकद अधोरेखित केली गेली. भारतातील कथाकार, तंत्रज्ञ आणि निर्मात्यांच्या पुढच्या पिढीनेही या क्षेत्रामध्‍ये उत्तुंग कामगिरी करावी, यासाठी हे एक व्यासपीठ आहे.

विजेत्या संघांमध्ये आणि पुरस्कार श्रेणींमध्ये त्यांची उपस्थिती देशाच्या सर्जनशील अर्थव्यवस्थेला आकार देण्यात आणि जागतिक संधींसाठी सज्ज असलेल्या प्रतिभेचे संगोपन करण्यात सीआयसीच्या भूमिकेला पुन्हा पुष्टी देते.

क्रिएटिव्ह माइंड्स ऑफ टुमारो (सीएमओटी) विषयी

सीएमओटी हा माहिती आणि प्रसारण मंत्रालय आणि राष्ट्रीय चित्रपट विकास महामंडळ (एनएफडीसी) यांचा एक प्रमुख उपक्रम आहे. या उपक्रमाचा उद्देश भारतीय कथाकारांच्या पुढील पिढीचा शोध घेणे, मार्गदर्शन करणे आणि त्यांना प्रदर्शनाची संधी प्रदान करणे आहे. तरुण प्रतिभेसाठी ‘लाँचपॅड’ म्हणून डिझाइन केलेला हा कार्यक्रम सहभागींना ४८ तासांच्या आव्हान स्वीकारावे लागते. या काळात चित्रपट तयार करण्याची आणि आशियातील सर्वात प्रतिष्ठित चित्रपट महोत्सवांपैकी एकामध्ये सादर करण्याची एक अनोखी संधी मिळते.

सीएमओटीच्या पाचव्या आवृत्तीने 13 चित्रपट कलाकृतींमधील सुमारे 125 उदयोन्मुख निर्मात्यांना एकत्र आणले. 2021 मध्ये त्याची स्थापना झाल्यापासून, सीएमओटीने सातत्याने वाढ केली आहे, माजी विद्यार्थ्यांनी प्रमुख जागतिक महोत्सवांमध्ये प्रदर्शन केले आहे, राष्ट्रीय मान्यता मिळवली आहे आणि भारताच्या सर्जनशील अर्थव्यवस्थेत महत्त्वपूर्ण योगदान दिले आहे.

क्रिएट इन इंडिया चॅलेंज (सीआयसी) बद्दल

माहिती आणि प्रसारण मंत्रालयाच्या वर्ल्ड ऑडिओ व्हिज्युअल अँड एंटरटेनमेंट समिट (WAVES) अंतर्गत एक प्रमुख उपक्रम, क्रिएट इन इंडिया चॅलेंज (CIC) हा उदयोन्मुख सर्जनशील प्रतिभेसाठी जागतिक व्यासपीठ म्हणून वेगाने विकसित होत आहे. पहिल्या सीझनमध्‍ये सुमारे एक लाख नोंदणी मिळाली. त्यामध्‍ये 60हून अधिक देशांतील 1,100 हून अधिक आंतरराष्ट्रीय सहभागींचा समावेश होता.

या मधून, 750 अंतिम स्पर्धकांनी WAVES 2025 दरम्यान क्रिएटोस्फीअरमध्ये त्यांचे काम सादर केले, जे अॅनिमेशन, गेमिंग, एआय, एक्सआर, कॉमिक्स, संगीत आणि इतर सर्जनशील विषयांमधील नावीन्यपूर्णतेचे प्रतिनिधित्व करतात. या गटात 20 हून अधिक देशांतील 43 आंतरराष्ट्रीय अंतिम स्पर्धकांचाही समावेश होता.

सीआयसीमध्‍ये सर्व 28 राज्ये आणि 8 केंद्रशासित प्रदेशांमधून सहभाग नोंदवला. यामध्ये 12 ते 66 वर्षे वयोगटातील निर्माते होते. शिक्षण, संस्कृती आणि अत्याधुनिक डिजिटल सर्जनशीलता या आव्हानांसह, सीआयसी जागतिक सर्जनशील अर्थव्यवस्थेत भारताचे वाढते नेतृत्व प्रतिबिंबित करते.

इफ्फीविषयी

वर्ष 1952 मध्ये सुरु झालेला भारतीय आंतरराष्ट्रीय चित्रपट महोत्सव (इफ्फी) हा दक्षिण आशियात सर्वप्रथम सुरु झालेला आणि चित्रपटांशी संबंधित असा सर्वात मोठा उत्सव समजला जातो. राष्ट्रीय चित्रपट विकास महामंडळ (एनएफडीसी), केंद्रीय माहिती आणि प्रसारण मंत्रालय, एन्टरटेनमेंट सोसायटी ऑफ गोवा (ईएसजी) ही संस्था तसेच गोवा राज्य सरकार यांच्या संयुक्त विद्यमाने आयोजित होत असलेला हा महोत्सव आता, जेथे पुनर्संचयित अभिजात कलाकृती धाडसी प्रयोगांना सामोऱ्या जातात आणि दिग्गज कलाकार निर्भय नव-कलाकारांसोबत एकत्र येऊन काम करतात, अशा जागतिक चित्रपटीय शक्तीकेंद्राच्या रुपात उदयाला आला आहे. इफ्फीला खऱ्या अर्थाने चमकदार स्वरूप देणारे घटक म्हणजे त्यातील विजेसारख्या तळपणाऱ्या मिश्र आंतरराष्ट्रीय स्पर्धा, सांस्कृतिक सादरीकरणे, मास्टर क्लासेस,श्रद्धांजलीपर उपक्रम तसेच कल्पना, व्यवहार आणि सहयोगी संबंधांना झेप घेऊ देणारा, चैतन्याने भारलेला वेव्हज चित्रपट बाजार. गोव्यातील जबरदस्त आकर्षक समुद्रकिनाऱ्याच्या पार्श्वभूमीवर, 20 ते 28 नोव्हेंबर दरम्यान होत असलेला महोत्सवाचा 56 वा भाग भाषा, शैली, नवोन्मेष आणि आवाजांचा झळाळता पिसारा घेऊन जागतिक मंचावर भारताच्या सर्जक प्रतिभेचा गुंगवून टाकणारा सोहळा सादर करत आहे.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel:  https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | गोपाळ चिप्पलकट्टी/सुवर्णा बेडेकर/दर्शना राणे | IFFI 56