نئی دہلی، 15 اکتوبر 2025: بھارت سنچار نگم لمیٹڈ (بی ایس این ایل) نے آج پورے ہندوستان میں صارفین کی خوشیوں کو مزید روشن کرنے کے لیے ایک خصوصی دیوالی بونانزا کا اعلان کیا۔

جیسے ہی خاندان روشنیوں کے تہوار کو منانے کے لیے جمع ہوتے ہیں، بی ایس این ایل ہر صارف کے لیے تہوار کی پیش کشوں کا ایک مجموعہ پیش کر رہا ہے—نئے صارفین سے لے کر طویل مدتی صارفین تک، انفرادی صارفین سے لے کر کاروباری صارفین تک، اور یہاں تک کہ بزرگ شہریوں کے لیے خصوصی فوائد بھی۔ یہ جامع پروموشن، جو 18 اکتوبر 2025 سے 18 نومبر 2025 تک جاری رہے گا، بی ایس این ایل کا خوشیاں بانٹنے، روشنی پھیلانے اور روابط کو مضبوط کرنے کے دیوالی کے جذبے کے تحت طریقہ ہے۔

الف: نئے صارفین کے لیے دیوالی بونانزا 4جی پلان

"اس دیوالی پر نئے کنکشن روشن کر رہے ہیں"

بی ایس این ایل فیملی میں نئے اراکین کا خیرمقدم کرنے کے لیے، کمپنی نے ٹوکن 1 روپے دیوالی 4جی پلان متعارف کرایا ہے، جو بنیادی طور پر نئے صارفین کے لیے ایک ماہ کی مفت موبائل خدمات فراہم کرتا ہے۔ صرف 1 روپےایکٹیویشن چارج ادا کر کے، نئے صارفین 30 دن کی لامحدود کنیکٹوٹی سے لطف اندوز ہو سکتے ہیں—یہ بی ایس این ایل کی طرف سے نئے صارفین کو جشن میں شامل ہونے کے طور پر دیا جانے والا تحفہ ہے۔ یہ پلان بی ایس این ایل کے نئے تعینات کردہ، مقامی طور پر تیار کردہ 4جی نیٹ ورک پر اعتماد کو ظاہر کرتا ہے اور صارفین کو تقریباً مفت میں اس کا تجربہ کرنے کی دعوت دیتا ہے۔

دیوالی بونانزا پلان کے کلیدی فوائد (پہلے 30 دنوں کے لیے)

• اپنے پیاروں سے بات کرنے کے لیے لامحدود وائس کالز (پلان کےٹی اینڈ سی کے مطابق)
• ویڈیوز، تصاویر اور تہوار کی مبارکبادیں بھیجنے کے لیے روزانہ 2 GB ہائی سپیڈ ڈیٹا
• دیوالی کی مبارکباد بھیجنے کے لیے روزانہ 100 ایس ایم ایس
• ایکٹیویشن کے ساتھ مفت سم کارڈ (ڈی او ٹی کے رہنما خطوط کے مطابق لازمی KYC کے ساتھ)

یہ پیشکش 15 اکتوبر سے 15 نومبر 2025 کے درمیان پلان کا فائدہ اٹھانے والے نئے صارفین پر لاگو ہوگی۔

بی ایس این ایل کے سی ایم ڈی، جناب اے رابرٹ جے روی نے دیوالی بونانزا پلان کا اعلان کرتے ہوئے کہا:
"دیوالی نئی شروعات اور روشن افق کے بارے میں ہے۔ ہم کنیکٹیویٹی کے ایک ماہ طویل تحفے کے ساتھ نئے صارفین کا خیرمقدم کرنے پر خوش ہیں۔ 1 کا یہ دیوالی بونانزا پلان لوگوں کو ہمارے جدید، میک ان انڈیا 4جی  نیٹ ورک کا تجربہ کرنے کی اجازت دیتا ہے، جس طرح ملک جشن منانے کے لیے یکجا ہوتا ہے۔ ہمیں یقین ہے کہ جب صارفین معیار کو محسوس کریں گے، تو وہ تہوار کے بعد بھی بی ایس این ایل کے ساتھ اپنا سفر جاری رکھیں گے۔"

