প্ৰধানমন্ত্ৰীৰ কাৰ্যালয়
ভাৰতে চৰ্দাৰ বল্লভভাই পেটেলক তেওঁৰ ১৫০ সংখ্যক জয়ন্তীত শ্ৰদ্ধাঞ্জলি জ্ঞাপন কৰিছে ঃ প্ৰধানমন্ত্ৰী
Posted On:
31 OCT 2025 8:05AM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে কয় যে ভাৰতে চৰ্দাৰ বল্লভভাই পেটেলক তেওঁৰ ১৫০ সংখ্যক জয়ন্তীত শ্ৰদ্ধাঞ্জলি জ্ঞাপন কৰিছে।
চৰ্দাৰ বল্লভভাই পেটেলৰ উত্তৰাধিকাৰক সন্মান জনাই প্ৰধানমন্ত্ৰীগৰাকীয়ে কয় যে চৰ্দাৰ পেটেল ভাৰতৰ একত্ৰীকৰণৰ আঁৰৰ চালিকা শক্তি আছিল আৰু ইয়াৰ প্ৰাৰম্ভিক বছৰবোৰত ৰাষ্ট্ৰৰ ভাগ্য গঢ় দিয়াত এক নিৰ্ণায়ক ভূমিকা পালন কৰিছিল। তেওঁ উল্লেখ কৰে যে ৰাষ্ট্ৰীয় অখণ্ডতা, সুশাসন আৰু জনসেৱাৰ প্ৰতি চৰ্দাৰ পেটেলৰ অটল দায়বদ্ধতাই প্ৰজন্মৰ পিছত প্ৰজন্মক অনুপ্ৰাণিত কৰি আহিছে।
প্ৰধানমন্ত্ৰীয়ে চৰ্দাৰ পেটেলৰ ঐক্যবদ্ধ, শক্তিশালী আৰু আত্মনিৰ্ভৰশীল ভাৰতৰ দৃষ্টিভংগী অক্ষুণ্ণ ৰাখিবলৈ ৰাষ্ট্ৰৰ সামূহিক সংকল্পক পুনৰ নিশ্চিত কৰে।
এক্সৰ এটা পোষ্টত প্ৰধানমন্ত্ৰীগৰাকীয়ে কয় ঃ
"ভাৰতে চৰ্দাৰ বল্লভভাই পেটেলক তেওঁৰ ১৫০ সংখ্যক জয়ন্তীত শ্ৰদ্ধাঞ্জলি জ্ঞাপন কৰিছে। তেওঁ আছিল ভাৰতৰ একত্ৰীকৰণৰ আঁৰৰ চালিকা শক্তি, এনেদৰে প্ৰাৰম্ভিক বছৰবোৰত আমাৰ ৰাষ্ট্ৰৰ ভাগ্য গঢ় দিছিল। ৰাষ্ট্ৰীয় অখণ্ডতা, সুশাসন আৰু জনসেৱাৰ প্ৰতি তেওঁৰ অটল দায়বদ্ধতাই প্ৰজন্মৰ পিছত প্ৰজন্মক অনুপ্ৰাণিত কৰি আহিছে। আমি তেওঁৰ ঐক্যবদ্ধ, শক্তিশালী আৰু আত্মনিৰ্ভৰশীল ভাৰতৰ দৃষ্টিভংগী অক্ষুণ্ণ ৰাখিবলৈ আমাৰ সামূহিক সংকল্পক পুনৰ নিশ্চিত কৰিছো।"
***
MJPS/ST/KD
(Release ID: 2184512)
Visitor Counter : 4
Read this release in:
English
,
Urdu
,
हिन्दी
,
Marathi
,
Manipuri
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam