ಭಾರತದ ರಾಷ್ಟ್ರಪತಿ ಶ್ರೀಮತಿ ದ್ರೌಪದಿ ಮುರ್ಮು ಅವರು ನವದೆಹಲಿಯ ವಿಜ್ಞಾನ ಭವನದಲ್ಲಿ 6ನೇ ರಾಷ್ಟ್ರೀಯ ಜಲ ಪ್ರಶಸ್ತಿಗಳು, 2024 ಮತ್ತು ಜಲ ಸಂಚಾಯ್‌ ಜನ ಭಾಗೀದಾರಿ ಪ್ರಶಸ್ತಿಗಳನ್ನು ಪ್ರದಾನ ಮಾಡಿದರು. ಜಲ ಸಂರಕ್ಷಣೆ ಮತ್ತು ನಿರ್ವಹಣೆ ಕ್ಷೇತ್ರದಲ್ಲಿಅನುಕರಣೀಯ ಸೇವೆಗಾಗಿ 10 ವಿಭಾಗಗಳಲ್ಲಿ ಜಂಟಿ ವಿಜೇತರು ಸೇರಿದಂತೆ 46 ವಿಜೇತರಿಗೆ ಪ್ರಶಸ್ತಿ ನೀಡಲಾಯಿತು. ಪ್ರತಿ ಪ್ರಶಸ್ತಿ ವಿಜೇತರಿಗೆ ಕೆಲವು ವಿಭಾಗಗಳಲ್ಲಿ ಪ್ರಶಸ್ತಿ ಪತ್ರ, ಟ್ರೋಫಿ ಮತ್ತು ನಗದು ಬಹುಮಾನಗಳನ್ನು ನೀಡಲಾಯಿತು. ಅಲ್ಲದೆ, ಜಲ ಸಂಚಾಯ್‌ ಜನ ಭಾಗೀದಾರಿ (ಜೆ.ಎಸ್‌.ಜೆ.ಬಿ) ಉಪಕ್ರಮದಲ್ಲಿಅಂತರ್ಜಲ ಮರುಪೂರಣ ರಚನೆಗಳ ಅಭಿವೃದ್ಧಿಗೆ ಅನುಕರಣೀಯ ಕೊಡುಗೆ ನೀಡಿದ 100 ಪ್ರತಿಷ್ಠಿತ ಪ್ರಶಸ್ತಿ ಪುರಸ್ಕೃತರಿಗೆ ನೀಡಲಾಯಿತು.

ಸಾಂಪ್ರದಾಯಿಕ ‘ಜಲ ಕಳಶ’ ಸಮಾರಂಭದೊಂದಿಗೆ ಕಾರ್ಯಕ್ರಮ ಪ್ರಾರಂಭವಾಯಿತು.

ಸಭಿಕರನ್ನುದ್ದೇಶಿಸಿ ಮಾತನಾಡಿದ ರಾಷ್ಟ್ರಪತಿ ಶ್ರೀಮತಿ ದ್ರೌಪದಿ ಮುರ್ಮು, ಪ್ರಶಸ್ತಿ ವಿಜೇತರನ್ನು ಶ್ಲಾಘಿಸಿ, ಅವರು ತಮ್ಮ ಪ್ರದೇಶಗಳಲ್ಲಿ ನೀರಿಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಪರಿಹರಿಸಲು ಬಲವಾದ ಉಪಕ್ರಮವನ್ನು ತೆಗೆದುಕೊಂಡಿದ್ದಾರೆ ಮತ್ತು ಅವರ ಪ್ರಯತ್ನಗಳ ಮೂಲಕ ಸಮಾಜದಲ್ಲಿ ನೀರಿನ ಬಗ್ಗೆ ಹೊಸ ರೀತಿಯ ಜಾಗೃತಿ ಮೂಡಿಸಿದ್ದಾರೆ ಎಂದು ಹೇಳಿದರು. ಎಲ್ಲಾ ಮನೆಗಳಿಗೆ ಸುರಕ್ಷಿತ ಕುಡಿಯುವ ನೀರನ್ನು ಖಾತರಿಪಡಿಸುವುದು, ಗ್ರಾಮೀಣ ಪ್ರದೇಶಗಳಲ್ಲಿ ಬಯಲು ಶೌಚವನ್ನು ನಿರ್ಮೂಲನೆ ಮಾಡುವುದು ಮತ್ತು ನೀರಿನ ಸಂರಕ್ಷಣೆಯಂತಹ ಮಹತ್ವಾಕಾಂಕ್ಷೆಯ ಕಾರ್ಯಕ್ರಮಗಳನ್ನು ಒಳಗೊಂಡ ಸಚಿವಾಲಯ ಕೈಗೊಂಡ ಉಪಕ್ರಮಗಳನ್ನು ರಾಷ್ಟ್ರಪತಿ ಶ್ಲಾಘಿಸಿದರು. “ಅವರು ಜಲ  ಸಂಚಾಯ್‌  ಜನ ಭಾಗೀದಾರಿ” ಯೋಜನೆಯನ್ನು ಶ್ಲಾಘಿಸಿದರು ಮತ್ತು ಕಳೆದ ವರ್ಷ ಯೋಜನೆಯನ್ನು ಪ್ರಾರಂಭಿಸಿದಾಗಿನಿಂದ 35 ಲಕ್ಷಕ್ಕೂ ಹೆಚ್ಚು ಅಂತರ್ಜಲ ಮರುಪೂರಣ ರಚನೆಗಳನ್ನು ಪೂರ್ಣಗೊಳಿಸಿದ್ದಕ್ಕಾಗಿ ಸಚಿವಾಲಯವನ್ನು ಅಭಿನಂದಿಸಿದರು.

