’’یہ عظیم الشان رام مندر-ہندوستان کی ترقی ، ہندوستان  کے عروج ، یہ عظیم الشان رام مندر-ہندوستان کی خوشحالی اور وکست بھارت کا گواہ بنے گا‘‘ ۔

وزیر اعظم نریندر مودی (22 جنوری 2024 کو ایودھیا میں رام مندر کی پران پرتشٹھا تقریب میں)

تعارف

جب صبح کی پہلی کرنیں قدیم شہر ایودھیا پر پڑتی ہیں تو وہ  محض ریت کے پتھر کے ستونوں اور منقش میناروں کو ہی روشن ک نہیں رتی ہیں۔بلکہ وہ ایک ایسی کہانی سناتی ہیں جس نے صدیوں سے ہندوستان کی ثقافتی روح کو تشکیل دیا ہے۔ رام مندر جو اب پوری شان و شوکت کے ساتھ کھڑا ہے، صرف فن تعمیر کا کمال نہیں ہے، بلکہ ایمان اور طاقت کا نتیجہ ہے۔

دنیا بھر کے لاکھوں لوگوں کے لیے ایودھیا کو ہمیشہ بھگوان رام کی جائے پیدائش سمجھا جاتا رہا ہے۔ اس مقدس جائے پیدائش کی نمائندگی کرنے والے مندر کا خیال ہندوستان کی ثقافتی شناخت میں بُنا گیا ہے، جو اس جگہ کو دنیا بھر کے عقیدت مندوں کے لیے ایک روحانی راستہ بناتا ہے۔

25 نومبر 2025 کو وزیر اعظم نریندر مودی 22 فٹ کا مذہبی جھنڈا لہرا کر’’دھوجا آروہن‘‘ کی مقدس ہندو رسم ادا کریں گے۔ مذہبی روایت کے مطابق جھنڈا لہرانا ادھرم پر دھرم کی فتح کی علامت ہے اور دنیا بھر کے عقیدت مندوں کو اس جشن میں شرکت کی کھلی دعوت ہے۔

ایک مختصر سیاق و سباق کی تاریخ

اس سنگ میل کے پیچھے گہرے عقیدے ، تہذیبی یادداشت کی فتح کے ساتھ ساتھ قانون کی حکمرانی کے ذریعے تاریخی انصاف کی بحالی کی کہانی ہے ۔

ایودھیا میں رام جنم بھومی مندر کا سفر ایک طویل قانونی اور ثقافتی کہانی کا اختتام ہے، جسے ہندوستان کے جمہوری اداروں کے ذریعے حل کیا گیا ہے۔ 9 نومبر 2019 کو، ایک متفقہ اور تاریخی فیصلے میں سپریم کورٹ آف انڈیا نے پوری2.77 ایکڑ متنازعہ اراضی کو رام مندر کی تعمیر کے لیے دے دیا اور دنیا بھر کے عقیدت مندوں کے لیے اس جگہ کی اہمیت کو تسلیم کیا۔ اس نتیجہ کو انصاف، مفاہمت اور آئینی اصولوں کی فتح سمجھا گیا جس نے شری رام جنم بھومی تیرتھ شیترا ٹرسٹ کے زیراہتمام مندر کی تعمیر کی راہ ہموار کی جسے5 فروری 2020 کو حکومت ہند سے منظوری ملی۔

اس قرارداد کا عملی اظہار 5 اگست 2020 کو شروع ہوا ، جب وزیر اعظم نریندر مودی نے بھومی پوجن کیا اور اس جگہ پر سنگ بنیاد رکھا ۔  وزیر اعظم نے اس بات پر زور دیا کہ یہ واقعہ صدیوں کی توقعات کے خاتمے کی علامت ہے ۔  انہوں نے مزید کہا کہ یہ مندر آنے والی نسلوں کو تحریک دینے اور بہتر رابطے اور اقتصادی مواقع کے ذریعے علاقائی ترقی کو فروغ دینے کے لیے تیار ہے ۔

 

 

رام للا کی مورتی گراؤنڈ فلور پر مرکزی عبادت گاہ میں رکھی گئی ہے جو مشرقی دروازے پر سنگھ دوار سے 32 قدموں کے فاصلے پر واقع ہے۔ اس کمپلیکس میں پانچ منڈپ (ہال) - نرتیہ، رنگ، سبھا، پراتھنا اور کیرتن - عقیدت مندانہ سرگرمیوں کے لیے شامل ہیں، اس کے ساتھ ساتھ کبیر ٹیلا میں قدیم شیو مندر اور تاریخی سیتا کوپ کنویں کی بحالی بھی شامل ہے۔

آج شری رام جنم بھومی تیرتھ شیتراہندوستان کے تہذیبی تسلسل اور قانون کے ذریعہ قائم ایمان کی طاقت کے ثبوت کے طور پر کھڑا ہے۔ یہ شاندار عمارت نہ صرف ایودھیا کے روحانی ورثے کو زندہ کرتی ہے بلکہ مہارشی والمیکی بین الاقوامی ہوائی اڈے جیسے بہتر انفراسٹرکچر اور دوبارہ تعمیر شدہ رسائی سڑکیں،یاترا کو فروغ دینے اور اقتصادی ترقی سمیت جامع ترقی کو بھی آگے بڑھاتی ہے۔

رام مندر: عالمی گونج

ایودھیا میں رام مندر ان کاریگروں کے غیر متزلزل ایمان کا ثبوت ہے جنہوں نے ایودھیا کی شدید گرمیوں میں دن رات محنت کی اور رام مندر کے تئیں اجتماعی قومی جذبات کو مزید تقویت بخشی۔

