#IFFIWood, 22 नोव्‍हेंबर 2025

लाइट्स. कैमरा. कोनिचिवा!

दर्याचे नितळ वारें आनी सिनेमाच्या झगझगाटा सयत 56व्या आंतरराष्ट्रीय चित्रपट महोत्सव (इफ्फी) चो बहुप्रतिक्षित कंट्री फोकस: जपान शोकेस आयज सुरु जालो. कितले भव्य उक्तावण आशिल्ले !  पडद्याचेर आयिल्लो पयलो चित्रपट-‘सीसाइड सेरेंडिपिटी’ (उमिबे ए इकु मिची)- हांणी भांगराळ्या दर्यादेगेच्या जादून हें थळ न्हाणयलें आनी प्रेक्षकांक भुरगेपणांतल्या अद्भुतपणाच्या, कलात्मक ल्हारांच्या आनी सुर्याच्या उजवाडान कथाकथनाच्या संवसारांत खिणांत व्हरून दवरलें. सिनेमाचे कलाकार आनी वांगड्यांचो रेड कार्पेटाचेर स्वागत जालें.

इफ्फी 2025 खातीर फोकस कंट्री जपान एक शानदार सिनेमॅटिक पंगडासयत येता - 6 चित्रपट जे एनर्जी, भावना आनी असामान्य कलात्मक धैर्यान भरिल्लें आसा. काळजांत घर करपी सॉफ्ट ड्रामा पासून ते शिमो हुंपपी बोल्ड समलिंगी कथनां मेरेन; क्रॉस-कल्चरल हार्ट ब्रेक ते तरणाट्यांचो साय-फाय स्पार्कल्स आनी सपनांतल्या, प्रायोगिक आर्ट-हाऊस टेपेस्ट्री मेरेन-ही लायनअप जपानी कथाकथनांतल्या मास्टरक्लासा परस उणी न्हय.

हे  क्यूरेशन एक सेल्युलाइड कैलिडोस्कोप आसा , जे जपानाच्या विकसीत जावपी चित्रपट विश्वांत एक वाइब्रेंट पासपोर्ट- तातूंत नवे आवाज, दूरदर्शी दिग्गज आनी त्या दर एका कथाकाराची परब मनयतात जे नेम मोडपाचे आनी रूढिवाद मोडपाचें धाडस करता. ज्या देशाचो सिनेमा संवसाराक मोहित करपाक लागला, त्या देशाच्या फुडारपणा खाला भावना, सौंदर्यशास्त्र आनी अविस्मरणीय फ्रेम हांच्या रोलरकोस्टराक तयार जायात.

कंट्री फोकस: जापान शोकेस — फिल्मां आनी सार

1. ए पेल व्यू ऑफ़ हिल्स (टूई यामानामी नो हिकार)

जापान, UK, पोलैंड | 2025 | इंग्लिश, जापानी | 123’| कलर

नोबेल पुरस्कार विजेते लेखक काझुओ इशिगुरो हाच्या 1982 वर्साच्या, युके 1982 ह्या पुस्तकाचेर आदारीत. एक तरणाटी आकांक्षी जपानी-ब्रिटीश लेखक तिची आवय एत्सुकोच्या नागासाकींतल्या झुजा उपरांतच्या  अणभवांचेर आदारीत पुस्तक बरोवपाचे येवजीता. व्हडल्या चलयेच्या आत्महत्याक लागून त्रासीत एत्सुको 1952 वर्साच्यो आपल्यो यादीं सांगपाक लागता, जेन्ना ती एक तरणाटी आवय जावपाची आसता . तिची काणी सुरू जाता ती सचिको वांगडा जाल्ल्या भेटीन. सचिको ही एक युवा बायल जी, आपल्या तरणाट्या धूव मारिको हिचे वांगडा परदेशांत नवे जिवीत सुरू करपाची आस्त बाळगीता , जी परत परत एके भयानक बायलेच्या यादींचो उल्लेख करता. लेखकाक  तिच्या आवयच्या नागासाकी वर्सांच्यो  यादी आनी एत्सुकोन शेअर केल्ल्यो यादी  एकठांय करताना त्रासदायक विसंगती सापडतात.

2. कैचिंग द स्टार्स ऑफ़ दिस समर (कोनो नात्सु नो होशी वो मिरु)

जापान | 2025 | जापानी | 126’ | कलर

मिज़ुकी त्सुजिमुरास हांच्या बेस्ट सेलिंग कादंबरी कैचिंग द स्टार्स ऑफ़ दिस समर हाचेर आदारीत हो चित्रपट जपानातल्या  2020 कोवीड १९ लॉकडावनांतल्या खऱ्या घडणुकां पासून प्रेरीत जाल्ली काणी आसा.  इबाराकीचो आसा, टोक्योचो माहिरो आनी नागासाकीच्या गोटो जुंव्यांवेलो  मडोका अशे तीन विद्यार्थी शाळा बंद जाल्ल्यान ऑनलायन पद्धतीनं एकठांय येतात. खगोलशास्त्राच्या मोगान एकठांय येवन ते वर्चुअल स्टार कैच सर्त घडोवन हाडटात, जांतूत घरगुती दुर्बिणींनी नखेत्रां पळोवपाची सर्त करतात. प्रादेशिक आनी भावनीक अंतराचेर जशी तांची इश्टागत खोलायेन वाडत वता तशी तशी तांची सर्त भौगोलिक पारंपारीक शिमो आनी महामारीची मर्यादा हुंपपी एक अनपेक्षीत चमत्कारात रुपांतरीत जाता. 