ನವೆಂಬರ್‌ 7 ರಿಂದ ಇಡೀ ರಾಷ್ಟ್ರವು ನಮ್ಮ ರಾಷ್ಟ್ರಗೀತೆ ವಂದೇ ಮಾತರಂ ರಚನೆಯ 150ನೇ ವಾರ್ಷಿಕೋತ್ಸವವನ್ನು ಆಚರಿಸುತ್ತಿದೆ ಎಂದು ಅವರು ಒತ್ತಿ ಹೇಳಿದರು. ಈ ರಾಷ್ಟ್ರಗೀತೆಯಲ್ಲಿ, ಬಂಕಿಮ್‌ ಚಂದ್ರ ಚಟ್ಟೋಪಾಧ್ಯಾಯ ಅವರು ಭಾರತ ಮಾತೆಗೆ ನಮಸ್ಕರಿಸುವಾಗ ಬರೆದ ಮೊದಲ ಪದವೆಂದರೆ ‘‘ಸುಜಲಾಂ” - ಅಂದರೆ ಉತ್ತಮ ಜಲ ಸಂಪನ್ಮೂಲಗಳಿಂದ ಸಮೃದ್ಧವಾಗಿದೆ. ಇದು ನಮ್ಮ ರಾಷ್ಟ್ರಕ್ಕೆ ನೀರಿನ ಆದ್ಯತೆಯನ್ನು ಪ್ರತಿಬಿಂಬಿಸುತ್ತದೆ. ಅಲ್ಲದೆ, ‘‘ಸುಜಲಾಂ ಭಾರತ್‌” ಒಂದು ರಾಷ್ಟ್ರೀಯ ದೃಷ್ಟಿಕೋನ ಮತ್ತು ಉಪಕ್ರಮವಾಗಿದ್ದು, ನೀರಿನ ಮೂಲಗಳ ಪುನರುಜ್ಜೀವನ, ದಕ್ಷ  ನೀರಿನ ನಿರ್ವಹಣೆ ಮತ್ತು ಸುಸ್ಥಿರ ಅಭ್ಯಾಸಗಳ ಮೂಲಕ ನೀರಿನ ಭದ್ರತೆಯ ಮೇಲೆ ಕೇಂದ್ರೀಕರಿಸಿದೆ. ಇದು ಸಮುದಾಯದ ಭಾಗವಹಿಸುವಿಕೆ, ತಾಂತ್ರಿಕ ಏಕೀಕರಣ ಮತ್ತು ವಿವಿಧ ಸರ್ಕಾರಿ ಇಲಾಖೆಗಳು ಮತ್ತು ಮಧ್ಯಸ್ಥಗಾರರಲ್ಲಿ ನೀತಿ ಸಮನ್ವಯವನ್ನು ಒಳಗೊಂಡಿರುತ್ತದೆ ಎಂದು ತಿಳಿಸಿದರು.

