Ka Tnat Kam Pohiing jong ka Sorkar Pdeng
Pynlong ka BPR&D ïa ka National Hackathon halor ki lad ban pyndonkam ïa ki CCTV na ka bynta ka jingpyntreikam ia ka aiñ ha ka jingïatreilang bad ka NCRB bad ka CyberPeace Foundation
Hapoh ka jingialam jong u Myntri Rangbahduh Narendra Modi bad ka jingialam lynti jong u Myntri kam pohiing ka sorkar pdeng bad u Myntri ka tnad iatreilang u Amit Shah, ka sorkar pdeng ka thmu ban tei ia ka Bharat kaba shngain ha ki kam cyber
Ka Hackathon ka thmu ban pynshlur ia ki nongsaindur, ki start-up & ki jaka wad bniah ban pynmih ia ki lad CCTV kiba shna ha ka ri, kiba shngain, kiba lah ban pynheh bad kiba duna dor kiba iadei bad ki jingdonkam ba kyrpang jong ki LEA jong ka ri
Ka BPR&D ka don ka bynta kaba kongsan ban tei ia ka Bharat kaba shngain ha ka cyber0 da ka jingstad bad jingshemphang jong ka ha ki kam teknikal
Ka Grand Finale jong kane ka Hackathon kan long ha ka taiew ba khatduh jong u bnai Jylliew 2025, ha kaba yn ai khusnam lyngba ki song tyngka ia lai ngut ki nongiashim bynta ba hakhmat eh
La khmih lynti ba ki lad pynbeit kiba jop ba wan na ka Hackathon kin wanrah ia ka jingkylla ha kaba kyntiew ia ka jingshai, ka jingkitkhlieh, bad ka jingtreikam kaba paka ha ka kam pulit
Posted On:
22 MAY 2025 7:29PM by PIB Shillong
Ka Bureau of Police Research and Development (BPR&D), Tnad kam pohiing (MHA), ka pynlong ia ka Hackathon ha ka ri baroh kawei halor ki lad ban pyndonkam ïa ki CCTV na ka bynta ka jingpyntreikam ia ka aiñ ha ka jingiatreilang bad ka NCRB bad ka CyberPeace Foundation. Ia kane ka Hackathon la pynlong ban pynshlur ia ki nongsaindur, ki start-up & ki jaka wad bniah ban pynmih ia ki lad CCTV kiba shna ha ka ri, kiba shngain, kiba lah ban pynheh bad kiba duna dor kiba iadei bad ki jingdonkam ba kyrpang jong ki LEA jong ka ri.
Hapoh ka jingialam jong u Myntri Rangbahduh Narendra Modi bad ka jingialam lynti jong u Myntri kam pohiing jong ka sorkar pdeng bad u Myntri ka tnad iatreilang u Amit Shah, ka sorkar pdeng ka thmu ban tei ia ka Bharat kaba shngain ha ki kam cyber.
Ka BPR&D ka don ka bynta kaba kongsan ha kaba thaw ia ka Bharat kaba shngain ha ki kam cyber da ka jingstad bad jingshemphang jong ka ha ka kam teknikal. Ka jingthmu jong ka BPR&D ka long ban kyntiew ia ki teknoloji ba la shna ha la ka ri kiba ym tang ba ki pynbiang ia ki jingdonkam ha ka jingtreikam hynrei ki nohsynniang ruh sha ka jingshngain jong ka ri bad ka jingshngain jong ki paidbah.
Ïa ka jingialang plie pyrda ia kane ka Hackathon la pynlong ha ka 9 tarik Jymmang, 2025, ha ka jingïadonlang u Director General, BPR&D, Director (NCRB); Additional Director General (BPR&D) bad Inspector General (Modernization), BPR&D.
La pyllait saw tylli ki jingpynbeit ia ki jingeh, kiba pynleit jingmut ha ki bynta ba kongsan jong ka jingsaindur thymmai ïa ki CCTV: Ka jingshna ha ka ri ïa ki tiar bad ki rukom pyndonkam ia ki CCTV kiba shngain, ka jingpynïasoh lang ïa ka Artificial Intelligence bad ki smart video analytics, ka jingpynkhlain ïa ka jingïada ha ka kam cyber ha ki rynsan CCTV, Ka jingshna ïa ki lad peitngor kiba duna dor bad kiba biang.
Ka Grand Finale jong kane ka Hackathon kan long ha ka taiew ba khatduh jong u bnai Jylliew 2025, ha kaba yn ai khusnam khusnam pisa ia lai ngut ki nongïashim bynta ba wan shakhmat. Nalor kata, yn ai ruh san tylli ki khusnam Consolation ban jied ïa ki jingpynbeit kiba don lad ban kyntiew shuh shuh bad ka jingstad ba kyrpang. Ia uba wan shakhmat duh yn ai T. 5 Lak ka khusnam pisa bad kiba wan ba ar bad ba lai kin ioh T. 3 Lak bad T. 1 Lak. Ia kane ka Hackathon la pynlong da ka jingiarap ka NCRB bad ia ka jingiarap ha ka kam teknikal la pynbiang da ka CyberPeace Foundation. La khmih lynti ba ki lad pynbeit kiba jop ba wan na ka Hackathon kin wanrah ia ka jingkylla ha kaba kyntiew ia ka jingshai, ka jingkitkhlieh, bad ka jingtreikam kaba paka ha ka kam pulit.
*****
(Release ID: 2188745)
Visitor Counter : 5