ସ୍ଵରାଷ୍ଟ୍ର ବ୍ୟାପାର ମନ୍ତ୍ରଣାଳୟ
ବିପିଆର ଆଣ୍ଡ ଡି ଏନସିଆରବି ଏବଂ ସାଇବରପିସ୍ ଫାଉଣ୍ଡେସନ୍ ସହଯୋଗରେ ଆଇନ ପ୍ରବର୍ତ୍ତନ ପାଇଁ ସିସିଟିଭି ସମାଧାନ ଉପରେ ଜାତୀୟ ହାକାଥନ୍ ଶୁଭାରମ୍ଭ କରିଛି
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଏବଂ କେନ୍ଦ୍ର ଗୃହ ତଥା ସମବାୟ ମନ୍ତ୍ରୀ ଶ୍ରୀ ଅମିତ ଶାହଙ୍କ ମାର୍ଗଦର୍ଶନରେ, କେନ୍ଦ୍ର ସରକାର ଏକ ସାଇବର-ସୁରକ୍ଷିତ ଭାରତ ସୃଷ୍ଟି କରିବାକୁ ପ୍ରତିଶ୍ରୁତିବଦ୍ଧ
ହାକାଥନର ଲକ୍ଷ୍ୟ ହେଉଛି ଉଦ୍ଭାବକ, ଷ୍ଟାର୍ଟ-ଅପ୍ ଏବଂ ଗବେଷଣା ପ୍ରତିଷ୍ଠାନଗୁଡ଼ିକୁ ଭାରତୀୟ ଏଲଇଏ ମାନଙ୍କର ନିର୍ଦ୍ଦିଷ୍ଟ ଆବଶ୍ୟକତା ଅନୁଯାୟୀ ସ୍ୱଦେଶୀ, ସୁରକ୍ଷିତ, ସ୍କେଲେବଲ୍ ଏବଂ କମ ଖର୍ଚ୍ଚରେ ସିସିଟିଭି ସମାଧାନ ବିକଶିତ କରିବା
ବିପିଆର ଆଣ୍ଡ ଡି ଏହାର ବୈଷୟିକ ଦକ୍ଷତା ଏବଂ ଅଭିଜ୍ଞତା ସହିତ ଏକ ସାଇବର ସୁରକ୍ଷିତ ଭାରତ ସୃଷ୍ଟି କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି
ହାକାଥନ୍ର ଗ୍ରାଣ୍ଡ ଫିନାଲେ ୨୦୨୫ ଜୁନ୍ ଶେଷ ସପ୍ତାହରେ ଅନୁଷ୍ଠିତ ହେବ, ଯେଉଁଠାରେ ଶ୍ରେଷ୍ଠ ତିନିଟି ପ୍ରବେଶିକାକୁ ନଗଦ ପୁରସ୍କାର ସହିତ ପୁରସ୍କୃତ କରାଯିବ
ହାକାଥନ୍ରୁ ହାସଲ ହୋଇଥିବା ବିଜୟୀ ସମାଧାନଗୁଡ଼ିକ ପୋଲିସିଂରେ ସ୍ୱଚ୍ଛତା, ଦାୟିତ୍ୱବୋଧତା ଏବଂ କାର୍ଯ୍ୟକ୍ଷମ ଦକ୍ଷତା ବୃଦ୍ଧି କରିବାରେ ଏକ ପରିବର୍ତ୍ତନକାରୀ ଭୂମିକା ଗ୍ରହଣ କରିବ ବୋଲି ଆଶା କରାଯାଉଛି
Posted On:
22 MAY 2025 7:29PM by PIB Bhubaneshwar