ಭಾರತದ ಪ್ರತಿ ಗ್ರಾಮೀಣ ಮನೆಗಳಿಗೆ ಸುರಕ್ಷಿತ ಮತ್ತು ವಿಶ್ವಾಸಾರ್ಹ ಕೊಳಾಯಿ ನೀರನ್ನು ಒದಗಿಸುವ ವಿಶ್ವದ ಅತಿದೊಡ್ಡ ಕುಡಿಯುವ ನೀರು ಸರಬರಾಜು ಕಾರ್ಯಕ್ರಮವಾದ ಜಲ ಜೀವನ್‌ ಮಿಷನ್‌ ಅನ್ನು ಅವರು ಶ್ಲಾಘಿಸಿದರು. ಕಳೆದ ಆರು ವರ್ಷಗಳಲ್ಲಿ ಹಳ್ಳಿಗಳಲ್ಲಿನ ಮನೆಗಳಿಗೆ ಕುಡಿಯುವ ನೀರು ಸರಬರಾಜು ಶೇ.17 ರಿಂದ ಶೇ.81ಕ್ಕೆ ಏರಿದೆ ಎಂದು ಅವರು ಸಂತಸ ವ್ಯಕ್ತಪಡಿಸಿದರು. ಈ ಕಾರ್ಯಕ್ರಮವು ಸಿಹಿ ನೀರನ್ನು ತರುವ ದೈನಂದಿನ ಚಟುವಟಿಕೆಯಿಂದ ಪರಿಹಾರವನ್ನು ನೀಡುವ ಮೂಲಕ ಗ್ರಾಮೀಣ ಮಹಿಳೆಯರ ಜೀವನವನ್ನು ಪರಿವರ್ತಿಸಿದೆ.

ಜಲ ಸಮೃದ್ಧಿ ಮೌಲ್ಯ ಸರಪಳಿಗೆ ಬೆಂಬಲವನ್ನು ಒದಗಿಸಲು ರಾಜ್ಯಗಳು, ಪಂಚಾಯತ್‌ಗಳು, ಜಿಲ್ಲೆಗಳು, ಶಾಲೆಗಳು, ವ್ಯಕ್ತಿಗಳು ಮತ್ತು ಸಂಸ್ಥೆಗಳನ್ನು ಪ್ರೊತ್ಸಾಹಿಸುವುದು ಮತ್ತು ಗುರುತಿಸುವುದು ಎಂದು ಅವರು ಹೇಳಿದರು. ಜಲಶಕ್ತಿಯ ಸಂರಕ್ಷಣೆ ಮತ್ತು ನಿರ್ವಹಣೆಗೆ ಜನಶಕ್ತಿ ಸಹಾಯ ಮಾಡುತ್ತದೆ ಎಂದು ಅವರು ಒತ್ತಿ ಹೇಳಿದರು.

