#IFFIWood, 25 नोव्‍हेंबर 2025

56व्या  भारतीय आंतरराष्ट्रीय चित्रपट महोत्सवांत आयज “रंगोली: रूप, सूर, लय की – भारतीय सिनेमा के विहंगम शिखर व्याक्तित्व” हें पुस्तक डायरेक्टरेट ऑफ़ पब्लिकेशन डिवीज़न (DPD) आनी फ़िल्म एंड टेलीविज़न इंस्टीट्यूट ऑफ़ इंडिया (FTII), पुणे हांणी सहकार्यान उजवाडायले.

ह्या पुस्तकांत  पॅडी एस. जयराज, केदार शर्मा, मन्ना डे, ऋषिकेश मुखर्जी, निळू फुले, बासु चटर्जी, बाळू महेंद्र आनी  सुमित्रा भावे ह्या भारतीय सिनेमांतल्या आठ उंचेल्या पांवड्यावेल्या व्यक्तिमत्त्वांचेर खोलायेन लेख आसात. 

FTIIच्या लेन्स साइट ह्या प्रशंसीत नेमाळ्याचो दायज हें पुस्तक मुखार व्हरता अशें  उक्तावण सुवाळ्यांत उलयतना DPDचे मुखेल संचालक श्री भूपेंद्र कैंथोला हांणी म्हळें. "लेन्स साइट मुळांत इंग्लीशींत प्रकाशित जाल्ले, आनी उपरांत जरी FTIIन ताची हिंदी आवृत्ती प्रकाशित केली तरीय ताचो आवाठ मर्यादीत उरलो . DPDन आमच्या देशभरांतल्या वितरण नेटवर्का वरवीं ताका व्हड प्लॅटफॉर्म आनी व्यापक सुलभताय दिवपाचें थारायलें. भारतीय सिनेमाचो हो गिरेस्त दायज देशभरांतल्या सिने मोगींकडेन लागीं हाडपाक आमी कटिबद्ध आसात," अशें तांणी सांगलें. हिंदींत हें पुस्तक उजवाडावप भारताच्या राष्ट्रीय शिक्षण धोरणाकडेन सुसंगत आसा , जे भारतीय भाशांनी शिकप आनी संस्कृतीक साधनां हांचेर भर दिता अशें श्री कैंथोला हांणी सांगलें." 

FTII संचालक श्री धीरज सिंह हांणी  हे पुस्तक म्हळ्यार भारताच्या सिनेमा दायजाची गवाय आसा अशें म्हळें. "संवसारांत जायते सिनेमा सिध्दांत आसात, पूण जेन्ना आमी तातूंत आमच्या जियेल्ल्या अणभवांनी एकठांय करतात तेन्ना लेन्स साइट आनी रंगोली सारकिल्ल्यो निर्मिती उदेतात. ती सिनेमाची आमची सेवा" अशें सिंह हांणी सांगलें. ताणें FTII सारकिल्ल्या संस्थांच्या संस्कृतीक म्हत्वाचेर आनीक भर दिलो:

“FTII, नॅशनल स्कूल ऑफ ड्रामा, सत्यजीत रे फिल्म अँड टेलिव्हिजन इन्स्टिट्यूट सारकिल्ल्यो संस्था संस्कृतायेच्यो उपलब्धी.आमच्या देशांतल्या खोल आनी जिवंत सिनेमा परंपरेचो ते पुरावे आसात.”

इफ्फींत रंगोलीचें प्रकाशन, सिनेमा उत्कृश्टताय मनोवपाची आनी भारताचें चित्रपट दायज तिगोवन दवरपाची महोत्सवाची सेगीतं वचनबद्धताय ठळकपणान दाखयता. 

पुस्तकाविशीं: “रंगोली: रूप, सुर, लय की – भारतीय सिनेमा के विहंगम शिखर व्याक्तित्व” भारतीय सिनेमाच्या सृजनशील दायजाचेर आदारीत आसा. हें पुस्तक पब्लिकेशन्स डिवीज़न आनी फिल्म एंड टेलीविज़न इंस्टीट्यूट ऑफ़ इंडिया (FTII), पुण्याचें संयुक्त प्रकाशन आसा.

भारतीय सिनेमांतल्या आठ उंचेल्या पांवड्यावेल्या व्यक्तिमत्त्वांचे -पॅडी एस. जयराज, केदार शर्मा, मन्ना डे, ऋषिकेश मुखर्जी, निळू फुले, बासु चटर्जी, बाळू महेंद्र आनी  सुमित्रा भावे  हांच्या सृजनशील योगदानाचें, संघर्शांचें, प्रयोगात्मक पद्दतीचें आनी कला प्रवासाचें विस्तारान चित्रण ह्या पुस्तकांत केलां.

सिनेमाच्या सुरवेच्या मूकयुगा सावन तंत्रगिन्यान, अभिनय, संगीत, दिग्दर्शन, एडिटिंग हांच्या विकासा मेरेन ह्या पुस्तकांतल्यान भारतीय सिनेमाचीं मुळां आनी ताचे सौंदर्यात्मक दृष्टिकोनाची वळख जाता. चित्रपट निर्मात्यांचे अणभव, कलात्मक दृष्टिकोन आनी सृजनशील प्रक्रिया सादर करपी हें पुस्तक फकत सिनेमाच्या विद्यार्थ्यां खातीर न्हय तर कलेच्या मोगीं खातीरय अमूल्य संशोधन साहित्य म्हणून थारता.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite:https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56