Ha ka International Film Festival of India (IFFI) kaba 56 mynta ka sngi la sakhi ia ka jingpyllait paidbah ïa ka “Rangoli: Roop, Sur, Lay ki – Bhartiya Cinema ke Vihangam Shikhar Vyaktitva,” kaba dei ka jingpynmih lang jong ka Directorate of Publication Division (DPD) bad ka Film & Television Institute of India (FTII), Pune.

Ka kot ka don ia ki artikle kiba bniah shaphang ki phra ngut ki riew pawkhmat jong ka kam shna phlim ka India — u Paddy S. Jeyaraj, Kedar Sharma, Manna Dey, Hrishikesh Mukherjee, Nilu Phule, Basu Chatterjee, Balu Mahendra, bad ka Sumitra Bhave.

Haba ai jingkren ha kane ka jingpyllait paidbah, u Principal Director General ka DPD, u Bhupendra Kainthola u la ong ba kane ka kot ka rah shakhmat ïa ka pateng jong ka magazine ba pawnam jong ka FTII ka Lens Sight. "ia ka Lens Sight la pynmih nyngkong ha ka ktien phareng, bad watla ka FTII hadien ka la pynmih ha ka ktien Hindi, hynrei ka jingsaphriang jong ka, ka dang duna bha. Ka DPD ka la rai ban ai ka rynsan kaba kham heh bad ka jinglah ban ïoh kaba kham iar lyngba ka lad pynpoi jong ngi ha kylleng ka ri. Ngi la kut jingmut ban wanrah ia kane ka pateng kaba riewspah jong ka kam shna phlim ka India kham jan sha ki riewieid cinema ha kylleng ka ri,” u la ong. U Kainthola u la bynrap ba ka jingpynmih ïa ka kot ha ka ktien Hindi ka ïahap bad ka National Education Policy jong ka India, kaba ban jur ïa ka jingpule bad ki bynta ba iadei bad ka kolshor ha ki ktien jong ka ri.

U Director ka FTII u Dhiraj Singh u la batai ia kane ka kot kum ka jingpynshisha ia ka jinglong tynrai ka kam shna phlim jong ka India. "Ki don shibun ki jingmut jingpyrkhat ha kaba iadei bad ki phlim ha ka pyrthei, hynrei haba ngi pynrung ia ki ha ki jingshem ba ngi la im, ki jingthaw kum ka Lens Sight bad ka Rangoli ki mih. Ki dei ka jingshakri jong ngi ia ka kam shna phlim”, la ong u Singh. U la ban jur shuh shuh ia ka jingdonkam jong ka kolshor jong ki jaka kum ka FTII:

"Ki jaka pule kum ka FTII, ka National School of Drama, bad Satyajit Ray Film and Television Institute ki dei ki jingjop jong ka imlang sahlang. Ki long ki sakhi jong ka riti dustur kaba jylliew bad kaba thymmai kaba iadei bad ki phlim ha ka ri jong ngi."

Ka jingpyllait paidbah ïa ka Rangoli ha ka IFFI, ka pyni ïa ka jingangnud jong ka tamasa ban rakhe ïa ka jingtbit ha ka kam shna phlim bad ban pynneh pynsah ïa ka pateng jong ka kam shna phlim ha India.

PC Link:

Shaphang ka Kot: “Ka Rangoli: Roop, Sur, Lay ki – Bhartiya Cinema ke Vihangam Shikhar Vyaktitva” ka dei kaba la pynshong nongrim ha ka pateng saindur jong ka kam shna phlim jong ka India. Kane ka kot ka dei kaba la pynmih lang da ka Publications Division bad ka Film and Television Institute of India (FTII), Pune.

Ka kot ka batai bniah ia ki jingnoh synniang ha ka jingsaindur, ki jingialeh, ka rukom pyrshang, bad ki jingiaid lynti jong ki phra ngut ki riew pawkhmat jong ka kam shna phlim jong ka India — u Paddy S. Jeyaraj, u Kedar Sharma, u Manna Dey, u Hrishikesh Mukherjee, u Nilu Phule, u Basu Chatterjee, u Balu Mahendra, bad ka Sumitra Bhave.

Naduh ka juk ba sngap jar jar kaba sdang jong ka kam shna phlim haduh ka jingroi jong ka teknoloji, ka kam ak phlim, ka jingrwai, ka jingpyniaid, bad ka jingpynbeit, kane ka kot ka ai jingtip ia ki nongpule ia ki tynrai jong ka kam shna phlim jong ka India bad ia ka jingthmu ba itynnad jong ka. Da kaba pyni ia ki jingshem, ki rukom saindur jong ki nongshna phlim, bad ki rukom shna phlim jong ki nongshna phlim, kane ka kam ka long kum ka tiar wadbniah kaba kordor ym tang na ka bynta ki samla pule cinema hynrei wat ia  ki nongieit ia ka kam saindur.

Shaphang ka IFFI

La sdang ha u snem 1952, ka International Film Festival of India (IFFI) ka ieng skhem kum ka jingrakhe kaba la rim bad kaba heh tam ha South Asia ha ka kam ba iadei bad ki phlim. La pynlong lang da ka National Film Development Corporation (NFDC), ka Tnad Information and Broadcasting, Sorkar india bad ka Entertainment Society of Goa (ESG), ka Sorkar Jylla Goa,kane ka tamasa ka la nangroi sha ka jaka ba don bor ha ka pyrthei ha ka kam pynmih phlim—ha kaba ki phlim hyndai ba la pynthymmai ki ïakynduh ïa ki jingpyrshang ba shlur bad ki briew kiba la pynskhem ialade ha kane ka kam ki iakynduh ia kito kiba dang sdang ha kane ka kam. Kaba pynlong ïa ka IFFI ban tyngshaiñ shisha ka dei ka jingbun ki bynta—ki jingïakob ha kylleng ka pyrthei, ki jingpyni ïa ka kolshor, ki masterclass, ki jingai burom, bad ka WAVES Film Bazaar ba shitrhem bha, ha kaba ki jingmut, ki jingïateh bad ki jingïatreilang ki kiew shaphrang. Ha ka jingpynlong ha rud duriaw jong ka Goa naduh ka 20–28 tarik u Naiwieng, ka bynta kaba 56 kan don ki bynta jong ki ktien bapher bapher , ki jait phlim bapher bapher, ki jingsaindur thymmai, bad ki sur—ka jingrakhe ïa ka jingtbit ka India ha ka kam saindur jong ka pyrthei.

Ban ioh jingtip shuh shuh, shon ha ka:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel:  https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *