সিক্কিমগী রাজ্যপাল শ্রী ও.পি. প্রকাশ মাথুর জী; রাজ্যগী মুখ্য মন্ত্রী অমসুং ঐহাক্কী মরুপ প্রেম সিংহ তামাং জী; পার্লিয়ামেন্তদা ঐহাক্কা খোংলোই দোর্জী শেরিং লেপচা জী অমসুং দা. ইন্দ্র হাং সুব্বা জী; মফম অসিদা তিনবীরিবা অতোপ্পা মীয়ামগী মীহুৎশিং; মীয়াম পুম্নমক! 

(লোকেলগী লোনগা য়াইফ পাউজেল পীবা)

ঙসি অসি অখন্নবা নুমিৎনি, তাঞ্জা অসি সিক্কিমগী দেমোক্রেতিক খোংচৎকী গোল্দন জুবিলীগী তাঞ্জানি। ঐহাক ইশামক ময়ামগী মরক্তা শরুক য়াদুনা সেলেব্রেসন অসিগী, স্পিরিৎ অসিগী, অমসুং শিংথানিঙাই ওইরবা চহি ৫০গী খোংচৎ অসিগী শাক্ষি ওইবা পামখি, ঐহাকসু ময়ামগা লোয়ননা লেংমান্ননা চৎমিন্নদুনা সেলেব্রেসন অসিদা শরুক য়াজনিংখি। ঐহাক য়াম্না ঙন্না দিল্লীদগী পাইরক্তুনা বাগদোগরাদা য়ৌরকখি, অদুবু ৱেদরনা মরম ওইদুনা ঐহাক অদোমগী থোংজিন ফাওবা য়ৌরক্লবসু মখাতানা চংশিনবদগী থিংখি। মদুনা মরম ওইরগা ময়ামগা শকমাই উনদুনা ৱারী শানবগী তাঞ্জা অদু ফংজখিদ্রে। অদুবু ঐহাক্না অচৌবা থৌরম অসি উবা ফংলি, ঐগী মাংদা অঙকপা দৃশ্য উবা ফংলি, মায়কৈ খুদিংদা মীয়ামশিং উবা ফংলি, মসি তশেংনা অঙকপা দৃশ্য অমনি। অদোমগী মরক্তা শরুক য়াবা ফংলমলগদি কয়াদা ফরমগদবনো, অদুবু ঐহাক য়ৌশনলকপা ঙমখিদ্রে, ঐহাক্না ময়াম পুম্নমক্তা ৱারৌদনবা হায়জরি।

ইকায় খুম্নরবা মুখ্য মন্ত্রীনা ঐহাকপু বার্তন তৌবিরকপগুম, ঐহাক্না অদোমগী মফমদা থাজবা পীজরি মদুদি রাজ্য সরকারনা মতম লেপলকপগা ঐহাক সিক্কিমদা শোইদনা চৎকনি, ময়াম পুম্নমক্কা শোইদনা উনগনি অমসুং মসিগী চহি ৫০ ফারকপগী মায় পাক্লবা খোংচৎ অসিগী সাক্ষি অমা ওইগনি। ঙসিগী নুমিৎ অসি হৌখিবা ৫০গী এচিবমেন্তবু সেলেব্রেত তৌবগী নুমিৎনি অমদি অদোম্না থৌরম অসি য়াম্না নিংথিজনা পাংথোক্লি। ঐহাক্না য়াম্না মুন্না য়েংলম্মি অমসুং তারম্মি, মুখ্য মন্ত্রী মশামকনা থৌরম অসিবু তশেংনা নিংশিংনিঙাই ওইনবা য়াম্না কন্না হোৎনরি। মহাক মশামক দিল্লীদসু অনিরক লাক্তুনা বার্তন তৌবিরম্মি। ঐহাক্না ময়াম পুম্নমকপু সিক্কিম রাজ্য শেমখিবগী চহি ৫০ শুরকপদা য়াইফ পাউজেল পীজরি। 

