పైక్ రివర్, దే తాల్ పాలో చిత్రాల నటీనటులు, బృందం నేడు భారత అంతర్జాతీయ చలనచిత్రోత్సవం (ఇఫి) 2025 వేదికపై కలుసుకున్నారు.తమ చిత్రాలకు స్పూర్తినిచ్చిన అంశాలు, భావోద్వేగ ప్రయాణాలు, నిజ జీవిత కథలను పంచుకున్నారు. శక్తిమంతమైన ఈ రెండు సినిమాలు.. మానవత్వం, సహనం, సత్యం అనే మూలాల నుంచి పుట్టుకొచ్చాయి.

‘‘హృదయ స్పందన’’: అమ్మమ్మతాతల నిశ్శబ్ద బలాన్ని ప్రతిబింబించిన దే తాల్ పాలో

'దే తాల్ పాలో' చిత్రం సన్నిహిత కళాత్మక ఆవిష్కరణగా దర్శకుడు ఇవాన్ డారియల్ ఓర్టిజ్ అభివర్ణించారు. ఆధునిక కుటుంబంలో అమ్మమ్మ తాతలు మౌనంగా భరించే లోతైన భావోద్వేగాన్ని ఈ సినిమా చూపిస్తుందని తెలిపారు. ‘‘చాలా ఇళ్లల్లో వారు అసలు ఎప్పుడూ విశ్రాంతి తీసుకోరు. తమ సొంత అవసరాలను పక్కన పెట్టి, నిత్యం పనిచేస్తూ, సంరక్షిస్తూ, కుటుంబాన్ని నిలబెడుతూనే ఉంటారు. విస్తృత పరిశోధన ద్వారా వెల్లడైన ఈ జీవన సత్యమే సినిమాకు భావోద్వేగ హృదయ స్పందన’’గా దర్శకుడు పేర్కొన్నారు.

చిన్నారి పిల్లలతో భావోద్వేగ అంశాలు నిండిన కథనాన్ని తెరకెక్కించడం సున్నితమైన ప్రక్రియగా ఇవాన్‌ తెలిపారు. ‘‘చిన్నపిల్లలు సహజంగానే అమాయకత్వాన్ని కలిగి ఉంటారు. సెట్‌లో ఆమె భావోద్వేగ లయను అర్థం చేసుకునేందుకు ఖచ్చితత్వం, సహనం లోతైన సున్నితత్వం అవసరం. ఆ అమాయకత్వాన్ని ఒక అర్థవంతమైన నటనగా మార్చడం ఒక ప్రత్యేకమైన కళ’’ అని ఆయన అన్నారు.

తాతగా తన సొంత అనుభవాన్ని ఆధారంగా చేసుకుని నటుడు జోస్ ఫెలిక్స్ గోమెజ్‌.. చిన్నారి నటితో సహజమైన, సున్నితమైన బంధాన్ని ఏర్పరచుకున్నారు. . మొదటి రోజు నుంచే పాపను ‘‘తాత’’అని పిలవమని, ప్రతి రోజు ఉదయం, రాత్రి తన ఆశీర్వాదం తీసుకోవాలని ఆయన కోరారు. ఈ సున్నితమైన పద్దతి వారిద్దరి మధ్య నమ్మకం, అనుబంధాన్ని పెంపొందించింది. అది చివరకు తెరపై వారి బంధంలో నిజాయితీని నింపింది. ప్రపంచ ప్రీమియర్‌లో తొలిసారి ఆమె నటన చూసినప్పుడు తన మనసును కదిలించిందని అన్నారు. ‘‘ఆమె నిజాయితీ నన్ను తాకింది. నిజ జీవితాలు, బాధల నుంచి పుట్టిన కథలు తెరపైకి తీసుకురావడం ఒక బాధ్యత, ఒక ప్రత్యేక గౌరవమని ఈ సినిమా నాకు గుర్తు చేసింది’’ అని దర్శకుడు తెలిపారు.

న్యాయం కోసం పోరాటం: జాతీయ గనుల విషాదాన్ని ఆవిష్కరించిన 'పైక్ రివర్'

న్యూజిలాండ్‌లో జరిగిన అత్యంత భయంకరమైన పారిశ్రామిక విపత్తుల ఆధారంగా రూపొందిన ‘‘పైక్‌ రివర్‌’’ చిత్రం వెనకున్న లోతైన భారాన్ని దర్శకుడు రాబర్ట్ సర్కీస్ ప్రస్తావించారు. “న్యూజిలాండ్‌లో ‘పైక్ రివర్’ అని ఒక మాట చెబితే చాలు.. ఇది దుఃఖం, కోపం, న్యాయం అందని బాధను మోసే పదమని అందరికీ తెలిసిపోతుంది’’ అని ఆయన చెప్పారు. తమ భర్తను, కొడుకును కోల్పోయిన ఇద్దరు సాధారణ మహిళలు ప్రారంబించిన అసాధారణ న్యాయ పోరాటం ఈ ప్రాజెక్టును చేపట్టడానికి ప్రోత్సహించిందని తెలిపారు. ‘‘వారి స్నేహం, ధైర్యమే సినిమాకు కీలకం’’ అని రాబర్ట్ వివరించారు.

ఈ నిజాన్ని తెరపైకి తీసుకువచ్చేందుకు అద్భుతమైన భావోద్వేగ నిజాయితీ అవసరమైందని, నిజ జీవితంతో పోరాడిన మహిళలు తరుచూ సెట్లోకి వచ్చేవారు. ఇది నటీనటులపై బాధ్యతను మరింత పెంచిందన్నారు. తమ ప్రియమైనవారు మరణించారని కుటుంబాలకు చెప్పే సన్నివేశాన్ని చిత్రీకరించిన సందర్భాన్ని రాబర్ట్ గుర్తు చేసుకున్నారు. "చిత్రీకరణకు ముందు, బాధిత కుటుంబ సభ్యులు వారి జ్ఞాపకాలను మాతో పంచుకుంటూ.. ప్రతి ఒక్కరూ కన్నీళ్లు పెట్టుకున్నారు. ఆ తర్వాత తీసిన సన్నివేశం హృదయాలను కదిలించేలా ఉండటంతో.. దానిని చూసిన బాధిత కుటుంబ సభ్యులు ‘‘ ఘటన ఎలా జరిగిందో అచ్చం అలాగే ఉందని’’ తమతో చెప్పారని పేర్కొన్నారు.

మహిళలో అద్భుతమైన మానవ పరివర్తనను చూశానని దర్శకుడు తన అనుభవాన్ని పంచుకున్నారు. ఇద్దరు మహిళలను మొదటిసారి కలిసినప్పుడు వారు శోకంలో మునిగిపోయి ఉన్నారని,. వారిలో ఒకరు ఆ బాధ నుంచి బయటపడరేమోననే భయం వేసిందన్నారు. కానీ వారు న్యాయం కోసం తమ పోరాటాన్ని ప్రారంభించినప్పుడు ‘‘వెలుతురు వైపు తిరిగే పువ్వులా వికసించడం’’ చూశానని రాబర్ట్ వ్యాఖ్యానించారు. ఈ చిత్రం వారి గొంతుకను దేశవ్యాప్తంగా పెంచిందని, అనేక ప్రశంసలు, ప్రేక్షకుల నుంచి చప్పట్లను అందుకుందని తెలిపారు. అవి కేవలం సినిమాకే కాదని, ఒక దేశాన్ని మార్చిన ఇద్దరు మహిళల ధైర్యానికి లభించిన అభినందనలుగా అభివర్ణించారు.

