#IFFIWood, 21 नोव्‍हेंबर 2025

फांटल्या कांय वर्सां भितर इफ्फी एका साद्या सिनेमा महोत्सवांतल्यान एक भव्य उत्सवांत फुलला-सिनेमा, संगीत आनी जिणेची जादू एकठांय हाडपी एक तन्मयतायेचो प्रवास. पोरुं इफ्फीएस्टान अभिमानान ह्या सांस्कृतीक प्रवासाचे मार्गदर्शन करपाची जापसालदारकी स्वीकारली, संगीत आनी कला इफ्फीच्याच रचणुकेत विणली.

काल सांजवेळा गोंयच्या डॉ.श्यामा प्रसाद मुखर्जी इंडोर स्टेडियमांत दूरदर्शन आनी वेव्स ओटीटीन आयोजीत केल्ल्या इफ्फीएस्टाच्या भव्य उक्तावणांत इफ्फीच्या 56व्या आवृत्तीन मनांक प्रकाशीत करपाची आनी संगीत, संस्कृताय आनी लायव्ह सादरीकरणाची गिरेस्त टेपेस्ट्री तिगोवन दवरपाची कालबाह्य परंपरा चालू दवरली.

दी सांजवेळ सिने नखेत्रांनी पर्जळीत जावन, माचयेर दिग्गज कलाकारांचा मेळावो दिश्टी पडटालो. दरेकलो आपल्या कलेचो जणू दिवोच आसलो. तातूंत फामाद अभिनेतो श्री अनुपम खेर, ऑस्कर विजेते  उस्ताद श्री एम एम कीरवानी, आसामांतली राष्ट्रीय पुरस्कार विजेती अभिनेत्री ऐमी बरुआ, भारतीय चित्रपट महासंघाचे अध्यक्ष रवी कोट्टारकारा  आनी दक्षिण कोरियाचो दमदार आवाज खासदार जेवॉन किम, हांचे सयत दूरदर्शनाचे महासंचालक श्री के.सतीश नंबूदिरीपाद सिनेमाची जादू मनोवपाक हाजीर आसले.

डीजी श्री नंबूदिरीपाद हांणी आपल्या उक्तावण उलोवपांत उल्लेख केलो की, "सैटेलाइट क्रांतीचें चॅनल ल्हवू ल्हवू डिजिटल क्रांती कडेन वाटचाल करतात; जाचेवरवीं हातांत धरपाचीं साधनां उपलब्ध जाल्या जंय लोकांक खंयच्याय वेळार कार्यक्रम पळोवंक मेळटा. दूरदर्शनाचे  वेळाच्या मागणे प्रमाण विकसीत जावप योग्य आसा . वेव्हज ओटीटीसयत नव्या डिजिटल पावंड्यार  प्रवेश करून दूरदर्शनानं  हेच केला. वेव्हज ओटीटी  कुटुंबाक सुरक्षीत, निरोगी मनरिजवण दिता.” अशे ताणें फुडें म्हळें. “डिजिटल उपकरणांत आडकून उरिल्ल्या तरणाट्यांक, जनरेशन G क, दूरदर्शनान प्रतिनिधित्व केल्ल्या वा करपी वारशाचें बळगें पळोवपाक, कार्यावळी पळोवपाक, दूरदर्शनात येवपाचो उलो तांणी  हे वेळार मारलो.

श्री अनुपम खेर हांणी इफ्फीएस्टाच्या माचयेर आपल्यो यादी उक्तायल्यो. "आमी सगळ्यांनी आमचें जिवीत दूरदर्शना सावन सुरू केलां. आमी भाग्यवान की दूरदर्शनानच आमकां सिनेसृष्टीची वळख करून दिली. दूरदर्शनाक लागून म्हजो कलाकार म्हण  जल्म जालो  जो हांव केन्नाच विसरूंक शकना. दूरदर्शन हो आमच्या जिवितांतलो एक परमळ , जो अजूनय आमकां आपल्या आलिंगनांत गुठलायता."

कार्यावळीची  सुरवात जेवॉन किम हांच्या वंदे मातरमाच्या भावपूर्ण सादरीकरणान जाली, तिचो आवाज म्हळ्यार राश्ट्रां मदलो एक पूल. "हांगासर येवन म्हाका भोव खोस जाल्या. आपल्याक भोव  उमेदीन येवकार दिल्ल्या खातीर आभार. भारत आनी कोरिया मदल्या सिनेमा आनी कंटेंट सहकार्याची हांव उत्साहानं वाट पळयता", अशें गीत गावचे पयलीं तिणें मत मांडले . 

