প্রধানমন্ত্রীগী লোইশঙ
ভুতানদা চৎখিবা মহাক্কী খোঙচৎকী মাংওইননা থমখিবা প্রধান মন্ত্রীগী ৱারোল
Posted On:
11 NOV 2025 7:41AM by PIB Imphal
ঐহাক্না নবেম্বর 11-12, 2025দা কিংদম ওফ ভুতানদা চৎকনি।
ভুতানগী মীয়ামগা লোয়ননা মরিশুবা নিংথৌগী 70শুবা মপোক কুমওন পাংথোকপদা শরুক য়াবা অসি ঐহাক্কী লাইবক ফবনি।
ভুতানদা গ্লোবেল পৌচ প্রেয়র ফেস্তিবেল পাংথোক্লিঙৈদা ভারতনা ভগৱান বুদ্ধগী শেংলবা পিপ্রাহৱা রেলিকশিংগী এক্সপোজিসন অসিনা ঐখোয়গী লৈবাক অনিগী মরক্তা লৈনরিবা অচেৎপা সিভিলাইজেস্নেল অমসুং স্পিরিচুএল লিঙ্কশিং উৎলি।
ঐহাক্কী খোংচৎ অসিনা ঐখোয়গী মাইপাক্লবা ইনর্জী পার্তনরশিপকী মায়কৈদা পুনাতসংছু-II হাইদ্রোপাৱর প্রোজেক্ত শঙ্গাবগা লোয়ননা অতোপ্পা মরুওইবা মাইলস্তোন অমা ওইগনি।
ঐহাক্না ভুতানগী নিংথৌ, মরিশুবা নিংথৌ, অমসুং প্রধান মন্ত্রী তশেরিং তোবগেগা উননবা আশা তৌরি। ঐহাক্না থাজবা থম্লি মদুদি ঐহাক্কী খো!চৎ অসিনা ঐখোয়গী মরুপ-মপাং ওইবগী মরী অদু হেন্না চেৎশিলহল্লগনি অমসুং খুমাং চাউশিনবা অমদি চাউখৎপা পুরক্নবা ঐখোয়গী খোঙথাংশিং অদু মপাঙ্গল কনখৎহল্লগনি।
ভারত অমসুং ভুতানগী মরক্তা অমনা অমবু থাজবা, খঙবা অমসুং য়াইফনবা খনবা অসিদা য়ুম্ফম ওইবা অচেৎপা মরুপ ওইবগী মরী অমসুং তেংবাং পীনবগী মরী লৈনরি। ঐখোয়গী পার্তনরশিপ অসি ঐখোয়গী নেবরহুদ ফার্স্ত পোলিসীগী মরুওইবা য়ুম্বী অমনি অমসুং য়ুম্লোন্নরিবা লৈবাকশিংগী মরক্তা ফিদম্নফম ওইবা মরুপ-মপাং ওইবগী মরীশিংগীদমক মোদেল অমনি।
***
(Release ID: 2188709)
Visitor Counter : 10
Read this release in:
English
,
Urdu
,
Marathi
,
हिन्दी
,
Bengali
,
Assamese
,
Gujarati
,
Odia
,
Tamil
,
Telugu
,
Kannada
,
Malayalam