ಪೈಕ್ ರಿವರ್ ಮತ್ತು ಡಿ ಟಾಲ್ ಪಾಲೊ -- ಎಂಬ ಎರಡು ಚಲನಚಿತ್ರಗಳು ಮಾನವೀಯತೆ, ಸ್ಥಿತಿಸ್ಥಾಪಕತ್ವ ಮತ್ತು ಸತ್ಯದಲ್ಲಿ ಬೇರೂರಿರುವ ಎರಡು ಪ್ರಬಲ ಚಲನಚಿತ್ರ ಕೃತಿಗಳಾಗಿವೆ - ಇದರ ಪಾತ್ರವರ್ಗ ಮತ್ತು ತಂಡವು ತಮ್ಮ ತಮ್ಮ ಚಲನಚಿತ್ರಗಳು ತಮ್ಮಲ್ಲಿ ರೂಪಿಸಿದ ಸ್ಫೂರ್ತಿ, ಭಾವನಾತ್ಮಕ ಪ್ರಯಾಣಗಳು ಮತ್ತು ನಿಜ ಜೀವನದ ಕಥೆಗಳನ್ನು ಹಂಚಿಕೊಳ್ಳಲು ಇಂದು ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ (ಐ.ಎಫ್‌.ಎಫ್‌.ಐ.) 2025ರಲ್ಲಿ ಒಟ್ಟಿಗೆ ಸೇರಿದರು.

“ಹೃದಯದ ಬಹಿರಂಗಪಡಿಸುವಿಕೆ”: ಡಿ ಟಾಲ್ ಪಾಲೊ ಚಲನಚಿತ್ರವು ಅಜ್ಜ-ಅಜ್ಜಿಯರ ಮೌನ ಶಕ್ತಿಯನ್ನು ಪ್ರತಿಬಿಂಬಿಸುತ್ತದೆ

ನಿರ್ದೇಶಕ ಶ್ರೀ ಇವಾನ್ ಡೇರಿಯಲ್ ಒರ್ಟಿಜ್ ಅವರು ಡಿ ಟಾಲ್ ಪಾಲೊ ಚಲನಚಿತ್ರವನ್ನು ಆತ್ಮೀಯ ಕಲಾತ್ಮಕ ಜಾಗೃತಿಯ ರೂಪಕವಾಗಿದೆ ಎಂದು ಬಣ್ಣಿಸಿದ್ದಾರೆ - ಇದು ಆಧುನಿಕ ಕುಟುಂಬದೊಳಗಿನ ಅಜ್ಜ-ಅಜ್ಜಿಯರ ಶಾಂತ ಆದರೆ ಆಳವಾದ ಭಾವನಾತ್ಮಕ ಶ್ರಮವನ್ನು ಬಹಿರಂಗಪಡಿಸುತ್ತದೆ. “ಅನೇಕ ಮನೆಗಳಲ್ಲಿ, ಅವರು ಎಂದಿಗೂ ನಿಜವಾಗಿಯೂ ನಿವೃತ್ತರಾಗುವುದಿಲ್ಲ. ಅವರು ಮೂಕ ಸ್ತಂಭಗಳಾಗಿ ಉಳಿದಿದ್ದಾರೆ - ಕೆಲಸ ಮಾಡುವುದು, ಕಾಳಜಿ ವಹಿಸುವುದು, ಪೋಷಿಸುವುದು, ಆದರೆ ಅವರ ಸ್ವಂತ ಅಗತ್ಯಗಳನ್ನು ನಿಧಾನವಾಗಿ ಬದಿಗಿಡಲಾಗುತ್ತದೆ. ವ್ಯಾಪಕ ಸಂಶೋಧನೆಯ ಮೂಲಕ ಹೊರತೆಗೆಯಲಾದ ಈ ಜೀವಂತ ಸತ್ಯವು ಚಿತ್ರದ ಭಾವನಾತ್ಮಕ ಹೃದಯ ಬಡಿತವನ್ನು ರೂಪಿಸುತ್ತದೆ" ಎಂದು ಅವರು ಈ ಚಲನಚಿತ್ರವನ್ನು ಪ್ರತಿಬಿಂಬಿಸಿದರು.

