PIB Headquarters
ইলেক্ত্রোনিক্স দিবেলপমেন্ত ফন্দ
লুপা করোর 257.77 ইনভেস্ত তৌবগা লোয়ননা ফন্দ অসিনা লৈবাক শিনবা থুংবদা স্তার্তঅপ 128দা মতেং পাংলি
Posted On:
15 NOV 2025 10:25AM by PIB Imphal
ৱাহৌদোক
ভারতকী ইলেক্ত্রোনিক্স সেক্তরদা হৌখিবা চহিশিংদা সরকারগী থৌরাং অমসুং ইন্দস্ত্রীগী রিফোর্ম কয়াগী মতুং ইন্না মশক থোকপা অহোংবা লাক্লি। লৈবাক অসিনা ইলেক্ত্রোনিক্স দিজাইন অমসুং মেন্যুফেকচরিংগী মালেমগী হব অমা ওইনা লেপ্পা লৈতনা থোরক্লি। মসি তেক্নোলোজীগী খোঙজেল য়াংনা হোংলকপা অমসুং অনৌবা পুথোকপা অসিনা মশক তাক্লিবা সেক্তর অমনি।
হায়রিবা খোঙজেল অসিবু মপাঙ্গল কনখৎহন্নবা অমসুং ইন্নোবেসন ইকোসিস্তেম মপাঙ্গল কনখৎহন্নবা ভারত সরকারনা ফেব্রুৱারী 15, 2016তা ইলেক্ত্রোনিক্স দিবেলপমেন্ত ফন্দ (EDF) লোঞ্চ তৌখি। ফন্দ অসিনা ইলেক্ত্রোনিক্স, নেনো-ইলেক্ত্রোনিক্স, অমসুং ইনফোর্মেসন তেক্নোলোজীগী লমশিংদা রিসর্চ, দিবেলপমেন্ত, অমসুং ওন্তপ্রিন্যুওরশিপ প্রমোৎ তৌনবা পান্দম থম্লি।
EDF অসি প্রোফেস্নেল ওইনা মেনেজ তৌরিবা আর্লী-স্তেজ এঞ্জেল অমসুং ভেঞ্চর ফন্দশিংগুম্বা দাতা ফন্দশিংদা ইনভেস্ত তৌনবা দিজাইন তৌরবা ফন্দশিংগী ফন্দ অমা ওইনা মথৌ তৌই। মসিগী দোতর ফন্দশিং অসিনা অনৌবা তেক্নোলোজীশিং পুথোক্লিবা স্তার্তঅপশিং অমসুং কম্পনীশিংদা রিস্ক কেপিতেল পীখি। মসিনা EDFনা লৈবাক অসিগী মনুংদা ইন্নোবেসন, প্রদক্ত দিজাইন অমসুং ইন্তেলেকচুএল প্রোপর্তী শেমগৎপদা পুক্নিং থৌগৎপা মশা-মরোমদোম লেপচবা ইলেক্ত্রোনিক্স ইকোসিস্তেম অমা শেমগৎপদা মরু ওইবা থৌদাং অমা লৌখি।
পান্দমশিং অমসুং ত্রেতেজিক ওইবা ওবজেক্তিবশিং
ভারতকী ইলেক্ত্রোনিক্স অমসুং ইনফোর্মেসন তেক্নোলোজী সেক্তরশিংদা ইন্নোবেসন অমসুং রিসর্চকীদমক মপাঙ্গল লৈবা ফাউন্দেসন অমা শেম্নবগীদমক EDF অসি শেমখিবনি। মসিনা কত্তিং-এদজ তেক্নোলোজীশিং শেমগৎপদা য়াওরিবা স্তার্তঅপশিং অমসুং কম্পনীশিংদা রিস্ক কেপিতেল পীনবা ফন্দশিং শৌগৎতুনা ইকোসিস্তেম অসি মপাঙ্গল কনখৎহন্নবা পান্দম থম্লি।
মরু ওইবা ওবজেক্তিবশিংদা য়াওরিবা অদুদি:
