মরুওইবা ৱাফমশিং

•        অপুনবা মীশিংগী চাদা ১৫ রোম ওইদুনা, ২০৩৬ দা ভারতকী অপুনবা অহল মশিং মিল্লিয়ন ২৩০ রোম ওইরগনি হায়না পানরি।

•        ২০৩৬ ফাওবদা লম লমগী খেন্নবশিং লৈবগা লোয়ননা হিমাচল প্রদেস অমসুং পঞ্জাবগা লোয়ননা খা ভারতকী রাজ্যশিংনা অহল মশিং য়াম্না লৈরি।

•        অহলশিংগা মরী লৈনবা থবকশিংগী নোদেল মিনিষ্ট্রি সোসিএল জজতিষ্ট অমসুং ইম্পৱারমেন্ত মিনিষ্ট্রিনা ওইরি। মসিনা অহলশিংগী য়াইফনবা এক্তশিং, থৌশিলশিং অমসুং থৌরমশিং শেম্বা অমসুং চৎনবগী থবক তৌরি।

•        মেন্তেনেন্স এন্দ ৱেলফিয়ার ওফ পেরেন্তস এন্দ সেনিয়র সিতিজন্স এক্ত, ২০০৭ অমসুং মখা তানা শেমদোক্লবা মেন্তেনেন্স এন্দ ৱেলফিয়ার ওফ পেরেন্তস এন্দ সেনিয়র সিতিজন্স(এমেন্দমেন্ত) এক্ত, ২০১৯ গী মতুংইন্না মচাশিংনা তঙাইদনা মমা-মপাশিং য়েংশিনগদবনি হায়রি।

ৱাহৌদোক

২০১১ দা ভারত্ত অহল (চহি ৬০ অমসুং মসিগী মথক) মিল্লিয়ন ১০০ লৈরিবা অসি ২০৩৬ দা মিল্লিয়ন ২৩০ লৈরগনি হায়না পানরি। ২০৩৬ ফাওবদা, ভারতমচা ৭ গী মনুংদা অমা চহি ৬০ গী মথক্ত লৈরগনি। হোংলক্লিবা ফিবম অসি য়েংলগা, অঙাং পোকপা হন্থরক্লিবা অমসুং পুন্সি শাংবা হেনগৎলক্লপগী খুদোংচাদবশিং কোকহন্নবা ভারতনা তোঙান তোঙানবা থৌশিলশিং, থৌরমশিং অমসুং আইনগী থবকশিং পায়খৎলে।

অহলশিংগী দরকার ওইবশিং ফংহনবগী মরুওইবা

ভারত্ত মীওই কয়া পুন্সি শাংনা হিংবদা মচি ওইবা চীঞ্জাক অমসুং অনা-লায়য়েংনা মতেং পাংলে, অদুবু মসিনা অহলশিংগী অনৌবা শিংনবশিং অমসুং খুদোংচাদবশিং ওইহল্লে। শেন-থুমগী ফিবম ফত্তবা অহলশিং অমসুং লুখ্রবীশিংদা সরকারনা পেন্সনশিং, য়ুমশিং অমসুং ফবা অনা-লায়য়েংগী খুদোংচাবশিং ফংহনগদবনি।

অহলশিং শৌগৎপা থবকশিং অসিদা ইমুং অমসুং লৈকায়গী থবকশিং মরুওইনা লৌবগা লোয়ননা  শেন-থুমগী খুদোংচাবা, দিজিতেল লিতেরেসি ত্রেনিং, ইন্সুরেন্স, দিজিতেল হেল্থ, তেক্নোলোজি ফংহল্লি অমসুং অহলশিং ভারতকী সিলভর ইকোনোমিদা ( চহি ৫০ গী মথক্ত লৈবা অহলশিংগী দরকার ওইবশিং ফংহন্নবা পোৎ-চৈশিং অমসুং থবকশিংগী শেন্মিৎলোন) শরুক য়াহনবা অসি য়াম্না মরুওই। মসিনা থবক ফংনবগী খুদোংচাবা কয়া পীদুনা তোঙান তোঙানবা হিরমশিংদা অহলশিংনা মতেং পাংবা ঙমহনগনি।

অপুনবা মীশিংগী ওইরক্লিবা ফিবমশিং

অহলশিংগী অপুনবা মশিং কমদৌনা হোংলকপগে হায়বা খঙনবা অমসুং তুংগী ওইরকপা য়াবা ফিবম খঙনবা তেক্নিকেল গ্রুপ ওন পোপুলেসন প্রোজেক্সন্না জুলাই ২০২০ দা ভারত অমসুং রাজ্যশিংগী “পোপুলেসন প্রোজেক্সন রিপোর্ত” অমা শেমখ্রে। রিপোর্ত অসিগী মতুংইন্না, ২০৩৬ দা ভারতকী অপুনবা অহল মশিং মিল্লিয়ন ২৩০ য়ৌরগনি। ঐখোয়গী লৈবাক্ত লমদম লমদমগী ওইনা অহলশিংগী মশিংদা খেন্নবা লৈরি অমসুং মসি লৈবাক শীনবা থুংনা মান্নদে।

