#IFFIWood, 21 नोव्‍हेंबर 2025

56 व्या इफ्फीचा दुसरा दिवस विभिन्न गोष्टींच्या गतिमान संगमाचा साक्षीदार ठरला. यामध्ये होते- जागतिक सिनेसृष्टीतील आदानप्रदान, उगवत्या प्रतिभेचे दर्शन, उच्चस्तरीय मुत्सद्दी चर्चा आणि चैतन्यमय सांस्कृतिक संभाषणे ! अनेक महत्त्वपूर्ण कार्यक्रमांची मालिकाच आज गुंफली गेली. दिग्गजांच्या मार्गदर्शनाने खुलणाऱ्या मास्टरक्लास सीरिजचे उद्घाटन, उद्याच्या सर्जनशील मनांना एकत्र आणणाऱ्या (CMOT) 2025 चा प्रारंभ, राजदूतांची गोलमेज बैठक, सिनेमाविषयक संवादसत्र आणि तारेतारकांनी गजबजलेला लाल रुजामा- या साऱ्या घटनांच्या मांदियाळीतून, इफ्फीचे आंतरराष्ट्रीय महोत्सव म्हणून वाढत चाललेले महत्त्वच अधोरेखित होते.

डॉ.एल.मुरुगन यांच्या हस्ते इफ्फी 2025 मास्टरक्लास सीरिजचे उद्घाटन

केंद्रीय माहिती प्रसारण तथा संसदीय कामकाज राज्यमंत्री डॉ.एल.मुरुगन यांनी गोव्यात कला अकादमीमध्ये मास्टरक्लास सीरिजचे उद्घाटन केले. यावेळी वरिष्ठ अधिकारी आणि सिनेसृष्टीतील नामवंत उपस्थित होते.

यावेळी प्रथमच, उद्घाटन सोहळ्यात सर्वसामान्य रसिकांसाठी प्रवेश खुला ठेवण्यात आला होता. यातून अधिकाधिक लोकांना वाव देण्यासाठीची इफ्फीची वचनबद्धता दिसून येते. ऑस्ट्रेलिया, जपान, जर्मनी, आणि कॅनडामधील लोक या भागात सहभागी झाले.

कला अकादमी, गोवा येथे केंद्रीय मंत्री डॉ.एल.मुरुगन यांच्या हस्ते पारंपरिक दीपप्रज्वलनाने इफ्फी 2025 मास्टरक्लास सीरिजचे उद्घाटन

केंद्रीय राज्यमंत्री डॉ.एल.मुरुगन यांच्या हस्ते गोव्यात 56व्या इफ्फीमध्ये पारंपरिक दीपप्रज्वलनाने अत्यंत उत्कंठावर्धक अशा मास्टरक्लास सीरिजचे उद्घाटन, सोबत माहिती आणि प्रसारण सचिव संजय जाजू, चित्रनिर्माते मुझफ्फर अली, आणि अन्य मान्यवर

गोव्यात 56व्या इफ्फीमध्ये मास्टरक्लास सीरिजमध्ये व्याख्यान देताना माहिती आणि प्रसारण सचिव संजय जाजू

गोव्यात 56 व्या इफ्फीमध्ये मास्टरक्लास सीरिजमध्ये केंद्रीय राज्यमंत्री डॉ.एल.मुरुगन, सोबत माहिती आणि प्रसारण सचिव संजय जाजू, चित्रनिर्माते मुझफ्फर अली, आणि अन्य मान्यवर

CMOT 2025 चा प्रारंभ-: 125 तरुण सर्जकांनी घेतले 48- तासांत फिल्म तयार करण्याचे आव्हान

उद्याच्या सर्जनशील मनांना एकत्र आणणाऱ्या Creative Minds of Tomorrow (CMOT) च्या पाचव्या आवृत्तीचा प्रारंभ आज झाला, आणि यात उगवत्या 125 चित्रनिर्मात्यांनी भाग घेऊन एका जबरदस्त अशा आव्हानाचे शिवधनुष्य उचलले. ते म्हणजे- 48- तासांत फिल्मची निर्मिती करण्याचे आव्हान.

