راشٹریہ وگیان پرُسکار 2025، جو سائنس، ٹیکنالوجی، اور ٹیکنالوجی پر مبنی جدت کے مختلف شعبوں میں سائنسدانوں، ماہرینِ ٹیکنالوجی اور اختراعی ماہرین کی شاندار اور متاثر کن خدمات کے لیے ملک کی اعلیٰ ترین پہچان ہے، کا آج اعلان کیا گیا۔

بھارت سرکار کی جانب سے راہنمائی اور متاثر کن کامیابیوں کو تسلیم کرنے اور فروغ دینے کے لیے راشٹریہ وگیان پُرسکار کا قیام عمل میں لایا گیا ہے۔ یہ ایوارڈ چار زمروں میں دیا جاتا ہے:

• وگیان رتن (وی آر) ایوارڈ: کسی بھی شعبے میں سائنس اور ٹیکنالوجی میں زندگی بھر کی خدمات اور کارناموں کو تسلیم کرے گا۔
• وگیان شری(وی ایس) ایوارڈ: کسی بھی شعبے میں سائنس اور ٹیکنالوجی میں نمایاں خدمات کو تسلیم کرے گا۔
• وگیان یوا-شانتی سواروپ بھٹناگر (وی وائی – ایس ایس بی) ایوارڈ: 45 سال تک کی عمر کے نوجوان سائنسدانوں کی شاندار خدمات کو تسلیم اور حوصلہ افزائی کرے گا جو کسی بھی شعبے میں غیر معمولی خدمات انجام دے چکے ہوں۔
• وگیان ٹیم (وی ٹی) ایوارڈ: تین یا زیادہ سائنسدانوں/محققین/موجدین کی ٹیم کو دیا جائے گا جنہوں نے کسی بھی شعبے میں ٹیم کے طور پر غیر معمولی خدمات انجام دی ہوں۔

یہ ایوارڈز 13 شعبوں میں دیے جاتے ہیں: طبیعیات، کیمسٹری، حیاتیاتی سائنسز، ریاضی اور کمپیوٹر سائنس، ارضیات، طب، انجینئرنگ سائنسز، زرعی سائنس، ماحولیاتی سائنس، ٹیکنالوجی اور جدت، ایٹمی توانائی، خلائی سائنس اور ٹیکنالوجی، اور دیگر متعلقہ شعبے۔ یہ ایوارڈ بھارت کے عزم کو ظاہر کرتا ہے کہ وہ قومی ترقی کے لیے سائنسی امتیاز اور ٹیکنالوجی کی قیادت کو فروغ دینے کے لیے پرعزم ہے۔

راشٹریہ وگیان پُرسکار 2025 کے لیے نامزدگیاں 4 اکتوبر تا 17 نومبر 2024 تک مخصوص پورٹل (https://awards.gov.in/) کے ذریعے طلب کی گئی تھیں اور ایک نمایاں سائنسی رہنماؤں پر مشتمل پینل کی جانب سے سخت جانچ پڑتال کے بعد ان کا انتخاب کیا گیا، جس میں بھارت کے مرکزی سائنسی مشیر، راشٹریہ وگیان پُرسکار کمیٹی کے چیئرمین، سائنس ڈیپارٹمنٹ کے سکریٹریز، اکیڈمیوں کے سربراہان، اور شعبہ جاتی ماہرین شامل تھے، جن کو راشٹریہ وگیان پُرسکار سیکریٹریٹ نے ہم آہنگ کیا۔

سال 2025 کے لیے راشٹریہ وگیان پُرسکار کے نامزد افراد درج ذیل ہیں:

• وگیان رتن: پروفیسر جینت وشنو نرلیکر(طبیعیات) – بعد از مرگ
• وگیان شری: ڈاکٹر گیانیندر پرتاپ سنگھ (زرعی سائنس)؛ ڈاکٹر یوسف محمد شیخ (ایٹمی توانائی)؛ ڈاکٹر کے تھنگراج (حیاتیاتی سائنسز)؛ پروفیسر پردیپ تھلاپل (کیمسٹری)؛ پروفیسر انی رودھ بھالچندر پنڈت (انجینئرنگ سائنسز)؛ ڈاکٹر ایس وینکٹا موہن (ماحولیاتی سائنس)؛ پروفیسر مہان ایم جے (ریاضی اور کمپیوٹر سائنس)؛ جناب جین این (خلائی سائنس اور ٹیکنالوجی)
• وگیان یوا: ڈاکٹر جگدیش گپتا کپگنتی (زرعی سائنس)؛ ڈاکٹر ستندر کمار منگروٹھیا (زرعی سائنس)؛ جناب دیبارکا سین گپتا (حیاتیاتی سائنسز)؛ ڈاکٹر دیپا اگاشے (حیاتیاتی سائنسز)؛ ڈاکٹر دیبیندو داس (کیمسٹری)؛ ڈاکٹر ولی الرحمان (ارضیات)؛ پروفیسر ارکاپروا باسو (انجینئرنگ سائنسز)؛ پروفیسر سبیاساچی مکھرجی (ریاضی اور کمپیوٹر سائنس)؛ پروفیسر شویتا پریم اگروال (ریاضی اور کمپیوٹر سائنس)؛ ڈاکٹر سُریش کمار (طب)؛ پروفیسر امت کمار اگروال (طبیعیات)؛ پروفیسر سرہود شری کانت مورے (طبیعیات)؛ جناب انکور گرگ (خلائی سائنس اور ٹیکنالوجی)؛ پروفیسر موہان شنکر سیوا پرکاشم (ٹیکنالوجی اور جدت)
• وگیان ٹیم: ٹیم – ایروما مشن سی ایس آئی آر(زرعی سائنس)

راشٹریہ وگیان پُرسکار کے ذریعے ملک کے سائنس اور ٹیکنالوجی کے ویژنری افراد کو اعزاز دیا جاتا ہے تاکہ آنے والی نسل کو متحرک کیا جا سکے، تحقیقی ماحول کو مضبوط بنایا جا سکے، اور بھارت کے عالمی سطح پر ایس اینڈ ٹی جدت میں قیادت حاصل کرنے کے سفر کو تیز کیا جا سکے۔ راشٹریہ وگیان پُرسکار کی تقریبِ تقسیم انعامات مناسب وقت پر منعقد کی جائے گی اور ایوارڈ یافتگان کو علیحدہ طور پر مطلع کیا جائے گا۔

************

ش ح ۔   م  د ۔  م  ص

(U : 302 )