মরুপশিং,

চহি ৫০গী মমাংদা, সিক্কিম্না দেমোক্রে সিগী তুংলমচৎ অমা শেমখি। সিক্কিমগী মীয়াম্না ভারতকী জিওগ্রাফীগা শম্নবতা নত্তনা মসিগী থম্মোয়গা শম্নরি। মীপুম খুদিংমক্কী ৱা ঙাংবা অমসুং হকশিং ঙাকথোকপা মতমদা, চাউখৎপগী চপ মান্নবা খুদোংচাবশিং ফংলগনি হায়বা থাজবা অমা লৈখি। ঙসিদি সিক্কিমগী ইমুং খুদিংমক্কী থাজবা হেন্না মপাঙ্গল কনখৎলে। লৈবাক অসিনা সিক্কিমগী চাউখৎ-থৌরাং অসিদা থাজবা অসিগী মহৈ অদু উবা ফংলে। সিক্কিম অসি লৈবাক অসিগী চাউথোকচবনি। হৌখিবা চহি ৫০ অসিদা সিক্কিম অসি মহৌশাগী মায়কৈদগী চাউখৎপগী মোদেল অমা ওইরক্লি। মসিনা বাইওদাইভর্সিতীগী অচৌবা সেঙ্কচুঅরী অমা ওইরকখি, 100% ওর্গানিক স্তেৎকী থাক অমা ফংখি, অমসুং কলচরেল অমসুং হেরিতেজগী চাউখৎপগী খুদম অমা ওইরকখি। ঙসিদি সিক্কিম অসি লৈবাক অসিগী মীশিং খুদিংগী ইনকম খ্বাইদগী ৱাংবা রাজ্যশিংগী মনুংদা অমা ওইরে। মাইপাকপা অসি সিক্কিমগী মীয়ামগী তৌবা ঙম্বগী খুদম্নি। হৌখিবা চহী মঙাদা সিক্কিমদগী থোরকখিবা মঙাল কয়াবু শকখঙখলে। কাংলুপ খুদিংমক্না মসিগী কলচর অমসুং চাউখৎ-থৌরাংগী মায়কৈদা অচৌবা থৌদাং লৌরি।

মরুপশিং,

২০১৪দা শরকার পায়রবা মতুং, ঐহাক্না সবকা সাথ, সবকা বিকাস লাউথোকখি। চাউখৎলবা ভারত অমা শেম্নবগীদমক্তা তংদু লৈতাবা দিবেলপমেন্ত মথৌ তাই। ভারতকী রাজ্য অমসুং লমদম খুদিংমক্কী মশাগী অখন্নবা মপাঙ্গল লৈ। মিৎয়েং অসি থমদুনা, সরকারনা হৌখিবা চহী তরা অসিদা অৱাং-নোংপোক লমদমবু চাউখৎপগী ময়াইদা থম্লি। সরকারনা 'এক্ত ইস্ত' পোলিসী অসি 'এক্ত ফাস্ত'গী ৱাখল্লোনগা লোয়ননা মাংলোমদা চংশিল্লি। দিল্লীদা হন্দক্তা অৱাং-নোংপোক ইনবেস্তমেন্ত সমিৎ পাংথোকখি। মকোক থোংবা ইন্দস্ত্রিএলশিং অমসুং মরুওইবা ইনভেস্তরশিংনা থৌরম অদুদা শরুক য়াখি। মখোয়না সিক্কিম য়াওনা অৱাং-নোংপোক লমদম পুম্বদা শেল থাদবগী ৱাফম ফোঙদোকখি। লাক্কদৌরিবা চহিশিংদা, মসিনা সিক্কিম অমসুং অৱাং-নোংপোক লমদমগী নহারোলশিংগীদমক থবক ফংহন্নবগী মশিং য়াম্লবা খুদোংচাবশিং ফংহল্লগনি।

মরুপশিং,

ঙসিগী থৌরম অসিনা সিক্কিমগী তুংলমচৎকী খোঙচৎকী মতাংদা খরা খংহল্লি। সিক্কিমগী চাউখৎ-থৌরাংগা মরী লৈনবা প্রোজেক্ত কয়া অমা হৌদোকখ্রে অমসুং উরেপ উয়ুংসু তমখ্রে। প্রোজেক্তশিং অসিনা লমদম অসিদা হেল্থকেয়র, তুরিজম, কলচরেল অমসুং স্পোর্তস ফেসিলিতীশিং হেনগৎহনগনি। প্রোজেক্তশিং অসি মাইপাক্না হৌদোকপদা ময়াম পুম্নমকপু ঐহাক্না থম্মোয় শেংনা নুংঙাইবা ফোংদোকচরি।