ಕೇಂದ್ರ ಜಲಶಕ್ತಿ ಸಚಿವ ಶ್ರೀ ಸಿ.ಆರ್‌. ಪಾಟಿಲ್‌ ಅವರು ಜಲ ನಿರ್ವಹಣೆ ಮತ್ತು ಸಂರಕ್ಷ ಣೆ ಕ್ಷೇತ್ರದಲ್ಲಿ ಪ್ರಶಸ್ತಿ ವಿಜೇತರ ಪ್ರಯತ್ನಗಳಿಗಾಗಿ ಕೃತಜ್ಞತೆ ಸಲ್ಲಿಸಿದರು ಮತ್ತು ಈ ಪ್ರಶಸ್ತಿಗಳು ಆಳವಾದ ಪರಿಣಾಮವನ್ನು ಬೀರಿವೆ ಮತ್ತು ನೀರಿನ ಕ್ಷೇತ್ರದಲ್ಲಿ ಕೆಲಸ ಮಾಡುವವರಲ್ಲಿಆರೋಗ್ಯಕರ ಸ್ಪರ್ಧಾತ್ಮಕ ವಾತಾವರಣವನ್ನು ಬೆಳೆಸಿವೆ ಎಂದು ಹೇಳಿದರು. ಸರ್ಕಾರದ ಆರ್ಥಿಕ ಬೆಂಬಲವಿಲ್ಲದೆ ಸಾರ್ವಜನಿಕರು ಬನಸ್ಕಾಂತ ಜಿಲ್ಲೆಯಲ್ಲಿ ಕೈಗೊಂಡ ಜಲ ಸಂರಕ್ಷಣಾ ಪ್ರಯತ್ನಗಳು ಈ ಪ್ರದೇಶದ ಯಶಸ್ವಿ ಜಲ ಸಂರಕ್ಷಣೆ ಮತ್ತು ನಿರ್ವಹಣೆಗೆ ಉದಾಹರಣೆಯಾಗಿದೆ ಎಂದು ಶ್ರೀ ಪಾಟಿಲ್‌ ಉಲ್ಲೇಖಿಸಿದರು. ಸರ್ಕಾರದ ‘ಜಲ ಸಮೃದ್ಧ ಭಾರತ’ದ ದೃಷ್ಟಿಕೋನವನ್ನು ಸಾಧಿಸುವಲ್ಲಿದೇಶಾದ್ಯಂತ ವಿವಿಧ ಪಾಲುದಾರರು ಮಾಡಿದ ಉತ್ತಮ ಕೆಲಸ ಮತ್ತು ಪ್ರಯತ್ನಗಳನ್ನು ಗುರುತಿಸಿ ರಾಷ್ಟ್ರೀಯ ಜಲ ಪ್ರಶಸ್ತಿಗಳ ಬಗ್ಗೆಯೂ ಸಚಿವರು ಗಮನ ಸೆಳೆದರು.

ಜಲಶಕ್ತಿ ಸಚಿವಾಲಯದ ಜಲಸಂಪನ್ಮೂಲ ಇಲಾಖೆ, ಆರ್‌.ಡಿ. ಮತ್ತು ಜಿ.ಆರ್‌. ಕಾರ್ಯದರ್ಶಿ ಶ್ರೀ ವಿ.ಎಲ್‌.ಕಾಂತಾ ರಾವ್‌ ಅವರು ತಮ್ಮ ಭಾಷಣದಲ್ಲಿ, ನೀರು ನಮ್ಮ ಜೀವನದ ಅಡಿಪಾಯವಾಗಿದೆ ಮತ್ತು ಜಲಶಕ್ತಿ ಸಚಿವಾಲಯವು ಸಾರ್ವಜನಿಕರ ಸಹಯೋಗದೊಂದಿಗೆ ಜಲ ಸಂರಕ್ಷಣೆ ಮತ್ತು ನಿರ್ವಹಣೆಯನ್ನು ಜನಾಂದೋಲನವಾಗಿ ಪರಿವರ್ತಿಸಲು ನೀರಿನ ಸಂರಕ್ಷಣೆ ಮತ್ತು ನಿರ್ವಹಣೆಯತ್ತ ಗಮನ ಹರಿಸಿದೆ ಎಂದು ಉಲ್ಲೇಖಿಸಿದರು. ಜಲಶಕ್ತಿ ಸಚಿವಾಲಯ ಕೈಗೊಳ್ಳುತ್ತಿರುವ ಯೋಜನೆಗಳ ಬಗ್ಗೆ ಪ್ರಸ್ತಾಪಿಸಿದ ಅವರು, ಜಲ ಜೀವನ್‌ ಮಿಷನ್‌, ನಮಾಮಿ ಗಂಗೆ, ಸ್ವಚ್ಛ ಭಾರತ ಅಭಿಯಾನ ಮತ್ತು ಅಟಲ್‌ ಭೂಜಲ್‌ ಯೋಜನೆಯ ಸಾಧನೆಗಳನ್ನು ಉಲ್ಲೇಖಿಸಿದರು.