- ইন্নোবেসন অমসুং R&D প্রমোৎ তৌবা: মার্কেত-দ্রিভন অমসুং ইন্দস্ত্রীনা লুচিংবা ইন্নোবেসন সপোর্ত তৌদুনা ইলেক্ত্রোনিক্স, নেনো-ইলেক্ত্রোনিক্স অমসুং ইনফোর্মেসন তেক্নোলোজীদা রিসর্চ অমসুং দিবেলপমেন্ত তৌবা হেনগৎহনবা।
- দোতর ফন্দশিং সপোর্ত তৌবা: আর্লি-স্তেজ এঞ্জেল অমসুং ভঞ্চর ফন্দশিংগুম্বা প্রোফেস্নেল ওইনা মেনেজ তৌরিবা দোতর ফন্দশিংদা শেল থাদবা, মসিনা স্তার্তঅপশিং অমসুং তেক্নোলোজী ভঞ্চরশিংদা অমুক কেপিতেল পীগনি।
- প্রদক্ত অমসুং তেক্নোলোজী দিবেলপমেন্ত পুক্নিং থৌগৎপা: লৈবাক অসিগী মনুংদা অনৌবা প্রদক্তশিং, থৌওংশিং অমসুং তেক্নোলোজীশিং পুথোকপদা য়াওরিবা কম্পনীশিংবু সপোর্ত তৌদুনা ওন্তপ্রিন্যুওরশিপপু মপাঙ্গল কনখৎহনবা।
- দোমেস্তিক দিজাইন কেপাবিলিতীশিং মপাঙ্গল কনখৎহনবা: ইলেক্ত্রোনিক্স সিস্তেম দিজাইন এন্দ মেন্যুফেকচরিং (ESDM) সেক্তরদা ইন্দিজিনস দিজাইন অমসুং দিবেলপমেন্তগীদমক ভারতকী কেপাসিতী হেনগৎহনবা।
- নেস্নেল IP রিসোর্স পুল অমা শেমগৎপা: মরুওইবা তেক্নোলোজীগী লমশিংদা ইন্তেলেকচুএল প্রোপর্তীগী মপাঙ্গল লৈবা য়ুম্ফম অমা শেমগৎপা অমসুং ভারতকী মনুংদা ইন্নোবেসনগী মপু ওইবা পুক্নিং থৌগৎপা।
- স্ত্রেতেজিক এক্যুজিসন লায়থোকহনবা: প্রদক্তশিং অসি ভোল্যুম চাউনা ইম্পোর্ত তৌবা, মশা মরোমদোম লেপচবদা প্রমোৎ তৌবা অমসুং ইম্পোর্তকী মীপাল তাংবা হন্থহনবা ফোরেন তেক্নোলোজীশিং অমসুং কম্পনীশিংগী এক্যুজিসন য়াহনবা।
ফন্দগী মপুং ওইবা মথৌ তৌবগী মওং মতৌশিং
ইলেক্ত্রোনিক্স দিবেলপমেন্ত ফন্দ (EDF) অসিনা ইলেক্ত্রোনিক্স অমসুং IT সেক্তরশিংদা ইফিসেন্ত ইনবেস্তমেন্ত অমসুং ইন্নোবেসন প্রমোৎ তৌনবা শেমখিবা ফ্লেক্সিবল অমসুং প্রোফেস্নেল ওইনা মেনেজ তৌরিবা স্ত্রকচর অমগী খুত্থাংদা মথৌ তৌই। মসিগী ফ্রেমৱার্ক অসিনা ত্রান্সপরেন্সী, কৈথেলগী রেস্পোন্সিবিলিতী অমসুং ফন্দশিংগী স্ত্রেতেজিক এলোকেসন লৈহনগনি।
স্কিম অসিগী মখাদা মতেং পাংলিবা দোতর ফন্দ খুদিংমক ভারত্তা রেজিস্তর তৌগদবনি অমসুং কেতেগোরী I নত্ত্রগা কেতেগোরী II AIF ওইনা SEBI (অলতর্নেতিব ইনভেস্তমেন্ত ফন্দ) রেগুলেসন, 2012 য়াওনা চৎনবা য়াবা আইন অমসুং কাংলোন পুম্নমক ঙাক্না চৎকদবনি। মসিনা শরুক য়ারিবা ফন্দ পুম্নমক্না নীংথিনা ৱাহন্থোক লৈরবা রেগ্যুলেতরী ফ্রেমৱার্ক অমগী মনুংদা থবক তৌই অমসুং EDFনা রিসর্চ, ওন্তপ্রিন্যুওরশিপ অমসুং তেক্নোলোজীগী খুমাং চাউশিনহনবগী পাক চাউবা পান্দমগা চুনহল্লি।
মওং-মতৌশিং:
- EDFনা ইন্দস্ত্রী পুম্বদা হেন্না পাক চাউবা কোলাবোরেসন অমসুং শরুক য়াবা য়াহন্দুনা নন-এক্সক্লুসিব বেসিস অমদা দোতর ফন্দশিংদা শরুক য়াখি।
- দোতর ফন্দগী অপুনবা কোর্পস অমদা EDFকী শেয়র অসি মার্কেতকী মথৌ তাবশিং অমসুং EDFকী পোলিসীগী কাংলোনশিংগী মতুং ইন্না ফন্দ এদমিনিস্তর তৌনবা ইনবেস্তমেন্ত মেনেজরগী কেপাসিতীনা লেপ্পী।
- EDFনা মহৌশানা দোতর ফন্দ খুদিংমক্তা মাইনোরিতী পার্তিসিপেন্সন লৈহল্লি, মসিনা প্রাইবেৎ ইনবেস্তমেন্ত অমসুং প্রোফেস্নেল ফন্দ মেনেজমেন্ত হেনগৎহল্লি।
- দোতর ফন্দশিংগী ইনভেস্তমেন্ত মেনেজরশিংদা কোর্পস পুথোক্নবা, ইনভেস্তমেন্ত তৌনবা অমসুং পোর্তফোলিও পরফোর্মেন্স মোনিতর তৌনবা ফ্লেক্সিবিলিতী অমসুং ওতোনোমী পী।
- EDFনা ইলেক্ত্রোনিক্স, ইনফোর্মেসন তেক্নোলোজী অমসুং মরী লৈনবা ইকোসিস্তেমশিংগী ভেল্যু চেন পুম্নমক্তা শরুক য়াবা য়াগনি। মসিনা সেক্তরগী ওইবা মপুং ফাবা কভরেজ অমা লৈহল্লগনি।
- দোতর ফন্দশিংগী অরোইবা সেলেক্সন অসি ইনবেস্তমেন্ত মেনেজরনা নীংথিনা য়েংশিল্লবা মতুংদা তৌগনি।
মায়পাকপশিং অমসুং কান্নবশিং
ইলেক্ত্রোনিক্স দিবেলপমেন্ত ফন্দ (EDF) না ভারতকী ইন্নোবেসন ইকোসিস্তেম শেমগৎপদা চাউনা খুমাং চাউশিল্লে। EDFনা মশাগী কন্ত্রিব্যুতরশিংদগী পুন্না লুপা করোর 216.33 লৌখ্রে। মসিগী মনুংদা MeiTYদগী লুপা করোর 210.22 লৌখ্রে।
মতেং পীরিবা স্তার্ত-অপশিং অসি ইন্তরনেত ওফ থিংস (IoT), রোবোতিক্স, দ্রোনস, ওতোনোমস ভেহিকল্স, হেল্থ তেক, সাইবর সেক্যুরিতী, অমসুং আর্তিফিসিএল ইন্তেলিজেন্স অমসুং মেছিন লর্নিংগুম্বা ফ্রন্তিয়র এরিয়াশিংদা থবক তৌরি। মসিনা ভারত অসি এদভান্স তেক্নোলোজী ইন্নোবেসনগী হব অমা ওইহল্লি।
|
সিরিএল মশিং
|
দোতর ফন্দগী মমিং
|
EDFনা ইনভেস্ত তৌখিবা শেনফম (লুপা করোরদা)
|
দোতর ফন্দ ইনভেস্তমেন্ত (লুপা করোরদা)
|
ফন্দ পীথখিবা স্তার্তঅপশিংগী অপুনবা মশিং