3. डियर स्ट्रेंजर

जापान, ताइवान, USA | 2025 | इंग्लिश, चाइनीज़ | 138’ |

डियर स्ट्रेंजर न्यूयॉर्क शारांत रावपी एक जपानी मनीस आनी ताची तैवान- अमेरिकन बायलेची काणी सांगता. काम, पालकत्व आनी काळजी घेवप हांचे कडेन संघर्ष करत असताना तांच्या पुताचें अपहरण जाले उपरांत आदींचं तणावात आशिल्ली तांची जीण आनीक संकश्टांत देंवता . ही आघातकारक घडणूक बऱ्याच काळासावन पुरून दवरिल्लीं गुपीत आनी भावनीक जखम मुखार हाडटा आनी ताका लागून त्यांच्या संबंधात फूट पडतटा . दोगूय  दुख्ख आनी दुबाव हांचे कडेन झगडटा तेन्ना दबावा खाला जोडप्याचे संबंद मोडटात आनी ताका लागून विस्वास, संस्कृतीक अस्मिताय आनी सुखी कुटुंबाच्या आदर्शा विशीं कठीण प्रस्न उप्रासतात. स्थलांतरीत जिणेची गुंतागुंत, कुटुंबीक गतिशीलताय आनी शोकांतिका मदीं समेटाचो यत्न ह्या चित्रपटांत दाखयला.

4. सीसाइड सेरेंडिपिटी (उमिबे ईकु मिची)

जापान | 2025 | जापानी | 140’ | कलर

एक जिवंत दर्यादेगेवेल्या शारांत जंय कलाकार बऱ्याच काळासावन रावपी थळाव्यां कडेन एकठांय येतात.  सीसाइड सेरेंडिपिटी ही  काणी मध्यमवर्गीय विद्यार्थी सोसुके आनी ताच्या इश्टांचो सर्जनशीलतेन आनी जिज्ञासेन भरिल्ल्या अविस्मरणीय गिमाळ्याचो फाटलाव करता . कला आनी संशोधनांत आपली उर्जा ओततना तांची  निश्चीत नदर गुपीत, खेद आनी स्वताचो सोद घेवन वजनान भरिल्ल्या प्रौढां कडेन गुंथता जाल्यार भुरगीं मर्यादेबगर कल्पनेन आव्हानांक स्वीकारतात.   झिलमिलपी सुर्या खाला सदांच बदलपी शार स्वता एक जिवें पात्र जाता. विनोदी भेटी  आनी ल्हान शारांतल्या गूढ गजालीं वरवीं सीसाइड सेरेंडिपिटी ह्यूमर, कोमलता आनी शांत आत्मनिरीक्षणान भरिल्ल्या ल्हान ल्हान  काण्यांचो एक प्रकाशान भरिल्ली टेपेस्ट्री थारता.

5. टाइगर

जापान | 2025 | जापानी | 127’ | कलर

टोकियोच्या अंडरग्राउंड विलक्षण दृश्या चेर आदारीत टायगर ह्या चित्रपटांत 35 वर्सां पिरायेच्या समलिंगी मालिश करपी ताइगा कटागिरीची काणी आसा . जो आपल्या विरक्त भयणी कडेन वारसाहक्कावेल्यान वाढत्या संघर्षांआड झुंजता. हो ताण योग्य आनी अयोग्य हांचे मदली रेखा अस्पष्ट करता, खर कुटुंबीक गतिशीलताय आनी समाजीक दबाव उक्ते करता. ताइगा फकत दादल्यां खातीर आशिल्ल्या मसाज पार्लरांतल्या आव्हानात्मक काम आनी समलिंगी अश्लील ऑडिशनांचें समतोल दवरून, मान्यताय आनी अस्मिताय हांच्या  संवसारांत फुडें सरता. हो चित्रपट खोलायेन विभागिल्ल्या समाजांतल्या एलजीबीटीक्यू+ जिविताची गुंतागुंत, वैयक्तीक आनी कुटुंबीक संघर्शाचें मार्मिक, प्रामाणीक चित्रण दाखयता. 

6. टू सीज़न्स, टू स्ट्रेंजर्स (ताबी टू हिबी)

जापान | 2025 | जापानी | 89’ | कलर

गिमाळो आनी शिंयाळो  विपरीत हंगामा आड तयार केल्लो  चित्रपट ‘टू सीझन, टू स्ट्रेंजर्स’,  दोन मार्मिक कथा एकमेकात गुंथता. दर्या देगेर पावसाळी गिमाळ्यात शारांतली नागीसा ही बायल आनी एक तरणाटो सोयरो नत्सुओ ही एकठांय दर्यांत देवतांना विचित्र संवाद आदान-प्रदान करतात. बर्फान भरिल्ल्या शिंयात, ली हो एक क्रिएटिव स्क्रीनराइटर  एका रहस्यमयी  बेंझोन चलोवपी पयसुल्ल्या गेस्टहाउसांत पावता. तांच्या मदलो उणो संवाद एका वाडत्या  संबंदाक लिपयता, जो तांकां अनपेक्षित सफ़रीचेर  व्हरता. हो चित्रपट कल्पित आणि जिवंत वास्तवां मदल्या सूक्ष्म परस्परसंवादाचो नाजूकपणान सोद घेता.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, Click on:

https://www.pib.gov.in/PressReleasePage.aspx?PRID=2187436#:~:text=Japan%20is%20the%20Country%20of,the%20nation's%20evolving%20film%20language.

https://www.pib.gov.in/PressReleasePage.aspx?PRID=2190314

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56