ಜಲಶಕ್ತಿ ಸಚಿವಾಲಯದ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆಯ ಕಾರ್ಯದರ್ಶಿ ಶ್ರೀ ಅಶೋಕ್‌ ಕೆ.ಕೆ. ಮೀನಾ ಅವರು ತಮ್ಮ ಸಮಾರೋಪ ಭಾಷಣದಲ್ಲಿ, ಕಾರ್ಯಕ್ರಮವನ್ನು ಉದ್ಘಾಟಿಸಿದ್ದಕ್ಕಾಗಿ ಮತ್ತು ರಾಷ್ಟ್ರೀಯ ಜಲ ಪ್ರಶಸ್ತಿ ಪುರಸ್ಕೃತರನ್ನು ಪ್ರೊತ್ಸಾಹಿಸಿದ್ದಕ್ಕಾಗಿ ಭಾರತದ ರಾಷ್ಟ್ರಪತಿ ಅವರಿಗೆ ಧನ್ಯವಾದ ಅರ್ಪಿಸಿದರು. ಅವರು ವಿಶೇಷವಾಗಿ ಪ್ರಶಸ್ತಿ ಪುರಸ್ಕೃತರಿಗೆ ಧನ್ಯವಾದ ಅರ್ಪಿಸಿದರು ಮತ್ತು ಅವರು ಜಲ ಸಂರಕ್ಷ ಣೆ ಮತ್ತು ನಿರ್ವಹಣೆಯ ಸಂದೇಶವನ್ನು ಮುಂದುವರಿಸುವಲ್ಲಿ ಹೊಸ ಮಾರ್ಗ, ಹೊಸ ಶಕ್ತಿ ಮತ್ತು ಹೊಸ ಉತ್ಸಾಹವನ್ನು ತೋರಿಸಿದ್ದಾರೆ ಎಂದು ಉಲ್ಲೇಖಿಸಿದರು. ಪ್ರಶಸ್ತಿ ಪುರಸ್ಕೃತರು ಮಾಡಿದ ಅನುಕರಣೀಯ ಕೆಲಸದಿಂದ ಜಲಶಕ್ತಿ ಸಚಿವಾಲಯವು ಇನ್ನೂ ಹೆಚ್ಚಿನದನ್ನು ತಿಳಿದುಕೊಂಡಿದೆ. ಅದರ ಮೇಲೆ ನಾವು ಜನಸಾಮಾನ್ಯರ ಆಕಾಂಕ್ಷೆಗಳನ್ನು ಪೂರೈಸಲು ಹೆಚ್ಚು ಕೆಲಸ ಮಾಡಬೇಕಾಗಿದೆ.

ರಾಷ್ಟ್ರೀಯ ಅಂತರ್ಜಲ ಸಂಪನ್ಮೂಲ ಮೌಲ್ಯಮಾಪನ, 2025 ಮತ್ತು ರಾಷ್ಟ್ರೀಯ ಅಂತರ್ಜಲ ಗುಣಮಟ್ಟ ಮೌಲ್ಯಮಾಪನ, 2025ರ ವರದಿಗಳನ್ನು ಸಹ ಜಲಶಕ್ತಿ ಸಚಿವರು ಮತ್ತು ಗಣ್ಯರು ವೇದಿಕೆಯಲ್ಲಿ ಬಿಡುಗಡೆ ಮಾಡಿದರು. ವರದಿಗಳು ಕೇಂದ್ರ ಅಂತರ್ಜಲ ಮಂಡಳಿ ಮತ್ತು ರಾಜ್ಯ ಅಂತರ್ಜಲ ಸಂಸ್ಥೆಗಳ ಸಹಯೋಗದ ಪ್ರಯತ್ನವನ್ನು ಬಿಂಬಿಸುತ್ತವೆ, ನಮ್ಮ ರಾಷ್ಟ್ರದ ಅತ್ಯಮೂಲ್ಯ ಸಂಪನ್ಮೂಲಗಳಲ್ಲಿಒಂದರ ಮೇಲೆ ಪ್ರಮುಖ ಆರೋಗ್ಯ ತಪಾಸಣೆಯನ್ನು ಒದಗಿಸುತ್ತವೆ ಮತ್ತು ಗುಣಮಟ್ಟದ ಅಷ್ಟೇ ನಿರ್ಣಾಯಕ ಪ್ರಶ್ನೆಯನ್ನು ಪರಿಹರಿಸುತ್ತವೆ.

2024ರ 6ನೇ ರಾಷ್ಟ್ರೀಯ ಪ್ರಶಸ್ತಿ ವಿಜೇತರ ಪಟ್ಟಿಯನ್ನು https://www.jalshakti-dowr.gov.in/.  ನಲ್ಲಿ ನೋಡಬಹುದು.