सहभागी व्यक्तींनी दडपणयुक्त वातावरणाचा उत्तम उपयोग करून घेत त्यांच्या कलेला सुबक आकार द्यावा यासाठी डॉ.मुरुगन यांनी त्यांना प्रोत्साहन दिले. मुंबईच्या नवीन- भारतीय सृजनशील तंत्रज्ञान संस्था (IICT) यासारख्या प्रकल्पांचा उद्देश, भारताच्या अर्थव्यवस्थेच्या सर्जनशील पैलूचे बळकटीकरण आणि नव्या पिढीच्या प्रतिभेला आधार- हा असल्याचे मुरुगन यांनी अधोरेखित केले.

राज्यमंत्री डॉ.एल.मुरुगन आणि सचिव संजय जाजू यांच्या उपस्थितीत CMOT 2025 च्या प्रारंभाचा थरार, आपल्या भावी चित्रनिर्मात्यांचे कौतुक !

राज्यमंत्री डॉ.एल.मुरुगन आणि सचिव संजय जाजू यांच्या उपस्थितीत CMOT 2025 च्या प्रारंभाचा थरार, आपल्या भावी चित्रनिर्मात्यांचे कौतुक !

आज CMOT 2025 चा प्रारंभ होताना येथे एकवटलेले झपाटलेपण आणि प्रतिभा यांचा एकत्रित आविष्कार

CMOT 2025: राज्यमंत्री डॉ.एल.मुरुगन भावी चित्रनिर्मात्यांसमोर व्याख्यान देताना !

CMOT 2025: राज्यमंत्री डॉ.एल.मुरुगन भावी चित्रनिर्मात्यांसमोर व्याख्यान देताना !

पाहून रेड कार्पेटवरील तारकादळे, प्रेक्षकांची नजर न ढळे !

रेड कार्पेट विभाग याहीवेळी प्रेक्षकांचे चित्त आकर्षून घेण्यात सफल झाला आहे. महोत्सवात चित्रपटांच्या भव्य प्रीमिअर शो साठी सिनेजगतातील ख्यातनाम व्यक्ती लाल रुजाम्यावर हजेरी लावत असल्याने सिनेरसिकांसाठी ती पर्वणीच ठरत आहे. प्रेक्षकांना चित्रनिर्मात्यांशी जोडून देण्यासाठीच तयार करण्यात आलेल्या या विभागाने जागतिक चित्रपटांबरोबरच आशियाई आणि भारतीय चित्रपटांचेही पहिले खेळ इफ्फीमध्ये लावले आणि त्यायोगे महोत्सवाच्या वातावरणाला तारकांची झळाळी लाभली !

इफ्फी, गोवा 2025 मध्ये रेड कार्पेट विभागात गोव्याचे मुख्यमंत्री डॉ.प्रमोद सावंत

इफ्फी, गोवा 2025 मध्ये रेड कार्पेट विभागात अनुपम खेर,जॅकी श्रॉफ आणि अन्य

इफ्फी, गोवा 2025 मध्ये रेड कार्पेट विभागात मनोज बाजपेयी आणि द फॅमिली मॅन चे पथक

इफ्फी, गोवा 2025 मध्ये रेड कार्पेट विभागात मनोज बाजपेयी आणि द फॅमिली मॅन चे पथक

गोव्यात 56 व्या इफ्फी म्हणजे भारताच्या आंतरराष्ट्रीय चित्रपट महोत्सवात रेड कार्पेट विभागात चित्रनिर्माते मुझफ्फर अली यांची उपस्थिती

इफ्फी राजदूतांच्या गोलमेज बैठकीत सह-निर्मितीची क्षमता भारताने केली अधोरेखित

इफ्फीमध्ये आज भागीदार देशांच्या मुत्सद्दी व्यक्तींची एक गोलमेज बैठक घेण्यात आली. या अम्बॅसॅडर्स राउंडटेबल मध्ये सहनिर्मितीतील अधिक सहकार्य, तंत्रज्ञान भागीदारी, आणि नियामक सुविधा आदी मुद्द्यांचा धांडोळा घेण्यात आला.

माहिती आणि प्रसारण सचिव संजय जाजू यांनी, जागतिक स्तरावर निर्मितीकेंद्र म्हणून भारत उदयाला येत असल्याच्या मुद्द्यावर प्रकाश टाकला, तर डॉ. मुरुगन यांनी दृक्-श्राव्य सहयोगामध्ये सह-निर्मिती हा अत्यंत महत्त्वाचा स्तंभ असल्याचे अधोरेखित केले.