মরুপশিং,

সিক্কিম য়াওনা অৱাং-নোংপোক পুম্নমক অসি ভারতকী চাউখৎ-থৌরাংগী ৱারীদা মঙাল থোকপা চেপ্তর অমা ওইরক্লি। দিল্লীদগী অরাপ্পা মফম অমা চাওখৎ-থৌরাংগী থিংনবা অমা ওইরম্বা অদুদা, লমদম অসিদসু হৌজিক অনৌবা খুদোংচাবশিং ফংহল্লে। অহোংবা অসিগী খ্বাইদগী চাউবা মরমদি সিক্কিমগী মীয়াম্না মশানা উবা ফংলিবা কনেক্তিবিতী ফগৎলকপা অসিনি।

এজুকেসন, অনা লায়েং নত্রগা থবক ফংনবগীদমক চৎথোক চৎশিন তৌবা অসি অচৌবা শিংনরকপা মতম অমা লৈরম্মি। অদুম ওইনমক, হৌখিবা চহী তরা অসিদা ফিভম অসি য়াম্না হোংখ্রে। হায়রিবা মতম অসিদা সিক্কিমদা অনৌবা নেস্নেল হায়ৱে কিলোমিতর ৪০০ রোম শাখ্রে। খুঙ্গংশিংদা কিলোমিতর চাম্মাগী অনৌবা লম্বীশিং শেমখ্রে। অতল সেতু শাবনা দার্জিলিংগা সিক্কিমগা শম্নবা হেনগৎহনখ্রে। সিক্কিমগা কালিম্পোংগা শম্নগদবা লম্বী অসিদা থবকশিং খোঙজেল য়াংনা চত্থরি। বাগদোগ্রা-গংতোক এক্সপ্রেসৱেনা সিক্কিমদগী লাকপা অমসুং লাকপা অসি য়াম্না লায়থোকহল্লগনি। হায়রিবা এক্সপ্রেসৱে অসি গোরখপুর-সিলিগুরি এক্সপ্রেসৱেগা শম্নহন্নবা অমসুং লমদম অসিগী ইনফ্রাস্ত্রকচর হেন্না মপাঙ্গল কনখৎহন্নবা থৌরাং তৌরি।

মরুপশিং,

অৱাং-নোংপোক্কী রাজ্য পুম্নমক্কী কোনুংশিং রেলৱে নেতৱর্ককা শম্নহন্নবা হোৎনরিবশিং অসি খোংজেল য়াংনা মাংলোমদা চংশিল্লি। সেভোক-রাংপো রেলৱে লাইন অসিনা সিক্কিমবু নেস্নেল রেল নেটৱর্কতা পুন্সিনগনি। লম্বী শেম্বা ঙমদবা মফমশিংদা, অতোপ্পা পাম্বৈ অমা ওইনা রোপৱে শেমগৎলি। রোপৱে প্রোজেক্ত কয়ামরুম ঙসি উরেপ উয়ুং তমখ্রে, মসিনা সিক্কিমগী মীয়ামগী খুদোংচাবদা হেন্না ফগৎহনগনি।

মরুপশিং,

হৌখিবা চহী তরা অসিদা, ভারতনা অনৌবা ৱারেপশিংগা লোইননা মাংলোমদা চংশিল্লি। ঐখোয়গী প্রায়োরিতীশিংগী মরক্তা হেল্থকেয়র হেনগৎহনবা অসি মরুওইবা অমা ওইরি। হৌখিবা চহি ১০-১১ অসিদা রাজ্য খুদিংমক্তা অচৌবা হোস্পিতালশিং লিংখৎলে। এ.আই.আই.এম.এস. অমসুং মেদিকেল কোলেজশিং চাউনা পাকথোক চাউথোকহনবা উবা ফংলি। ঙসি, খ্বাইদগী শোত্থরবা ইমুংশিংদা মগুন লৈরবা হেল্থকেয়র ফংহন্নবা ফমুং ৫০০ লৈবা হোস্পিতাল অমা শঙ্গারে।

