امور داخلہ اور امدادِ باہمی کے مرکزی وزیر جناب امت شاہ نے کہا کہ ’وندے ماترم‘ آزادی کا گیت، غیر متزلزل عزم کا جذبہ اور بھارت کی بیداری کا پہلا اصول ہے۔ بنکم چندر چٹوپادھیائے کے لکھے گئے قومی گیت ’وندے ماترم‘ کے 150 سال کی یاد میں اپنے بلاگ میں، جناب امت شاہ نے کہا کہ یہ نہ صرف بھارت کا قومی نغمہ اور آزادی کی جدوجہد کی روح ہے بلکہ ثقافتی قوم پرستی کا پہلا نعرہ ہے۔

امورداخلہ اور امدادِ باہمی کے مرکزی وزیر نے اپنے بلاگ میں کہا کہ ہماری تاریخ میں بہت سے ایسے لمحات آئے ہیں جب نغمے اور فن سماجی اور سیاسی تحریکوں کی روح بن گئے ۔ چھترپتی شیواجی مہاراج کی فوج کے جنگی گیت، جدوجہد آزادی کے دوران گائے گئے حب الوطنی کے ترانے یا ایمرجنسی کے دوران نوجوانوں کے گائے گئے مزاحمت کے گیت، گیتوں نے ہمیشہ بھارتی سماج میں اجتماعی شعور اور اتحاد کو بیدار کیا ہے۔

ان میں بھارت کا قومی نغمہ’وندے ماترم‘ نمایاں ہے۔ یہ میدان جنگ سے نہیں نکلا بلکہ ایک عالم بنکم چندر چٹوپادھیائے کے پرسکون لیکن پرعزم ذہن کی تخلیق ہے۔ 1875 میں، جگد دھرتی پوجا (کارتک شکلا نومی یا اکشے نومی) کے دن، انہوں نے ملک کی آزادی کا ابدی ترانہ تحریر کیا۔ انہوں نے بھارت کی گہری تہذیب جڑوں، اتھرووید کے اعلان ’’ماتا بھومی پترو اہم پرتھویہ (دھرتی میری ماں ہے، اور میں اس کا بیٹا)‘‘ سے لے کر دیوی مہاتمیا کی الہی ماں کی دعوت تک سے ترغیب حاصل کی۔

بنکم بابو کے الفاظ دعا اور پیشن گوئی دونوں تھے۔ یہ بنکم چندر کا ثقافتی قوم پرستی کا پہلا نعرہ تھا۔ انہوں نے ہمیں یاد دلایا کہ بھارت صرف ایک جغرافیائی علاقہ نہیں ہے بلکہ ایک جغرافیائی ثقافتی تہذیب ہے۔

جیسا کہ مہارشی اروبندو نے بیان کیا، بنکم بابو جدید بھارت کے ایک بابا تھے جنہوں نے اپنے الفاظ کے ذریعے قوم کی روح کو بیدار کیا۔ ان کا ناول آنند مٹھ بھی نثر کا ایک منتر تھا جس نے ایک سوئی ہوئی قوم کو اس کی روحانی طاقت کو دوبارہ دریافت کرنے پر اکسایا۔ اپنے ایک خط میں، بنکم بابو نے لکھا، ’’مجھے کوئی اعتراض نہیں ہوگا کہ اگر میری تمام تخلیقات گنگا میں ضائع ہو جائیں، یہ اکیلا بھجن ابد تک زندہ رہے گا، یہ ایک عظیم گیت ہوگا اور لوگوں کے دل جیت لے گا۔‘‘ یہ الفاظ پیشن گوئی  تھے۔ مادر وطن سے عقیدت سے لبریز فرد ہی ایسی سطریں لکھ سکتا تھا۔

وندے ماترم زبان اور علاقے کی رکاوٹوں کو عبور کرتے ہوئے پورے بھارت میں گونج رہا ہے۔ تمل ناڈو میں، سبرامنیا بھارتی نے اسے تمل میں گایا اور پنجاب میں، انقلابیوں نے اسے برطانوی حکومت کی مخالفت میں گایا۔