اس سے پہلے بھی رام مندر کی تعمیر سے منسلک تقریبات کا جذبہ ہندوستان سے بہت آگے تک گونجتا تھا۔ مثال کے طور پر ٹرینیڈاڈ اینڈ ٹوباگو اپنے دارالحکومت پورٹ آف اسپین میں ایک عظیم الشان رام مندر کی تعمیر کے منصوبوں کو آگے بڑھا رہا ہے۔ یہ مئی2025 میں پورٹ آف اسپین میں ایودھیا کے رام للا کی مورتی کی نقل کی نقاب کشائی کے بعد سامنے آیا ہے۔ اس طرح کے واقعات روحانی کوشش اور ثقافتی جذبے کے اہم امتزاج کی نمائش کرتے ہیں، جبکہ مذہبی سیاحت اور یاترا کے دروازے کھولتے ہیں۔

مندر کو احمد آباد کے جناب چندرکانت سوم پورہ نے ڈیزائن کیا ہے، جس میں عالمی سطح پر مشہور کمپنی لارسن اینڈ ٹربو تعمیراتی کام کی ذمہ دار ہے اور ٹاٹا کنسلٹنگ انجینئرز کو ایڈوائزری کنسلٹنٹس کے طور پر مقرر کیا گیا ہے۔

’’یہ رام کی شکل میں قومی شعور کا مندر ہے۔ بھگوان رام ہندوستان کا ایمان، بنیاد، خیال، قانون، شعور، سوچ، وقار اور شان ہیں۔‘‘

وزیر اعظم نریندر مودی (22 جنوری 2024 کو ایودھیا میں رام للا کی پران پرتشٹھا تقریب کے موقع پر)

یہ منصوبہ قدیم دستکاری کو جدید سائنس کے ساتھ ملانے کی ایک عمدہ مثال ہے۔ انڈین انسٹی ٹیوٹ آف ٹیکنالوجی (آئی آئی ٹی) مدراس، آئی آئی ٹی دہلی، آئی آئی ٹی بمبئی اور آئی آئی ٹی گوہاٹی سمیت ملک کے بڑے اداروں کے انجینئرز اور دانشوروں نے ایک ہزار سال تک چلنے والی بنیاد کے ساتھ پتھر کے مندر کی تعمیر میں اہم کردار ادا کیا ہے۔

 اس مندر میں ہر عمر کے اپنے عقیدت مندوں کی ضروریات کو پورا کرنے کے لیے جدید سہولیات بھی موجود ہیں ۔ بزرگ عقیدت مندوں کے لیے ایک مخصوص تیرتھ یاترا مرکز (پی ایف سی) ریمپ  اور ہنگامی طبی امدادکی سہولیات شامل ہیں ۔  اپنی بڑی عمارت کے باوجود  مندر کے احاطے میں شمسی توانائی کے پینل شامل ہیں ، جو شہر کے پائیداریاتراکے بڑے وژن  کی عکاسی کرتے یں ۔

نتیجہ

جیسے ہی25 نومبر 2025 کو رام مندر پر بھگوا جھنڈا لہرا رہا ہے — اس یادگار کمپلیکس کی مکمل تکمیل کا نشان— ایک متنازعہ خواب سے زندہ میراث تک کا سفر اپنے عروج پر پہنچ جاتا ہے۔ وزیر اعظم نریندر مودی کی زیرقیادت یہ دھوج آروہن نہ صرف مندر کے فن تعمیر بلکہ دھرم کے پائیدار جذبے کا بھی جشن مناتا ہے۔ ایودھیا ہم آہنگی، وراثت اور ترقی کے مرکز کے طور پر دوبارہ ابھرنے پر عقیدت مندوں کا خیرمقدم کرتا ہے۔ رام مندر صرف ایک ڈھانچہ نہیں ہے جو پتھروں میں بنایا گیا ہے- یہ لچک، عقیدت اور قدیم روایت اور ایک مربوط عالمی مستقبل کے درمیان ایک پل کی علامت ہے۔

حوالہ جات:

پریس انفارمیشن بیورو:

https://www.pib.gov.in/PressReleasePage.aspx?PRID=1601984#:~:text=All%20communities%20living%20in%20India,%2C%20spirit%2C%20ideals%20and%20culture.

https://www.pib.gov.in/PressReleseDetail.aspx?PRID=1643501

https://www.pib.gov.in/PressReleasePage.aspx?PRID=1643518

https://www.pib.gov.in/PressReleasePage.aspx?PRID=2141990

سپریم کورٹ آف انڈیا:

https://www.scobserver.in/reports/m-siddiq-mahant-das-ayodhya-title-dispute-judgment/

وزیر اعظم ہند:

https://www.pmindia.gov.in/en/news_updates/pm-announces-setting-up-of-shri-ram-janma-bhoomi-tirtha-kshetra-trust/

https://www.pmindia.gov.in/en/news_updates/pm-performs-bhoomi-pujan-at-shree-ram-janmabhoomi-mandir/

https://www.pmindia.gov.in/en/news_updates/pm-to-participate-in-the-pran-pratishtha-ceremony-of-shri-ramlalla-in-the-newly-built-shri-ram-janmbhoomi-mandir-in-ayodhya-on-22nd-january/

شری رام جنم بھومی شیترٹرسٹ:

https://srjbtkshetra.org/about/

https://srjbtkshetra.org/main-temple/

وزارت برائے اطلاعات و نشریات:

https://www.facebook.com/inbministry/posts/the-divine-idol-of-ramlalla-at-the-magnificent-shri-ram-janmabhoomi-temple-in-ay/779631037530987/

پی ڈی ایف دیکھنے کے لئے یہاں کلک کریں ۔

*****

 ( ش ح ۔ م ح۔ع د)

U. No. 1714

(Release ID: 2193608) Visitor Counter : 6