মরুপশিং,

নাকল অমরোমদা, ঐখোয়গী সরকারনা হোস্পিতালশিং শাবদা মীৎয়েং চংলি, মসিগা লোয়ননা মমল হোংবা অমসুং মগুন লৈবা হেল্থকেয়রসু ফংহল্লি। আয়ুশ্মান ভারত স্কিমগী মখাদা সিক্কিমদগী মীওই ২৫,০০০ হেনবনা লেম্না লায়েংবা ফংখ্রে। হৌজিক, লৈবাক শীনবা থুংনা চহি ৭০গী মথক্তা লৈবা সেনিয়র সিতিজন পুম্নমক্না হৌজিক্তি লুপা লাখ ৫ ফাওবগী ওইবা লেম্না লায়েংবা য়ারে।অদুনা, সিক্কিমদা লৈরিবা ইমুংশিংনা মখোয়গী চহি য়াম্লবা মেম্বরশিংগী হকশেলগী মতাংদা ৱানিংঙাই লেত্রে-ঐখোয়গী সরকারনা মখোয়গী ত্রিৎমেন্তগীদমক কেয়র লৌগনি।

মরুপশিং,

‘ভিকসিত ভারত’ নত্রগা চাউখৎলবা ভারত অমগী য়ুম্ফম অসি মপাঙ্গল কনবা য়ুম্বী মরিদা য়ুম্ফম ওইরি; লায়রবা, লৌমীশিং, নুপীশিং অমসুং নহাশিং অসিনি। ঙসিদি, লৈবাক অসিনা হায়রিবা য়ুম্বীশিং অসি লেপ্তনা মপাঙ্গল কনখৎহল্লি। মসিগী অখন্নবা থৌরম অসিদা, ঐহাক্না সিক্কিমগী লৌমীশিংবু থাগৎপা ফোংদোকচরি। ভারতনা লৌউ-শিংউগী চাউখৎ-থৌরাংগী অনৌবা খোংজেলদা মাংলোমদা চংশিল্লি, অমসুং সিক্কিমনা লমজিংলি। সিক্কিমদগী ওর্গানিক প্রদক্তশিং পুথোকপগী চাং হেনগৎলক্লি। হন্দক্তা, সিক্কিমগী মমিং চৎলবা দাল্লে খুর্সানি চিলি অসি অহানবা ওইনা এক্সপোর্ত তৌখ্রে।  মার্চ ২০২৫দা অহানবা কন্সিনমেন্ত অসি মপান লমদা থাদোকখ্রে। লাক্কদৌরিবা চহিশিংদা, সিক্কিমদগী পোৎথোক কয়া অমা মালেমগী থাক্তা এক্সপোর্ত তৌরগনি হায়না শ্রী মোদীনা ফোংদোকখি। কেন্দ্র সরকারনা রাজ্য সরকারগা খুৎশম্নদুনা থবক পায়খৎলি।

মরুপশিং,

কেন্দ্র সরকারনা সিক্কিমগী ওর্গানিক কস্তপু হেন্না মরাং কায়হন্নবা অতোপ্পা খোংথাং অমা লৌখৎলে। লৈবাক অসিগী অহানবা ওর্গানিক ফিসরিজ ক্লস্তর সোরেং দিস্ত্রিক্ততা লিংখৎলে। খোঙথাং অসিনা সিক্কিমবু নেস্নেল অমসুং গ্লোবেল থাক অনিমক্তা অনৌবা মশক অমা পীগনি। ওর্গানিক ফার্মিংগা লোইননা সিক্কিম অসি ওর্গানিক ফিসিংগীদমকসু শকখঙলগনি। ওর্গানিক ঙা অমসুং ঙাগী পোত্থোকশিংগী মালেমগী ওইনা চাওনা দিমান্দ লৈ। চাউখৎ-থৌরাং অসিনা সিক্কিমগী নহারোলশিংদা ফিসরিজ সেক্তরদা অনৌবা খুদোংচাবা কয়া পীগনি।

মরুপশিং,

নুমিৎ খরনিগী মমাংদা, দিল্লীদা নীতি আয়োগকী গবর্নিং কাউন্সিলগী মীফম পাংথোকখি। মীফম অদুদা, রাজ্য খুদিংমক্না মালেমগী থাক্তা শকখঙবা ঙমগদবা তুরিজম দেস্তিনেসন অমা শেমগৎপগী তঙাইফদবা অদু ঐহাক্না ফোংদোকখি। সিক্কিম অসি হিল স্তেসন অমা ওইবদগী হেন্দোক্তুনা মালেমগী ওইবা তুরিজম দেস্তিনেসন অমা ওইনা মশাবু মশক তাক্নবা মতম অদু য়ৌরে। সিক্কিমগী পোতেন্সিএল অসি চাংদমনিঙাই লৈতো। মসি মপুং ফাবা তুরিজম পেক্কেজ অমনি। মসিনা মহৌশাগী ফজবা অমসুং স্পিরিচুএল হেরিতেজ অনিমক হেনগৎহল্লি। মসিগী লেকশিং, ৱাতরফোলশিং, চীংশিং অমসুং শান্তি লৈরবা বুধিস্ত মোনাস্তরীশিংগা লোয়ননা সিক্কিমনা হোলিস্তিক এক্সপরিয়েন্স অমা ওফর তৌরি। য়ু.এন.ই.এস.সি.ও.গী ৱার্ল্দ হেরিতেজ সাইত অমা ওইরিবা কাঞ্চনজঙ্ঘা নেস্নেল পার্ক অসি মসি ভারত খক্তা নত্তনা মালেম পুম্বগী লন্নি।

ঙসি, অনৌবা স্কাইৱাক অমা শাগৎলিবা অসি, গোল্দন জুবিলী প্রোজেক্ত হৌদোক্লিবা, অমসুং অতল জীগী মীতম অমা মায়খুম হাংদোক্লিবা – মসিগী দেবেলপমেন্তশিং অসিনা সিক্কিমগী অনৌবা অৱাংবা থাক্তা চাওখৎপগী খুদম্নি।

মরুপশিং,

এদভেঞ্চর অমসুং স্পোর্তস তুরিজমগীদমকসু সিক্কিমদা অচৌবা পোতেন্সিএল লৈ। ত্রেকিং, মাউন্তেন বাইকিং অমসুং অৱাংবা থাক্তা ত্রেনিং তৌবগুম্বা থবক থৌরমশিং অসি লমদম অসিদা চাউখৎপা ঙমগনি। কনফরেন্স তুরিজম, ৱেলনেস তুরিজম অমসুং কন্সর্ত তুরিজমগী হব অমা ওইনা সিক্কিমবু লিংখৎনবা পান্দম থম্লি। গোল্দন জুবিলী কনভেন্সন সেন্তর অসি তুংলমচৎকী শেম-শাবা অসিগী মরুওইবা শরুক অমনি।

মালেমগী মমিং লৈরবা আর্তিস্তশিংনা গেংতোককী ফজরবা লমদম অসিদা পর্ফোমেন্স তৌবা অদু ঐহাক্না পাম্মি, অমসুং মালেম অসিনা হায়নবা ওইসনু: “মহৌশা অমসুং কলচরগী অপুনবগী মগুন অদু মফম অমা হেক্তদা মপুং ফানা উবা ফংলিবা অদু, মদু ঐখোয়গী সিক্কিমদনি!:

মরুপশিং,

ঐখোয়না জি-২০ সমিৎ মীফমশিং অৱাং-নোংপোক লমদমদা পাংথোকহনবা অসি লমদম অসিগী ওইথোকপা য়াবশিং মালেমদা উৎনবগী মায়কৈদা খোংথাং অমনি। সিক্কিমগী এন.দি.এ. সরকারনা মসিগী মঙলান অসি খোঙজেল য়াংনা মঙফাওনহনবদা ঐহাক নুংঙাইবা ফাওই।

