జాతీయ గోపాల్ రత్న అవార్డులు (ఎన్‌జీఆర్ఏ)- 2025 విజేతల పేర్లను మత్స్య, పశు సంవర్ధక, పాడి పరిశ్రమ మంత్రిత్వ శాఖలో భాగమైన పశు సంవర్ధక, పాడి విభాగం ప్రకటించింది. పశుగణం, పాడి రంగంలో అత్యున్నత జాతీయ స్థాయి పురస్కారాల్లో ఎన్‌జీఆర్ఏ ఒకటి. ఈ అవార్డులను మత్స్య, పశు సంవర్ధక, పాడి పరిశ్రమ శాఖ (ఎంఓఎఫ్ఏహెచ్‌డీ) కేంద్ర మంత్రి, పంచాయతీ రాజ్ శాఖ మంత్రి శ్రీ రాజీవ్ రంజన్ సింగ్ అలియాస్ లలన్ సింగ్ ప్రదానం చేస్తారు. అవార్డుల ప్రదాన కార్యక్రమంలో సహాయ మంత్రి ప్రొఫెసర్ ఎస్.పి. సింగ్ బఘెల్‌తో పాటు శ్రీ జార్జి కురియన్ కూడా పాల్గొంటారు. ఈ పురస్కారాలను ఈ నెల 26న జాతీయ పాల దినోత్సవాల్లో భాగంగా అందిస్తారు. ఈ సంవత్సరం మొత్తం 2,081 దరఖాస్తులు వచ్చాయి. వాటిలో నుంచి పురస్కార విజేతలను ఎంపిక చేశారు.

ప్రతి కేటగిరీలో విజేతల వివరాలు ఇలా ఉన్నాయి:

ఎన్‌జీఆర్ఏ-2025లో మొదటి రెండు కేటగిరీలు... అత్యుత్తమ పాడి రైతు, అత్యుత్తమ డీసీఎస్, లేదా ఎఫ్‌పీఓ, లేదా ఎంపీసీకి.. ప్రశంస పత్రాన్నీ, జ్ఞాపికనీ, నగదు బహుమతినీ ఈ కింద పేర్కొన్న విధంగా అందజేస్తారు:

• ఒకటో ర్యాంకుకు రూ.5 లక్షలు

• రెండో ర్యాంకుకు రూ.3 లక్షలు

• మూడో ర్యాంకుకు రూ.2 లక్షలు

• ఈశాన్య ప్రాంతం (ఎన్ఈఆర్) లేదా హిమాలయ ప్రాంత రాష్ట్రాలకు ప్రత్యేక అవార్డుగా రూ.2 లక్షలు.

• కృత్రిమ గర్భధారణ ప్రక్రియలో అత్యుత్తమ నిపుణుల కేటగిరీలో జాతీయ గోపాల్ రత్న పురస్కారం-2025 కింద ఒక ప్రశంసా పత్రంతో పాటు జ్ఞాపికను ఇస్తారు. ఈ కేటగిరీలో నగదు బహుమతిని ఇవ్వరు.

నేపథ్యం

రాష్ట్రీయ గోకుల్ మిషన్ (ఆర్‌జీఎం)ను 2014 డిసెంబరులో ప్రారంభించారు. దీనిలో భాగంగా దేశవాళీ గోజాతుల శాస్త్రీయ సంరక్షణ, అభివృద్ధి ప్రక్రియలపై ప్రత్యేక శ్రద్ధ తీసుకుంటున్నారు. పాల ఉత్పత్తిని చేపడుతున్న రైతులనూ, పాడి సహకార సంఘాలనూ, ఎంపీసీలనూ, ఎఫ్‌పీఓలతో పాటు కృత్రిమ గర్భధారణకు సంబంధించిన నిపుణులనూ ప్రోత్సహించడానికి ఏటా జాతీయ గోపాల్ రత్న పురస్కారాలను (ఎన్‌జీఆర్ఏ) 2021 నుంచీ బహూకరిస్తున్నారు.

***