#IFFIWood, 25 नोव्‍हेंबर 2025

क्रिएटिव्ह माइंड्स ऑफ टुमॉरो (CMOT) च्या पाचव्या आवृत्तीचो पणजेंत तरनाट्यांच्या दृढनिश्चयान, चित्रपटसृष्टीतल्या उत्सुकतेन आनी उदेवपी निर्मात्यांच्या नव्या आत्मविश्वासान समारोप जालो. पांच गटांतल्या भाग घेवप्यांनी विकसीत केल्ल्या पांच चित्रपटांचो आस्पाव आशिल्ल्या ह्या आवृत्तींत सहकार्याच्या यत्नांतल्यान घडयल्ले वेगवेगळे विचार दाखयले. 56व्या भारतीय आंतरराष्ट्रीय चित्रपट महोत्सवाच्या खाला जाल्ल्या ह्या कार्यावळीन परतून एक फावट आपलो हेतू अधोरेखित केलो, उदेवपी कथाकारांचो सोद घेवप आनी तांकां वाडपाक कॅनव्हास, मार्गदर्शन आनी गती दिवप.

मॅरियटांत ग्रॅण्ड ज्युरी आनी ग्रेट ग्रॅण्ड ज्युरी खातीर प्रदर्शन करून सुवाळ्याची सुरवात जाली आनी उपरांत विचारविनिमय जावन पुरस्कार मेळोवप्यांची निमाणी वळेरी तयार जाली. सहभागी, मार्गदर्शक, जूरी वांगडी आनी फिल्म क्षेत्रांतले प्रतिनिधी सृजनशीलताय आनी सहकार्याच्या ह्या उत्सवा खातीर एकठांय आयले. दोनूय जूरीच्या वांगड्यांचो म्हायती आनी प्रसारण मंत्रालयाचे जोड सचीव - डॉ अजय नागभूषण आनी डॉ. के. के. निराळा एनएफडीसीचे व्यवस्थापकीय संचालक श्री प्रकाश मागदूम आणि ShortsTV चे CEO कार्टर पिल्चर हाणी सत्कार केलो.

सीएमओटी 2025 चे पुरस्कार मेळोवपी :

• उत्कृश्ट चित्रपट: द पेपर स्काय (ब्लू टीम)
• उपविजेतो चित्रपट: द स्पिट शो (ग्रीन टीम)
• उत्कृश्ट दिग्दर्शक: रघु अरव – द पेपर स्काय (ब्लू टीम)
• उत्तम पटकथा: विश्वास के – द स्पिट शो (ग्रीन टीम)
• सर्वोत्कृष्ट छायाचित्रण दिग्दर्शक: रमीझ नवीथ (ग्रीन टीम)
• सर्वोत्तम अभिनेता: अर्पित राज (ब्लू टीम)
• सर्वोत्तम अभिनेत्री: सजुमी हमालकर - द स्पिट शो (ग्रीन टीम)

म्हायती आनी प्रसारण मंत्रालय, एनएफडीसी, IFFI,, सीएमओटी फुडारपण, आनी शॉर्टटीव्हीच्या वरिश्ठ अधिकाऱ्यांच्या हाजिरेंत सगळ्या सहभागी पंगडांक प्रमाणपत्रां भेटयलीं.

उपस्थितांक संबोधित करतना, ग्रेट ग्रँड ज्युरीचे अध्यक्ष श्री धर्मेंद्र हाणी  सहभागींच्या अभिनव दृष्टिकोनाचे कौतुक केले आनी  धैर्य आनी प्रामाणिकतेन कथा निर्माण करत राहपाचे आवाहन केले.  एनएफडीसीचे जनरल मॅनेजर श्री अजय धोकें हाणी उपकार मानले.

अंदूंच्या सीएमओटीची एक खाशेली गजाल म्हळ्यार वेव्स कार्यावळी खाला आयोजीत केल्ल्या क्रिएट इन इंडिया चॅलेंज (सीआयसी) – सीझन 1 ह्या सर्तींत तरणाट्या निर्मात्यांची उल्लेखनीय कामगिरी. सीआयसीच्या इकरा विजेत्यांनी वाइल्ड कार्ड एन्ट्री म्हणून सीएमओटींत प्रवेश घेतलो आनी देशांतल्या कांय उत्कृश्ट तरणाट्या चित्रपट निर्मात्यां वांगडा उबे रावून राष्ट्रीय पांवड्यार आपली वळख निर्माण केली.

सीआयसी (CIC) तले स सहभागी सीएमओटी (CMOT) 2025 तल्या जैतिवंत ब्ल्यू टीमचो भाग आशिल्ले:

• अंजली वर्मा (WAM! Challenge)
• हुसेन अब्बास
• अदिती दीक्षित
• वरुण सपकाळ
• एलंगो
• अमित सोनवणे

(सगले WAVES Awards of Excellence तले)

तांच्या पंगडान पयल्या क्रमांकाचे भोवमान मेळयलें, 48 वरां च्या आव्हानांत केल्ल्या उत्कृश्ट कामगिरी खातीर राष्ट्रीय मान्यताय आनी रोख इनामां मेळयलीं.