মরুপশিং,

ঙসি, ভারত মালেমগী মরুওইবা শেনমিৎলোনগী পাৱরশিং মরক্তা অমা ওইরে। লাক্কদৌরিবা চহিশিংদা, ভারত স্পোর্তসকী সুপরপাৱর অমা ওইনবগী লম্বীদসু চংশিল্লি। এস্পিরেসন অসি ওইথোকহনবদা অৱাং-নোংপোক্কী নহারোলশিং - অমসুং মরু ওইনা সিক্কিমগী নহারোলশিংনা - মরু ওইবা থৌদাং অমা লৌগনি। লমদম বাইচুং ভিতিয়াগুম্বা অসি ফুতবোলগী লেজেন্দ পুথোক্লিবা লমদমনি। তরুনদীপ রাইগুম্বা ওলিম্পিয়নসু সিক্কিমদগী শাফোংলক্লি। জসলাল প্রধানগুম্বা এথেলেৎনা ভারতকীদমক অচৌবা মিংচৎ পুরক্লি। হৌজিক ঐখোয়গী পান্দম অসি সিক্কিমগী খুঙ্গং অমসুং সহর খুদিংমক্তগী চেম্পিয়নশিং থোরকপা অদু য়েংবনি। স্পোর্তস অসি শরুক য়াবদা নত্তনা পুক্নিং চিংশিন্না মায় পাকপদসু ওইগদবনি। গেংতোক্কী অনৌবা স্পোর্তস কমপ্লেক্স অসি তুংলমচৎকী চেম্পিয়নশিংগী ত্রেনিং গ্রাউন্দ অমা ওইরগনি। খেলো ইন্দিয়া স্কিমগী মখাদা সিক্কিমদা অখন্নবা মীৎয়েং থম্লি। তেলেন্ত মশক খঙদোকপা, ত্রেনিং, তেক্নোলোজী অমসুং তোর্নামেন্তশিংদা থাক খুদিংমক্তা মতেং পাংলি। সিক্কিমগী নহারোলশিংগী থৌনা অমসুং পুক্নিং থৌগৎপনা ভারতপু ওলিম্পিক্কী মনা ফংহনগনি হায়বা ঐহাক্না থাজৈ।

মরুপশিং,

সিক্কিমদা লৈরিবা মীয়াম্না তুরিজমগী শক্তি অদু ফজনা খঙই। তুরিজম অসি শান্ন-খোৎনবখক্তা নত্তে, মসি তোঙান তোঙানবা মশকশিংগী থৌরম অমনি। অদুম ওইনমক, পহলগামদা পাংথোকখিবা এটেক অসি ভারত মচাশিংগী মথক্তা পাংথোকখিবা এটেক অমা নত্তে, মসি মীওইবা খুন্নাই অমসুং ইচিল-ইনাওগী ইথিলগী মায়োক্তা পাংথোকপা এটেকনি।

তেরোরিস্তশিংনা ইমুং কয়াগী পুন্সী লৈখা তাহনখিবতা নত্তনা; মখোয়না ভারতকী মীয়ামবু তোখায় তোখায় তাহন্নবসু হোৎনখি। অদুবু ঙসিদি, মালেম অসিনা ভারতকী অমত্তা ওইবগী থৌওং উবা ফংলি অমসুং লৈবাক অসিনা তেরোরিস্তশিং অমসুং মখোয়গী শৌগৎপশিংদা ময়েক শেংনা পাউজেল অমা পীনবা পুন্না লাক্লি।

মখোয়না ঐখোয়গী ইচানুপীশিংগী লাইবক্তগী সিন্ধুর মুত্থৎতুনা অৱাবা পীখি, অদুবু মখোয়গী তমথিবা অদু ঐখোয়না মতিক চাবা অমসুং শক্তি লৈবা ওপরেসন সিন্ধুরগা লোয়ননা পাউখুম পীখি।

