Katba dang iaid ki snem, ka IFFI ka la kylla na ka tamasa phlim kaba rit sha ka jingrakhe kaba heh bha—ka jingiaid lynti kaba wanrah lang ïa ki phlim, ka put ka tem bad ka jingim. Ha u snem ba la dep, ka IFFIESTA ka la shim da ka jingsngew sarong ïa ka kamram ban ïalam ïa kane ka jingïaid lynti jong ka kolshor, da kaba pynïasoh ïa ka sur jingrwai bad ka jingsaindur sha ka bynta jong ka IFFI.

Lyngba ka jingsdang kaba iphuh iphieng jong ka IFFIESTA, ba la pynlong da ka Doordarshan bad Waves OTT, ba la pynlong ha ka miet kaba la dep ha ka Dr. Shyama Prasad Mukherjee Indoor Stadium ha Goa, ka bynta kaba 56 jong ka IFFI ka la bteng ia ka pateng jong ka ban pynkhih ia ki jingmut jingpyrkhat bad ban peit ia ka jingriewspah ka put ka tem, ka deiriti bad ki live prokram.

Ha kane ka prokram la dap da ki riew pawkhmat kiba la tbit bha ha ki kam jong ki. Napdeng jong ki, u barikor Anupam Kher, u nongjop khusnam Oscar, M M Keeravani, bad ka barikor kaba la jop khusnam ha ka ri Aimee Baruah na Assam,  ki la iadonlang bad u Ravi Kottarakara, President jong ka Film Federation of India, bad ka sur ba thiang na South Korea, MP Jaewon Kim. Ha ryngkat u Director General ka Doordarshan K. Satish Nambudiripad ki la ialum lang ban rakhe ia ka kam shna phlim.

U DG Nambudiripad, ha ka jingkren jong u, u la ong, “Ngi baroh ngi tip ba ka lynti jong ki channel kiba mih na ka jingkylla sha ki satellite ki nang sakhi ia ka jingkylla sha ka kam digital; ki tiar ba la bat ha kti ha kaba ki briew ki lah ban peit ïa ki prokram ha kano kano ka por. Ka WAVES OTT ka ai ka jingpynbyrngia kaba shngain bad kaba bha na ka bynta ka longïing.” U la bteng ban kyntu, “Ngin kyrpad ia ki samla, ka generation G, kiba peit step bad miet ia ki tiar digital ba kin wan sha ka Doordarshan ban iohi ia ka jingkhlain jong kawei ka pateng kaba ka Doordarshan ka ju long ka nongmihkhmat, lane dei ban ong ba ka dang dei ka nongmihkhmat, ban iohi ia ki prokram.

Kumjuh u Kher u la ong ha ka rynsan jong ka IFFIESTA, “Ngi la sdang ia ka jingim jong ngi na ka Doordarshan. Ngi long kiba donbok ba ka Doordarshan ka la pyni nyngkong ia ki phlim. La kha ia nga namar ka Doordarshan bad ngan ym klet ia kane. Ka Doordarshan ka dei kaei kaei kaba don beit ha ka jingim jong ngi, kaba dang kdup beit ia ngi.”

Ka miet ka la sdang da ka jingrwai Vande Mataram da ka Jaewon Kim ha kaba ka sur jong ka ka long ka jingpyniasoh hapdeng ki jaitbynriew. "Nga sngewkmen shibun ban don hangne. Khublei shibun ia ka jingpdiang sngewbha jong phi. Nga khmih lynti shisha ban iohi ia ki phlim bad ka jingiatreilang hapdeng ka India bad ka Korea”, ka la ong shwa ban rwai ia ka jingrwai.

Hadien kane, la don ka bynta kaba ar kynta da u nongrwai bad nongthoh jingrwai Osho Jain.

Sa kaei nangne: Sa lai miet ki jingrakhe

Ki lai miet ba dang sah jong ka IFFIESTA 2025, naduh ka 22 haduh ka 24 tarik u Naiwieng ki dei kiba ym donkam siew ban leit peit bad kin don:

Sngi ba 2 (Naiwieng 22) – Ba la pyniaid da ka Neetu Chandra bad Niharica Raizada

• Battle of Bands ha kaba yn don ka kynhun The Bandits (India) bad Beats of Love (International), ba pyniaid da ka Isha Malviya
• Ka bynta Suron Ka Eklavya bad u Pratibha Singh Baghel bad kiwei kiwei kum u Jack Aslam, Supriya Pathak, Rahul Soni, Pratiksha Dekha, bad Pickosa Moharkar
• Waah Ustad da u Vusat Iqbal Khan uba wanrah ia ka "Folk & Fusion - Mitti Ki Awaaz"

