ਮੋਦੀ ਸਰਕਾਰ ਦੇ ਨਸ਼ਿਆਂ ਵਿਰੁੱਧ ਜ਼ੀਰੋ ਟੌਲਰੈਂਸ ਦੇ ਦ੍ਰਿਸ਼ਟੀਕੋਣ ਦੀ ਦਿਸ਼ਾ ਵੱਲ ਇੱਕ ਵੱਡਾ ਕਦਮ ਚੁੱਕਦੇ ਹੋਏ, ਨਾਰਕੋਟਿਕਸ ਕੰਟਰੋਲ ਬਿਊਰੋ (NCB) ਅਤੇ ਰਾਜਸਥਾਨ ਪੁਲਿਸ ਨੇ ਰਾਜਸਥਾਨ ਦੇ ਸਿਰੋਹੀ ਜ਼ਿਲ੍ਹੇ ਦੇ ਇੱਕ ਦੂਰ-ਦੁਰਾਡੇ ਪਿੰਡ ਵਿੱਚ ਇੱਕ ਗੁਪਤ ਪ੍ਰਯੋਗਸ਼ਾਲਾ ਦਾ ਪਰਦਾਫਾਸ਼ ਕੀਤਾ ਹੈ। ਸੈਂਕੜੇ ਕਿਲੋਗ੍ਰਾਮ ਰਸਾਇਣ ਜ਼ਬਤ ਕੀਤੀ ਗਈ ਹੈ ਜੋ ਕਿ ਲਗਭਗ 100 ਕਿਲੋਗ੍ਰਾਮ ਮੈਫੇਡ੍ਰੋਨ ਬਣਾਉਣ ਲਈ ਕਾਫ਼ੀ ਸੀ, ਜਿਸ ਦੀ ਕੀਮਤ ਲਗਭਗ 40 ਕਰੋੜ ਰੁਪਏ ਸੀ। ਮਾਸਟਰਮਾਈਂਡ ਅਤੇ 4 ਹੋਰਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਰਾਜਸਥਾਨ, ਮੱਧ ਪ੍ਰਦੇਸ਼ ਅਤੇ ਮਹਾਰਾਸ਼ਟਰ ਰਾਜਾਂ ਵਿੱਚ ਮੈਫੇਡ੍ਰੋਨ ਨੂੰ ਇੱਕ ਸਾਈਕੋਟ੍ਰੋਪਿਕ ਡਰੱਗ ਵਜੋਂ ਵਰਤਿਆ ਜਾ ਰਿਹਾ ਹੈ।

ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਅਗਵਾਈ ਅਤੇ ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀ ਸ਼੍ਰੀ ਅਮਿਤ ਸ਼ਾਹ ਦੇ ਮਾਰਗਦਰਸ਼ਨ ਵਿੱਚ, ਭਾਰਤ ਸਰਕਾਰ ਨਸ਼ਾ ਮੁਕਤ ਭਾਰਤ ਬਣਾਉਣ ਲਈ ਡਰੱਗ ਕਾਰਟੈਲਾਂ ਵਿਰੁੱਧ ਸਖ਼ਤ  ਕਾਰਵਾਈ ਕਰ ਰਹੀ ਹੈ।