ب: صارفین کے لیے خوش قسمت ڈرا

"خوش قسمتی کا تہوار، خوشی کے روابط"

موجودہ صارفین کے لیے، بی ایس این ایل اس تہوار کے سیزن میں ایک اضافی چمک کے طور پر دیوالی لکی ڈرا پیش کر رہا ہے۔ ہر بی ایس این ایل صارف جو 18، 19 اور 20 اکتوبر کو سیلف کیئر ایپ یا بی ایس این ایل ویب سائٹ کے ذریعے پلان 100 روپے یا اس سے زیادہ کے ساتھ ری چارج کرے گا، وہ خود بخود اس دن کے لکی ڈرا میں داخل ہو جائے گا—چاہے وہ طویل مدتی سبسکرائبر ہوں یا بونانزا مدت کے دوران شامل ہونے والے۔

ہر دن، دس صارفین کو 10 گرام کے ایک چاندی کے سکے جیتنے کا موقع ملے گا، جو انہیں فراہم کیے جائیں گے۔

لکی ڈرا کے بارے میں بات کرتے ہوئے، بی ایس این ایل کے سی ایم ڈی، جناب اے رابرٹ جے روی نے کہا:
"جیسا کہ ہم ہندوستان بھر میں لاکھوں دیا روشن کرتے ہیں، ہم اپنے صارفین کو بھی خوشیوں سے منور کرنا چاہتے ہیں۔ ہم اپنے صارفین کے اعتماد کی قدر کرتے ہیں اور اس فیسٹیول آف فارچیون کے ذریعے ان کی تقریبات میں جوش و خروش اور انعامات کا اضافہ کرنے کی امید رکھتے ہیں۔"

ج: کارپوریٹ کومبو آفرز

"کاروبار کو مضبوط بنانا، جشن کو روشن کرنا"

بی ایس این ایل اس بات کو تسلیم کرتا ہے کہ دیوالی کا تہوار صرف خاندانوں کے لیے نہیں بلکہ دفاتر اور کاروباری اداروں کے لیے بھی کامیابیاں منانے اور ایک خاندان کی طرح جڑنے کا وقت ہے۔ اپنے انٹرپرائز اور کارپوریٹ کلائنٹس کے لیے، بی ایس این ایل نے کارپوریٹ کومبو آفرز کا اعلان کیا ہے جو خصوصی تہوار کی قیمتوں پر ویلیو پیکڈ کنیکٹوٹی بنڈلز فراہم کرتی ہیں۔ جو صارفین کم از کم 10 نئے پوسٹ پیڈ بی ایس این ایل کنکشنز اور ایک ایف ٹی ٹی ایچ کنکشن حاصل کرتے ہیں، انہیں پہلے ماہ کے ایف ایم سی پر دس فی صد  رعایت دی جائے گی۔

د. “گیفٹ اے ریچارج” اقدام

"مسکراہٹیں بانٹیں، ایک ریچارج کے ذریعے"

دیوالی کے حقیقی جذبے کے مطابق – جو دینے اور بانٹنے کا تہوار ہے – بی ایس این ایل نے ایک جدید “گیفٹ اے ریچارج” اقدام متعارف کرایا ہے۔ اس خصوصیت کے ذریعے کوئی بھی بی ایس این ایل صارف دوستوں یا اہل خانہ کو پری پیڈ ریچارج یا ٹاپ اپ بطور دیوالی تحفہ بھیج سکتا ہے۔ چاہے آپ کے والدین کسی دوسرے شہر میں ہوں یا آپ کسی دوست کو خوشگوار حیرت دینا چاہتے ہوں، اب آپ انہیں ٹاک ٹائم یا ڈیٹا بطور تحفہ بھیج سکتے ہیں، تاکہ وہ تہوار کے دوران رابطے میں رہیں۔ اس عمل کو آسان بنایا گیا ہے: صارفین سیلف کیئر ایپ کے ذریعے کسی بھی بی ایس این ایل نمبر پر ریچارج بھیج سکتے ہیں، جس کے ساتھ ذاتی نوعیت کا تہوار پیغام بھی منسلک کیا جا سکتا ہے۔

