#IFFIWood, 23 नोव्‍हेंबर 2025

56व्या भारतीय आंतरराष्ट्रीय चित्रपट महोत्सवांत (IFFI) कंट्री फोकस जपानान आयज लक्ष वोडून घेतले. “टायगर” आनी “सीसाइड सेरेंडिपिटी” ह्या दोन चित्रपटांच्या कलाकार आनी पंगडान खासा आयोजीत केल्ल्या पत्रकार परिशदेत प्रसार माध्यमां कडेन संवाद सादलो. फिल्म निर्मात्यांनी आपल्या सृजनशील प्रवासाची, विशयात्मक प्रेरणा आनी आंतरराष्ट्रीय पांवड्यार जपानाचे प्रतिनिधित्व करपाच्या म्हत्वाविशीं माहिती दिली. 

दोनूय चित्रपटांचे ट्रेलर दाखोवन पत्रकार परिशदेची सुरवात जाली.

“टायगर” ह्या सिनेमांत एका 35 वर्सां पिरायेच्या मालिश करपी मनशाची काणी सांगल्या, ज्याच्या भयणी बरोबरच्या वादाक लागून तणाव वाडटा आनी तो एका गंभीर संकटाच्या पांवड्यार पावता आनी ताका लागून नैतीक मर्यादा धूसर जातात. ह्या कथनांत LGBTQ+ समुदायासमोरच्या आव्हानांचेरूय भर दिला, वळख, हक्क आनी सामाजिक मान्यतायेचे मुद्दे मुखार हाडटात.

प्रसार माध्यमांक संबोधीत करतना फिल्म दिग्दर्शक अंशुल चौहान फिल्म तयार करतना आयल्ल्या सृजनशील आनी भावनीक गुंतागुंतींचेर उलयलें. ताणें अशा संवेदनशील विशयाक प्रेक्षक कशी प्रतिक्रिया दितले ह्या संदर्भात, सुरवातेक आशिल्ल्या दुबावा विशीं सांगले.

“सीसाइड सेरेन्डिपिटी”चो कार्यकारी निर्मातो तोमोमी योशिमुरा हांणी मिडिया संवादांत आपलो  अणभव आनी सृजनशील प्रवास मांडलो. भारतीय प्रेक्षकां कडल्यान मेळिल्ल्या अतोनात प्रतिसादा खातीर तांणी काळजा थावन उपकार मानले आनी प्रेक्षकांच्या उत्साहाक लागून  IFFI त  चित्रपट प्रदर्शन आनीकूय अर्थपूर्ण थरले अशे नमूद केले.

संवादांत तोमोमी हाणें  चित्रपटा फाटल्या मुखेल विशयात्मक दृष्टिकोनाचेर भर दिलो. भुरगीं आनी प्रौढां मदलो पिढीजात अंतर भरपाचो यत्न करता अशें स्पश्ट केलें. कथा सगळ्या वयोगटां मदि समज निर्माण करपाखातीर रचल्या, तातूंत अशे दृष्टिकोन मांडल्यात जे तरुण तशेच प्रौढ प्रेक्षकांक भावतले अशें, तांणी सांगले.

एका शांत दर्यादेगेवेल्या शारांत स्थित “सीसाइड सेरेन्डिपिटी” थंय दीर्घकाळ रावपी लोकांच्या जिविताचेर उजवाड घालता, ज्यांचे जीवन कलाकारांच्या आगमनान आनी  असामान्य घटनांच्या मालिकेक लागून बदलता. हि कथा मदल्या शाळेंतल्या सोसुके आनी सदांच बदलपी शारा भोंवतणी केंद्रीत आसा. हो चित्रपट मोग आनी नातेसंबंध मनयता आनी पुराय महोत्सवात तो प्रेक्षकांक भावतलो अशी आशा चित्रपटाच्या टीमीन उक्तायली.

Teams of the films 'Serendipity ( Umibe eiku michi )' and 'Tiger' during the Press Conference at the PIB Media Centre #IFFIGoa #IFFI2025 #IFFI56 @IndianEmbTokyo pic.twitter.com/upfgmNRvKf

— PIB in Goa 🇮🇳 (@PIB_Panaji) November 23, 2025

"सीसाइड सेरेंडिपिटी” चें ट्रेलर

"टायगर" चे ट्रेलर

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, Click on:

https://www.pib.gov.in/PressReleasePage.aspx?PRID=2191742

https://www.pib.gov.in/PressReleasePage.aspx?PRID=2190381

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56