ಯುವ ನಟಿಯನ್ನು ಅಂತಹ ಸೂಕ್ಷ್ಮ, ಭಾವನಾತ್ಮಕವಾಗಿ ಪದರಗಳ ನಿರೂಪಣೆಯ ಮೂಲಕ ನಿರ್ದೇಶಿಸುವ ಸೂಕ್ಷ್ಮ ಪ್ರಕ್ರಿಯೆಯ ಬಗ್ಗೆ ಶ್ರೀ ಇವಾನ್ ಅವರು ಮಾತನಾಡಿದರು. “ಮಕ್ಕಳು ಶುದ್ಧ ಪ್ರವೃತ್ತಿ. ಸೆಟ್‌ ನಲ್ಲಿ ಅವಳ ಭಾವನಾತ್ಮಕ ಲಯಗಳಿಗೆ ನಿಖರತೆ, ತಾಳ್ಮೆ ಮತ್ತು ಆಳವಾದ ಸಂವೇದನೆಯನ್ನು ಕಾಪಾಡಿಕೊಳ್ಳುವುದು ಅಗತ್ಯವಾಗಿತ್ತು. ಆ ಮುಗ್ಧತೆಯನ್ನು ಪದರಗಳ, ಅರ್ಥಪೂರ್ಣ ಪ್ರದರ್ಶನವಾಗಿ ಪರಿವರ್ತಿಸುವುದು ಸ್ವತಃ ಒಂದು ಕರಕುಶಲತೆಯಾಗಿದೆ, ”ಎಂದು ಅವರು ಒತ್ತಿ ಹೇಳಿದರು.

ಅಜ್ಜನಾಗಿ ತನ್ನ ಸ್ವಂತ ಅನುಭವವನ್ನು ಆಧರಿಸಿ, ಸ್ಮರಿಸಿಕೊಂಡ ನಟ ಶ್ರೀ ಜೋಸ್ ಫೆಲಿಕ್ಸ್ ಗೊಮೆಜ್ ಅವರು ತನ್ನ ಯುವ ನಾಯಕನೊಂದಿಗೆ ನಿಜವಾದ ಮತ್ತು ಕೋಮಲ ಬಂಧವನ್ನು ರೂಪಿಸಿಕೊಂಡರು.  ಮೊದಲ ದಿನದಿಂದಲೇ, ಅವನನ್ನು ಅವಳು  "ಅಜ್ಜ" ಎಂದು ಕರೆಯಲು ಮತ್ತು ಪ್ರತಿದಿನ ಬೆಳಿಗ್ಗೆ ಮತ್ತು ರಾತ್ರಿ ಅವರ ಆಶೀರ್ವಾದವನ್ನು ಪಡೆಯಲು ಆಹ್ವಾನಿಸಿದಳು - ಈ ಮೂಲಕ ನಂಬಿಕೆ ಮತ್ತು ವಾತ್ಸಲ್ಯವನ್ನು ಪೋಷಿಸುವ ಸೌಮ್ಯವಾದ ಆಚರಣೆ, ಅಂತಿಮವಾಗಿ ಅವರ ತೆರೆಯ ಮೇಲಿನ ಸಂಬಂಧಕ್ಕೆ ದೃಢೀಕರಣವನ್ನು ತುಂಬಿತು. ವಿಶ್ವ ಪ್ರಥಮ ಪ್ರದರ್ಶನದಲ್ಲಿ ಅವರ ಅಭಿನಯವನ್ನು ಮೊದಲ ಬಾರಿಗೆ ನೋಡಿದಾಗ ಅವರು ಆಳವಾಗಿ ಪ್ರಭಾವಿತರಾದರು ಎಂದು ಅವರು ಹೇಳಿದರು. "ಅವರ ಸತ್ಯವು ನನ್ನನ್ನು ಮುಟ್ಟಿತು. ನಿಜ ಜೀವನ ಮತ್ತು ನಿಜವಾದ ನೋವಿನಿಂದ ಹುಟ್ಟಿದ ಕಥೆಗಳು ಪರದೆಯ ಮೇಲೆ ತರಲು ಜವಾಬ್ದಾರಿ ಮತ್ತು ಸವಲತ್ತು ಎರಡೂ ಆಗಿದೆ ಹಾಗೂ ಅದು ನನಗೆ ಸದಾ ನೆನಪಿಸಿತ್ತಿದೆ" ಎಂದು ಅವರು ಹೇಳಿದರು.

"ನ್ಯಾಯಕ್ಕಾಗಿ ಹೋರಾಟ": ಪೈಕ್ ನದಿ ರಾಷ್ಟ್ರೀಯ ಗಣಿಗಾರಿಕೆ ದುರಂತವನ್ನು ಪ್ರಸ್ತುತಪಡಿಸುತ್ತದೆ

ನಿರ್ದೇಶಕ ಶ್ರೀ ರಾಬರ್ಟ್ ಸರ್ಕೀಸ್ ಅವರು ನ್ಯೂಜಿಲೆಂಡ್‌ ನ ಅತ್ಯಂತ ವಿನಾಶಕಾರಿ ಕೈಗಾರಿಕಾ ವಿಪತ್ತುಗಳಲ್ಲಿ ಒಂದರಲ್ಲಿ ಬೇರೂರಿರುವ ಪೈಕ್ ನದಿಯ ಹಿಂದಿನ ಆಳವಾದ ಮಹತ್ವವನ್ನು ಉದ್ದೇಶಿಸಿ ಮಾತನಾಡಿದರು. "ನ್ಯೂಜಿಲೆಂಡ್‌ನಲ್ಲಿ 'ಪೈಕ್ ನದಿ' ಎಂದು ಹೇಳಿದರೆ ಸಾಕು ಎಲ್ಲರಿಗೂ ಆ ನದಿ ಬಗ್ಗೆ ತಿಳಿದಿದೆ - ಹಾಗೂ, ಇದು ದುಃಖ, ಕೋಪ ಮತ್ತು ಪರಿಹರಿಸಲಾಗದ ಅನ್ಯಾಯವನ್ನು ಹೊಂದಿರುವ ಸಮ್ಮಿಲನದ ಪದವಾಗಿರುತ್ತದೆ" ಎಂದು ಅವರು ಹೇಳಿದರು.

ಪತಿ ಮತ್ತು ಮಗನನ್ನು ಕಳೆದುಕೊಂಡ ಇಬ್ಬರು ಸಾಮಾನ್ಯ ಮಹಿಳೆಯರ ನೇತೃತ್ವದ ಹೊಣೆಗಾರಿಕೆಗಾಗಿ ಅಸಾಧಾರಣ ಹೋರಾಟವೇ ಅವರನ್ನು ಈ ಯೋಜನೆಗೆ ಒತ್ತಾಯಿಸಿತು. "ಅವರ ಸ್ನೇಹ, ಅವರ ಧೈರ್ಯ - ಅದು ಚಿತ್ರದ ಹೃದಯ ಭಾಗವಾಯಿತು" ಎಂದು ಶ್ರೀ ರಾಬರ್ಟ್ ವಿವರಿಸಿದರು.

ಈ ಸತ್ಯವನ್ನು ಚಿತ್ರಿಸಲು ಅಸಾಧಾರಣ ಭಾವನಾತ್ಮಕ ಪ್ರಾಮಾಣಿಕತೆಯ ಅಗತ್ಯವಿತ್ತು. ನಿಜವಾದ ಮಹಿಳೆಯರು ಹೆಚ್ಚಾಗಿ ಸೆಟ್‌ ನಲ್ಲಿ ಇರುತ್ತಿದ್ದರು, ನಟರು ತಾವುಗಳು ಅನುಭವಿಸುವ ಜವಾಬ್ದಾರಿಯನ್ನು ಇನ್ನೂ ತೀವ್ರಗೊಳಿಸುತ್ತಿದ್ದರು. ಕುಟುಂಬಗಳಿಗೆ ತಮ್ಮ ಪ್ರೀತಿಪಾತ್ರರು ಸತ್ತಿದ್ದಾರೆಂದು ಹೇಳುವ ದೃಶ್ಯವನ್ನು ಚಿತ್ರೀಕರಿಸುವುದನ್ನು ಶ್ರೀ ರಾಬರ್ಟ್ ಅವರು ಈ ಸಂದರ್ಭದಲ್ಲಿ ನೆನಪಿಸಿಕೊಂಡರು. "ಚಿತ್ರೀಕರಣದ ಮೊದಲು, ನಿಜವಾದ ಕುಟುಂಬ ಸದಸ್ಯರು ತಮ್ಮ ನೆನಪುಗಳನ್ನು ಹಂಚಿಕೊಂಡರು. ಎಲ್ಲರೂ ಕಣ್ಣೀರು ಹಾಕುತ್ತಿದ್ದರು. ನಂತರದ ದೃಶ್ಯವು ತುಂಬಾ ಅಂತರಾಳದ್ದಾಗಿತ್ತು, ನಂತರ ಕುಟುಂಬಗಳು, 'ಅದು ನಿಖರವಾಗಿ ಹೇಗೆ ಸಂಭವಿಸಿತು' ಎಂದು ನಮಗೆ ವಿವರಿಸಿ ಹೇಳಿದರು" ಎಂದು ಅವರು ಹೇಳಿದರು.