تہوار کے اضافی فائدے کے طور پر، بی ایس این ایل ہر تحفے میں تھوڑا سا اضافی فائدہ دے رہا ہے—ایک خیرسگالی کا تحفہ تاکہ تحفے کی خوشی تہوار کے بعد بھی جاری رہے۔ اس کا مطلب ہے کہ وصول کنندہ کو گیفٹ کی گئی رقم پر 2.5% رعایت حاصل ہوگی۔ یہ پروموشن 18 اکتوبر 2025 سے 18 نومبر 2025 تک جاری رہے گی۔

اس اقدام پر روشنی ڈالتے ہوئے، جناب اے رابرٹ جے روی نے کہا:
"دیوالی کے موقع سے بہتر وقت اور نہیں ہو سکتا کہ ہم اپنے پیاروں سے رابطہ قائم کریں۔ ہم چاہتے تھے کہ رابطے کے تحفے کو بانٹنا آسان ہو، جیسے ہم مٹھائیاں اور تحائف بانٹتے ہیں۔ ‘گیفٹ اے ریچارج’ کے ذریعے، خاندان کے ساتھ فون کال یا ویڈیو چیٹ ہی تحفہ ہے—ایک ایسا تحفہ جو فاصلے کے باوجود لوگوں کو قریب رکھتا ہے۔ جب آپ اس دیوالی اپنے بزرگوں یا دوستوں کو ریچارج بھیجتے ہیں، تو آپ صرف ڈیٹا یا ٹاک ٹائم نہیں دے رہے، بلکہ ایک دل سے بات چیت کا تحفہ دے رہے ہیں۔ بی ایس این ایل خوش ہے کہ اس کے ساتھ تھوڑا اضافی بھی شامل کر رہا ہے، تاکہ یہ قیمتی بات چیت اور زیادہ دیر تک برقرار رہے۔"

ہ. سینئر سٹیزن پلان

"نسلوں کو جوڑنا، رشتوں کا جشن منانا"

جب ہم آتش بازی اور خاندانی اجتماعات کے ساتھ جشن مناتے ہیں، بی ایس این ایل خاص طور پر اپنے بزرگ شہریوں—دادا دادی اور بزرگوں—کے بارے میں حساس ہے، جو اپنی حکمت اور محبت سے ہمیں نوازتے ہیں۔ ان کے لیے، بی ایس این ایل نے دیوالی بونانزا کے تحت ایک خاص انٹرٹینمنٹ پیکڈ سینئر سٹیزن پلان متعارف کرایا ہے۔ یہ پلان 60 سال اور اس سے زائد عمر کے صارفین کی ضروریات کے مطابق تیار کیا گیا ہے، جس میں رعایتی ٹیرف، اضافی فوائد، اور آسان استعمال شامل ہیں۔

یہ خاص سینئر سٹیزن پلان صرف نئے کنکشن کے لیے پلان 1812 کے تحت لانچ کیا گیا ہے۔ اس کی اہم خصوصیات درج ذیل ہیں:

• روزانہ 2جی بی  ڈیٹا
• لامحدود کالز
• روزانہ 100 ایس ایم ایس
• ویلیڈیٹی 365 دن
• مفت سم کارڈ
• بی آئی ٹی وی پریمیم انٹرٹینمنٹ 6 ماہ کے لیے مفت

یہ نئی کنکشن آفر سینئر سٹیزن کے لیے 18 اکتوبر 2025 سے 18 نومبر 2025 تک دستیاب ہوگی۔

