মরুওইবা ৱাফমশিং

• লুপা করোর ৫৫৩২ গী অপুনবা ইনভেস্তমেন্তকা লোয়ননা প্রোজক্ত ৭ ECMS গী মখাদা অয়াবা পীখ্রে।
• প্রোজেক্তশিং অসিনা লুপা করোর ৪৪,৪০৬ গী আউতপুত অমদি থবক ৫,১৯৫ পুরক্কনি।
• ECMS ইনভেস্তমেন্ত কম্মিতমেন্ত লুপা লাখ করোর ১.১৫ য়ৌদুনা তার্গেতকী শরুক অনি য়ৌরে।
• ইলেক্ত্রোনিক্সনা শেনবা চহি ২০২৪-২৫ গী খ্বায়দগী চাউবা অহুমশুবা এক্সপোর্ত কাংলুপ ওইরি।

ৱাহৌদোক

ইলেক্ত্রোনিক কম্পোনেন্ত মেনুফেকচরিং স্কীমগী মখাদা লুপা করোর ৫,৫৩২ গী প্রোজেক্তশিং অয়াবা ফংবগা লোয়ননা ভারতকী ইলেক্ত্রোনিক্স মেনুফেকচরিং স্তোরীগী অনৌবা পন্দুপ অমা হৌরে। অহানবা প্রোজেক্ত তরেৎনা লৈবাক অসিগী হেনগৎলক্লিবা কম্পোনেন্ত ইকোসিস্তেমদা অনৌবা ইনর্জী হাপ্পগা লোয়ননা লুপা করোর ৪৪,৪০৬ গী প্রদক্সন অমদি থবক ৫,১৯৫ পুরক্কনি।

অয়াবা পীখ্রবা প্রোজেক্তশিং অসি কেন্দ্র মন্ত্রী অস্বিনি বৈষ্ণবনা লাউথোক্তুনা ভারতকী ইলেক্ত্রোনিক ভেল্যু চেন হেন্না কনখৎহন্নবা অচৌবা ইনোৎ অমগী ইঙ্গিৎ পীরি। থৌশিল অসিদা লৈঙাক্না লার্জ-স্কেল মেনুফেকচরিংদা ঙাক্লৌ পীননবা হায়-ভেল্যু কম্পোনেন্তকী অচৌববা দোমেস্তিক বেজ অমা শেমগৎপদা থম্লিবা মীৎয়েঙগী মমি তারি।

হৌখিবা চহি খরসিদা, ভারতকী ইলেক্ত্রোনিক সেক্তরনা শিংথানিংঙাই ওইবা মওংদা চাওখৎলক্তুনা ২০২৪-২৫ গী অহুমশুবা খ্বায়দগী চাউবা অমদি খ্বায়দগী খোঙজেল য়াঙবা এক্সপোর্ত কাঙলুপ ওইরক্লি। ECMS না খোঙজেল অসিদা চত্তুনা এদভান্স ইলেক্ত্রোনিক্স মেনুফেকচরিংগী মালেমগী লুচিংবা অমা ওইরক্নবা পান্দমদা লৈবাক অসিবু নকশিনহল্লি।

স্কীম ওভরভিউ

ইলেক্ত্রোনিক্স কম্পোনেন্ত মেনুফেকচরিং স্কীম অসি USD বিলিয়ন ২.৭ গা মান্ননা, লুপা করোর ২২,২১৯ গী অপুনবা আউতলেগা লোয়ননা এপ্রিল ৮, ২০২৫ দা অয়াবা পীখিবনি। মসিদা চহি অমগী ওপ্সনেল জেস্তেসন মতমগা লোয়ননা চহি তরুক্কী তেন্যুর লৈ। স্কীম অসিনা লৈবাকসিদা ইলেক্ত্রোনিক্স কম্পোনেন্ত মেনুফেকচরিংগী মপাঙ্গল কনবা অমদি সেল্ফ-সস্তেনেবল ইকোসিস্তেম অমা শেমগৎনবা পান্দম থম্লি। মসিনা ভেল্যু চেন পুম্বদা দোমেস্তিক অমদি গ্লোবেল ইনভেস্তমেন্ত পুরক্নবা, হাইয়র দোমেস্তিক ভেল্যু য়োকখৎনবা, অমদি ভারতপু মালেমগী ইলেক্ত্রোনিক্স ত্রেদকী মরুওইবা প্লেয়র অমা ওইহন্নবা মীৎয়েঙ থম্লি।

ECMS না লৈবাক অসিদা মরুওইবা কম্পোনেন্তশিং, সব-এসেমব্লী, অমদি রো মেতরিএলশিং পুথোক্নবা পুক্নিং থৌগত্তুনা ভারতকী ইলেক্ত্রোনিক ইন্দস্ত্রীবু মালেমগী ভেল্যু চেনগা পুনশিন্নবা মীৎয়েঙ থম্লি।