ಗಮನಾರ್ಹವಾದ ಮಾನವ ರೂಪಾಂತರವನ್ನು ವೀಕ್ಷಿಸಿದ ಬಗ್ಗೆ ಶ್ರೀ ರಾಬರ್ಟ್ ಅವರು ಮಾತನಾಡಿದರು. ಈ ಕುರಿತು ವಿಸ್ತಾರವಾಗಿ ಹೇಳುತ್ತಾ ಅವರು, ಮಹಿಳೆಯರನ್ನು ಭೇಟಿಯಾದಾಗ, ಅವರು ದುಃಖದಲ್ಲಿ ಮುಳುಗಿದ್ದರು; ದುಃಖದಿಂದ ಯಾರೂ ಎಂದಿಗೂ ಮೇಲೇರುವುದಿಲ್ಲ ಎಂದು ಅವರು ಭಯಪಟ್ಟರು. ಆದರೆ ಅವರು ನ್ಯಾಯಕ್ಕಾಗಿ ತಮ್ಮ ಅಭಿಯಾನವನ್ನು ಪ್ರಾರಂಭಿಸಿದಾಗ, ಅವರು "ಬೆಳಕಿನ ಕಡೆಗೆ ತಿರುಗುವ ಹೂವಿನಂತೆ ತೆರೆದುಕೊಳ್ಳುವುದನ್ನು" ನೋಡಿದರು. ಪ್ರೇಕ್ಷಕರು ನಿಂತು ಚಪ್ಪಾಳೆ ತಟ್ಟಿದರು - ಚಿತ್ರಕ್ಕಾಗಿ ಮಾತ್ರವಲ್ಲ, ಧೈರ್ಯವು ರಾಷ್ಟ್ರವನ್ನು ಪುನರ್ರಚಿಸಲು ಸಹಾಯ ಮಾಡಿದ ಮಹಿಳೆಯರಿಗಾಗಿ - ಅಂದಿನಿಂದ ಈ ಚಿತ್ರವು ದೇಶಾದ್ಯಂತ ಪ್ರೇಕ್ಷಕರ ಧ್ವನಿಯನ್ನು ವರ್ಧಿಸುತ್ತಾ ಹೋಯಿತು,

