ਇਫੀਐਸਟਾ 2025 ਨੂੰ ਦੂਰਦਰਸ਼ਨ ਨੇ ਵੇਵਸ ਓਟੀਟੀ ਦੇ ਸਹਿਯੋਗ ਨਾਲ 56ਵੇਂ ਅੰਤਰਰਾਸ਼ਟਰੀ ਫਿਲਮ ਫੈਸਟੀਵਲ (ਇਫੀ) ਦੇ ਹਿੱਸੇ ਵਜੋਂ ਗੋਆ ਸਥਿਤ ਡਾ. ਸ਼ਯਾਮਾ ਪ੍ਰਸਾਦ ਮੁਖਰਜੀ ਇਨਡੋਰ ਸਟੇਡੀਅਮ ਵਿੱਚ ਆਯੋਜਿਤ ਕੀਤਾ ਸੀ, ਜਿਸ ਦੀ ਸਮਾਪਤੀ ਚਾਰ ਸ਼ਾਮਾਂ ਤੱਕ ਜੀਵੰਤ ਸੰਗੀਤ ਪੇਸ਼ਕਾਰੀਆਂ, ਸੱਭਿਆਚਾਰਕ ਪ੍ਰੋਗਰਾਮਾਂ ਅਤੇ ਕਲਾਕਾਰਾਂ ਦੇ ਨਾਲ ਸੰਵਾਦ ਨਾਲ ਹੋਈ। 

ਦਿਨ 1: ਸ਼ਾਨਦਾਰ ਉਦਘਾਟਨ ਨੇ ਸੱਭਾਚਾਰਕ ਉਤਸਵ ਦਾ ਮਾਹੌਲ ਬਣਾਇਆ

ਉਦਘਾਟਨੀ ਸੈਸ਼ਨ ਵਿੱਚ ਪ੍ਰਸਿੱਧ ਹਸਤੀਆਂ ਨੇ ਹਿੱਸਾ ਲਿਆ, ਜਿਸ ਵਿੱਚ ਸ਼੍ਰੀ ਅਨੁਪਮ ਖੇਰ, ਔਸਕਰ ਜੇਤੂ ਸੰਗੀਤਕਾਰ ਸ਼੍ਰੀ ਐੱਮ.ਐੱਮ. ਕੀਰਵਾਨੀ, ਰਾਸ਼ਟਰੀ ਪੁਰਸਕਾਰ ਜੇਤੂ ਅਭਿਨੇਤ੍ਰੀ ਆਇਮੀ ਬਰੂਆ, ਰਵੀ ਕੋੱਤਰਕਾਰਾ ਅਤੇ ਦੱਖਣੀ ਕੋਰਿਆਈ ਐੱਮ-ਸਿੰਗਰ ਜੈਵੌਨ ਕਿਮ ਦੇ ਨਾਲ-ਨਾਲ ਸ਼੍ਰੀ ਕੇ. ਸਤੀਸ਼ ਨੰਬੂਦਿਰਿਪਾਦ, ਡਾਇਰੈਕਟਰ ਜਨਰਲ, ਦੂਰਦਰਸ਼ਨ ਸ਼ਾਮਲ ਸਨ।

ਦੂਸਰਾ ਦਿਨ: ਬੈਂਡ, ਸੁਰ ਅਤੇ ਲੋਕ ਸੰਗੀਤ ਦੇ ਸੁਮੇਲ ਨੇ ਦਰਸ਼ਕਾਂ ਨੂੰ ਮੋਹ ਲਿਆ

ਦੂਰਦਰਸ਼ਨ ਦੇ ਡਾਇਰੈਕਟਰ ਜਨਰਲ ਨੇ ਵੇਵਸ ਓਟੀਟੀ ਰਾਹੀਂ ਸੰਗਠਨ ਦੇ ਡਿਜੀਟਲ ਬਦਲਾਅ ਅਤੇ ਸੁਰੱਖਿਅਤ ਪਰਿਵਾਰਕ ਮਨੋਰੰਜਨ ਪ੍ਰਤੀ ਇਸ ਦੀ ਵਚਨਬੱਧਤਾ ‘ਤੇ ਚਾਨਣਾ ਪਾਇਆ। ਸ਼੍ਰੀ ਅਨੁਪਮ ਖੇਰ ਨੇ ਪੀੜ੍ਹੀਆਂ ਦੇ ਨਿਰਮਾਣ ਵਿੱਚ ਦੂਰਦਰਸ਼ਨ ਦੀ ਭੂਮਿਕਾ ਨੂੰ ਯਾਦ ਕੀਤਾ। ਇਸ ਸੈਸ਼ਨ ਵਿੱਚ ਜੈਵੋਨ ਕਿਮ ਦੁਆਰਾ ‘ਵੰਦੇ ਮਾਤਰਮ’ ਦਾ ਗਾਇਨ ਪੇਸ਼ ਕੀਤਾ, ਇਸ ਤੋਂ ਬਾਅਦ ਓਸ਼ੋ ਜੈਨ ਦੀ ਲਾਈਵ ਪੇਸ਼ਕਾਰੀ ਹੋਈ।

ਦੂਸਰੇ ਦਿਨ ਦੇ ਪ੍ਰੋਗਰਾਮ ਦਾ ਸੰਚਾਲਨ ਨੀਤੂ ਚੰਦ੍ਰਾ ਅਤੇ ਨਿਹਾਰਿਕਾ ਰਾਏਜ਼ਾਦਾ ਨੇ ਕੀਤਾ, ਜਿਸ ਵਿੱਚ ਦ ਬੈਂਡਿਟਸ (ਭਾਰਤ) ਅਤੇ ਬੀਟਸ ਆਫ ਲਵ (ਅੰਤਰਰਾਸ਼ਟਰੀ) ਦੇ ਦਰਮਿਆਨ ਇੱਕ ਜ਼ੋਰਦਾਰ ਮੁਕਾਬਲਾ ਦੇਖਿਆ ਗਿਆ।

ਪ੍ਰਤਿਭਾ ਸਿੰਘ ਬਘੇਲ ਅਤੇ ਮਹਿਮਾਨ ਕਲਾਕਾਰਾਂ ਦੀ ਪੇਸ਼ਕਾਰੀ ‘ਸੁਰੋਂ ਕਾ ਏਕਲਵਯ’ ਨੇ ਦਰਸ਼ਕਾਂ ਦਾ ਮਨ ਮੋਹ ਲਿਆ, ਜਦਕਿ ਵੁਸਾਤ ਇਕਬਾਲ ਖਾਨ ਨੇ ‘ਵਾਹ ਉਸਤਾਦ’ ਸੈੱਗਮੈਂਟ (ਭਾਗ) ਦੇ ਤਹਿਤ ਲੋਕ ਗਾਇਨ ਅਤੇ ਮਿਸ਼ਰਣ –ਮਿੱਟੀ ਕੀ ਆਵਾਜ਼ ਪੇਸ਼ ਕੀਤੀ।

ਤੀਸਰਾ ਦਿਨ: ਪ੍ਰੋਗਰਾਮ ਦੀ ਵਿਸ਼ੇਸ਼ਤਾ ਸੀ- ਸੂਫੀ, ਭਗਤੀ ਅਤੇ ਊਰਜਾ ਨਾਲ ਓਤ-ਪ੍ਰੋਤ ਪੇਸ਼ਕਾਰੀ 

ਨਿਹਾਰਿਕਾ ਰਾਏਜ਼ਾਦਾ ਦੁਆਰਾ ਸੰਚਾਲਿਤ ਤੀਸਰੇ ਦਿਨ ਦੇ ਪ੍ਰੋਗਰਾਮ ਵਿੱਚ ਐੱਮਐੱਚ43 (ਭਾਰਤ) ਅਤੇ ਦ ਸਵਾਸਤਿਕ (ਅੰਤਰਰਾਸ਼ਟਰੀ) ਦੇ ਦਰਮਿਆਨ ਇੱਕ ਸੰਗੀਤਕ ਮੁਕਾਬਲਾ ਸ਼ਾਮਲ ਸੀ। 

ਚੌਥਾ ਦਿਨ: ਲੋਕ ਕਲਾ, ਸਿਨੇਮਾ ਫਿਊਜ਼ਨ ਅਤੇ ਸ਼ਾਨਦਾਰ ਸਮਾਪਤੀ ਨੇ ਭਾਰਤ ਦੀ ਸੱਭਿਆਚਾਰਕ ਵਿਭਿੰਨਤਾ ਦਾ ਜਸ਼ਨ ਮਨਾਇਆ

 ਸੁਰੋਂ ਕਾ ਏਕਲਵਯ ਪ੍ਰੋਗਰਾਮ ਵਿੱਚ ਪ੍ਰਤਿਭਾ ਸਿੰਘ ਬਘੇਲ ਦੀ ਅਗਵਾਈ ਵਿੱਚ ਇੱਕ ਆਤਮਾ-ਨੂੰ ਛੂਹਣ ਵਾਲੀ ਲਾਈਨਅੱਪ ਪੇਸ਼ ਕੀਤਾ ਗਿਆ, ਉਸ ਤੋਂ ਬਾਅਦ ਵਾਹ ਉਸਤਾਦ ਸ਼ੋਅਕੇਸ ਨੇ, ਜਿਸਨੂੰ ਸੂਫੀ ਔਰ ਭਗਤੀ ਕੀ ਏਕ ਸੁਰ ਕਿਹਾ ਗਿਆ, ਦਰਸ਼ਕਾਂ ਨੂੰ ਭਗਤੀ ਅਤੇ ਸੰਗੀਤਮਈ ਨਿਪੁੰਨਤਾ ਦਾ ਸੁਮੇਲ ਪ੍ਰਦਾਨ ਕੀਤਾ। 