চাউখৎলবা লৈবাকশিংগা চপ মান্ননা কেরলা, তামিল নাদু অমসুং হিমাচল প্রদেসতা অহল মশিং খ্বাইদগী য়াম্না লৈরি। কেরলাদা ২০১১ দা অহল মশিং চাদা ১১ লৈখি অমসুং ২০৩৬ দা চাদা ২৩ দা হেনগৎলক্তুনা, রাজ্য অসি অহল খ্বাইদগগী য়াম্না লৈবা রাজ্য ওইরগনি। মসিগী ওন্নবদা, অৱাং অমসুং নোংপোক থংবা রাজ্যশিংদা হৌজিক অহল মশিং য়ামদনা লৈরি, অদুবু হৌজিক মখোয়গী মশিং য়াংনা হেনগৎলক্লি। উত্তর প্রদেসতা ২০১১ দা অহল চাদা ৭ লৈখিবা অদু ২০৩৬ দা চাদা ১২ দা হেনগৎলক্লগনি হায়না পানরি। খা ভারতকী রাজ্যশিং, হিমাচল প্রদেস অমসুং পঞ্জাবতা ময়াই ওইনা অহলশিং লৈরি।

লোঙ্গিচুদিনেল এজিং ষ্টদি ওফ ইন্দিয়া ২০২১ অসি মপুংফাবা নেসনেল সর্ভে অমনি অমসুং ভারত্ত অপুনবা অহলশিং মশিং খঙনবা থিজিনবা অমনি। থিজিনবা অসি হেল্থ অমসুং  ফেমিলি ৱেলফিয়ারগী মীৎয়েং মখাদা পায়খৎপা মালেমদা খ্বাইদগী চাউবা অমনি। রিপোর্ত অসিগী মতুংইন্না ভারতকী অপুনবা মীশিংগী চাদা ১২ অহলশিংনা ওইরি, চহি অমদা চাদা ৩ গী চাংদা হেনগৎলক্তুনা ২০৫০ দা অহল মিল্লিয়ন ৩১৯ দা হেনগৎলক্কনি হায়না পানরি। অহলগী সেক্স রেসিও নুপা ১০০০ দা নুপী ১০৬৫ ওইরি, অহলশিংগী মনুংদা নুপীশিংনা চাদা ৫৮ নি অমসুং মসিগী মনুংদা লুখ্রাবীশিংনা চাদা ৫৪ ওইরি। অহলশিং মখা পোন্না হিংবা অসি থবক শুবা ঙম্বা লনাই মীওই ১০০ গী মনুংদা অহল ৬২ ওইরি, মসিনা তাক্লিবদি ভারত্ত অহলশিংগী শেন-থুমগী ঙাক্লৌ পীবগী তঙাইফদবা অদু উৎলি।

অহলশিংনা মায়োক্নরিবা খুদোংচাদবশিং

সরকার অমসুং ইমুং-মনুংগী মতেং মতিক চানা ফংদবদগী ভারতকী অহলশিং য়াম্না তোইনা খুদোংচাদবা কয়া মায়োক্নরি। মখোয়না মায়োক্নরিবা খুদোংচাদবশিংগী মনুংদা য়াওরিবদি:

•        হকশেল: পুক্নিং-ৱাখলগী হকশেলগী ফিবমশিং, শোইনাইবা হেনগৎলকপা, অহলশিংগী ইনফ্রাষ্ট্রকচর মতি চাদবা, মেদিকেলগী খুদোংচাদবশিং ফংবা সহর-খুঙ্গংগী খেন্নবা।

•        খুন্নাইগী শেন-থুমগী ঙাক্লৌ মতি চানা পীদবা, হিংবা অমসুং মেদিকেলগী চাদিং হেনগৎলকপা, শেন-থুমগী খুদোংচাবা য়াম্না ফংদবা।

•        খুন্নাই: ইমুংগী মতেং ৱাৎপা, খুন্নাইদগী নাইতোম হিংবা, মীরাইবা, মরুপ-মপাং লৈরক্তবা।

•        দিজিতেলগী খেন্নবা: তেক্নোলোজি শীজিন্নবগী অথিংবশিং, ত্রেনিং অমসুং দিভাইন্সশিং শীজিন্নবা ৱাৎপা।

•        ইনফ্রাষ্ট্রকচর: লাইরিক ময়েক চৎপা ৱাৎপা, অৱা-অনা মতেং পাংনবা লৈরিবশিংনা অহলশিং নাথৈরি। ভারত্ত মীয়ামগী মফমশিং অমসুং ত্রান্সপোর্ত অহলশিংগা চুনবা ওইদ্রি অমসুং মফম কয়াদা রেম্পশিং, হেন্দরেলশিং অমসুং ৱাসরুমশিং লৈত্রি।

ভারত্ত অহলশিংগীদমক সরকারনা পায়খৎলিবা থবকশিং

অহলশিংগী খুদোংচাদবশিং কোকহন্নবা ভারত সরকারনা তোঙান তোঙানবা থবকশিং, থৌশিলশিং অমসুং এক্সন প্লানশিং পায়খৎলে। অহলশিংগা মরী লৈনবা থবকশিংগী নোদেল মিনিষ্ট্রি সোসিএল জজতিষ্ট অমসুং ইম্পৱারমেন্ত মিনিষ্ট্রিনা ওইরি। মসিনা অহলশিংগী য়াইফনবা এক্তশিং, থৌশিলশিং অমসুং থৌরমশিং শেম্বা অমসুং চৎনবগী থবক তৌরি। ফাইনান্স, হেল্থ অমসুং ফেমিলি ৱেলিফিয়ার অমসুং অয়ুস মিনিষ্ট্রিশিং অমসুং রাজ্য সরকারশিং, এন.জি.ওশিং, সিবিল সোসাইতি অমসুং লনাই কাংবুগা মিনিষ্ট্রিগা পুন্না থবক তৌমিন্নরি। অহলশিংগী হিংবা থাক ৱাংখৎনবা অমসুং অহলশিং নুংঙাইনা হিংনবা অমসুং ইকায়খুম্নবা ঙাক্নবা পান্দমদা সরকারনা থবক কয়া পায়খৎলে। মরুওইবা থবকশিংগী মনুংদা য়াওরিবদি:

অতল পেন্সন য়োজনা( এ পি ৱাই)

অতল পেন্সন য়োজনা( এ পি ৱাই) অসি অহলশিংদা খুন্নাইগী ঙাক্লৌ পীনবা পেন্সন ফন্দ রিগুলেতোরি এন্দ দিবলপমেন্ত ওথোরিতিনা চলাইবা ভারত সরকারগী সোসিএল সেকুরিতি স্কিম অমনি। মে ৯, ২০১৫ দা হৌদোকখিবা স্কিম অসিনা চহি ১৮-৪০ ফাওবগী মনুংদা লৈবা মীওইশিংগী সেভিং বেঙ্ক একাউন্ত অমা হাংদোক্কনি। (ওক্তোবর ১, ২০২২ দগী ইনকম তেক্স থিবশিং নত্তনা)। সবস্ক্রাইবরশিংনা চহি ৬০ শুরবা মতুংদা স্কিম অসিনা থা অমগী পেন্সন লুপা ১০০০ দগী লুপা ৫০০০ ফাওবা পীগনি, করিগুম্বা সবস্ক্রাইবর লৈখিদ্রবদি হায়রিবা শেনফম অদু মহাক্কী লোয়নবগীদা পীগনি অমসুং অনিমক লৈখিদ্রবা মতুংদা অপুনবা পেন্সনগী শেনফম অদু নোমিনিদা পীগনি। পুথোক্কদবা শেনফমশিং অদু চহি ৬০ য়ৌদ্রি ফাওবা মশা মথন্থা থাগী, থা অহুমগী নত্ত্রগা থা ৬ গী ওইনা কক্কনি। করিগুম্বা পীথোক্কবা শেনফম অদু কোন্নদ্রবদি অৱাৎপা শেনফম অদু সরকারনা পুথোক্কনি। অতল পেন্সন য়োজনা শরুক য়াবা মার্চ ২০১৯ দা করোর ১.৫৪ ওইরম্বদগী ওক্তোবর ৫,২০২৫দা সবস্ক্রাইবর মশিং করোর ৮.২৭ য়ৌরে। এসেত অন্দর মেনেজমেন্ত (এ য়ু এম) লুপা করোর ৪৯০০০ হেল্লে।

অতল বায়ো অভয়ুদয় য়োজনা

সোসিএল জজতিষ্ট অমসুং ইম্পৱারমেন্ত মিনিষ্ট্রিগী মখাদা লৈবা অতল বায়ো অভয়ুদয় য়োজনা অসি ভারত শীনবা থুংবগী অহলশিংগী ফিবম ফগৎনবা শেম্বনি। খুন্নাইগী য়াইফনবা অহলশিংনা পাংথোকখিবা থবকশিং স্কিম অসিনা মশক খঙলি অমসুং মখোয়গী য়াইফনবা অমসুং খুন্নাইগা শরুক য়ানবা স্কিম অসি কৎথোক্লে। লৈবাক্কীদমক মখোয়না মতম শাংনা থবক তৌরকপা অদু ইকায়খুম্নদুনা, পুন্সিগী হিরম খুদিংমক্ত মখোয় থৱায় য়াওনা শরুক য়াহন্দুনা অহলশিংগী ফিবম ফগৎনবা সরকারনা পায়খৎলিবা থবকশিং উৎথোক্লে। স্কিমগী মচাকশিংদি:

ইন্তেগ্রেতেদ প্রোগ্রাম ফোর সেনিয়র সিতিজন্স (আই পি এস আর সি) স্কিম

অহলশিংগী লৈফম য়ুম, কন্তিনিয়স কিয়ার হোমশিং, মোবাইল মেদিকিয়ার য়ুনিতশিং,  ফিজিওথেরাপী ক্লিনিকশিং অমসুং রিজনেল রিছোর্স এন্দ ত্রেনিং সেন্তরশিং হাংদোক্নবা রেজিষ্টার তৌরবা সোসাইতিশিং, পি.আর.আইশিং, এন.জি.ওশিং অমসুং ভি.ওশিংগী খুৎথাংদা রাজ্য সরকারশিং, য়ু.তিশিংদা ইন্তেগ্রেতেদ প্রোগ্রাম ফোর সেনিয়র সিতিজন্স (আই পি এস আর সি) স্কিম্না গ্রান্ত-ইন-এদশিং পীরি। ওগষ্ট ২০২৫ ফাওবদা, লৈবাক অসিগী রাজ্য অমসুং য়ু.তি ২৯ শীনবা থুংনা অহলশিং লৈফম য়ুম ৬৯৬ থবক তৌদুনা লেম্না লৈফম, চানবা, লায়েংবা অমসুং হরাও-কুহ্মৈগী খুদোংচাবশিং পীরি। মসিগী মথক্ত চৎলিবা শেনবা চহি ২০২৬-২৬ দা অনৌবা অহলশিংগী য়ুম ৮৪ খনগৎলে অমসুং অহলশিংগী মতেং পাংনবা মখা তানা শৌগৎলি।

রাষ্ট্রিয়া বয়োশ্রী য়োজনা (আর ভি ৱাই)

এপ্রিল ১,২০১৭ দা হৌদোকখিবা রাষ্ট্রিয়া বয়োশ্রী য়োজননা অহল ওইরকপদগী হকচাংগী ফিবম চাদ্রবা অহলশিংদা হিংবদা মতেং পাংনবা খুৎলায়শিং পীরি। খুৎলায়শিং অদুগী মনুংদা চৈশুশিং, এলবো ক্রুতচেস, ৱালকরশিং, না তানবা খুৎলায়শিং, হুইলচিয়ারশিং অমসুং খুৎশেমগী য়াশিং য়াওরি। হায়রিবা খুৎলায়শিং অদু আর্তিফিসিএল লিম্বস মেনুফেকচরিং কোর্পোরেসননা শাবনি। বি.পি.এলগী কাংলুপতা চনবা অহলশিং নত্ত্রগা থা অমগী ইনমক লুপা ১৫,০০০ দগী হেন্দবা অহলশিং স্কিম অসিনা কোনশিল্লি। কেম্পশিং পাংথোক্তুনা অহলশিংদা খুৎলায়শিং য়েন্থোক্লি অমসুং চহি ৮০ শুরবা অমসুং মথক্ত লৈবা অহলশিংগীদমক য়ুমদা চৎতুনা খুৎলায়শিং ফংহল্লে। ওক্তোবর ১৫,২০২৫ ফাওবা লৈবা স্কিম অসিগী ফিবমদা য়াওরিবদি:

অহলশিংগী হেল্পলাইন

লৈবাক শীনবা থুংনা লৈরিবা অহলশিংগী খুদোংচাদবশিং কোকহন্নবা অহলশিংগীদমক সোসিএল জজতিষ্ট অমসুং ইম্পৱারমেন্ত মিনিষ্ট্রিনা নেসনেল হেল্পলাইন অমা হৌদোক্লে। মসি তোল-ফ্রি নম্বর ১৪৫৬৭ গী খুৎথাংদা মরী লৈনবা থবকশিংদা অহলশিংগী মতেং পাংলি। ভারতকী উপ-রাষ্ট্রপতিনা ওক্তোবর ১,২৯২১ দা হৌদোকখিবা থবক অসিনা ভারতকী অহলশিংগী নুংঙাই য়াইফবা অমসুং ইকায়খুম্নবা হেনগৎনবা পান্দম থম্লি।

সেনিয়র কিয়ার এজিং গ্রোথ ইঞ্জিন পোর্তেল

অহলশিং সেবা তৌনবা থবকশিং হৌদোক্নবা অমসুং সিলভর ইকোনোমিদা চঙনবা নহারোলশিং অমসুং ষ্টার্দঅপশিংগী পুক্নিং থৌগৎনবা সেনিয়র এবল সিতিজন্স ফোর রি-ইমপ্লোইমেন্ত ইন দিগনিতি পোর্তেলনা পান্দম থম্লি। স্কিম অসিনা খনগৎলবা ষ্টার্দঅপশিংদা ইন্দষ্ট্রিএল ফাইনান্স কোর্পোরেসন ওফ ইন্দিয়াগী খুৎথাংদা লুপা করোর অমা ফাওবগী ইকুইতিগী মতেং পাংলি অমসুং ষ্টার্দঅপশিংদা সরকারগী ইকুইতি চাদা ৪৯ দগী হেন্দে। অনৌবা পোৎথোকশিং অমসুং থবকশিংদা য়ুম্ফম ওইদুনা সরকারনা ষ্টার্দঅপশিংগী মতেং পাংলি।

সেনিয়র এবল সিতিজন্স ফোর রি-ইমপ্লোইমেন্ত ইন দিগনিতি পোর্তেল

অহলশিং সেবা তৌনবা থবকশিং হৌদোক্নবা অমসুং সিলভর ইকোনোমিদা চঙনবা নহারোলশিং অমসুং ষ্টার্দঅপশিংগী পুক্নিং থৌগৎনবা সেনিয়র এবল সিতিজন্স ফোর রি-ইমপ্লোইমেন্ত ইন দিগনিতি পোর্তেলনা পান্দম থম্লি। স্কিম অসিনা খনগৎলবা ষ্টার্দঅপশিংদা ইন্দষ্ট্রিএল ফাইনান্স কোর্পোরেসন ওফ ইন্দিয়াগী খুৎথাংদা লুপা করোর অমা ফাওবগী ইকুইতিগী মতেং পাংলি অমসুং ষ্টার্দঅপশিংদা সরকারগী ইকুইতি চাদা ৪৯ দগী হেন্দে। অনৌবা পোৎথোকশিং অমসুং থবকশিংদা য়ুম্ফম ওইদুনা সরকারনা ষ্টার্দঅপশিংগী মতেং পাংলি।  ওক্তোবর ১,২০২১ দা হৌদোকখিবা সেনিয়র এবল সিতিজন্স ফোর রি-ইমপ্লোইমেন্ত ইন দিগনিতি পোর্তেলদা চহি ৬০ গী মথক্ত লৈবা অহলশিং রেজিষ্টার তৌগনি অমসুং থবকশিং অমসুং খুদোংচাবশিং ফংবা ঙমগনি। তোঙান তোঙানবা ফমশিংদা অহলশিং অমসুং লনাই ফার্মশিংগী মরক্ত পামজবশিং খন্নবা পোর্তেল খুদোংচাবা পীদুনা অমুক হন্না থবক ফংনবগী খুদোংচাবশিং পীরি। 

অহলশিং সেবা তৌনবা ত্রেনিং

অহল ওইরবশিংগী মখল কয়াগী দরকার ওইবশিং ফংহন্নবা অহলশিং সেবা তৌবা মীওইশিং শীনফম অসিগী ত্রেনিং পীনবা স্কিম অসিনা পান্দম থম্লি। ত্রেনিং মোদুল অমসুং কোর্সশিংদা ক্লিনিকেল অমসুং নন-ক্লিনিকেলগী থবকশিং য়াওরি অমসুং মসিনা অহলশিংগী দরকার ওইবশিং ফংহন্নবা মীৎয়েং চঙলি। থবক অসি নেসনেল ইন্সতিতুৎ ওফ সোসিএল দিফেন্সকী খুৎথাংদা পাংথোকপনি। মার্চ ১৮,২০২৫ দা লোক সভাদা ৱাহং অমগী পাউখুম অইবা ওইনা মিনিষ্ট্রিনা পীবদা শেনবা চহি ২০২৩-২৪ মনুংদা স্কিম অসিগী মখাদা ইন্সতিতুৎ ৩২ খনগৎলে অমসুং ত্রেনি ৩৬,৭৮৫ ত্রেনিং পীখ্রে অমসুং মসিনা লৈবাক শীনবা থুংনা অহলশিং সেবা তৌনবা মীওইশিং ফংহল্লে।

অয়ুস্মান ভারত-প্রধান মন্ত্রী জন অরোগ্যা য়োজনা (পি এম জে এ ৱাই)

শেন-থুমগী ফিবম শোক্লবা ইমুংশিংদা অয়ুস্মান ভারত-প্রধান মন্ত্রী জন অরোগ্যা য়োজনানা লায়য়েংনবা চহি অমদা লুপা লাখ ৫ ফাওবা পীরি, মসিনা মখোয় লায়য়েংবদা শেন-থুম পুৎথবদগী কনবা ঙম্লে। ওক্তোবর ২৯, ২০২৪ দা সরকারনা অয়ুস্মান ভারত-প্রধান মন্ত্রী জন অরোগ্যা য়োজনা পাকথোক-চাউথোকহন্দুনা চহি ৭০ গী মথক্ত লৈবা অহল করোর ৬ রোমদা অমসুং ইমুং করোর ৪.৫ রোমদা চহি অমদা লুপা লাখ ৫ ফাওবা লেম্না লায়য়েংবগী খুদোংচাবা পীরে। জনুৱারি ১৫, ২০২৫ ফাওবদা স্কিম অসিদা অহল লাখ ৪০ শরুক য়ারে অমসুং ভারতকী অহলশিংগী হকশেলগী ফিবম ফগৎহল্লে।

ইন্দিরা গান্ধী নেসনেল ওল্দ এজ পেন্সন স্কিম ( আই জি এন ও এ পি এস)

ইন্দিরা গান্ধী নেসনেল ওল্দ এজ পেন্সন স্কিম ( আই জি এন ও এ পি এস) অসি নেসনেল সোইএল এসিষ্টেন্স প্রোগ্রামগী মরুওইবা মচাক অমনি অমসুং মসিনা লায়রবগী পনখৈ মখাদা লৈবা চহি ৬০ গী মথক্ত লৈবা অহলশিংদা শেনগী মতেং পীরি। কান্নবা ফংলবা বেনিফিসরিশিংদা থা অমগী পেন্সন লুপা ২০০ (চহি ৭৯ ফাওবা)  অমসুং লুপা ৫০০ (চহি ৮০ গী মথক) পীরি। রুরেল দিবলপমেন্ত মিনিষ্ট্রিগী স্কিম অসিনা হিংনবগী লম্বী ফগৎনবা, হিংবগী থাক ৱাংখৎনবা অমসুং মীয়ামগী হকশেল ফগৎনবা পান্দম থম্লি। ওক্তোবর ২০২৫ ফাওবদা, মীওই করোর ২.২১ ইন্দিরা গান্ধী নেসনেল ওল্দ এজ পেন্সন স্কিম ( আই জি এন ও এ পি এস) গী কান্নবশিং ফংখ্রে।

নেসনেল প্রোগ্রাম ফোর হেল্থ কিয়ার ওফ ইলদরলি( এন পি ঐচ সি ই)

কেন্দ্র সরকারগী থৌরম অমা ওইনা ২০১০-১১ দা নেসনেল প্রোগ্রাম ফোর হেল্থ কিয়ার ওফ ইলদরলি( এন পি ঐচ সি ই) হৌদোকখি অমসুং মসিনা চহি ৬০ গী মথক্ত লৈবা অহলশিংদা অফবা মখলগী অনা-লায়য়েংগী থবকশিং মমল হোংনা ফংহল্লি। থৌরম অসিনা হৌজিক ভারত শীনবা থুংবগী জিলা ৭১৩ কোনশিল্লি অমসুং মসিদা জিলা থাক্কী হোস্পিতালশিংদা অহলশিং লায়য়েংনবা ও.পি.দি, অহলশিংগী ফমুং ১০ লৈবা ৱার্দশিং, ফিজিওথেরাপী অমসুং লেবোরেতোরিগী খুদোংচাবশিং পীরি।

সেনিয়র সিতিজন্স ৱেলফিয়ার ফন্দ

নেসনেল পোলিসি ওন ওলদর পর্সন্স অমসুং নেসনেল পোলিসি ওন সেনিয়র সিতজন্সগী পান্দমশিংগী শরুক অমা ওইনা অহলশিংগী য়াইফনবা লৈরিবা স্কিমশিং শৌগৎনবা ফাইনান্স এক্ত, ২০১৫ গী মখাদা সেনিয়র সিতিজন্স ৱেলফিয়ার ফন্দ লিংখৎখিবনি। স্মোল সেভিংস স্কিমশিং, ইমপ্লোইয়িজ প্রোভিদেন্দ ফন্দ, পব্লিক প্রোভিদেন্দ ফন্দ, লাইফ অমসুং নন-লাইফ ইন্সুরেন্স পোলিসিশিং অমসুং কোএল মাইন্স প্রোভিদেন্দ ফন্দ একাউন্তশিংদা মপুনা থিরক্ত্রবা শেনফমশিং সেনিয়র সিতিজন্স ৱেলফিয়ার ফন্দদা হাপচিল্লে। ফন্দ অসি অশীন-অরাং তৌনবা নোদেল মিনিষ্ট্রি সোসিএল জজতিষ্ট অমসুং ইম্পৱারমেন্ত মিনিষ্ট্রিনা ওইরে।

অহলশিংদা খুন্নাইগী মতেং

অহলশিংগী পুক্নিং-ৱাখল নুংঙাইনবা অমসুং খুন্নাইদা তিন্নবা খুন্নাইনা মরুওইবা থৌদাং অমা লৌরি। অসিগুম্বা থবকশিংনা নাইতোম লৈবা হন্থহল্লি অমসুং হিংবগী পান্দম অমা পুক্নিংদা ফাওহল্লি।

ইমুং-মনুংগী মতেং

ইমুংশিংনা ঐখোয়গী অহলশিংদা শেন-থুম, পুক্নিং-ৱাখল অমসুং সেবা তৌবগী মতেং পীরি। অদুবু, য়ুম হোংবা, সহর শেমগৎলকপা অমসুং ন্যুক্লিয়ার ফেমিলিশিংগী মশিং হেনগৎলকপনা মমাংঙৈগী অহলশিং শেন্নবগী থবকশিং হন্থরক্লে। মসিগী ফল ওইনা, মচাশিংনা মমা-মপাশিং অমসুং অহলশিং সেবা তৌনবা আইনগী ঙাক্লৌ পীনবা দিশেম্বর ২০০৭ দগী মেন্তেনেন্স এন্দ ৱেলিফিয়ার ওফ পেরেন্তস এন্দ সেনিয়র সিতিজন্স এক্ত, ২০০৭ চৎনরে। মসিনা হায়রি: “অহলশিং অমসুং মম-মপাশিং য়াইফনবা থবক তৌনবা এক্ত অসিদা প্রোভিজনশিং য়াওরে অমসুং অহলশিং অমসুং মমা-মপাশিং য়েংশিন্নবা অমসুং য়াইফনবা থবক পায়খৎপা অসি সংবিধান্না শক খঙলে, মসিনা মখোয়গী হকচাং অমসুং পুক্নিং-ৱাখল ফহল্লে, অহলশিংগী লৈরিবা ইন্সতিতুসনশিং লিংখৎলে, থবক তৌরে অমসুং চৎন-কাংলোনশিং শেম্লে”। অহলশিং য়াইফনবা থবকশিং ফগৎনবা মেন্তেনেন্স এন্দ ৱেলিফিয়ার ওফ পেরেন্তস এন্দ সেনিয়র সিতিজন্স (এমেন্দমেন্ত) বিল, ২০১৯ পুথোকখি। এমেন্দমেন্ত অসিদা “মচাশিং” হায়বা ৱাহন্থোক অসিদা অয়োকপা মচাশিং, চিন্দ্রেন-ইন-লো অমসুং অপীকপা অঙাংশিংগী লিগে গার্জিয়ানশিং য়াওরে অমসুং “মমা-মপাশিং” হায়বা অসিদা হৌজিক পরেন্ত-ইন-লোশিং অমসুং গ্রান্তপরেন্তশিং য়াওরে। থাগী ওইনা চাকথাক লুপা ১০,০০০ পীবা অদু মুৎথৎলে অমসুং অহলশিংগী হিংবা থাক্ত য়ুম্ফম ওইদুনা অমসুং মখোয়গী মচাশিংগী শেন্থোক য়েংলগা পীগদবা শেনফম ত্রাইবুনেলশিংনা লেপ্পা য়ারে। অহলশিং অচম্বা পুন্সি অমদা হিংবা খক নত্তনা হিংবগী ইকায়খুম্নবা লৈনবা আইন্না থবক পায়খৎলে। এমেন্দমেন্ত অসিগী মতুংইন্না পুলিস ষ্টেসন খুদিংমক্ত অহলশিংগীদমক নোদেল ওফিসার অমা হাপ্পা অমসুং জিলা খুদিংমক্ত অহলশিংগীদমক অখন্নবা পুলিস য়ুনিত অমা লিংখৎপা দরকার ওইরে। হকচাং নত্ত্রগা পুক্নিং-ৱাখলগী ফিবম চাদ্রবা অহলশিং য়ুমদা চেকশিন্না শেন্নবগী থবকশিং বিল অসিদা য়াওরে অমসুং মসিনা “য়েংশিনবা” হায়বা থবক অসিগী মনুংদা অনা-লায়য়েং, অশোই-অঙাম থোকহন্দবা, য়ুম, ফিরোল ফংহনবা অমসুং হোস্পিতালশিংদা অহলশিংগী অখন্নবা ক্বিউশিং, ফমুংশিংগী খুদোংচাবা পীবা য়াওরে।