ಚಲನಚಿತ್ರಗಳ ಬಗ್ಗೆ

1. ಡೆ ಟಾಲ್ ಪಾಲೋ

ಡಿ ಟಾಲ್ ಪಾಲೋ ಎಂಬುದು ನಿವೃತ್ತ ಅಜ್ಜ ಶ್ರೀ ಡಾನ್ ಮ್ಯಾನುಯೆಲ್ ಅವರ ಹೃದಯಸ್ಪರ್ಶಿ ಕಥೆಯಾಗಿದ್ದು, ಅವರು ತಮ್ಮ 9 ವರ್ಷದ ಮೊಮ್ಮಗಳು ಐರೀನ್ ಅವರ ತಾಯಿಯನ್ನು ಆಕೆಯ ಪತಿ ಕ್ರೂರವಾಗಿ ಹಲ್ಲೆ ಮಾಡಿದ ನಂತರ ಕಾನೂನುಬದ್ಧವಾಗಿ ವಶಕ್ಕೆ ಪಡೆಯುತ್ತಾರೆ. ಶ್ರೀ ಡಾನ್ ಮ್ಯಾನುಯೆಲ್‌ ಗೆ, ಇದು ಅವರ ದೈನಂದಿನ ಜೀವನದಲ್ಲಿ ನಾಟಕೀಯ ಬದಲಾವಣೆಯನ್ನು ಸೂಚಿಸುತ್ತದೆ. ಅನೇಕ ಸವಾಲುಗಳ ಹೊರತಾಗಿಯೂ, ಅವರು ಮತ್ತು ಅವಳಿಗೆ (ಐರೀನ್) ಆಳವಾದ ಮತ್ತು ಪ್ರೀತಿಯ ಕುಟುಂಬ ಬಂಧವನ್ನು ನಿರ್ಮಿಸುವಲ್ಲಿ ಅಜ್ಜ ಯಶಸ್ವಿಯಾಗುತ್ತಾರೆ, ಆದರೆ ಮ್ಯಾನುಯೆಲ್ ಆರೋಗ್ಯ ಸ್ಥಿತಿಯ ಮೊದಲ ಲಕ್ಷಣಗಳನ್ನು ತೋರಿಸಲು ಪ್ರಾರಂಭಿಸುತ್ತದೆ.

2. ಪೈಕ್ ರಿವರ್

ನ್ಯೂಜಿಲೆಂಡ್‌ನಲ್ಲಿ 29 ಪುರುಷರನ್ನು ಕೊಂದ 2010ರ ಪೈಕ್ ರಿವರ್ ಗಣಿ ಸ್ಫೋಟದ ಹಿನ್ನೆಲೆಯಲ್ಲಿ, ಪೈಕ್ ರಿವರ್ ಚಲನಚಿತ್ರವು ಸ್ನೇಹ ಮತ್ತು ನ್ಯಾಯದ ಪ್ರಬಲವಾದ ನಿಜವಾದ ಕಥೆಯಾಗಿದೆ. ಅನ್ನಾ ಓಸ್ಬೋರ್ನ್ ಮತ್ತು ಸೋನ್ಯಾ ರಾಕ್‌ ಹೌಸ್ ಈ ನಷ್ಟದಿಂದ ಒಂದಾಗುತ್ತಾರೆ. ಹಾಗೂ ಗಣಿಗಾರಿಕೆ ಮೇಲಧಿಕಾರಿಗಳು, ಸರ್ಕಾರದ ನಿರ್ಲಕ್ಷ್ಯ ಮತ್ತು ಕಾನೂನು ಅಡೆತಡೆಗಳ ವಿರುದ್ಧ ಹೋರಾಡುತ್ತಾರೆ. ಅವರ ಅಚಲವಾದ ದೃಢಸಂಕಲ್ಪವು ವ್ಯವಸ್ಥಿತ ವೈಫಲ್ಯಗಳು ಮತ್ತು ದ್ರೋಹವನ್ನು ಬಹಿರಂಗಪಡಿಸುತ್ತದೆ, ದುಃಖವನ್ನು ಕ್ರಿಯಾಶೀಲತೆಯಾಗಿ ಪರಿವರ್ತಿಸುತ್ತದೆ. ಅವರು ಹೊಣೆಗಾರಿಕೆ ಮತ್ತು ತಮ್ಮ ಪ್ರೀತಿಪಾತ್ರರ ಚೇತರಿಕೆಗಾಗಿ ಪ್ರತಿಪಾದಿಸುವಾಗ, ಅವರ ಧೈರ್ಯವು ಒಂದು ರಾಷ್ಟ್ರವನ್ನು ಪ್ರೇರೇಪಿಸುತ್ತದೆ.