ਨਾਰਕੋਟਿਕਸ ਕੰਟਰੋਲ ਬਿਊਰੋ ਨੇ ਜ਼ਿਲ੍ਹਾ ਪੁਲਿਸ ਨੂੰ ਖਾਸ ਕਰਕੇ ਰਾਜਸਥਾਨ ਵਿੱਚ ਸੰਵੇਦਨਸ਼ੀਲ ਬਣਾਉਣ ਲਈ ਮਾਸਿਕ ਜ਼ਿਲ੍ਹਾ ਪੱਧਰੀ ਐੱਨਸੀਓਆਰਡੀ (NCORD) ਮੀਟਿੰਗਾਂ ਦੀ ਵਿਧੀ ਦੀ ਵਰਤੋਂ ਕੀਤੀ। ਰਾਜ ਪੁਲਿਸ ਨੂੰ ਇਸ ਮੁੱਦੇ ਬਾਰੇ ਸੰਵੇਦਨਸ਼ੀਲ ਬਣਾਇਆ ਗਿਆ ਸੀ ਅਤੇ ਕਿਸੇ ਅਸਾਧਾਰਣ ਥਾਂ 'ਤੇ ਰਸਾਇਣਾਂ ਅਤੇ ਪ੍ਰਯੋਗਸ਼ਾਲਾ ਉਪਕਰਣਾਂ ਵਾਲੇ ਡਰੰਮਾਂ ਦੀ ਮੌਜੂਦਗੀ ਦੀ ਰਿਪੋਰਟ ਐੱਨਸੀਬੀ ਦੇ ਸਥਾਨਕ ਦਫਤਰ ਨੂੰ ਦਿੱਤੀ ਗਈ ਸੀ, ਕਿਉਂਕਿ ਅਜਿਹੀ ਥਾਂ ਮੈਫੇਡ੍ਰੋਨ ਵਰਗੇ ਸਿੰਥੈਟਿਕ ਡਰੱਗਜ਼ ਬਣਾਉਣ ਲਈ ਇੱਕ ਗੁਪਤ ਕੇਂਦਰ ਹੋ ਸਕਦੀ ਹੈ। ਐੱਨਸੀਬੀ ਦੁਆਰਾ ਦੇਸ਼ ਭਰ ਵਿੱਚ ਜ਼ਿਲ੍ਹਾ ਪੁਲਿਸ ਨਾਲ ਗੁਪਤ ਪ੍ਰਯੋਗਸ਼ਾਲਾਵਾਂ ਦੀ ਮੌਜੂਦਗੀ ਬਾਰੇ  ਜਾਣਕਾਰੀ ਸਾਂਝੀ ਕੀਤੀ। ਇਨ੍ਹਾਂ ਵਿੱਚ ਖਿੜਕੀਆਂ ਨੂੰ ਢਕਿਆ ਜਾਂ ਕਾਲਾ ਕੀਤਾ ਗਿਆ ਸੀ; ਬਹੁਤ ਜ਼ਿਆਦਾ ਹਵਾਦਾਰੀ/ਡਕਟਿੰਗ; ਕੰਧਾਂ/ਫਰਸ਼ਾਂ, ਇਮਾਰਤਾਂ ਜਾਂ ਸ਼ੈੱਡਾਂ 'ਤੇ ਧਾਤੂ ਦੇ ਖੋਰ ਜਾਂ ਰਸਾਇਣਕ ਧੱਬੇ ਦੇ ਸੰਕੇਤ, ਪਹਿਲਾਂ ਰਿਹਾਇਸ਼ੀ ਪਰ ਪ੍ਰਯੋਗਸ਼ਾਲਾਵਾਂ ਵਜੋਂ ਵਰਤੇ ਜਾਂਦੇ ਸਨ; ਅਸਾਧਾਰਣ ਥਾਵਾਂ 'ਤੇ ਰਸਾਇਣਾਂ ਜਾਂ ਉਪਕਰਣਾਂ ਦੀ ਸਟੋਰੇਜ ਆਦਿ ਸ਼ਾਮਲ ਸਨ।

ਇੱਕ ਅਜਿਹੇ ਹੀ ਇੱਕ ਮਾਮਲੇ ਵਿੱਚ, ਰਾਜਸਥਾਨ ਦੀ ਸਿਰੋਹੀ ਪੁਲਿਸ ਨੂੰ 06.11.2025 ਨੂੰ ਰਾਜਸਥਾਨ ਦੇ ਸਿਰੋਹੀ ਜ਼ਿਲ੍ਹੇ ਦੇ ਦੰਤਰਾਈ ਪਿੰਡ ਵਿੱਚ ਇੱਕ ਦੂਰ-ਦੁਰਾਡੇ ਫਾਰਮ ਹਾਊਸ ਵਿੱਚ ਰਸਾਇਣਾਂ ਵਾਲੇ ਡਰੰਮ ਅਤੇ ਪੈਕੇਟ ਮਿਲੇ। ਪੁਲਿਸ ਨੇ ਤੁਰੰਤ ਇਹ ਜਾਣਕਾਰੀ ਐੱਨਸੀਬੀ, ਜੋਧਪੁਰ ਨਾਲ ਸਾਂਝੀ ਕੀਤੀ, ਜਿਸ ਤੋਂ ਬਾਅਦ ਅਧਿਕਾਰੀ ਤੁਰੰਤ ਮੌਕੇ 'ਤੇ ਪਹੁੰਚੇ ਅਤੇ ਇੱਕ ਗੁਪਤ ਪ੍ਰਯੋਗਸ਼ਾਲਾ ਦੇ ਸੰਕੇਤ ਮਿਲੇ। ਸੈਂਕੜੇ ਕਿਲੋਗ੍ਰਾਮ ਰਸਾਇਣ ਮਿਲੀ ਜੋ ਕਿ ਲਗਭਗ 100 ਕਿਲੋਗ੍ਰਾਮ ਮੈਫੇਡ੍ਰੋਨ ਬਣਾਉਣ ਲਈ ਕਾਫ਼ੀ ਸੀ, ਜਿਸ ਦੀ ਬਜ਼ਾਰ ਕੀਮਤ ਲਗਭਗ 40 ਕਰੋੜ ਰੁਪਏ ਹੋਵੇਗੀ। ਨੈਸ਼ਨਲ ਫੌਰੈਂਸਿਕ ਸਾਇੰਸ ਯੂਨੀਵਰਸਿਟੀ (ਐੱਨਐੱਫਐੱਸਯੂ), ਗਾਂਧੀਨਗਰ ਦੀ ਟੀਮ ਨੂੰ ਨਿਰੀਖਣ ਲਈ ਬੁਲਾਇਆ ਗਿਆ ਸੀ ਅਤੇ ਉਨ੍ਹਾਂ ਨੇ ਸਾਈਟ ਤੋਂ ਬਰਾਮਦ ਕੀਤੇ ਗਏ ਉਕਤ ਪ੍ਰਯੋਗਸ਼ਾਲਾ ਉਪਕਰਣਾਂ ਵਿੱਚ ਵਰਤੇ ਜਾ ਰਹੇ ਪੂਰਵਗਾਮੀਆਂ ਦੀ ਮੌਜੂਦਗੀ ਦੀ ਪੁਸ਼ਟੀ ਕੀਤੀ।