মরুপশিং,

তেরোরিস্ত বেজশিং থুগাইরবা মতুংদা, পাসিস্তাননা ভারতকী সিভিলিয়নশিং অমসুং লান্মীশিংবু পান্দম থমদুনা লান্দারক্নবা হোৎনখি। মদুদসু পাসিস্তানগী দুপ্লিসিতী উৎথোকখি। পাউখুম ওইনা, ঐখোয়না পাকিস্তানগী এয়রবেজ কয়া অমা থুগাইদুনা, ঐখোয়না খোংজেল য়াংনা, চপ-চানা অমসুং চপ য়ুংনা তৌবা ঙম্বশিং উৎখি।

মরুপশিং,

থৌরম অসি, রাজ্য অমা ওইনা সিক্কিমগী চহি ৫০ মপুং ফারকপা থৌর অসি পুম্নমক্কী পুক্নিং থৌগৎপগী সোর্স অমনি। চাউখৎপগী খোঙচৎ অসিনা মখা তানা খোঙজেল য়াঙখৎলগনি। ঐখোয়গী মাংদা তাদুনা লৈরে মদুদি ২০৪৭তা ভারতকী নীংতম্বা চহি ১০০ মপুং ফারগনি।

মতম অদুমক্তদা, সিক্কিম ইন্দিয়ন য়ুনিয়নগী রাজ্য অমা ওইনা চহি ৭৫ মপুং ফারগনি। মাইলস্তোন অসিদা সিক্কিমনা করম্বা মওং ওইগদগে হায়বগীদমক পান্দমশিং থম্বা মথৌ তাই। অদুনা, ঙসি অসি ঐখোয়গী অদুনবা পান্দম অদু সেত তৌনবা মিকুপ অমনি: চহি ৭৫গী মাইলস্তোন অদুদা সিক্কিমগীদমক ঐখোয়না করি মীৎয়েং থম্লি? ঐখোয়না করম্বা মখলগী সিক্কিম উবা পাম্লি? মথংগী চহি ২৫গীদমক মথং মনাও নাইবা রোদমেপ অমা ঐখোয়না য়েকথোক্কদবনি।   

মরুপশিং,

লাক্কদৌরিবা চহী ২৫ অসিদা সিক্কিমবু চাউখৎপা, হেরিতেজ অমসুং মালেমগী ওইনা শকখঙনবগী খ্বাইদগী ৱাংবা থাক্তা পুখৎনবা পুন্না হোৎনমিন্ননবা ঐখোয় পুম্নমক্না ৱাশক্লসি। সিক্কিম অসি ভারত খক্তগী নত্তনা মালেম পুম্বগী ওইনা গ্রীন মোদেল স্তেৎ অমা ওইগদবনি হায়বসি ঐখোয়গী মঙলাননি। নাগরিক খুদিংমক মতিক চাবা য়ুমগী মখাদা লৈবা রাজ্য অমা, সোলর ইনর্জীনায়ুমথোং খুদিংদা মৈ পীবা রাজ্য অমা, এগ্রো স্তার্তঅপ অমসুং তুরিজম স্তার্তঅপতা লুচিংবা রাজ্য অমা, অমসুং ওর্গানিক পোত্থোকশিং এক্সপোর্ত তৌনবগীদমক মালেমগী মফম ফংবা। নাগরিক খুদিংমক্না দিজিতেল ত্রাঞ্জেক্সনশিং লৌশিনবা অমসুং ৱেস্ত তু ৱেল্থ ইনিসিয়েতিবশিং অসি অনৌবা অৱাংবা থাক্তা পুখৎপা রাজ্য অমা ওইগদবনি। লাক্কদৌরিবা চহি ২৫ অসি অসিগুম্বা মরুওইবা পান্দমশিং অসি ফংনবা অমসুং মালেমগী থাক্তা সিক্কিমগী মফম অমা লৈহন্নবগীদমক্তা কত্থোক্কনি।

অমুক হন্না, ভারতকী মীয়ামগী মায়কৈদগী, সিক্কিমগী মীপুম খুদিংমকপু মসিগী মরুওইবা থৌরম অসিদা চহি ৫০গী মশক নাইবা মাইলস্তোন অসিদা ঐহাক্না থমোই শেংনা য়াইফ পাউজেল পীজরি।

হন্না হন্না থাগৎচরি!

***