ଗୃହ ମନ୍ତ୍ରଣାଳୟ (ଏମଏଚଏ) ର ବ୍ୟୁରୋ ଅଫ୍ ପୋଲିସ୍ ରିସର୍ଚ୍ଚ ଆଣ୍ଡ ଡେଭଲପମେଣ୍ଟ (ବିପିଆର ଆଣ୍ଡ ଡି), ଏନସିଆରବି ଏବଂ ସାଇବରପିସ୍ ଫାଉଣ୍ଡେସନ୍ ସହଯୋଗରେ ଆଇନ ପ୍ରବର୍ତ୍ତନ ପାଇଁ ସିସିଟିଭି ସମାଧାନ ଉପରେ ଏକ ଦେଶବ୍ୟାପୀ ହାକାଥନ୍ ଆୟୋଜନ କରୁଛି। ଏହି ହାକାଥନ୍ ଉଦ୍ଭାବକ, ଷ୍ଟାର୍ଟ-ଅପ୍ ଏବଂ ଗବେଷଣା ପ୍ରତିଷ୍ଠାନଗୁଡ଼ିକୁ ଭାରତୀୟ ଏଲଇଏ ମାନଙ୍କର ନିର୍ଦ୍ଦିଷ୍ଟ ଆବଶ୍ୟକତା ଅନୁଯାୟୀ ସ୍ୱଦେଶୀ, ସୁରକ୍ଷିତ, ସ୍କେଲେବଲ୍ ଏବଂ କମ ଖର୍ଚ୍ଚରେ ସିସିଟିଭି ସମାଧାନ ବିକଶିତ କରିବାକୁ ଉତ୍ସାହିତ କରିବା ପାଇଁ ଆୟୋଜନ କରାଯାଉଛି।
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଏବଂ କେନ୍ଦ୍ର ଗୃହ ତଥା ସମବାୟ ମନ୍ତ୍ରୀ ଶ୍ରୀ ଅମିତ ଶାହଙ୍କ ମାର୍ଗଦର୍ଶନରେ, କେନ୍ଦ୍ର ସରକାର ଏକ ସାଇବର-ସୁରକ୍ଷିତ ଭାରତ ସୃଷ୍ଟି କରିବାକୁ ପ୍ରତିଶ୍ରୁତିବଦ୍ଧ।
ବିପିଆର ଆଣ୍ଡ ଡି ଏହାର ବୈଷୟିକ ଦକ୍ଷତା ଏବଂ ଅଭିଜ୍ଞତା ସହିତ ଏକ ସାଇବର-ସୁରକ୍ଷିତ ଭାରତ ସୃଷ୍ଟି କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି। ବିପିଆର ଆଣ୍ଡ ଡି ର ଲକ୍ଷ୍ୟ ହେଉଛି ଘରୋଇ ଭାବରେ ଉଦ୍ଭାବନ ହୋଇଥିବା ପ୍ରଯୁକ୍ତିବିଦ୍ୟା ସମାଧାନକୁ ପ୍ରୋତ୍ସାହିତ କରିବା ଯାହା କେବଳ କାର୍ଯ୍ୟକ୍ଷମ ଆବଶ୍ୟକତା ପୂରଣ କରେ ନାହିଁ ବରଂ ଜାତୀୟ ସୁରକ୍ଷା ଏବଂ ସାର୍ବଜନୀନ ସୁରକ୍ଷାରେ ମଧ୍ୟ ଗୁରୁତ୍ୱପୂର୍ଣ୍ଣ ଯୋଗଦାନ ଦିଏ।
ହାକାଥନ୍ ର କର୍ଟେନ ରେଜର୍ ଇଭେଣ୍ଟ ୯ ମଇ, ୨୦୨୫ ରେ ବିପିଆର ଆଣ୍ଡ ଡିର ଡାଇରେକ୍ଟର ଜେନେରାଲ୍, ଡାଇରେକ୍ଟର (ଏନସିଆରବି); ଆଡିସନାଲ ଡାଇରେକ୍ଟର ଜେନେରାଲ୍ (ବିପିଆର ଆଣ୍ଡ ଡି) ଏବଂ ଇନ୍ସପେକ୍ଟର ଜେନେରାଲ୍ (ମଡର୍ଣ୍ଣାଇଜେସନ), ବିପିଆର ଆଣ୍ଡ ଡି ଙ୍କ ଉପସ୍ଥିତିରେ ଅନୁଷ୍ଠିତ ହୋଇଥିଲା।
ସିସିଟିଭି ନବସୃଜନର ପ୍ରମୁଖ କ୍ଷେତ୍ରଗୁଡ଼ିକ ଉପରେ ଧ୍ୟାନ ଦେଇ ଚାରୋଟି ସମସ୍ୟା ବିବରଣୀ ପ୍ରକାଶ କରାଯାଇଛି। ଏଗୁଡ଼ିକ ହେଉଛି ସୁରକ୍ଷିତ ଏବଂ ସ୍ୱଦେଶୀ ସିସିଟିଭି ହାର୍ଡୱେୟାର ଏବଂ ସିଷ୍ଟମର ବିକାଶ, ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଏବଂ ସ୍ମାର୍ଟ ଭିଡିଓ ଆନାଲିଟିକ୍ସର ସମନ୍ୱୟ, ସିସିଟିଭି ନେଟୱାର୍କ ଗୁଡ଼ିକରେ ସାଇବର ସୁରକ୍ଷାକୁ ସୁଦୃଢ଼ କରିବା, ସୁଲଭ ଏବଂ ଦକ୍ଷ ନିରୀକ୍ଷଣ ସମାଧାନ ଡିଜାଇନ୍ କରିବା।
ହ୍ୟାକାଥନର ଗ୍ରାଣ୍ଡ ଫିନାଲେ ୨୦୨୫ ଜୁନ୍ ଶେଷ ସପ୍ତାହରେ ଅନୁଷ୍ଠିତ ହେବାକୁ ଯାଉଛି, ଯେଉଁଠାରେ ଶ୍ରେଷ୍ଠ ତିନି ଜଣ ପ୍ରବେଶିକାଙ୍କୁ ନଗଦ ପୁରସ୍କାର ପ୍ରଦାନ କରାଯିବ। ଏହା ସହିତ, ଅସାଧାରଣ ପ୍ରତିଶ୍ରୁତି ଏବଂ ସୃଜନଶୀଳତା ପ୍ରଦର୍ଶନ କରୁଥିବା ଚୟନିତ ପ୍ରବେଶିକାଗୁଡ଼ିକୁ ପାଞ୍ଚଟି ସାନ୍ତ୍ୱନାମୂଳକ ପୁରସ୍କାର ମଧ୍ୟ ପ୍ରଦାନ କରାଯିବ। ଶ୍ରେଷ୍ଠ ପ୍ରବେଶିକାକୁ ୫ ଲକ୍ଷ ଟଙ୍କା ଆର୍ଥିକ ପୁରସ୍କାର ପ୍ରଦାନ କରାଯିବ, ଦ୍ୱିତୀୟ ଏବଂ ତୃତୀୟ ପ୍ରବେଶିକାକୁ ଯଥାକ୍ରମେ ୩ ଲକ୍ଷ ଏବଂ ୧ ଲକ୍ଷ ଟଙ୍କା ମିଳିବ। ହାକାଥନ୍ ଏନସିଆରବି ସହାୟତାରେ ଆୟୋଜିତ ହେଉଛି ଏବଂ ସାଇବରପିସ୍ ଫାଉଣ୍ଡେସନ୍ ଦ୍ୱାରା ବୈଷୟିକ ସହାୟତା ଯୋଗାଇ ଦିଆଯାଉଛି। ହାକାଥନ୍ ରୁ ପ୍ରାପ୍ତ ବିଜୟୀ ସମାଧାନଗୁଡ଼ିକ ପୋଲିସିଂରେ ସ୍ୱଚ୍ଛତା, ଦାୟିତ୍ୱବୋଧତା ଏବଂ କାର୍ଯ୍ୟକ୍ଷମ ଦକ୍ଷତା ବୃଦ୍ଧି କରିବାରେ ଏକ ପରିବର୍ତ୍ତନକାରୀ ଭୂମିକା ଗ୍ରହଣ କରିବ ବୋଲି ଆଶା କରାଯାଉଛି।
BS
(Release ID: 2130649)