राष्ट्रीय अल्पसंख्याक आयोगाने 7 नोव्हेंबर 2025 रोजी ‘वंदे मातरम्’ या राष्ट्रीय गीताच्या 150 वर्षानिमित्त आयोजित स्मरणोत्सवाच्या उद्घाटन समारंभाचे नवी दिल्लीतील सीजीओ कॉम्प्लेक्समधील ब्लॉक 3 येथील कॉन्फरन्स हॉल मध्ये आयोजन केले होते.

राष्ट्रीय अल्पसंख्याक आयोगाच्या सचिव अलका उपाध्याय यांनी आयोगाच्या अधिकाऱ्यांसह ‘वंदे मातरम्’ या गीताच्या सामूहिक गायनात भाग घेतला आणि पंतप्रधान नरेंद्र मोदी यांच्या भाषणाचे थेट प्रक्षेपण ऐकले.

बंकिमचंद्र चॅटर्जी यांनी रचलेल्या ‘वंदे मातरम’ या गीताला 2025 मध्ये 150 वर्षे पूर्ण होत आहेत. असे मानले जाते की हे गीत 7 नोव्हेंबर 1875 रोजी अक्षय नवमीच्या दिवशी लिहिले गेले होते. या कालातीत राष्ट्रीय गीताने भारताच्या स्वातंत्र्यलढ्याला प्रेरणा दिली आणि नागरिकांच्या मनात देशभक्ती, अभिमान आणि एकतेची भावना जागी ठेवली.

या स्मरणोत्सवाचा एक भाग म्हणून, राष्ट्रीय अल्पसंख्याक आयोग या राष्ट्रीय गीताच्या 150 व्या वर्षानिमित्त पुढील आठवड्यात प्रश्नमंजुषा कार्यक्रम आयोजित करणार आहे.

***

निलिमा चितळे/राजश्री आगाशे/परशुराम कोर

*** 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai