ਮੱਛੀ ਪਾਲਣ, ਪਸ਼ੂ ਪਾਲਣ ਅਤੇ ਡੇਅਰੀ ਮੰਤਰਾਲੇ ਦੇ ਅਧੀਨ ਪਸ਼ੂ ਪਾਲਣ ਅਤੇ ਡੇਅਰੀ ਵਿਭਾਗ ਨੇ ਰਾਸ਼ਟਰੀ ਗੋਪਾਲ ਰਤਨ ਪੁਰਸਕਾਰ (ਐੱਨਜੀਆਰਏ) 2025 ਦੇ ਜੇਤੂਆਂ ਦਾ ਐਲਾਨ ਕਰ ਦਿੱਤਾ ਹੈ। ਰਾਸ਼ਟਰੀ ਗੋਪਾਲ ਰਤਨ ਪੁਰਸਕਾਰ ਪਸ਼ੂ ਪਾਲਣ ਅਤੇ ਡੇਅਰੀ ਖੇਤਰ ਦੇ ਸਭ ਤੋਂ ਉੱਚੇ ਰਾਸ਼ਟਰੀ ਸਨਮਾਨਾਂ ਵਿੱਚੋਂ ਇੱਕ ਹੈ। ਇਹ ਪੁਰਸਕਾਰ ਕੇਂਦਰੀ ਮੱਛੀ ਪਾਲਣ, ਪਸ਼ੂ ਪਾਲਣ ਅਤੇ ਡੇਅਰੀ ਮੰਤਰਾਲੇ ਅਤੇ ਪੰਚਾਇਤੀ ਰਾਜ ਮੰਤਰਾਲੇ ਦੇ ਮੰਤਰੀ ਸ਼੍ਰੀ ਰਾਜੀਵ ਰੰਜਨ ਸਿੰਘ ਉਰਫ਼ ਲੱਲਨ ਸਿੰਘ ਦੁਆਰਾ ਪ੍ਰਦਾਨ ਕੀਤੇ ਜਾਣਗੇ। ਇਸ ਮੌਕੇ ‘ਤੇ ਮੱਛੀ ਪਾਲਣ, ਪਸ਼ੂ ਪਾਲਣ ਅਤੇ ਡੇਅਰੀ ਰਾਜ ਮੰਤਰੀ ਪ੍ਰੋ. ਐਸ.ਪੀ. ਸਿੰਘ ਬਘੇਲ ਅਤੇ ਸ਼੍ਰੀ ਜਾਰਜ ਕੁਰੀਅਨ ਵੀ ਮੌਜੂਦ ਰਹਿਣਗੇ। ਇਹ ਪੁਰਸਕਾਰ 26 ਨਵੰਬਰ, 2025 ਨੂੰ ਰਾਸ਼ਟਰੀ ਦੁੱਧ ਦਿਵਸ ਸਮਾਰੋਹ ਦੇ ਹਿੱਸੇ ਵਜੋਂ ਪੇਸ਼ ਕੀਤੇ ਜਾਣਗੇ। ਇਸ ਵਰ੍ਹੇ ਕੁੱਲ 2,081 ਅਰਜ਼ੀਆਂ ਪ੍ਰਾਪਤ ਹੋਈਆਂ ਸਨ, ਜਿਨ੍ਹਾਂ ਵਿੱਚੋਂ ਪੁਰਸਕਾਰ ਪ੍ਰਾਪਤ ਕਰਨ ਵਾਲੇ ਜੇਤੂਆਂ ਦੀ ਚੋਣ ਕੀਤੀ ਗਈ ਸੀ।

ਹਰੇਕ ਸ਼੍ਰੇਣੀ ਦੇ ਜੇਤੂਆਂ ਦੇ ਵੇਰਵੇ ਇਸ ਪ੍ਰਕਾਰ ਹਨ:

ਰਾਸ਼ਟਰੀ ਗੋਪਾਲ ਰਤਨ ਪੁਰਸਕਾਰ-2025 ਵਿੱਚ ਪਹਿਲੀਆਂ ਦੋ ਸ਼੍ਰੇਣੀਆਂ ਵਿੱਚ ਸਰਵੋਤਮ ਡੇਅਰੀ ਕਿਸਾਨ ਤੇ ਸਰਵੋਤਮ ਕਿਸਾਨ ਅਤੇ ਡੇਅਰੀ ਸਹਿਕਾਰੀ/ਦੁੱਧ ਉਤਪਾਦਕ ਕੰਪਨੀ/ਡੇਅਰੀ ਕਿਸਾਨ ਉਤਪਾਦਕ ਯੋਗਤਾ ਦਾ ਸਰਟੀਫਿਕੇਟ, ਇੱਕ ਯਾਦਗਾਰੀ ਚਿੰਨ੍ਹ ਅਤੇ ਵਿੱਤੀ ਪੁਰਸਕਾਰ ਸ਼ਾਮਲ ਹੋਣਗੇ -:

• ₹500,000/- (ਸਿਰਫ਼ ਪੰਜ ਲੱਖ ਰੁਪਏ) - ਪਹਿਲਾ ਸਥਾਨ

• ₹300,000/- (ਸਿਰਫ਼ ਤਿੰਨ ਲੱਖ ਰੁਪਏ) - ਦੂਜਾ ਸਥਾਨ

• ₹200,000/- (ਸਿਰਫ਼ ਦੋ ਲੱਖ ਰੁਪਏ) - ਤੀਜਾ ਸਥਾਨ 

• ₹200,000/- (ਸਿਰਫ਼ ਦੋ ਲੱਖ ਰੁਪਏ) - ਉੱਤਰ ਪੂਰਬੀ ਖੇਤਰ (NER)/ਹਿਮਾਲਿਅਨ ਰਾਜਾਂ ਲਈ ਵਿਸ਼ੇਸ਼ ਪੁਰਸਕਾਰ

ਸਰਵੋਤਮ ਆਰਟੀਫਿਸ਼ੀਅਲ ਇਨਸੈਮੀਨੇਸ਼ਨ ਟੈਕਨੀਸ਼ੀਅਨ (ਏਆਈਟੀ) ਸ਼੍ਰੇਣੀ ਦੇ ਮਾਮਲੇ ਵਿੱਚ, ਰਾਸ਼ਟਰੀ ਗੋਪਾਲ ਰਤਨ ਪੁਰਸਕਾਰ-2025 ਵਿੱਚ ਸਿਰਫ਼ ਯੋਗਤਾ ਸਰਟੀਫਿਕੇਟ ਅਤੇ ਇੱਕ ਯਾਦਗਾਰੀ ਚਿੰਨ੍ਹ ਪ੍ਰਦਾਨ ਕੀਤਾ ਜਾਵੇਗਾ। ਆਰਟੀਫਿਸ਼ੀਅਲ ਇਨਸੈਮੀਨੇਸ਼ਨ ਟੈਕਨੀਸ਼ੀਅਨ (ਏਆਈਟੀ) ਸ਼੍ਰੇਣੀ ਵਿੱਚ ਕੋਈ ਨਕਦ ਇਨਾਮ ਨਹੀਂ ਦਿੱਤਾ ਜਾਵੇਗਾ।

ਪਿਛੋਕੜ

ਦਸੰਬਰ 2014 ਵਿੱਚ ਸ਼ੁਰੂ ਕੀਤਾ ਗਿਆ ਰਾਸ਼ਟਰੀ ਗੋਕੁਲ ਮਿਸ਼ਨ (RGM), ਦੇਸੀ ਗਊ ਨਸਲਾਂ ਦੀ ਵਿਗਿਆਨਿਕ ਸੰਭਾਲ ਅਤੇ ਵਿਕਾਸ 'ਤੇ ਕੇਂਦ੍ਰਿਤ ਹੈ। ਵਰ੍ਹੇ 2021 ਤੋਂ, ਵਿਭਾਗ ਦੁੱਧ ਉਤਪਾਦਕ ਕਿਸਾਨਾਂ, ਡੇਅਰੀ ਸਹਿਕਾਰੀ/ਐੱਮਪੀਸੀ/ਐੱਫਪੀਓ ਅਤੇ ਨਕਲੀ ਗਰਭਦਾਨ ਟੈਕਨੀਸ਼ੀਅਨ (ਏਆਈਟੀ) ਨੂੰ ਉਤਸ਼ਾਹਿਤ ਕਰਨ ਲਈ ਹਰ ਸਾਲ ਰਾਸ਼ਟਰੀ ਗੋਪਾਲ ਰਤਨ ਪੁਰਸਕਾਰ (ਐੱਨਜੀਆਰਏ) ਪ੍ਰਦਾਨ ਕਰ ਰਿਹਾ ਹੈ।

************

ਏਏ/ਏਕੇ