#IFFIWood, 25 नोव्हेंबर 2025

56व्या भारतीय आंतरराष्ट्रीय चित्रपट महोत्सवाचो एक भाग म्हणून दूरदर्शनान वेव्हज ओटीटीच्या जोड पालवान गोयांतल्या डॉ. श्यामा प्रसाद मुखर्जी इनडोअर स्टेडियमात घडोवन हाडिल्ल्या IFFIESTA 2025 हे कार्यावळीचो समारोप जालो. हे कार्यावळींत चार सांजवेळांचेर रंगतदार संगीतिक सादरीकरणां,सांस्कृतीक कार्यावळी आनी कलाकार संवाद घडोवन हाडले.

दीस 1: भव्य उक्तावण सांस्कृतीक उत्सवांक चालना दिता

उक्तावणाच्या सांजवेळार श्री अनुपम खेर, ऑस्कर विजेतो संगीतकार श्री एम.एम. कीरवानी, राष्ट्रीय पुरस्कार फावो जाल्ली अभिनेत्री ऐमी बरुआह, रवी कोट्टारकारा आनी दक्षिण कोरियेच्यो खासदार-गायिका जेवॉन किम हांच्या सयत दूरदर्शनाचे महासंचालक श्री के. सतीश नंबुदिरीपाद आनी हेर मानेस्त हजर आशिल्ले.

दूरदर्शनाच्या महासंचालकानीं WAVES OTT वरवीं संघटनेच्या डिजिटल संक्रमणाचेर आनी सुरक्षीत कुटुंब मनरिजवणे खातीर तांची बांधिलकी उक्तायली. श्री अनुपम खेर हांणी पिळग्यांक आकार दिवपाक दूरदर्शनाची भुमिका मोगान याद केली. सांजवेळार जेवॉन किम हाणी “वंदे मातरम्” गायले, उपरांत ओशो जैन हाचे लाईव्ह परफॉर्मन्स जाले.

दीस 2 : बँड्स, मेलडी आनी फोक फ्यूजनान प्रेक्षकांक मंत्रमुग्ध केले

दुसऱ्या दिसाचे सूत्रसंचालन नीतू चंद्रा आनी निहारिका रायझादा हाणी केले. ह्या दिसा द बॅन्डिट्स (इंडिया) आणि बीट्स ऑफ लव्ह (इंटरनॅशनल) हांच्या कार्यावळींनी प्रेक्षकांचें लक्ष वेधून घेतलें.

प्रतिभा सिंग बाघेल आनी अतिथी कलाकारांनी सादर केल्ल्या “सुरों का एकलव्य” हे कार्यावळीन प्रेक्षकांची मनां जिंकली, जाल्यार वुसात इकबाल खान हाणें Waah Ustad विभागात “फोक & फ्युजन – मिट्टी की आवाज़” सादर केले.

दिस 3: सांजवेळार सूफी, भक्ती आनी उच्च-ऊर्जा सादरीकरणां

निहारिका रायजादा हाणें सूत्रसंचालन केल्ल्या तिसऱ्या दिसा एमएच43 (इंडिया) आनी द स्वस्तिक (इंटरनॅशनल) हांच्यो कार्यावळी जाल्यो.

प्रतिभा सिंग बाघेल हांच्या फुडारपणा खाला “सुरों का एकलव्य” न भावपूर्ण सादरीकरण केले, उपरांत वाह उस्ताद विभागांत “सूफी & भक्ति – इश्क और भक्ति की एक सुर” ह्या सादरीकरणान प्रेक्षकांक भक्ती आनी संगीत कौशल्याचो सोबीत संगमाचो अणभव घेवंक मेळ्ळो.

दिस 4: लोककला, सिनेमा फ्यूजन आनी ग्रँड फिनाले भारताच्या सांस्कृतिचो उत्सव

निहारिका रायजादा हांणी सूत्रसंचालन केल्ल्या निमाण्या सांजवेळार द वैरागी (भारत) आनी नाईट्स हांच्यो कार्यावळी जाल्यो.

प्रेक्षकांनी देवांचल की प्रेम कथा हे हिमाचली लोकगीताचो आनंद घेतलो, जातूंत रझा मुराद, अथेर हबीब, कीर्ती नागपुरे, दिनेश वैद्य, मिलन सिंग आनी अदिती शास्त्री हांचो आस्पाव आशिल्लो.

वाह उस्ताद फिनाले —“राग & सिनेमा फ्युजन: सुर से सिनेमा तक” शास्त्रीय प्रतिभा आनी चित्रपट संगीत संगम सादर करून उत्सवाचो समारोप जालो.

चारय सांजवेळांचे डीडी भारतीचेर थेट प्रसारन जाले, WAVES OTT चेर स्ट्रीम जाल्यो आनी दूरदर्शन नॅशनलचेर हायलाइट्स प्रदर्शित केल्यो. IFFIESTA 2025 सामर्थ्यवान सादरीकरणां आनी भावपूर्ण क्षणांनी संपन्न जाली, जातूंत IFFI ची कलात्मक वैविध्यता आनी सांस्कृतिक ऊर्जा प्रतिबिंबित जाली.

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56