సినిమాల గురించి

1.దే తాల్‌ పాలో

న్యాయం కోసం పోరాటం: జాతీయ గనుల విషాదాన్ని ఆవిష్కరించిన 'పైక్ రివర్'

న్యూజిలాండ్‌లో జరిగిన అత్యంత భయంకరమైన పారిశ్రామిక విపత్తుల ఆధారంగా రూపొందిన ‘‘పైక్‌ రివర్‌’’ చిత్రం వెనకున్న లోతైన భారాన్ని దర్శకుడు రాబర్ట్ సర్కీస్ ప్రస్తావించారు. “న్యూజిలాండ్‌లో ‘పైక్ రివర్’ అని ఒక మాట చెబితే చాలు.. ఇది దుఃఖం, కోపం, న్యాయం అందని బాధను మోసే పదమని అందరికీ తెలిసిపోతుంది’’ అని ఆయన చెప్పారు. తమ భర్తను, కొడుకును కోల్పోయిన ఇద్దరు సాధారణ మహిళలు ప్రారంబించిన అసాధారణ న్యాయ పోరాటం ఈ ప్రాజెక్టును చేపట్టడానికి ప్రోత్సహించిందని తెలిపారు. ‘‘వారి స్నేహం, ధైర్యమే సినిమాకు కీలకం’’ అని రాబర్ట్ వివరించారు.

ఈ నిజాన్ని తెరపైకి తీసుకువచ్చేందుకు అద్భుతమైన భావోద్వేగ నిజాయితీ అవసరమైందని, నిజ జీవితంతో పోరాడిన మహిళలు తరుచూ సెట్లోకి వచ్చేవారు. ఇది నటీనటులపై బాధ్యతను మరింత పెంచిందన్నారు. తమ ప్రియమైనవారు మరణించారని కుటుంబాలకు చెప్పే సన్నివేశాన్ని చిత్రీకరించిన సందర్భాన్ని రాబర్ట్ గుర్తు చేసుకున్నారు. "చిత్రీకరణకు ముందు, బాధిత కుటుంబ సభ్యులు వారి జ్ఞాపకాలను మాతో పంచుకుంటూ.. ప్రతి ఒక్కరూ కన్నీళ్లు పెట్టుకున్నారు. ఆ తర్వాత తీసిన సన్నివేశం హృదయాలను కదిలించేలా ఉండటంతో.. దానిని చూసిన బాధిత కుటుంబ సభ్యులు ‘‘ ఘటన ఎలా జరిగిందో అచ్చం అలాగే ఉందని’’ తమతో చెప్పారని పేర్కొన్నారు.

మహిళలో అద్భుతమైన మానవ పరివర్తనను చూశానని దర్శకుడు తన అనుభవాన్ని పంచుకున్నారు. ఇద్దరు మహిళలను మొదటిసారి కలిసినప్పుడు వారు శోకంలో మునిగిపోయి ఉన్నారని,. వారిలో ఒకరు ఆ బాధ నుంచి బయటపడరేమోననే భయం వేసిందన్నారు. కానీ వారు న్యాయం కోసం తమ పోరాటాన్ని ప్రారంభించినప్పుడు ‘‘వెలుతురు వైపు తిరిగే పువ్వులా వికసించడం’’ చూశానని రాబర్ట్ వ్యాఖ్యానించారు. ఈ చిత్రం వారి గొంతుకను దేశవ్యాప్తంగా పెంచిందని, అనేక ప్రశంసలు, ప్రేక్షకుల నుంచి చప్పట్లను అందుకుందని తెలిపారు. అవి కేవలం సినిమాకే కాదని, ఒక దేశాన్ని మార్చిన ఇద్దరు మహిళల ధైర్యానికి లభించిన అభినందనలుగా అభివర్ణించారు.

సినిమాల గురించి

1.దే తాల్‌ పాలో

దే తాల్ పాలో తాతా మనవరాలి హృదయపూర్వక కథ. పదవీ విరమణ చేసిన డాన్‌ మాన్యుయెల్‌.. భర్త చేతిలో తన కూతురు దారుణంగా హింసకు గురైన తర్వాత, 9 ఏళ్ల మనవరాలు ఐరీన్‌ను చట్టపరమైన సంరక్షణ పొందడమే ఈ కథ.. డాన్ మాన్యుయెల్‌కు ఇది రోజూవారీ జీవితంలో నాటకీయ మార్పును సూచిస్తుంది. అనేక సవాళ్లు ఎదురైనప్పటికీ అతడు, ఐరిన్ ఇద్దరూ కలిసి ఒక లోతైన, ప్రేమతో నిండిన కుటుంబ బంధాన్ని ఏర్పర్చుకుంటారు. అదే సమయంలో, మాన్యువల్‌కు ఆరోగ్య సమస్యకు సంబంధించిన తొలి లక్షణాలు బయటపడటం మొదలవుతుంది.