|
|
1
|
য়ুনিকোর্ন ইন্দিয়া ভেঞ্চরশিং ত্রস্ত
|
15.82
|
63.64
|
17
|
|
2
|
আরুহা তেক্নোলোজী ফন্দ - 1
|
6.75
|
26.22
|
13
|
|
3
|
এন্দিয়া সীদ কো-ক্রিএসন ফন্দ
|
30.00
|
137.03
|
12
|
|
4
|
কারসেমভেন ফন্দ
|
24.00
|
83.43
|
17
|
|
5
|
পি আই ভেঞ্চর্স ফন্দ 1
|
15.00
|
186.53
|
15
|
|
6
|
য়োরনেস্ত ইন্দিয়া VC ফন্দ II
|
43.15
|
185.54
|
19
|
|
7
|
ভেঞ্চরইস্ত প্রোএক্তিব ফন্দ - II
|
97.75
|
425.7
|
18
|
|
8
|
এক্সফিনিতী তেক্নোলোজী ফন্দ সিরিজ II
|
25.30
|
227.68
|
17
|
|
অপুনবা
|
|
257.77
|
1335.77
|
128
|
সেপ্তেম্বর 30, 2025 ফাওবা:
- EDFনা দোতর ফন্দ 8দা লুপা করোর 257.77 ইনভেস্ত তৌখ্রে।
- দোতর ফন্দশিং অসিনা স্তার্তঅপ অমসুং ভেঞ্চর 128দা মখা তানা লুপা করোর 1,335.77গী ইনভেস্তমেন্ত তৌখ্রে।
- সপোর্ত তৌরবা স্তার্তঅপশিংনা অৱাংবা তেক্নোলোজী সেক্তরশিংদা থবক 23,600 হেন্না ফংহনখ্রে।
- সপোর্ত তৌরবা স্তার্তঅপশিংনা পুন্না ইন্তেলকচুএল প্রোপর্তী (IP) 368 শেমখ্রে অমসুং এক্বাইর তৌখ্রে।
- তেংবাং সপোর্ত তৌরবা স্তার্তঅপ 128গী মনুংদা, দোতর ফন্দশিংনা শেল থাদবা 37দগী একজিৎ তৌখ্রে।
- একজিৎ অমসুং পর্সিএল একজিৎশিংদগী পুন্না EDFতগী ফংখিবা রিতর্নশিং অসি লুপা করোর 173.88 ওইখি।
ৱারোইশিন
ইলেক্ত্রোনিক্স দিবেলপমেন্ত ফন্দনা ভারতকী ইলেক্ত্রোনিক্স অমসুং IT সেক্তরশিংদা ইন্নোবেসন অমসুং ওন্তপ্রিন্যুওরশিপ পুথোকপদা মরু ওইবা থৌদাং অমা লৌরি। রিস্ক কেপিতেলগী খুদোংচাবা ফংহন্দুনা, মসিনা অৱাংবা থাক্কী তেক্নোলোজীশিংদা থবক তৌরিবা স্তার্তঅপশিংবু মতেং পাংলি অমসুং দোমেস্তিক দিজাইন অমসুং ইন্তিলেকচুএল প্রোপর্তী শেমগৎপদা খুমাং চাউশিনবদা মতেং পাংলি। ফন্দ অসি ত্রান্সপরেন্ত অমসুং প্রোফেস্নেল ওইনা মেনেজ তৌরিবা ফ্রেমৱার্ক অসিনা ইনবেস্তরশিংগী মরক্তা থাজবা হেনগৎহনবদা মতেং পাংলি অমসুং লৈবাক অসিদা মশা মরোমদোম লেপচবা ঙম্বা ইলেক্ত্রোনিক্স ইকোসিস্তেম অমগী য়ুম্ফম মপাঙ্গল কনখৎহল্লি।
রিফরেন্সশিং:
MEITY:
PDF দাউনলোদ তৌনবা মসিদা নম্বীয়ু
***
(Release ID: 2190364)
Visitor Counter : 4