Sngi ba 3 (Naiwieng 23) – Ba pyniaid da Niharica Raizada

• Battle of Bands ha kaba yn don ka kynhun MH43 (India) bad The Swastik (International), ba pyniaid da u Haarsh Limbachiyaa
• Suron Ka Eklavya bad ka Pratibha Singh Baghel, Pratiksha Deka, Sagar Tiwari, bad Supriya Pathak
• Waah Ustad kaba wanrah ia ka "Sufi & Bhakti - Ishq Aur Bhakti Ki Ek Sur"

Sngi ba 4 (Naiwieng 24) – Ba pyniaid da ka Niharica Raizada

• Battle of Bands ha kaba yn don ka kynhun The Vairagis (India Winners) bad Knights, ba pyniaid da u Hussain Kuwajerwala
• Suron Ka Eklavya bad ka Pratibha Singh Baghel, Jack Aslam, Pickosa Moharkar, bad Rahul Soni
• Devanchal ki Prem Katha – Ka jingpyni live ia ka jingshad tynrai na Himachal ha kaba yn don Raza Murad, Ather Habib, Kirti Nagpure, Dinesh Vaidya, Milan Singh, bad Aditi Shastri
• Ka jingkut jong ka Waah Ustad kaba wanrah ia ka "Raga & Cinema Fusion - Sur Se Cinema Tak"

Ia ka bynta Suron Ka Eklavya la pynkhreh da u Gajendra Singh, katba la wanrah ia ka bynta Waah Ustad da u Dilli Gharana. Ki nongrwai ba la khot kyrpang ki dei kiba la pynbiang da ka Saregama.

Yn pyni live ia baroh saw miet ki prokram ha ka DD Bharati bad yn stream ha ka WAVES OTT, ha kaba yn don ki jingpyni kyrpang ha ka DD National.

Ki jingtip shaphang ka prokram:

• Ki tarik: Naiwieng 21-24, 2025
• Jaka ba pynlong: Dr. Shyama Prasad Mukherjee Indoor Stadium, Goa
• Ka por: Naduh ka 6:00 baje janmiet man ka sngi (Yn plie ia ki khyrdop ha ka por 5:00 baje janmiet)
• Ka Bai Rung: Ym donkam siew eiei na ka bynta ki prokram ha ka 22-24 tarik u Naiwieng
• Live Coverage: DD Bharati, WAVES OTT, DD National (highlights)

Ban tip shuh shuh shaphang ka IFFIESTA: https://www.iffigoa.org/iffi-esta

Peit ia ka jingkren u DG, DD:

Shaphang ka IFFI

La sdang ha u snem 1952, ka International Film Festival of India (IFFI) ka ieng skhem kum ka jingrakhe kaba la rim bad kaba heh tam ha South Asia ha ka kam ba iadei bad ki phlim. La pynlong lang da ka National Film Development Corporation (NFDC), ka Tnad Information and Broadcasting, Sorkar india bad ka Entertainment Society of Goa (ESG), ka Sorkar Jylla Goa,kane ka tamasa ka la nangroi sha ka jaka ba don bor ha ka pyrthei ha ka kam pynmih phlim—ha kaba ki phlim hyndai ba la pynthymmai ki ïakynduh ïa ki jingpyrshang ba shlur bad ki briew kiba la pynskhem ialade ha kane ka kam ki iakynduh ia kito kiba dang sdang ha kane ka kam. Kaba pynlong ïa ka IFFI ban tyngshaiñ shisha ka dei ka jingbun ki bynta—ki jingïakob ha kylleng ka pyrthei, ki jingpyni ïa ka kolshor, ki masterclass, ki jingai burom, bad ka WAVES Film Bazaar ba shitrhem bha, ha kaba ki jingmut, ki jingïateh bad ki jingïatreilang ki kiew shaphrang. Ha ka jingpynlong ha rud duriaw jong ka Goa naduh ka 20–28 tarik u Naiwieng, ka bynta kaba 56 kan don ki bynta jong ki ktien bapher bapher , ki jait phlim bapher bapher, ki jingsaindur thymmai, bad ki sur—ka jingrakhe ïa ka jingtbit ka India ha ka kam saindur jong ka pyrthei.

Ban ioh jingtip shuh shuh, shon ha ka:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Post Link: https://x.com/PIB_Panaji/status/1991438887512850647?s=20

X Handles: @IFFIGoa, @PIB_India, @PIB_Panaji

* * *