Ka IFFIESTA 2025, kaba la pynlong da ka Doordarshan ha ryngkat ka jingiatreilang bad ka WAVES OTT, ka la kut noh hadien saw tylli ki janmiet jong ki jingpyni ia ki jingrwai ba sngewtynnad, ki jingpyni ia ka kolshor bad ki jingiamir jingmut jong ki barikor, kaba la pynlong kum shi bynta jong ka International Film Festival of India (IFFI) kaba 56 jha Dr. Shyama Prasad Mukherjee Indoor Stadium ha Goa.

Ka Sngi kaba 1: Ka Jingplie paidbah ka pynkhreh na ka bynta ki jinglehkmen jong ka kolshor

Ha kane ka janmiet kaba nyngkong la wanrah lang ïa ki riew pawkhmat kiba kynthup ïa u Anupam Kher, u nongthaw jingrwai uba la ïoh ïa ka khusnam Oscar u M.M. Ka Keeravani, ka aktor kaba la ioh khusnam National Award ka Aimee Baruah, u Ravi Kottarakara, bad u nongrwai MP ka South Korea u Jaewon Kim, ha ryngkat u K. Satish Nambudiripad, Director General ka Doordarshan.

U DG, Doordarshan u la pynpaw ïa ka jingkylla digital jong ka kynhun treikam lyngba ka WAVES OTT bad ka jingshimkhia jong ka ban iada ia ki jingpynbyrngia na ka bynta ka longing. U Anupam Kher u la pynkynmaw da ka jingsngewtynnad ïa ka bynta jong ka Doordarshan ha kaba pynwan dur ïa ki pateng. Ha kane ka janmiet ka la don ka jingrwai Vande Mataram da u Jaewon Kim, bud sa ka jingpyni live da u Osho Jain.

Ka sngi kaba 2: Ki kynhun tem, ki jingrwai bad ki jingrwai tynrai ki pynsngewtynnad ïa ki nongsngap

La pynïaid da ka Neetu Chandra bad ka Niharica Raizada, ka sngi kaba ar ka sakhi ïa ka jingïakhun ba shyrkhei jong ki kynhun tem hapdeng ka The Bandits (India) bad ka Beats of Love (International).

Ka Suron Ka Eklavya, kaba la don lang ka Pratibha Singh Baghel bad ki nongiashim bynta kyrpang, ka la pynhun ia ki nongpeitkai, katba ka Vusat Iqbal Khan, ka pyni ia ka Folk & Fusion – Mitti Ki Awaaz hapoh ka bynta Waah Ustad.

Ka Sngi kaba 3: Ka Sufi, Bhakti bad Ki Jingpynbyrnia ba shongshit ia Ka Janmiet

La pynïaid da ka Niharica Raizada, ha ka sngi kaba 3 la kynthup ïa ka jingïakop tem hapdeng ka MH43 (India) bad ka The Swastik (International).

Ka Suron Ka Eklavya ka la pyni ia ka kynhun jingrwai kaba la ialam da ka Pratibha Singh Baghel, bud sa ki jingpyni jong ki Waah Ustad kiba la ai kyrteng Sufi & Bhakti – Ishq Aur Bhakti Ki Ek Sur, kaba ai sha ki nongpeitkai ia ka jingkhleh lang jong ka jingaiti lut bad ka jingtbit ha ka put ka tem.

Ka sngi kaba 4: Ka Jingsaindur tynrai, Ka Jingïasoh bad ki Phlim ki Rakhe ïa Ka Kolshor jong ka Ri India

Ha kane ka janmiet kaba khatduh, kaba la pynïaid da ka Niharica Raizada, ka la don ka Battle of Bands hapdeng ka The Vairagis (India) bad ka Knights.

Ki paidbah ki la sngewtynnad bha ïa ka Devanchal ki Prem Katha, ka jingpynbyrnia kaba pyni ia ki kam tynrai ka Himachali, kaba la ïashim bynta da u Raza Murad, u Ather Habib,  Kirti Nagpure,  Dinesh Vaidya,  Milan Singh, bad ka Aditi Shastri.

Ka phainal jong ka Waah Ustad — ka Raga & Cinema Fusion: Sur Se Cinema Tak — ka la wanrah lang ïa ka jingrwai barim bad ka jingrwai ba sngewtynnad, kaba la pynkut ïa ka jingrakhe ha ka jingshongshit.

Baroh saw tylli ki janmiet la pyni live ha ka DD Bharati, kaba la pyni lyngba ka WAVES OTT, bad ki mat ba kongsan ha ka DD National. Ka IFFIESTA 2025 ka la kut da ki jingiashim bynta ba iphuh iphieng bad ki por kiba sngewtynnad, kiba pyni ia ka jingiar ha ka liang ka jingsaindur bad ka bor jong ka kolshor kaba batai ia ka IFFI. Katba ka tamasa ka dang kut, ka jingkmen, ka jingsawa bad ka jinglong tynrai jong ka IFFIESTA ka la nang sah ha ki nongpeitkai.

* * *