তেক্নোলোজিগী থৌদাং

ভারত্ত অহলশিংগী মতেং পাংবদা অমসুং মখোয়দা হকশেল, অশোই-অঙাম লৈহন্দবা, ই-পাউ, মনিংতম্বা অমসুং মগুন লৈবা পুন্সি অমা ফংহনবদা তেক্নোলোজিনা লৌবা মরুওইবা থৌদাং হেনগৎলক্লি। ভারত্ত অহলশিংগী অপুনবা মীশিং হেনগৎলকপগা লোয়ননা, দোক্তরশিংগী মনাক্ত চৎতনা লায়েংনবা, মরুওইনা য়ুমদা লেংদনা লৈরিবা অহলশিং অমসুং খুঙ্গংগী অহলশিংগী ওইনা, নেসনেল প্রোগ্রাম ফোর হেল্থ কিয়ার ওফ ইলদরলিগী মখাদা অহলশিংগী দরকার ওইবশিং ফংনবা তেক্নোলোজিগী পাম্বৈশিংগী তঙাইফদবা লৈরে। দাইবেতিস অমসুং হয়পরতেন্সনগুম্বা অনাবশিং অমসুং নাইতোম লৈবা অমসুং লাংতক্নবগী কাউন্সেল্লিং তৌনবা লেম্না মেদিকেলগী ৱা তান্নবা খুদোংচাবশিং ই-সঞ্জিবানি তেলিমেদিসিন্না পীরে। অশোই-অঙাম থোক্তবা, হকশেল য়েঙশিনবা অমসুং মনিংতম্বা হেনগৎহন্দুনা অহলশিংগী হিংবা থাক ৱাংখৎহনবদা তেক্নোলোজিনা মরুওইবা থৌদাং অমা লৌবা হেনগৎহলক্লি। হকচাংগী ফিবমশিং য়েংশিনবদা অমসুং অথু-অকায়গী চেকশিনৱা পীবদা স্মার্দ ঘরিশিং অমসুং ফিতনেস ত্রেক বেন্দগুম্বা খুদাংদা শীবা য়াবা খুৎলায়শিংনা মতম চানা মেদিকেলগী থবকশিং পাংথোক্লে। ওনলাইন ফার্মাসিশিংনা অহলশিংনা য়ুমদগী হিদাক-লাংথকশিং চেনবা অমসুং ফংবা ঙমহল্লে অমসুং মসিনা মখা তানা য়াম্না তোইনা চৎথোক-চৎশিন তৌবা দরকার ওইহন্দ্রে। কেমারাশিং অমসুং সেন্সরশিং য়াওনা স্মার্দ হোম তেক্নোলোজিশিংনা ইমুং-মনুংগী মীওইশিং নত্ত্রগা সেবা তৌরিবা মীওইশিংনা লাপ্না অহলশিংগী ফিবম য়েংশিনবা ঙমহল্লে অমসুং অরোন-অথুপ ঙাকপগা লোয়ননা পুক্নিংগী শান্তি ফংহল্লে। হায়রিবা অনৌবা থবকশিং অসিনা ই-পাউ ফাওনবা, অশোই-অঙাম লৈতবা অমসুং চিংলেম্বা অহল ওইবগী পুন্সি অমা ফংবা হেনগৎহল্লে।

সেনিয়র সিতিজন্স ৱেলফিয়ার পোর্তেল

কান্নবশিং ফংনবা সরকারগী স্কিমশিং, পেন্সন প্রোগ্রামশিং অমসুং হেল্পলাইনশিংগা শম্ননবা অমসুং ফোর্মশিং লৌথনবা সেনিয়র সিতিজন্স ৱেলফিয়ার পোর্তেলনা খুদিংমক য়াওরবা দিজিতেল প্লেতফোর্ম অমা ওইনা খুদোংচাবা কয়া পীরে। মসি অহলশিং, ভোলুন্তরি ওর্গনাইজেসনশিং অমসুং সেবা তৌরিবশিংগী শিঙ্গল-ৱিন্দো সিষ্টেম অমা ওইনা থবক তৌরি। অদুবু, মসি মপুংফানা কান্নবা অসি দিজিতেল লিতরেসি অমসুং অহলশিং মসি ফংনবা ৱাখল তাহনবগী থবকশিংগী মখা পোল্লি।

অহলশিং মতেং পাংনবা লম্বীশিং

ভারত্ত অহলশিংগী হিংবগী ফিবম ফগৎহনবদা খুন্নাইগী মতেংনা মরুওইবা থৌদাং অমা লৌরি। মীয়াম্না থবক তৌবা পুক্নিং থৌগৎপা অমসুং অহলশিং অমসুং নহারোলশিংগী মরক্ত থৌরমশিং পাংথোকপনা নাইতোম লৈবা হন্থহনগনি অমসুং পুক্নিং-ৱাখল নুংঙাইহনগনি।

অহলশিংগী য়ুম

অহলশিংগীদমক সহরগী মফমশিং, ত্রান্সপোর্ত অমসুং য়ুম দিজাইন তৌবা অসিনা লাইনা শীজিন্নবা য়াবা ত্রান্সপোর্তগী থবকসিং, ফজনা শেম-শারবা খুদোংচাবসিং, অপনবা লৈতবা বিল্দিংসিং অমসুং তুংগী পুন্সিদা ইকায়খুম্নবা অমসুং নিংতম্বা লৈবা মীয়ামগী খুদোংচাবশিং পীদুনা মীওই খুদিংমক কোনশিনবা সহরশিং শেমগৎনবা খুদোংচাবা অমা পীরে। দিবলপমেন্ত এন্দ রিগুলেসন ওফ রিতায়ারমেন্ত হোমস, ২০১৯ গী মোদেল গাইদলাইনশিংনা অহলশিংগা চুনবা য়ুমশিং অমসুং লৈকায়গী মফমশিং শেমগৎনবা পাউতাকশিং পীখ্রে।