সেপ্তেম্বর ৩০, ২০২৫ ফাওবদা, স্কীম অসিগী মখাদা ইনভেস্তমেন্ত কম্মিতমেন্ত লুপা করোর ১,৫১,৩৫১ য়ৌদুনা হান্না থম্লম্বা লুপা করোর ৫৯,৩৫০ গী শরুক অনি য়ৌরে। মথঙগী চহি তরুকসিদা লুপা করোর ১০,৩৪,৭৫১ গী প্রদক্সন পুরক্কনি হায়না পানবগা লোয়ননা হৌরকপদা লৈরম্বা প্রোজেক্সনগী শরুক ২.২ হেল্লে। ইন্সেন্তিব আউতগো লুপা করোর ২২,৮০৫ গী লৈখিবা এস্তিমেতকী শরুক ১.৮ রোমগী চাংদা লুপা করোর ৪১,৪৬৮ লোম ওইরবা য়াই। স্কীম অসিনা হান্না থম্লম্বা থবক ৯১,৬০০ দগী হেন্দোক্না, য়াম্লবা ইন্দাইরেক্ত এমপ্লোইমেন্ত ওপোর্চুনিতীশিংগা লোয়ননা দাইরেক্ত জোব ১,৪১,৮০১ পীগনি হায়না পানরি।

ECMS এপ্রুভেলগী অহানবা সেতকী মখাদা কোনশিল্লিবা পোত্থোকশিং

অহানবা সেতকী এপ্রুভেলশিংনা মোদর্ন তেক্নোলোজীদা মরুওইবা হায়-ভেল্যু ইলেক্ত্রোনিক কম্পোনেন্ত অমদি মেতরিএলশিং কোনশিল্লি। প্রোজেক্তশিং অসিনা স্মার্তফোন, ওতোমোবাইল, মেদিকেল দিভাইস, তেলিকম্ম্যুনিকেসন্স, অমদি ইন্দস্ত্রিএল সিস্তেমদা শীজিন্নবা কম্পোনেন্তশিং চাউনা পুথোকপা ঙমহন্দুনা গ্লোবেল ভেল্যু চেনদা ভারতকী মফম চেৎশিলহনগনি।

কেমেরা মোদ্যুল সব-এসেমব্লী

কেমেরা মোদ্যুল সব-এসেমব্লীশিং অসি স্মার্তফোন, দ্রোন, মেদিকেল দিভাইস, অমদি রোবোতশিংদা শীজিন্নৈ। মখোয়না ইলেক্ত্রোনিক দিভাইসশিংদা ক্বালিতী ৱাংবা মমি অমদি ভিদিওশিং নম্মি অমদি স্মার্তফোন, তেব্লেত, লেপতোপ, সিক্যুরিতী, অমদি IoT দিভাইসশিংগগী ইমেজিং কম্পোনেন্ত ওইনা শীজিন্নৈ।

মল্তি-লেয়র PCB

মল্তি-লেয়র প্রিন্তেদ সর্কিত বোর্দ (PCBs) শিং অসি ওতোমোতিব, কঞ্জ্যুমর ইলেক্ত্রোনিক্স, ICT, মেদিকেল দিভাইস, তেলিকম্ম্যুনিকেসন, এরোস্পেস অমদি দিফেন্স, অমসুং ইন্দস্ত্রিএল মেনুফেকচরিংদা শীজিন্নৈ। মখোয়দা থ্রু-হোলশিংগী খুত্থাঙদা অমগা অমগা শম্নবা অমদি কঞ্জ্যুমর ইলেক্ত্রোনিক্স, ইন্দস্ত্রিএল কন্ত্রোল, অমদি ওতোমোতিব সিস্তেমশিংদা পাক শন্না শীজিন্নবা কোপ্পর অমদি দাইইলেক্ত্রিক মরোল ময়া য়াওই।

HDI PCB

হায়-দেন্সিতী ইন্তরকন্নেক্ত PCB শিং অসি কঞ্জ্যুমর ইলেক্ত্রোনিক্স অমদি ৱিরেবল তেক্নোলোজী, ওতোমোতিব ইলেক্ত্রোনিক্স, মেদিকেল দিভাইস, তেলিকম্ম্যুনিকেসন, এরোস্পেস অমদি দিফেন্সদা শীজিন্নৈ। মখোয়শিং অসি মাইক্রোভিয়া, ব্লাইন্দ এন্দ বরিদ ভিয়াস, ভিয়া-ইন-পেদ স্ত্রকচর, ফাইনর ত্রেক, অমদি তাইতর স্পেসিং য়াওবা PCB শিংগী এদভান্স ভর্জনশিংনি। মখোয়না স্মার্তফোন, তেব্লেত, ৱিয়রেবল, এরোস্পেস, অমদি মেদিকেল দিভাইসশিংগী কম্পেক্ত অমদি হায়-পর্ফোর্মেন্স দিজাইন পুথোকপা ঙমহল্লি।

লেমিনেত (কোপ্পর ক্লেদ লেমিনেত)

কোপ্পর ক্লেদ লেমিনেদশিং অসি ওতোমোতিব, কঞ্জ্যুমর ইলেক্ত্রোনিক্স, মেদিকেল দিভাইস, ICT, তেলিকম্ম্যুনিকেসন, এরোস্পেস অমদি দিফেন্স, অমসুং ইন্দস্ত্রিএল মেনুফেকচরিংদা শীজিন্নৈ। মখোয় অসি মল্তি-লেয়র PCB শিং পুথোক্নবা বেজ কম্পোনেন্তশিংনি।

পোলিপ্রোপিলিন ফিল্ম

পোলিপ্রোপিলিন ফিল্ম অসি কঞ্জ্যুমর ইলেক্ত্রোনিক্স, ওতোমেতিব, ICT, ইন্দস্ত্রিএল অমদি মেনুফেকচরিং, তেলিকম্ম্যুনিকেসন্স, অমসুং কম্প্যুতিংগী কেপাসিতরশিংদা শীজিন্নৈ। মসি কেপাসিতর পুথোকপদা শীজিন্নবা মরুওইবা মচাক্নি।

ECMS গী মখাদা অয়াবা পীরবা এপ্লিকেসনশিংগী ওভরভিউ

অহৌবা বেতচকী এপ্লিকেসন্সশিংদা ভারত মনুংদা হায়-ভেল্যু কম্পোনেন্ত কেপাসিতী শেমগৎনবা মাঙজিল থাবা দোমেস্তিক মেনুফেকচররশিংদগী অচৌবা খোঙফম অমগী মমি তাই। তামিল নাদু, অন্ধ্র প্রদেশ, অমদি মধ্য প্রদেশতা পায়খৎৎপা প্রোজেক্তশিং অসিদা লুপা করোর ৫,৫৩২ থাদরি, অমদি লুপা করোর ৪৪,৪০৬ কী প্রদক্সন অমদি অনৌবা থবক ৫,১৯৫ পীগনি হায়না পারি।

ইলেক্ত্রোনিক্সনা ভারতকী লীদিং এক্সপোর্ত কেতেগরী

ইলেক্ত্রোনিক্সনা ২০২১-২২ দা তরেৎশুবা মফমদা লৈরম্বদগী কারক্তুনা ২০২৪-২৫ দা ভারতকী অহুমশুবা খ্বায়দগী চাউবা অমসুং খ্বায়দগী খোঙজেল য়াঙনা চাউখৎলক্লিবা এক্সপোর্ত কেতগরী ওইরক্লি। শেনবা চহি ২০২৫-২৬ কী অহানবা তঙ্খায়দা ইলেক্ত্রোনিক্স এক্সপোর্ত USD বিলিয়ন 22.2 দা লৈদুনা[1], অকনবা গ্রোথ মোমেন্তম ঙাক্লি অমদি সেক্তর অসিবু লৈবাক অসিগী. অনিশুবা খ্বায়দগী চাউবা এক্সপোর্ত তৌবা পোৎলম ওইহন্নবা লম্বীদা চঙশিল্লি।

লৈবাক অসিগী ইলেক্ত্রোনিক্স প্রদক্সন ২০১৪-১৫ দা লুপা লাখ করোর ১.৯ দগী ২০২৪-২৫ দা লুপা লাখ করোর ১১.৩ য়ৌদুনা শরুক তরুক থোক্না হেনগৎলক্লে। হায়রিবা মতমসিদা এক্সপোর্ত লুপা করোর ৩৮,০০০ দগী লুপা লাখ করোর ৩.২৭ দা হেনগৎলক্তুনা, শরুক নিপান থোক্না কাখৎলক্লি। হৌখিবা দেকেদসিদা, ইলেক্ত্রোনিক্স মেনুফেকচরিংনা লৈবাক থুংনা থবক লাখ ২৫ রোম পীখ্রে।

অওনবা অসিদা মোবাইল মেনুফেকচরিংনা মরুওইবা থৌদাং অমা লৌরি। সেগমেন্ত অসিদা প্রদক্সনগী চাং ২০১৪-১৫ দা লুপা করোর ১৮,০০০ দগী ২০২৪-২৫ দা লুপা লাখ করোর ৫.৪৫ য়ৌদুনা শরুক ২৮ থোক্না হেনগৎলক্লে। ভারত হৌজিক্তি ২০১৪ দা য়ুনিৎ অনিখক লৈরম্বদগী য়ুনিৎ ৩০০ হেন্না লৈদুনা মালেমগী অনিশুবা খ্বায়দগী চাউবা মোবাইল ফোন মেনুফেকচরর ওইরে।