اس اقدام پر اپنے خیالات کا اظہار کرتے ہوئے، سی ایم ڈی نے کہا:
"ہمارے بزرگ ہمارے خاندانوں کی رہنمائی کی روشنی ہیں، بالکل ویسے ہی جیسے دیا کا ابدی شعلہ ہمارے گھروں کو روشن کرتا ہے۔ اس دیوالی، ہم اپنے سینئر شہریوں کا احترام کرتے ہوئے انہیں فکر سے آزاد کنیکٹیویٹی فراہم کرنا چاہتے ہیں۔ سینئر سٹیزن پلان ہمارا طریقہ ہے کہ ہم اس نسل کا شکریہ ادا کریں جس نے ہمیں بہت کچھ دیا ہے—انہیں اپنے بچوں اور پوتے پوتیوں سے جڑے رکھ کر، چاہے فاصلہ کتنا ہی کیوں نہ ہو۔"

و. منتخب پلانز پر تہوار کی پیش کش

"تھوڑا بچائیں، تھوڑا بانٹیں"

دیوالی کے موقع پر دینے کے جذبے کو منانے کے لیے، بی ایس این ایل نے پلان 485 اور پلان 1,999 پر 5 فی صد تہوار کا فائدہ پیش کیا ہے، جو سیلف کیئر ایپ یا بی ایس این ایل ویب سائٹ کے ذریعے حاصل کیا جا سکتا ہے۔ یہ پروموشن 18 اکتوبر 2025 سے 18 نومبر 2025 تک جاری رہے گا۔

اہم خصوصیات:

• 2.5% فوری رعایت صارفین کو دی جائے گی۔
• باقی 2.5% بی ایس این ایل کی جانب سے سماجی خدمات کی سرگرمیوں کے لیے عطیہ کیا جائے گا—ایک چھوٹا سا دیا جو زیادہ زندگیوں کو روشن کرے گا۔

سی ایم ڈی، بی ایس این ایل، جناب اے رابرٹ جے روی نے کہا:
"دیوالی سب سے زیادہ روشن ہوتی ہے جب ہم اپنی روشنی بانٹیں۔ اس ‘تھوڑا بچائیں، تھوڑا بانٹیں’ اقدام کے ذریعے، ہر ریچارج ایک چھوٹا سا عملِ نیکی بن جاتا ہے—آدھا آپ کی بچت کے لیے، آدھا کسی کی مسکراہٹ کے لیے۔ آئیے مل کر زیادہ گھروں میں زیادہ دیا جلائیں۔"

اس دیوالی رابطے کی روشنی پھیلانا

دیوالی بونانزا آفرز کے ذریعے، بی ایس این ایل صارفین کی خوشی اور ڈیجیٹل شمولیت کے اپنے عزم کو دہراتا ہے۔ ٹیکنالوجی کو دیوالی کی ثقافتی ساخت کے ساتھ جوڑ کر، بی ایس این ایل یہ یقینی بنانا چاہتا ہے کہ کوئی بھی—چاہے وہ گھر سے دور طالب علم ہو، کاروبار ہو، یا بزرگ شہری—اس تہوار کے سیزن میں غیر مربوط محسوس نہ کرے۔

یہ آفرز دیوالی کے اصل جذبے کی عکاسی کرتی ہیں: گھروں اور دلوں کو روشن کرنا، یکجہتی کو فروغ دینا، اور خوش حالی بانٹنا۔

بی ایس این ایل اپنے تمام صارفین اور پورے ملک کو تہوار کی خوشیوں بھری مبارکباد پیش کرتا ہے۔ یہ دیوالی آپ کی زندگیوں کو روشنی، خوشی اور لاتعداد یادگار رابطوں سے بھر دے۔

مزید معلومات یا دیوالی بونانزا سے فائدہ اٹھانے کے لیے:

• قریب ترین بی ایس این ایل کسٹمر سروس سینٹر (سی ایس سی)پر جائیں
• فون کریں: 1800-180-1503
• ویب سائٹ ملاحظہ کریں: bsnl.co.in

تمام کو دیوالی مبارک!

********

( ش ح۔ اس ک۔ م ا)

U.No.20