ಜಲ ಸಂಚಾಯ್‌ ಜನ ಭಾಗೀದಿರಿ (ಜೆ.ಎಸ್‌.ಜೆ.ಬಿ) ಉಪಕ್ರಮದ ಬಗ್ಗೆ: ಜೆಎಸ್‌ಜೆಬಿ ಉಪಕ್ರಮವನ್ನು 2024ರ ಸೆಪ್ಟೆಂಬರ್‌ 6ರಂದು ಗುಜರಾತ್‌ನ ಸೂರತ್‌ನಲ್ಲಿ ಪ್ರಾರಂಭಿಸಲಾಯಿತು. ಇಡೀ ಸರ್ಕಾರ ಮತ್ತು ಇಡೀ ಸಮಾಜದ ವಿಧಾನದಿಂದ ಮಾರ್ಗದರ್ಶಿಸಲ್ಪಟ್ಟ ಈ ಉಪಕ್ರಮವು ತಳಮಟ್ಟದಲ್ಲಿ ಭಾಗವಹಿಸುವಿಕೆಯ ಉಸ್ತುವಾರಿ ಮತ್ತು ಸುಸ್ಥಿರ ನೀರಿನ ಆಡಳಿತವನ್ನು ಉತ್ತೇಜಿಸುತ್ತದೆ. ಸಮುದಾಯ, ಸಿಎಸ್‌ಆರ್‌ ಮತ್ತು ವೆಚ್ಚ ಎಂಬ 3ಸಿ ಮಂತ್ರದಿಂದ ಪ್ರೇರಿತವಾದ ಇದು ದೀರ್ಘಕಾಲೀನ ನೀರಿನ ಭದ್ರತೆ ಮತ್ತು ನೀರಿನ ಒತ್ತಡದ ವಿರುದ್ಧ ಸ್ಥಿತಿಸ್ಥಾಪಕತ್ವವನ್ನು ಉತ್ತೇಜಿಸುವ ಅಂತರ್ಗತ ಮಾದರಿಯನ್ನು ಅಳವಡಿಸಿಕೊಳ್ಳುತ್ತದೆ.

ಈ ಉಪಕ್ರಮದ ಅಡಿಯಲ್ಲಿ, ರಾಜ್ಯಗಳನ್ನು ಐದು ವಲಯಗಳಾಗಿ ವಿಂಗಡಿಸಲಾಗಿದೆ ಮತ್ತು ಕನಿಷ್ಠ 10,000 ಕೃತಕ ರೀಚಾರ್ಜ್‌ ಮತ್ತು ಶೇಖರಣಾ ರಚನೆಗಳನ್ನು ನಿರ್ಮಿಸಲು ಜಿಲ್ಲೆಗಳನ್ನು ಪ್ರೋತ್ಸಾಹಿಸಲಾಗುತ್ತದೆ. ಈಶಾನ್ಯ ಮತ್ತು ಗುಡ್ಡಗಾಡು ರಾಜ್ಯಗಳ ಜಿಲ್ಲೆಗಳಿಗೆ ಈ ಸಂಖ್ಯೆ 3,000 ಆಗಿದ್ದರೆ, ರಾಷ್ಟ್ರವ್ಯಾಪಿ ಮುನ್ಸಿಪಲ್‌ ಕಾರ್ಪೊರೇಷನ್‌ಗಳಿಗೆ ಇದು 10,000 ಆಗಿದೆ. ಮೇಲ್ಛಾವಣಿಯ ಮೇಲಿನ ಮಳೆನೀರು ಕೊಯ್ಲು, ಜೊತೆಗೆ ಸರೋವರಗಳು, ಕೊಳಗಳು ಮತ್ತು ಮೆಟ್ಟಿಲು ಬಾವಿಗಳ ಪುನರುಜ್ಜೀವನ ರಚನೆಗಳು ಸೇರಿವೆ.

ಜೆಎಸ್‌ಜೆಬಿ ಉಪಕ್ರಮ ಮತ್ತು ಪ್ರಶಸ್ತಿ ಪುರಸ್ಕೃತರ ಪಟ್ಟಿಯ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ದಯವಿಟ್ಟು ಪಿಐಬಿ ಪತ್ರಿಕಾ ಪ್ರಕಟಣೆಯನ್ನು ನೋಡಿ.   (https://www.pib.gov.in/PressReleasePage.aspx?PRID=2188706)

*****