ਆਖਰੀ ਸ਼ਾਮ ਦੇ ਪ੍ਰੋਗਰਾਮ ਨੂੰ ਨਿਹਾਰਿਕਾ ਰਾਏਜ਼ਾਦਾ ਨੇ ਸੰਚਾਲਿਤ ਕੀਤਾ, ਜਿਸ ਵਿੱਚ ਦ ਵੈਰਾਗੀਜ਼ (ਭਾਰਤ) ਅਤੇ ਨਾਈਟਸ ਦੇ ਦਰਮਿਆਨ ਬੈਟਲ ਆਫ ਬੈਂਡਸ ਸ਼ਾਮਲ ਸਨ।

ਦਰਸ਼ਕਾਂ ਨੇ ਦੇਵਾਂਚਲ ਦੀ ਪ੍ਰੇਮ ਕਥਾ ਦਾ ਮਜ਼ਾ ਲਿਆ, ਜੋ ਇੱਕ ਲਾਈਵ ਹਿਮਾਚਲੀ ਲੋਕ ਪੇਸ਼ਕਾਰੀ ਸੀ, ਜਿਸ ਵਿੱਚ ਰਜ਼ਾ ਮੁਰਾਦ, ਅਥਰ ਹਬੀਬ, ਕੀਰਤੀ ਨਾਗਪੁਰੇ, ਦਿਨੇਸ਼ ਵੈਦਯ, ਮਿਲਨ ਸਿੰਘ ਅਤੇ ਅਦਿਤੀ ਸ਼ਾਸਤਰੀ ਨੇ ਅਦਾਕਾਰੀ ਕਲਾ ਦਾ ਪ੍ਰਦਰਸ਼ਨ ਕੀਤਾ। 

ਵਾਹ ਉਸਤਾਦ ਫਿਨਾਲੇ-ਰਾਗਾ ਐਂਡ ਸਿਨੇਮਾ ਫਿਊਜ਼ਨ ਸੁਰ ਸੇ ਸਿਨੇਮਾ ਤੱਕ- ਸ਼ਾਸਤਰੀ ਕੌਸ਼ਲ ਅਤੇ ਸਿਨੇਮਾਈ ਸੁਰੀਲੀ ਧੁਨ ਨੂੰ ਇਕੱਠਿਆ ਲੈ ਕੇ ਆਇਆ ਅਤੇ ਉੱਚੇ ਸੁਰ ਵਿੱਚ ਉਤਸਵ ਦੀ ਸਮਾਪਤੀ ਹੋਈ।

ਚਾਰ ਸ਼ਾਮਾਂ ਦੇ ਸਾਰੇ ਪ੍ਰੋਗਰਾਮਾਂ ਨੂੰ ਡੀਡੀ ਭਾਰਤੀ ‘ਤੇ ਲਾਈਵ ਪ੍ਰਸਾਰਿਤ ਕੀਤਾ ਗਿਆ, ਵੇਵਸ ਓਟੀਟੀ ‘ਤੇ ਸਟ੍ਰੀਮ ਕੀਤੇ ਗਏ, ਜਦਕਿ ਡੀਡੀ ਨੈਸ਼ਨਲ ‘ਤੇ ਝਲਕੀਆਂ ਦਿਖਾਈਆਂ ਗਈਆਂ। ਇਫੀਐਸਟਾ 2025 ਦੀ ਸਮਾਪਤੀ ਸ਼ਕਤੀਸ਼ਾਲੀ ਪ੍ਰਦਰਸ਼ਨ ਅਤੇ ਦਿਲ ਨਾਲ ਭਰੇ ਪਲਾਂ ਨਾਲ ਹੋਈ, ਜੋ ਇਫੀ ਦੀ ਕਲਾਤਮਕ ਵਿਭਿੰਨਤਾ ਅਤੇ ਸੱਭਿਆਚਾਰਕ ਊਰਜਾ ਨੂੰ ਪ੍ਰਦਰਸ਼ਿਤ ਕਰਦੀ ਹੈ। ਫੈਸਟੀਵਲ ਦੇ ਖਤਮ ਹੋਣ ਦੇ ਨਾਲ ਹੀ ਇਫੀਐਸਟਾ ਦੀ ਖੁਸ਼ੀ, ਲੈਅ ਅਤੇ ਸਿਨੇਮੈਟਿਕ ਭਾਵਨਾ ਦਰਸ਼ਕਾਂ ਦੇ ਨਾਲ ਗੂੰਜਦੀ ਰਹੀ।

* * *

PIB IFFI CAST AND CREW | ਜੈਦੇਵੀ ਪੁਜਾਰੀ ਸਵਾਮੀ/ਐਡਗਰ ਕੋਏਲਹੋ/ਮੋਹੰਮਦ ਅਕੀਬ ਖਾਨ/ ਦਰਸ਼ਨਾ ਰਾਣੇ/ਸ਼ੀਨਮ ਜੈਨ| IFFI 56 - 074