1905 میں بنگال کی تقسیم کے دوران، جب پورے صوبے میں بغاوت پھیل گئی، انگریزوں نے ’وندے ماترم‘ کی عوامی تلاوت پر پابندی لگا دی۔ اس کے باوجود 14 اپریل 1906 کو باریسال میں ہزاروں لوگوں نے حکم کی خلاف ورزی کی۔ جب پولس نے پرامن ہجوم پر لاٹھی چارج کیا تو مرد اور خواتین یکساں طور پر سڑکوں پر خون بہہ رہے تھے اور متحد ہو کر ’وندے ماترم‘ کا نعرہ لگا رہے تھے۔

کیلیفورنیا میں غدر پارٹی کے انقلابیوں، آزاد ہند فوج اور 1946 میں رائل انڈین نیوی کی بغاوت میں بھی اسی مقدس نعرے کا استعمال کیا گیا تھا۔ خودی رام بوس سے لے کر اشفاق اللہ خان تک، چندر شیکھر آزاد سے لے کر تروپور کمارن تک، یہ نعرہ گونجتا رہا۔ مہاتما گاندھی نے خود اعتراف کیا کہ 'وندے ماترم' میں "سرد خون کو بھی گرم  دینے کی جادوئی طاقت ہے۔" اس نے لبرل اور انقلابیوں، علماء اور سپاہیوں کو یکساں متحد کیا۔ جیسا کہ مہارشی اروبندو نے اعلان کیا، یہ ’’بھارت کے پنر جنم کا منتر‘‘ تھا۔

26 اکتوبر کو، اپنے من کی بات خطاب کے دوران، وزیر اعظم جناب نریندر مودی جی نے قوم کو وندے ماترم کی شاندار وراثت کی یاد دلائی۔ اس لافانی گیت کے 150 سال پورے ہونے پر، حکومت ہند نے 7 نومبر سے شروع ہونے والے ایک سال کے لیے ملک گیر پروگرام منعقد کرنے کا فیصلہ کیا ہے۔ ان تقریبات کے ذریعے، 'وندے ماترم' کا مکمل ورژن ایک بار پھر پورے ملک میں گونجے گا، جو نوجوانوں کو 'ثقافتی قوم پرستی' کے خیال کو اندرونی بنانے کی ترغیب دے گا۔

اب جبکہ ہم بھارت پرو کا جشن منا رہے ہیں اور سردار ولبھ بھائی پٹیل کو ان کی یوم پیدائش پر خراج عقیدت پیش کرتے ہیں، ہمیں یہ یاد دلایا جاتا ہے کہ کس طرح سردار کا بھارت کا اتحاد ’وندے ماترم‘ کے جذبے کا زندہ مجسم تھا۔ یہ نغمہ محض ماضی کی یاد نہیں بلکہ مستقبل کی دعوت بھی ہے۔ آج بھی، وندے ماترم ایک وکست بھارت 2047 - ایک پراعتماد، خود انحصاری اور دوبارہ زندہ ہونے والے بھارت- کے ہمارے وژن کو متاثر کرتا ہے۔

’وندے ماترم‘ آزادی کا گیت ہے، غیر متزلزل عزم کا جذبہ اور بھارت کی بیداری کا پہلا منتر ہے۔ یہ مقدس نعرہ ہمیشہ گونجتا رہے گا، یہ ہمیں یاد دلاتا ہے کہ ہم اپنی تاریخ، اپنی ثقافت، اپنی اقدار اور اپنی روایات کو بھارتیت (ہندوستانیت) کے وژن کے ذریعے دیکھیں۔

وندے ماترم!

بلاگ-

https://amitshah.co.in/myview/blog/Vande-Mataram-%E2%80%93-The-First-Proclamation-of-Cultural-Nationalism-11-7-2025

*****

 (ش ح –ا ب ن- ع ر)

U.No:942