#IFFIWood, 25 नोव्‍हेंबर 2025

वेव्स फिल्म बाजारा खाला चलपी सिनेमा AI हैकाथॉन 2025, फिल्म निर्मितींत कला, तंत्रगिन्यान आनी नीतीशास्त्राच्या चैतन्यशील एकत्रीकरणाची परब मनयता. हो प्लॅटफॉर्म संवसारभरांतल्या निर्मात्यांक पटकथा लेखन, व्हिडियो निर्मिती, संपादन आनी निर्मिती हांचे खातीर AI-आदारीत साधनां वापरून कथाकथनाचीं मर्यादा हुंपपाक प्रोत्साहन दिता-तेच बरोबर सृजनशील निर्मितीत जापसालदारकी, पारदर्शकता आनी प्रामाणीकता सांबाळटा.

मुखेल सृजनशील आनी तंत्रीक आयामांतल्यान उत्कृश्टतायेक मान्यताय दिवपा खातीर स्थापन केल्ल्या पांच पुरस्कारांचे विजेते अशे आसात:

1. आयुष राज हांणी दिग्दर्शीत केल्ल्या टीम कल्पनाच्या हिंदी भाशेच्या ‘माय रेड क्रेयॉन’ फिल्माक बेस्ट AI फिल्म पुरस्कार फावो जालो
2. मोस्ट इनोवेटिव्ह यूज ऑफ AI पुरस्कार केयूर कजवदरान दिग्दर्शीत केल्ल्या टीम एटमिस्टच्या इंग्लीश भाशेंतल्या ‘रेमोरी’ ह्या सिनेमाक फावो जालो.
3. समरेश श्रीवास्तव आनी यज्ञ प्रिया गौतम हाच्या समरेश श्रीवास्तवान दिग्दर्शित केल्ल्या ‘लॉस्ट एंड फाउंड’ ह्या हिंदी भाशेच्या फिल्माक बेस्ट स्टोरीटलिंग पुरस्कार फावो जालो.
4. सुमेश लाल हाणें दिग्दर्शीत केल्ल्या टीम इंडीवुड अँड वंडरवॉल मीडिया नेटवर्काच्या इंग्लीश भाशेंतल्या 'बीइंग’ फिल्माक बेस्ट व्हिज्युअल पुरस्कार फावो जालो.
5. बेस्ट साउंड/म्युझिक डिझायन पुरस्कार राजेश भोसले हाच्या इंग्लीश भाशेंतल्या ‘मॉनसून इको’ फिल्माक फावो जालो.

दोन पांवड्यानी पुरायपणान ऑनलायन फॉर्मेटांतल्यान हो हैकाथॉन जालो. पयल्या पांवड्याचो एक भाग म्हूण व्यक्तीं वा पंगडांक (पांच वांगड्या मेरेन) आदींच तयार केल्लो AI आदारीत चित्रपट कंटेंट (2-10 मिनटां) सादर करपाक सांगिल्ले.

1 नोव्हेंबर ते 12 नोव्हेंबर 2025 मेरेन नोंदी सुरू जाल्ल्यो जाचो प्रतिसाद उल्लेखनीय आशिल्लो, कारण 180 वयर सादरीकरणां आयिल्ली . निवड समित्यांनी पुराय मूल्यांकन केल्या उपरांत 48 वरां चलपी निमाण्या आव्हानांत वांटो घेवपा खातीर 14 पंगडांची निवड जाली.

दुसर् या पांवड्यार भाग घेवप्यांक हो विशय दिल्लो: मेमोरीज़ रीइमेजिन्ड. 60-120 सेकंदांची सिनेमॅटिक कथा तयार करप हो हेतू आशिल्लो, जो AIचो उपेग करून खोलायेन वैयक्तीक स्मृतीचो परतून अर्थ लायता आनी भावनीक रितीन काणी सादर करपाखातीर वास्तववाद आनी कल्पनेचो मेळ घालता. 

48 वरांचें हें आव्हान 20 नोव्हेंबर 2025 दिसा सांजवेळा 4:00 ते 22 नोव्हेंबर 2025 दिसा सांजवेळा 4:00 मेरेन चललें.

जूरी पैनल – सिनेमा AI हैकाथॉन 2025

जूरी पॅनलांत श्री शेखर कपूर — IFFI महोत्सव संचालक, दिग्दर्शक आनी निर्माते ; श्री रामदास नायडू — निर्माते, दिग्दर्शक; श्री आश्विन कुमार — संचालक, एनिमेटर; सुश्री आशा बत्रा — फिल्म इतिहासकार, इंडियन सिनेमा हेरिटेज फावंडेशन; डॉ.सुजय सेन — एग्जीक्यूटिव वाइस प्रेसिडेंट और ग्लोबल हेड – इंटरैक्टिव सर्विसेज़, LTIMindtree; सुश्री नयना राउत — वरिश्ठ संचालक – डिज़ाइन स्ट्रैटेजी और क्राफ्ट स्टूडियो, इंटरैक्टिव सर्विसेज़, LTIMindtree; श्री दिव्येंदु हलदर — एग्जीक्यूटिव वाइस प्रेसिडेंट और चीफ बिज़नेस ऑफिसर – कम्युनिकेशंस, मीडिया और एंटरटेनमेंट, LTIMindtree; आनी सुश्री नेहा कथुरिया — चीफ मार्केटिंग ऑफिसर, LTIMindtree.

ह्या थोड्याच काळांत तयार केल्ल्या चित्रपटांच्या अपवादात्मक दर्ज्याची आनी सृजनशीलतेची जूरीन अफाट तोखणाय केली, तातूंत भाग घेवप्यांनी दाखयल्ली मौलिकताय, तंत्रीक कुशळटाय आनी भावनीक खोलाय हांचेर भर दिलो.

सिनेमा AI हैकाथॉन 2025 एक म्हत्वाचो उपक्रम म्हणून वयर सरता , जो फिल्म निर्मितींत AIची परिवर्तनकारी क्षमता दाखयता आनी फुडले पिळगेच्या कथाकारांक नवो मार्ग उगडटा.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56