पांच सीआयसी निर्माते उपविजेते पंगडाचो भाग आशिल्ले, जाका बेस्ट डीओपी, बेस्ट रायटर, बेस्ट अभिनेत्री आनी बेस्ट एनिमेशन अशा मुखेल तंत्रीक विभागांनी भोवमान मेळ्ळो:

• विदित सिंग
• हेर्रम
• मनीष
• आयुष सिंग (Young Filmmakers Challenge)
• चिन्मय नारोटे (WAM! Challenge)

तांच्या ह्या कामगिरींतल्यान भारतांतल्या फुडले पिळगेंतल्या कथाकारांक, तंत्रज्ञांक आनी निर्मात्यांक उंचायेर व्हरपा खातीर तयार केल्ल्या क्रिएट इन इंडिया चॅलेंजाच्या वाडट्या बळग्याचेर भर दिलो.

जिखपी पंगड आनी पुरस्कार वर्गांतल्यान तांची उपस्थिती, देशाची सृजनशील अर्थवेवस्था घडोवपाक आनी जागतीक संद मेळोवपा खातीर सज्ज आशिल्ल्या प्रतिभेक, पोसवण दिवपाक सीआयसीची भुमिका परतून अधोरेखित केली.

क्रिएटिव्ह माइंड्स ऑफ टुमारो (CMOT) विशीं

सीएमओटी हो म्हायती आनी प्रसारण मंत्रालय आनी राष्ट्रीय चित्रपट विकास म्हामंडळाचो (एनएफडीसी) एक मुखेल उपक्रम, जाचो हेतू फुडले पिळगेंतल्या भारतीय कथाकारांक सोदून काडप, मार्गदर्शन आनी प्रदर्शन करप. तरणाट्या प्रतिभे खातीर लाँचपॅड म्हणून तयार केल्लो हो कार्यक्रम भाग घेवप्यांक 48 वरां च्या चॅलेंजीत चित्रपट तयार करपाची आनी आशियांतल्या एका प्रतिश्ठीत चित्रपट महोत्सवांपैकी एकात सादर करपाची एक आगळी संद दिता.

सीएमओटीच्या पांचव्या आवृत्तींत 13 फिल्म क्राफ्टांतल्यान सुमार 125 उदेवपी निर्मात्यांक एकठांय हाडले. 2021 वर्सा सुरू जाले उपरांत सीएमओटीची सातत्यान वाड जाल्या, आदल्या विद्यार्थ्यांनी मुखेल जागतीक महोत्सवांनी प्रदर्शन केलां, राष्ट्रीय मान्यताय मेळयल्या आनी भारताच्या सृजनशील अर्थवेवस्थेंत म्हत्वाचें योगदान दिलां.

क्रिएट इन इंडिया चॅलेंज (सीआयसी) विशीं

क्रिएट इन इंडिया चॅलेंज (CIC) हो म्हायती आनी प्रसारण मंत्रालयाच्या वर्ल्ड ऑडिओ व्हिज्युअल अँड एंटरटेनमेंट समिट (WAVES) खालचो मुखेल उपक्रम, उदेवपी सर्जनशील प्रतिभेखातीर जागतिक व्यासपीठ म्हणून नेटान विकसित जाला. पयल्या सीझनात सुमार एक लाख नोंदणी जाल्यो, तातूंत 60 परस चड देशांतले 1,100 वयर आंतरराष्ट्रीय भाग घेवपी आशिल्ले.

ह्या पूलांतल्यान, 750 फायनलिस्टांनी WAVES 2025 वेळार क्रिएटोस्फीयरांत आपलें काम दाखयलें, एनिमेशन, गेमिंग, एआय, एक्सआर, कॉमिक्स, संगीत आनी हेर सृजनशील विशयांतल्यान नवनिर्माणाचें प्रतिनिधित्व केलें. हातूंत 20 वयर देशांतल्या 43 आंतरराष्ट्रीय फायनलिस्टांचोय आस्पाव आशिल्लो.

सीआयसीन सगळ्या 28 राज्यांतल्यान आनी 8 केंद्रशासित प्रदेशांतल्यान सहभाग नोंद केला, तातूंत निर्माते 12 ते 66 वर्सां पिरायेचे आसात. शिक्षण, संस्कृताय आनी अत्याधुनीक डिजिटल सृजनशीलताय हांचो आस्पाव आशिल्ल्या आव्हानां सयत, सीआयसी संवसारीक सृजनशील अर्थवेवस्थेंत भारताचें वाडत वचपी फुडारपण दाखयता.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel:  https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56