उपरांत सांजवेळार गायक-गीतकार ओशो जैन हांचे दोन वरांचे सादरीकरण जाले.  

फुडें कितें आसतले : आनीक तीन रातींचो  उत्सव

22-24 नोव्हेंबराक जावपी इफ्फीएस्टा 2025 च्या उरिल्ल्या तीन सांजवेळां फुकट प्रवेश आनी खाशेलपणां आसतलीं:

दुसरो दीस (22 नोव्हेंबर) – नीतू चंद्रा और निहारिका रायज़ादा होस्ट करतली 

• ‘द बँडिट्स (इंडिया) आनी बीट्स ऑफ लव (इंटरनॅशनल) हांचो आस्पाव आशिल्लो बॅटल ऑफ बँड्स जाका ईशा मालवीय होस्ट करतली 
• सुरों का एकलव्य सेगमेंट जांतूत प्रतिभा सिंह बघेल आनी सोयरे कलाकार जैक असलम,  सुप्रिया पाठक, राहुल सोनी, प्रतिक्षा देखा, आनी पिकोसा मोहरकर हांचो आस्पाव आसतलो
• "फोक एंड फ्यूज़न - मिट्टी की आवाज़"- वाह उस्ताद परफॉर्मेंस वुसैट इकबाल खान सादर करतले  

तिसरो दीस (23 नोव्हेंबर) – निहारिका रायज़ादा होस्ट करतली

• बैटल ऑफ़ बैंड्स त  MH43 (इंडिया) आनी  द स्वास्तिक (इंटरनेशनल) हांचो आस्पाव , जाचे होस्टिंग  हर्ष लिम्बाचिया करतले . 
• प्रतिभासिंह बघेल, प्रतिक्षा डेका, सागर तिवारी, आनी सुप्रिया पाठक हांचे वांगडा सुरों का एकलव्य
• "सूफी आनी  भक्ति - इश्क और भक्ति की एक सुर" सादर करतले वाह उस्ताद

चवथो दीस (24 नोव्हेंबर) – होस्ट निहारिका रायज़ादा

• बैटल ऑफ़ बैंड्स जांतूत द वैरागिस (इंडिया विनर्स) आनी  नाइट्स हांचो वाटो , होस्ट हुसैन कुवाजेरवाला
• सुरों का एकलव्य जांतूत प्रतिभा सिंह बघेल, जैक असलम, पिकोसा मोहरकर और राहुल सोनी वाटेकार जातले 
• शास्त्री सारकिल्ले कलाकारांचो वाटो देवांचल की प्रेम कथा – हिमाचली लोक नृत्यचो खासा लाइव शोकेस जांतूत रज़ा मुराद, अथर हबीब, कीर्ति नागपुरे, दिनेश वैद्य, मिलन सिंह आनी अदिति
• वाह उस्ताद हांचो  फिनाले परफॉर्मेंस "रागा एंड सिनेमा फ्यूज़न - सुर से सिनेमा तक" सादर जातलो 

सुरों का एकलव्य सेगमेंट गजेंद्र सिंह हांणी क्यूरेट केला , जाल्यार वाह उस्ताद सेगमेंट दिल्ली घराना सादर करतले.  खाशेले सोयरे गायक सरेगामा हांचे सादरीकरण. 

चारय दिसांचे खासा कार्यक्रम डीडी भारतीचेर लायव्ह प्रसारीत जातात तशेच वेव्स ओटीटीचेरय  प्रसारीत जातात, डीडी नॅशनलाचेर खाशेलीं हाइलाइट्स पळोवपाक मेळटली .

कार्यावळीचो तपशील: 

• तारीख: 21-24 नोव्हेंबर, 2025
• थळ : डॉ श्यामा प्रसाद मुखर्जी इनडोर स्टेडियम, गोंय
• वेळ: दर दिसा सांजवेळा 6:00 वरांचेर (गेटी सांजवेळा 5:00 वरांचेर उगडटात)
• प्रवेश: 22-24 नोव्हेंबराच्या सादरीकरणा खातीर फुकट
• लायव्ह कव्हरेज: डीडी भारती, वेव्स ओटीटी, डीडी नॅशनल (हायलायट्स)

To know more about IFFIESTA: https://www.iffigoa.org/iffi-esta

Watch DG, DD addressing the audience:

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

 PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Post Link: https://x.com/PIB_Panaji/status/1991438887512850647?s=20

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56