2. పైక్‌ రివర్‌

2010లో న్యూజిలాండ్‌లో 29 మంది కార్మికుల ప్రాణాలను బలిగొన్న పైక్ రివర్ గని పేలుడు నేపథ్యంలో తెరకెక్కిన చిత్రమే పైక్ రివర్. ఇది స్నేహం, న్యాయం కోసం పోరాడిన శక్తిమంతమైన కథ. అన్నా ఓస్బోర్న్, సోన్యా రాక్‌హౌస్‌ అనే ఇద్దరు మహిళలు తమ వారిని కోల్పోవడంతో ఇద్దరూ ఏకమై.., గని యాజమాన్యం, ప్రభుత్వ నిర్లక్ష్యం, న్యాయపరమైన అడ్డంకులకు వ్యతిరేకంగా పోరాడుతారు. వారి అచంచలమైన సంకల్పం వ్యవస్థలోని వైఫల్యాలు, మోసాలను బహిర్గతం చేస్తుంది. వారి దుఃఖాన్ని ఉద్యమంగా మార్చుతుంది. తమ ప్రియమైనవారి మృతదేహాలను తిరిగి పొందేందుకు, బాధ్యులను ఎదుర్కోవడంలో వారు చూపిన ధైర్యం దేశానికే స్పూర్తిగా నిలుస్తుంది.

దే తాల్ పాలో తాతా మనవరాలి హృదయపూర్వక కథ. పదవీ విరమణ చేసిన డాన్‌ మాన్యుయెల్‌.. భర్త చేతిలో తన కూతురు దారుణంగా హింసకు గురైన తర్వాత, 9 ఏళ్ల మనవరాలు ఐరీన్‌ను చట్టపరమైన సంరక్షణ పొందడమే ఈ కథ.. డాన్ మాన్యుయెల్‌కు ఇది రోజూవారీ జీవితంలో నాటకీయ మార్పును సూచిస్తుంది. అనేక సవాళ్లు ఎదురైనప్పటికీ అతడు, ఐరిన్ ఇద్దరూ కలిసి ఒక లోతైన, ప్రేమతో నిండిన కుటుంబ బంధాన్ని ఏర్పర్చుకుంటారు. అదే సమయంలో, మాన్యువల్‌కు ఆరోగ్య సమస్యకు సంబంధించిన తొలి లక్షణాలు బయటపడటం మొదలవుతుంది.

2. పైక్‌ రివర్‌

2010లో న్యూజిలాండ్‌లో 29 మంది కార్మికుల ప్రాణాలను బలిగొన్న పైక్ రివర్ గని పేలుడు నేపథ్యంలో తెరకెక్కిన చిత్రమే పైక్ రివర్. ఇది స్నేహం, న్యాయం కోసం పోరాడిన శక్తిమంతమైన కథ. అన్నా ఓస్బోర్న్, సోన్యా రాక్‌హౌస్‌ అనే ఇద్దరు మహిళలు తమ వారిని కోల్పోవడంతో ఇద్దరూ ఏకమై.., గని యాజమాన్యం, ప్రభుత్వ నిర్లక్ష్యం, న్యాయపరమైన అడ్డంకులకు వ్యతిరేకంగా పోరాడుతారు. వారి అచంచలమైన సంకల్పం వ్యవస్థలోని వైఫల్యాలు, మోసాలను బహిర్గతం చేస్తుంది. వారి దుఃఖాన్ని ఉద్యమంగా మార్చుతుంది. తమ ప్రియమైనవారి మృతదేహాలను తిరిగి పొందేందుకు, బాధ్యులను ఎదుర్కోవడంలో వారు చూపిన ధైర్యం దేశానికే స్పూర్తిగా నిలుస్తుంది.

***