ਮਾਮਲੇ ਦੀ ਜਾਂਚ ਦੌਰਾਨ, ਲੈਬ ਚਲਾਉਣ ਵਾਲੇ ਲੋਕਾਂ ਦੀ ਪਛਾਣ ਕੀਤੀ ਗਈ ਅਤੇ ਉਨ੍ਹਾਂ ਵਿੱਚੋਂ ਪੰਜ ਨੂੰ ਰਾਜਸਥਾਨ ਪੁਲਿਸ ਦੀ ਸਹਾਇਤਾ ਨਾਲ ਐੱਨਸੀਬੀ, ਜੋਧਪੁਰ ਨੇ ਰਾਜਸਥਾਨ ਅਤੇ ਗੁਜਰਾਤ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਗ੍ਰਿਫ਼ਤਾਰ ਕੀਤਾ ਹੈ। ਮਾਸਟਰਮਾਈਂਡ  ਰਾਮ, ਵਾਸੀ ਜ਼ਿਲ੍ਹਾ ਜਲੋਰ, ਰਾਜਸਥਾਨ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ ਅਤੇ ਉਸ ਦੀ ਪੁੱਛਗਿੱਛ ਤੋਂ ਪਤਾ ਲੱਗਾ ਹੈ ਕਿ ਉਹ ਗ੍ਰੈਜੂਏਟ ਹੈ ਅਤੇ ਸਿਵਿਲ ਸੇਵਾਵਾਂ ਪ੍ਰੀਖਿਆ ਸਮੇਤ ਵੱਖ-ਵੱਖ ਪ੍ਰੀਖਿਆਵਾਂ ਵਿੱਚ ਫੇਲ੍ਹ ਹੋਣ ਤੋਂ ਬਾਅਦ, ਉਨ੍ਹਾਂ ਨੇ ਜਲਦੀ ਪੈਸਾ ਕਮਾਉਣ ਲਈ ਮੈਫੇਡ੍ਰੋਨ ਦੇ ਨਿਰਮਾਣ ਦੇ ਕਾਰੋਬਾਰ ਵਿੱਚ ਆਉਣ ਦਾ ਫੈਸਲਾ ਕੀਤਾ। ਉਨ੍ਹਾਂ ਨੇ ਆਪਣੇ ਸਾਥੀ ਭੂਰਾ ਰਾਮ ਵਾਸੀ ਧੰਤਰਾਈ ਪਿੰਡ, ਬਾਲਟੋਰਾ ਦੇ ਨਾਮ 'ਤੇ ਫਾਰਮ ਹਾਊਸ ਲੀਜ਼ 'ਤੇ ਲਿਆ ਸੀ। ਉਨ੍ਹਾਂ ਨੇ ਸਿੰਡੀਕੇਟ ਦੇ ਹੋਰ ਮੈਂਬਰਾਂ ਨਾਲ ਗੱਲਬਾਤ ਕਰਨ ਲਈ ਵਰਚੁਅਲ ਸਿਮ ਦੀ ਵਰਤੋਂ ਕੀਤੀ ਅਤੇ ਨਿਰਮਾਣ ਪ੍ਰਕਿਰਿਆ ਸਿੱਖਣ ਲਈ ਡਾਰਕਨੈੱਟ ਦੀ ਵਰਤੋਂ ਕੀਤੀ। ਉਨ੍ਹਾਂ ਨੇ ਰਸਾਇਣ ਅਤੇ ਲੈਬ ਉਪਕਰਣ ਅੰਕਲੇਸ਼ਵਰ, ਗੁਜਰਾਤ ਤੋਂ ਪ੍ਰਾਪਤ ਕੀਤੇ। ਉਹ ਮੈਫੇਡ੍ਰੋਨ ਤਸਕਰੀ ਦੇ ਸੀਬੀਐੱਨ ਕੇਸਾਂ ਵਿੱਚੋਂ ਇੱਕ ਵਿੱਚ ਵੀ ਲੋੜੀਂਦਾ ਸੀ। ਰਸਾਇਣਾਂ ਅਤੇ ਉਪਕਰਣਾਂ ਦੀ ਢੋਆ-ਢੁਆਈ ਵਿੱਚ ਵਰਤਿਆ ਜਾਣ ਵਾਲਾ ਵਾਹਨ ਜ਼ਬਤ ਕਰ ਲਿਆ ਗਿਆ ਹੈ। ਜਾਂਚ ਤੋਂ ਇਹ ਵੀ ਪਤਾ ਲੱਗਾ ਹੈ ਕਿ ਉਨ੍ਹਾਂ ਨੇ 8 ਕਿਲੋ ਮੈਫੇਡ੍ਰੋਨ ਬਣਾਇਆ ਹੈ ਜਿਸ ਵਿੱਚੋਂ 2 ਕਿਲੋ ਸੀਬੀਐੱਨ ਨੇ 28.10.2025 ਨੂੰ ਉਨ੍ਹਾਂ ਦੇ ਇੱਕ ਸਾਥੀ ਤੋਂ ਜ਼ਬਤ ਕੀਤਾ ਸੀ। ਮਾਮਲੇ ਦੀ ਅੱਗੇ ਜਾਂਚ ਜਾਰੀ ਹੈ।

ਇਹ ਕਾਰਵਾਈ ਰਾਜਸਥਾਨ ਪੁਲਿਸ ਅਤੇ ਐੱਨਸੀਬੀ ਵਿਚਕਾਰ ਨਸ਼ਿਆਂ ਵਿਰੁੱਧ ਲੜਾਈ ਵਿੱਚ ਸਹਿਯੋਗ ਦੀ ਇੱਕ ਮਹੱਤਵਪੂਰਨ ਉਦਾਹਰਣ ਹੈ, ਜਿੱਥੇ ਉਨ੍ਹਾਂ ਨੇ ਸਾਂਝੇ ਤੌਰ 'ਤੇ ਤਲਾਸ਼ੀ ਅਤੇ ਜਾਂਚ ਕੀਤੀ ਜਿਸ ਨਾਲ ਸਿਰੋਹੀ ਜ਼ਿਲ੍ਹੇ ਦੇ ਇੱਕ ਦੂਰ-ਦੁਰਾਡੇ ਪਿੰਡ ਵਿੱਚ ਗੁਪਤ ਪ੍ਰਯੋਗਸ਼ਾਲਾ ਅਤੇ ਇਸਦੇ ਪਿੱਛੇ ਸਿੰਡੀਕੇਟ ਦਾ 5 ਦਿਨਾਂ ਦੇ ਥੋੜ੍ਹੇ ਸਮੇਂ ਵਿੱਚ ਪਰਦਾਫਾਸ਼ ਹੋਇਆ।

ਨਾਰਕੋਟਿਕਸ ਕੰਟਰੋਲ ਬਿਊਰੋ ਨਾਗਰਿਕਾਂ ਨੂੰ ਬੇਨਤੀ ਕਰਦਾ ਹੈ ਕਿ ਉਹ ਕਿਸੇ ਵੀ ਸ਼ੱਕੀ ਗਤੀਵਿਧੀ ਦੀ ਰਿਪੋਰਟ ਸਥਾਨਕ ਪੁਲਿਸ ਜਾਂ ਐੱਨਸੀਬੀ ਨੂੰ ਮਾਨਸ (MANAS) ਹੈਲਪਲਾਈਨ ਨੰਬਰ 1933 'ਤੇ ਦੇਣ, ਜਿੱਥੇ ਰਸਾਇਣਾਂ ਅਤੇ ਪ੍ਰਯੋਗਸ਼ਾਲਾ ਦੇ ਉਪਕਰਣਾਂ ਦੀ ਗੁਪਤ ਤਰੀਕੇ ਨਾਲ ਵਰਤੋਂ ਕੀਤੀ ਜਾ ਰਹੀ ਹੈ ਕਿਉਂਕਿ ਇਸ ਦੀ ਵਰਤੋਂ ਸਿੰਥੈਟਿਕ ਡਰੱਗਜ਼ ਬਣਾਉਣ ਲਈ ਕੀਤੀ ਜਾ ਸਕਦੀ ਹੈ।

***************

ਆਰਕੇ/ਆਰਆਰ/ਕੇਐੱਸਐੱਸ/ਪੀਕੇਐੱਸ/ਪੀਐੱਸ/ਏਕੇ