মোবাইল ফোন এক্সপোর্ত শিংথানিংঙাই ওইনা খুমাঙ চাওশিল্লক্তুনা, ২০১৪-১৫ দা লুপা করোর ১,৫০০ ওইরম্বদগী ২০২৫-২৬ তা লুপা লাখ করোর ২ য়ৌদুনা শরুক ১২৭ হেনগৎলক্লে। ২০২৪ দা এপল খক্তনা লুপা করোর ১,১০,৯৮৯ গী ওইগদবা আইফোন এক্সপোর্ত তৌদুনা চাদা ৪২ গী ইয়র-ওন-ইয়র গ্রোথকা লোয়ননা লুপা লাখ করোর ১ লান্থোক্লে। ২০২৫-২৬ কী অহানবা থা মঙাদা, স্মার্তফোন এক্সপোর্ত লুপা লাখ করোর ১ য়ৌদুনা মমাঙ চহিগী মান্নবা মতমদা লৈখিবা চাংদগী চাদা ৫৫ হেনগৎলে।

হৌজিক্তি ভারতনা দেকেদ অমগী মমাঙদা মাগী মথৌ তাবা অয়াম্বা মপান্দগী পুশিল্লক্লম্বদগী দিভাইস অয়াম্বা লমদমসিদা পুথোকচবরোমদা চঙশিল্লক্তুনা মোবাইল প্রদক্সন্দা মরোমদোম লেপচবা ঙম্বগী থাক য়ৌশিল্লক্লে। অওনবা অসিনা ভারতকী পোলিসী ইকোসিস্তেমগী মপাঙ্গল অমদি মসিনা মালেমগী ইলেক্ত্রোনিক্স মেনুফেকচরিং অমসুং এক্সপোর্তকী থাজনিংঙাই ওইবা মফম অমা ওইরক্লিবা অসি উৎলি।

ৱারোয়শিন

ভারতকী ইলেক্ত্রোনিক্স মেনুফেকচরিং সেক্তরনা অথোইবা মীৎকুপ অমদা লেপ্লি। ইলেক্ত্রোনিক্স কম্পোনেন্ত মেনুফেকচরিং স্কীমগী মখাদা প্রোজেক্তশিং অয়াবা পীখিবা অসিনা ইন্দস্ত্রিএল মাইলস্তোন অমা থম্বতা নত্তনা মালেমগী তেক্নোলোজী প্রদক্সন্দা মরোমদোম লেপচবগী মতিং হেনগৎহনবা অমসুং ভারতকী খোঙফম চেৎশিলহনবগী মায়কৈদা মরুওইবা খোঙথাঙ অমসু ওইরি। অচেৎপা ইনভেস্তমেন্ত কম্মিৎমেন্ত, রেকোর্দ প্রদক্সন তার্গেৎ, অমদি মরা চেৎপা জোব ক্রিএসনগা লোয়ননা স্কীম অসিনা ভারতকী ইলেক্ত্রোনিক্স ভেল্যু চেনগী য়ুম্ফম চেৎশিনহল্লগনি।

কম্পোনেন্ততগী হৌরগা মপুং ফাবা দিভাইস ফাওবদা, ভারতনা থাজবগা লোয়ননা মেনুফেকচরিংগী কৈরাক কাখৎলি। এক্সপোর্ত হেনগৎলকপা, দোমেস্তিক প্রদক্সন হেনগৎলকপা, অমদি মোবাইল মেনুফেকচরিং খোঙলৈ থুনা পাকথোক চাউথোরকপা অসিনা পুন্না তশেং তশেংবা মায়কৈ অমা উৎলি। ভারতনা মশাগী মথৌ তাবশিংখক্তমক পুথোকপদা নত্তনা মালেমগী সপ্লাই চেনসু মপাঙ্গল কনখৎহল্লি। থৌরাং অসিনা মখা অসুম চত্থদুনা, লৈবাক অসিনা মালেমগী ইলেক্ত্রোনিক্স হব অমা ওইরক্নবা মঙলিবা মঙলান য়াম্না থুনা তশেং তশেংবা ওইরক্লি।

রিফরেন্স:

PIB বেকগ্রাউন্দরশিং:

• https://www.pib.gov.in/PressReleasePage.aspx?PRID=2177755

কম্মর্স অমসুং ইন্দস্ত্রী মন্ত্রালয়:

• https://niryat.gov.in/

PDF ফাইলগীদমক মসিদা নম্বিয়ু

****