بھارت سنچار نگم لمیٹڈ (بی ایس این ایل)، بھارت کے معروف سرکاری ٹیلی مواصلات فراہم کنندہ، نے یوم اطفال کے موقع پر طلباء کے لیے مخصوص ڈیٹا پیکڈ موبائل پلان پیش کیا ہے۔

یہ اسٹوڈنٹ پلان 14 نومبر 2025 سے 13 دسمبر 2025 تک دستیاب ہوگا۔

صرف 251 روپے کے اس منصوبے میں درج ذیل خصوصیات شامل ہیں:

• ہائی سپیڈ 100 جی بی ڈیٹا
• لامحدود وائس کالز
• روزانہ 100 ایس ایم ایس
• 28 دن کی مدت

مذکورہ اسٹوڈنٹ پلان کا اعلان کرتے ہوئے بی ایس این ایل کے چیئرمین و مینیجنگ ڈائریکٹر جناب اے رابرٹ جے روی نے کہا:

-

بی ایس این ایل نے حال ہی میں ملک بھر میں میک ان انڈیا اسٹیٹ آف آرٹ 4 جی موبائل نیٹ ورک کو پین انڈیا سطح پر تعینات کیا ہے۔ ہندوستان 4 جی موبائل نیٹ ورک ٹیکنالوجی تیار کرنے والا دنیا کے صرف پانچ ممالک میں شامل ہے اور بی ایس این ایل طویل عرصے سے اس کی ترقی اور رول آؤٹ میں سرگرم عمل ہے۔

انہوں نے مزید کہا کہ یہ بڑا ڈیٹا پیکڈ پلان طلباء کو 100 جی بی تک ڈیٹا استعمال کرنے کے ساتھ 28 دن کی مدت کے لیے مقامی طور پر تیار کردہ 4 جی موبائل نیٹ ورک کا تجربہ کرنے کا بہترین موقع فراہم کرتا ہے۔ یہ منصوبہ ان طلباء کے لیے نہایت مسابقتی اور جیب دوست پیشکش ہے جنہیں اپنے تعلیمی کاموں کے لیے بڑی مقدار میں ڈیٹا کی ضرورت ہوتی ہے۔ ایک بار جب طلباء نئی بی ایس این ایل 4 جی ڈیٹا سروسز کا تجربہ کرتے ہیں، تو توقع ہے کہ وہ طویل عرصے تک بی ایس این ایل کے ساتھ اپنی وابستگی برقرار رکھیں گے، کیونکہ بی ایس این ایل بہترین سروس کوالٹی اور کوریج کی ضمانت دیتا ہے۔

کسی بھی سوال یا اسٹوڈنٹ پلان سے استفادہ کرنے میں مدد کےلیے:

1-قریبی بی ایس این ایل کسٹمر سروس سینٹر (سی ایس سی) پر جائیں، 1800-180-1503 ڈائل کریں یا bsnl.co.in پر وزٹ کریں۔

****************************

 

 ( ش ح۔ اس ک)

U.No.1264

 

(Release ID: 2190037) Visitor Counter : 5