भारताच्या माध्यम आणि मनोरंजन क्षेत्राची 2025 मधील अंदाजित/प्रक्षेपित वृद्धी 31.6 अब्ज अमेरिकी डॉलरपर्यंत होणार असल्याचे त्यांनी नमूद केले. VFX, ऍनिमेशन,आणि आंतर-मंत्रालयीन समन्वयातून होणारे पायरसी-विरोधी उपाय यांच्या आधारे ही प्रगती साधली जाणार आहे.

इफ्फी गोवा मध्ये सहनिर्मिती विषयावर आधारित 'अम्बॅसॅडर्स राउंडटेबल'मध्ये राज्यमंत्री डॉ.एल.मुरुगन आणि माहिती प्रसारण सचिव संजय जाजू

इफ्फी गोवा मध्ये सहनिर्मिती विषयावर आधारित 'अम्बॅसॅडर्स राउंडटेबल'

इफ्फी गोवा मध्ये सहनिर्मिती विषयावर आधारित 'अम्बॅसॅडर्स राउंडटेबल'

इफ्फी गोवा मध्ये सहनिर्मिती विषयावर आधारित 'अम्बॅसॅडर्स राउंडटेबल'

इफ्फीमध्ये 'सिनेमा आणि संस्कृती- दोन युगांमधील निरीक्षणात्मक विचार' यावर झाले संवादसत्र

मुझफ्फर अली आणि शाद अली यांच्यातील विशेष संवादसत्राने पिढ्यानुपिढ्यांच्या भारतीय चित्रपटाकडे सखोल विचारपूर्वक पाहणारी दृष्टी प्रदान केली. शाद अली यांनी या सत्राची जबाबदारी पेलली.

रवी कोट्टारकारा यांच्या सत्कारानंतर झालेल्या या संवादात स्मृती, सर्जनशीलता आणि विकसित होत असलेल्या कलात्मक पद्धतींवर समृद्ध संवाद सादर करण्यात आला.

इफ्फीमध्ये 'सिनेमा आणि संस्कृती- दोन युगांमधील निरीक्षणात्मक विचार' यावरील संवादसत्रात मुझफ्फर अली आणि शाद अली

इफ्फीमध्ये चित्रनिर्माते रवी कोट्टारकारा यांनी मुझफ्फर अली आणि शाद अली यांच्या योगदानाबद्दल जिव्हाळ्याने दिली माहिती

इफ्फीविषयी

वर्ष 1952 मध्ये सुरु झालेला भारतीय आंतरराष्ट्रीय चित्रपट महोत्सव (इफ्फी) हा दक्षिण आशियात सर्वप्रथम सुरु झालेला आणि चित्रपटांशी संबंधित असा सर्वात मोठा उत्सव समजला जातो. राष्ट्रीय चित्रपट विकास महामंडळ (एनएफडीसी), केंद्रीय माहिती आणि प्रसारण मंत्रालय, एन्टरटेनमेंट सोसायटी ऑफ गोवा (ईएसजी) ही संस्था तसेच गोवा राज्य सरकार यांच्या संयुक्त विद्यमाने आयोजित होत असलेला हा महोत्सव आता, जेथे पुनर्संचयित अभिजात कलाकृती धाडसी प्रयोगांना सामोऱ्या जातात आणि दिग्गज कलाकार निर्भय नव-कलाकारांसोबत एकत्र येऊन काम करतात, अशा जागतिक चित्रपटीय शक्तीकेंद्राच्या रुपात उदयाला आला आहे. इफ्फीला खऱ्या अर्थाने चमकदार स्वरूप देणारे घटक म्हणजे त्यातील विजेसारख्या तळपणाऱ्या मिश्र आंतरराष्ट्रीय स्पर्धा, सांस्कृतिक सादरीकरणे, मास्टर क्लासेस,श्रद्धांजलीपर उपक्रम तसेच कल्पना, व्यवहार आणि सहयोगी संबंधांना झेप घेऊ देणारा, चैतन्याने भारलेला वेव्हज चित्रपट बाजार. गोव्यातील जबरदस्त आकर्षक समुद्रकिनाऱ्याच्या पार्श्वभूमीवर, 20 ते 28 नोव्हेंबर दरम्यान होत असलेला महोत्सवाचा 56 वा भाग भाषा, शैली, नवोन्मेष आणि आवाजांचा झळाळता पिसारा घेऊन जागतिक मंचावर भारताच्या सर्जक प्रतिभेचा गुंगवून टाकणारा सोहळा सादर करत आहे.

* * *

PIB IFFI CAST AND CREW | शैलेश पाटील/जाई वैशंपायन/दर्शना राणे | IFFI 56