ಐ.ಎಫ್.ಎಫ್.ಐ. ಬಗ್ಗೆ

1952ರಲ್ಲಿ ಪ್ರಾರಂಭವಾದ ಭಾರತದ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ (ಐ.ಎಫ್.ಎಫ್.ಐ.) ದಕ್ಷಿಣ ಏಷ್ಯಾದ ಅತ್ಯಂತ ಹಳೆಯ ಮತ್ತು ಅತಿದೊಡ್ಡ ಸಿನಿಮಾ ಆಚರಣೆಯಾಗಿ ಅತ್ಯಂತ ಗೌರವದಿಂದ ಹೆಮ್ಮೆಯಾಗಿ ನಿಂತಿದೆ. ರಾಷ್ಟ್ರೀಯ ಚಲನಚಿತ್ರ ಅಭಿವೃದ್ಧಿ ನಿಗಮ, ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ, ಭಾರತ ಸರ್ಕಾರ ಮತ್ತು ಗೋವಾ ರಾಜ್ಯ ಸರ್ಕಾರ, ಗೋವಾ ಮನರಂಜನಾ ಸೊಸೈಟಿ ಜಂಟಿಯಾಗಿ ಆಯೋಜಿಸಿರುವ ಈ ಚಲನಚಿತ್ರ ಉತ್ಸವವು ಜಾಗತಿಕ ಸಿನಿಮೀಯ ಶಕ್ತಿ ಕೇಂದ್ರವಾಗಿ ಬೆಳೆದಿದೆ - ಅಲ್ಲಿ ಪುನಃಸ್ಥಾಪಿಸಲಾದ ಕ್ಲಾಸಿಕ್‌ಗಳು ದಿಟ್ಟ ಪ್ರಯೋಗಗಳನ್ನು ಎದುರಿಸುತ್ತವೆ ಮತ್ತು ಪೌರಾಣಿಕ ಕಲಾವಿದರು ನಿರ್ಭೀತ ಮೊದಲ ಬಾರಿಗೆ ಬರುವವರೊಂದಿಗೆ ಜಾಗವನ್ನು ಹಂಚಿಕೊಳ್ಳುತ್ತಾರೆ. ಐ.ಎಫ್.ಎಫ್.ಐ. ಅನ್ನು ನಿಜವಾಗಿಯೂ ಹೊಳೆಯುವಂತೆ ಮಾಡುವುದು ಅದರ ಸೃಜನಶೀಲ ಮಿಶ್ರಣ - ಅಂತಾರಾಷ್ಟ್ರೀಯ ಸ್ಪರ್ಧೆಗಳು, ಸಾಂಸ್ಕೃತಿಕ ಪ್ರದರ್ಶನಗಳು, ಮಾಸ್ಟರ್‌ಕ್ಲಾಸ್‌ಗಳು, ಗೌರವಗಳು ಮತ್ತು ಕಲ್ಪನೆಗಳು, ಒಪ್ಪಂದಗಳು ಮತ್ತು ಸಹಯೋಗಗಳು ಹಾರುವ ಉನ್ನತ-ಶಕ್ತಿಯ ವೇವ್ಸ್ ಫಿಲ್ಮ್ ಬಜಾರ್.  ನವೆಂಬರ್ 20 ರಿಂದ 28, 2025 ರವರೆಗೆ ಗೋವಾದ ಬೆರಗುಗೊಳಿಸುವ ಅತ್ಯಾಕರ್ಷಕ ಕರಾವಳಿ ಹಿನ್ನೆಲೆಯಲ್ಲಿ ಪ್ರದರ್ಶಿಸಲಾಗುವ 56 ನೇ ಆವೃತ್ತಿಯು ಭಾಷೆಗಳು, ಪ್ರಕಾರಗಳು, ನಾವೀನ್ಯತೆಗಳು ಮತ್ತು ಧ್ವನಿಗಳ ಅದ್ಭುತ ವರ್ಣಪಟಲವನ್ನು ಭರವಸೆ ನೀಡುತ್ತದೆ - ಇದು ವಿಶ್ವ ವೇದಿಕೆಯಲ್ಲಿ ಭಾರತದ ಸೃಜನಶೀಲ ಪ್ರತಿಭೆಯ ತಲ್ಲೀನಗೊಳಿಸುವ ವಿಶೇಷ ಆಚರಣೆಯಾಗಿದೆ.

ಪೂರ್ಣ ಪತ್ರಿಕಾಗೋಷ್ಠಿಯನ್ನು ಇಲ್ಲಿ ವೀಕ್ಷಿಸಿ:

ಹೆಚ್ಚಿನ ಮಾಹಿತಿಗಾಗಿ:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

*****