#IFFIWood, 25 नोव्‍हेंबर 2025

“ज़िंदगी लैला है, उसे मजनू की तरह प्यार करो…”

ही ओळ एका अभिजात हिंदी क्लासिक फिल्माच्या सुरवातीच्या संवादां भशेन भिडता -बोल्ड, काव्यात्मक आनी जिणे परस व्हड. विसाव्या शेंकड्यांतल्या एका नामनेच्या हिंदी लेखक पद्मभूषण अमृतलाल नागराची ही एक फामाद म्हण, जांणी फकत जीण जगूंक  ना जाल्यार -ताणें ती  सादर केली , ताचेर  मोग केलो आनी ती एका  उत्सवांत रुपांतरीत केली.

आनी आयज इफ्फी 2025त तो उत्सव दोन ज़बरदस्त कथांनी मुखार आयलो, जेन्ना ‘वन्य’ आनी ‘चौक यूनिवर्सिटी का वाइस चांसलर’ – पद्मभूषण अमृतलाल नागर हांचो पंगड पत्रकार परिशदेखातीर एकठांय आयलो आनी एकेच सिनेमाच्या माचयेर दोन वेगवेगळे संवसारांचो मेळ जालो अशें दिसलें.

The team of the film 'Chalo India with Eric ji', 'Vanya' & 'Chowk University ka vice Chancellor' during the press conference at the 56th International Film Festival of India#IFFI2025 #IFFI56 #IFFI56 pic.twitter.com/2oR3rBaHJt

— PIB in Goa 🇮🇳 (@PIB_Panaji) November 25, 2025

एके वटेन भावनीक रितीन भरिल्लें, सैमांत ओतप्रोत जाल्ले फिल्म ‘वान्या’ उबें आशिल्लें, दिग्दर्शक बदिगर देवेंद्र आनी अभिनेत्री मेघना बेलावाडी हांणी एका मनशाचें राना कडेन आशिल्लें अखंड नातें दाखोवपाचो तांचो प्रवास वर्णीत केलो . दुसरे वटेन दिग्दर्शक सविता शर्मा नागर आनी राजेश अमरोही हांणी नागर जीच्या वारश्याचेर उजवाड घालो  -ते  एक लिटरेरी आइकॉन आसा जांच्या  विनोद, मानवतावाद आनी सांस्कृतीक खोलायेन पिळग्यांक आकार दिलो.

एक लिटरेरी लेजेंड पडद्याचेर परतून जिवीत जालो 

दिग्दर्शक सविता शर्मा नागर आनी राजेश अमरोही हांणी आपल्या डॉक्युमेंटरी शैलीच्या फिल्मा विशीं उत्कटतेने म्हायती दिली , आदरणीय लेखक अमृतलाल नागर- एक  कलाकार जे “स्वतांच  एक उत्सव” अशें वर्णन तांणी केलें.

सविता शर्मा नागरान सांगले की, "जिणेंतलो अंतहीन आनंद, नागर जी ज्या पद्धतीने जगले त्या आनंदाक अत्यंत बारीकसाणीन आनी मंत्रमुग्ध करपी पद्धतीन हो चित्रपट मनयता. तांचो विनोद, तांचे सादेपण, तांची खोलाय... सगळें पडद्याचेर मोगान जपपाक  फावो आशिल्लें."

नागरजीच्या जिवितांतल्या खिणांचेर संशोधन आनी पुनर्निर्मिती करपाक पंगडान पांच वर्सां काडली अशें तिणें सांगले. खूब उणे फोटो उपलब्ध आशिल्ल्यान तांणी यादी, मुलाखती आनी साहित्यीक अभिलेखागार हांचेर आदारून हे कथेचे सात मसुदे तयार केले. "आम्ही आमच्या लेखकांचे फावो तशे कवतुक करना . हो  चित्रपट ह्या  लेजेंडाक आमची श्रद्धांजली" अशें तिणें स्पश्ट केलें.

सह-दिग्दर्शक राजेश अमरोही हांणी फुडें सांगले की, “अमृतलाल नागरान फकत मनरिजवणे खातीर बरयलें ना. ताणें आमच्या देशाच्या सांस्कृतीक आनी समाजीक इतिहासाचें दस्तावेजीकरण केलें. आधुनीक भारतीय साहित्यांतलो तो एक बहुआयामी आवाज.”

समिक्षक, लेखक आनी नागराच्याच कुटुंबा कडेन केल्लीं विस्तारीत मुलाखती वापरून तांच्या चित्रपटांत पुनर्निर्मित केल्ल्यो  घडणुको आसात , ताच्या जिविताचेर उजवाड घालतात, ज्या मनशाच्या साहित्यांत अजूनय समाजाचें प्रतिबिंब आश्चर्यकारक प्रासंगिकतेन दिसता. 

वान्या: अ बॅटल बिटवीन द वाइल्ड अँड द वर्ल्ड-अँड  द लव्ह इन बिटवीन

माचयेर  दिग्दर्शक बदीगर देवेंद्र हांणी आपलो कन्नड फिचर फिल्म वान्याची वळख करून दिली- ही एक जाण्टो मनीस, जाका वेवस्था जबरदस्तीन भायर काडपाचो यत्न करता आसतना लेगीत आपली रानांतली खोंप सोडपाक तो न्हयकार दिता. देवेंद्रान ह्या सिनेमाचें वर्णन केलां की “शारी जिणेंतली गोंगाटयुक्त  चिंता आनी रानांतले मौन, भावपूर्ण सत्य हांच्यातलो फरक .”

जाण्ट्या मनशाचे चलयेचो रोल करपी अभिनेत्री मेघना बेलावाडीन आपल्या पात्रांतल्या भावनिक गुंतागुंताचेर उलोवप केलें. "ती अभिव्यक्तीशील न्हय. ती चिडलेली, संघर्श करपी आनी बापायक पटवपा खातीर भावनीक सापळ्यांत आडकिल्ली चली. पूण तो केन्नाच तिचो मोग करता अशें म्हणना तरी तो तें दाखयता-आनी ती शांत कोमलता म्हाका खोलायेन भावली ," अशे तिणें जोडलें. 

तरणाट्या सह-अभिनेत्या वांगडा काम करपा विशीं उलयतना तिणें अदिक सांगलें की “पडद्या फाटल्यान ताका सुरक्षीत दिसता हाची हांवे खात्री करून घेतली- म्हणून पडद्याचेर आशिल्लें बंधन सैमीक आनी यत्नविरयत दिसतालें.”

रानांतल्या भितरल्या, सूर्यप्रकाशाच्या वेळेपुरते मर्यादित आनी रानवटी जनावरांनी भरिल्ल्या तांच्या आव्हानात्मक तरी उमेदीच्या शूटिंगाचें वर्णन ह्या पंगडान केलां. "पूण थळाव्या समाजान आमकां स्वीकारले. म्हयन्यांच्या प्री-प्रोडक्शन भेटींतल्यान निर्माण जाल्लो तांचो विस्वास ह्या सिनेमाचो फाटीचो कणो जालो," अशें मेघनान व्यक्त केले.

मेघनान निमाणें म्हणलें, “हांव स्वताक व्हडली अभिनेत्री मानना. हांवें फकत दिग्दर्शकाच्या दृश्टीकोनाचेर-ताची स्पश्टताय, ताच्या भावनीक नकाशाचेर- विस्वास दवरलो आनी ताणें तयार केल्ल्या संवसारांत पावल घालें.”

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, Click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel:  https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56