এম.এস.এম.ইশিং য়াওনা মতি চারবা এক্সপোর্তরশিংদা লুপা ২০,০০০ ফাওবগী অহেনবা ক্রেদিৎ পীনবগীদমক নেসনেল ক্রেদিৎ ত্রষ্টি কম্পেনি লিমিতেদ (এন সি জি তি সি) দগী মেম্বর লেন্দিং ইন্সতিতুসনশিংদা চাদা ১০০ ত্রেদিৎ পীনবা ক্রেদিৎ গরেন্তি স্কিম ফোর এক্সপোর্তরস (সি জি এস ই) ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীখ্রে।

থবক ওইনা পায়খৎনবা লাল্লোং অমসুং পান্দমশিং:

এম.এস.এম.ইশিং য়াওনা মতি চারবা এক্সপোর্তরশিংদা মেম্বর লেন্দিং ইন্সতিতুসনশিংনা অহেনবা ক্রেদিৎ পীনবা নেসনেল ক্রেদিৎ ত্রষ্টি কম্পেনি লিমিতেদ (এন সি জি তি সি) গী খুৎথাংদা স্কিম অসি ফাইনান্সিএল সর্বিসেস দিপার্তমেন্তনা স্কিম অসি পায়খৎকনি। ফাইনান্সিএল সর্বিসেস দিপার্তমেন্তগী সেক্রেতরিনা লুচিংবা মেনেজমেন্ত কম্মিতি অমনা স্কিম অসিগী খুমাঙচাউশিনবা অমসুং থবক ওইনা পায়খৎলিবা অসি য়েংশিনগনি।

মরুওইবা কান্নবা:

স্কিম অসিনা ভারতকী এক্সপোর্তরশিং মালেমগী চাংদম্নবা শরুক য়াবা হেন্না ঙমহনগনি অমসুং অনৌবা কৈথেলশিংদা চঙবদা মতেং পাংগনি। সি.জি.এস.ইগী মখাদা গরেন্তি য়াওদনা ক্রেদিৎ ফংহন্দুনা, মসিনা লিকুইদিতি মপাঙ্গল কনখৎহনগনি, ললোন-ইতিক্কী থবক নুংঙাইহনগনি, য়ু.এস দোল্লার ত্রিল্লিয়ন ১ গী এক্সপোর্তকী পান্দম ফংনবা ভারতকী থবকশিং ফগৎহনগনি। মসিনা অত্মনির্ভর ভারতকী মাইকৈদা চঙশিল্লিবা ভারতকী খোঙচৎ মখা তানা ফগৎহনগনি।

 নুঙগীৱারোল:

মপান্দা থাদোকপা অসি ভারতকী শেন্মিৎলোনগী মরুওইবা য়ুম্বী অমনি, শেনবা চহি ২০২৪-২৫ দা জি.দি.পিগী চাদা ২১ রোম ওইখি অমসুং ফোরেন একচেঞ্জ রিজার্বশিংদা শিংথাবা য়ানা মতেং পাংখি। মপান্দা থাদোক্নবা পোৎথোক পুথোকপা উদ্যোগশিংনা হকথেংননা অমসুং নাকোইননা মীওই মিল্লিয়ন ৪৫ হেন্না থবক পীরি অমসুং এম.এস.এম.ইশিংনা অপুনবা এক্সপোর্তকী চাদা ৪৫ মতেং পাংলি। ভারতকী হৌজিক লৈরিবা একাউন্ত বেলেন্স মতেং পাংনবা অমসুং মেক্রোইকোনোমিগী থবকশিং লেংদনা পাংথোক্নবা এক্সপোর্ত হেনগৎহনবা তঙাইফদে।

মখোয়গী কৈথেলশিং মখল য়ামহন্নবা অমসুং ভারতকী এক্সপোর্তরশিং মালেমগী ওইনা চাংদম্নবা শরুক য়াবা হেনগৎহন্নবা এক্সপোর্তরশিংদা শেন্থং পীবা হেনগৎহনবা অমসুং মতম মরাংকাইনা পীবা অসি য়াম্না মরুওই। মরম অদুনা, অহেনবা লিকুইদিতিগী মতেং পীনবা সরকারনা থবক পায়খৎপনা ললোন-ইতিক চাউখৎহনগনি অমসুং কৈথেলশিং পাকথোক-চাউথোকহনগনি।

***