অহলশিং অমসুং নহারোলশিংগী মরক্ত অচেৎপা মরী লৈনবা ফগৎহনবা

মীরোলশিংগী মরক্ত লৈনবা মরীশিং চেৎশীনহন্নবা, মালেমগী অহলশিংগী নুমিৎ ২০২৫ দা, ভারত সরকারগী সোসিএল জজতিষ্ট অমসুং ইম্পৱারমেন্ত দিপার্তমেন্তনা নাইতিক পাতাম কৌবা গেম অমা হৌদোকখ্রে। গেম অদুদা অহলশিং নুংশিনা লোয়ননবা অমসুং ইকায়খুম্নবা উৎতুনা ইমুং-মনুংগী মরীগী মরুওইবা অমসুং মোরেল অমসুং ইথিক্সকী গুনশিং মশক তাক্লি। ইমুং-মনুং পুন্না শানবা য়ানবা গেম অসি দিজাইন তৌবনি।

মালেমগী অহলশিংগী নুমিৎ

ৱারোইনশিন

ভারতকী সিলভর ইকোনোমি ২০২৪ দা লুপা করোর  লিশিং ৭৩ ওইখি অমসুং মসি লাক্লিবা চহিশিংদা শরুক কয়া হেনগৎলক্কনি হায়না থাজবা থম্লি। থিজিনবগী মতুংইন্না, অহলশিং অমসুং শীনফম কয়াগী চহি ৪৫ দগী চহি ৬৪ গী মনুংদা লৈরিবশিং মালেমগী ওইনা খ্বাইদগী ইনাকখুনবা চহি কাংলুপনি। ভারত্ত অহলশিং সেবা তৌবগী থবক অসিনা হকশেল অমসুং নুংঙাইনা হিংনবা ইন্তরপ্রাইজশিং চাউখৎনবা খুদোংচাবশিং পীরি। অহলশিংগী দরকার ওইবশিং ফংহন্নবা লৈরিবা ললোন-ইতিকশিং অমসুং লুপশিংদা চাউখৎলক্লিবা সিলভর ইকোনোমিনা খুদোংচাবা কয়া মরাংকাইনা পীরে। কৈথেল অসি লৈবাক মনুং অমসুং মালেমগী ওইনা য়াংনা পাকথোক-চাউথোক্নবা থৌরাং তৌরে অমসুং হিরম অসিদা অনৌবা থবক কয়া অমসুং চাউখৎনবগী খুদোংচাবা লৈরে। অনা-লায়য়েংগী থবকশিং শীনবা থুংনা সরকার অমসুং লনাই কাংবু পুন্না থবক তৌমিন্নদুনা অহলশিংগী দরকার ওইবশিংদা মীৎয়েং থমদুনা অপুনবা ওইনা অহলশিং শেন্নবগী থবক দরকার ওইরে। মরুওইবা থবকশিংগী মনুংদা য়াওরিবদি, দরকার ওইবা চৎন-কাংলোনশিং অমসুং থাকশিংগা লোয়ননা অহলশিং সেবা তৌবা অসি অখন্নবা হিরম অমা ওইনা শকখঙবা, নাখৈ শেংবা ঙাক্লৌশিংদা য়ুম্ফম ওইদুনা থৌশিল অমসুং চৎন-কাংলোনশিংগী অওনবশিং চৎনবা অমসুং মরী লৈনবা মিনিষ্ট্রিশিং অমসুং দিপার্তমেন্তশিংগী মরক্ত পুন্না থবক তৌমিন্নবা হেনগৎহনবা অসিনি। তোঙান তোঙানবা মরী লৈনবশিং-পঞ্চায়তি রাজ ইন্সতিতুসনশিং, অর্বান লোকেল বোদিশিং, এন.জি.ওশিং অমসুং লনাই কাংবু ঙাক্লৌ অসিনা কোনশিনগনি অমসুং মসিনা ফজনা, মতিক চানা অমসুং অকক্নবা মতমগী মনুংদা থবক পাংথোক্নবা মিনিষ্ট্রিশিং পুনশিনবা ঙমহনগনি।

রিফরেন্সশিং

প্রেস ইনফোর্মেসন ব্যুরো:

https://www.pib.gov.in/PressReleseDetailm.aspx?PRID=2152593

https://static.pib.gov.in/WriteReadData/specificdocs/documents/2025/may/doc202558551701.pdf

https://www.pib.gov.in/FactsheetDetails.aspx?Id=149101

https://www.pib.gov.in/PressReleasePage.aspx?PRID=2082719

https://www.pib.gov.in/PressReleasePage.aspx?PRID=1942849

অতোপ্পশিং:

https://www.socialjustice.gov.in/writereaddata/UploadFile/International_Day_of_Older_Persons636011781954563264.pdf (Page 1)

https://socialjustice.gov.in/writereaddata/UploadFile/83211672138255.pdf (Page 3)

https://esanjeevani.mohfw.gov.in/#/

https://scw.dosje.gov.in/

https://mohfw.gov.in/sites/default/files/Population%20Projection%20Report%202011-2036%20-%20upload_compressed_0.pdf

PDF য়েংনবা মসিদা ক্লিক তৌবীয়ু

***