প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী-মন্দলনা লুপা করোর ৪,২৫০গী অপুনবা আউৎলে অমগা লোয়ননা অসাম অমসুং ত্রিপুরাগীদমক স্পেসিএল দিবেলপমেন্ত পেকেজশিং (SDPশিং)গী হৌজিক লৈরিবা সেন্ত্রেল সেক্তর স্কিমগী মখাদা অনৌবা কম্পোনেন্ত মরি অয়াবা পীখ্রেL

অকুপ্পা ৱারোলশিং:

• ভারত সরকার অমসুং অসাম সরকারনা অসামগী আদিবাসী গ্রুপশিংগা খুৎয়েক পীনখিবা মেমোরেন্দম ওফ সেত্তলমেন্ত ((MoS) গী মতুং ইন্না অসামগী আদিবাসীশিংনা খুন্দাবা খুঙ্গংশিং/মফমশিংদা ইনফ্রাস্ত্রকচর শেমগৎনবা লুপা করোর ৫০০ পীগনি।
• ভারত সরকার অমসুং অসাম সরকারনা অসামগী দিমাসা নেস্নেল লিবরেসন আর্মী (DNLA) / দিমাসা পিপলস সুপ্রিম কাউন্সিল (DPSC) গ্রুপশিংগা লোয়ননা খুৎয়েক পীখিবা MoSকী মতুং ইন্না দিমাসা নেস্নেল লিবরেসন আর্মী/ দিমাসা পিপলস সুপ্রিম কাউন্সিলনা খুন্দাবা অসামগী খুঙ্গংশিং/মফমশিংগী নোর্থ কচার হিল্স ওতোনোমস কাউন্সিল (NCHAC) এরিয়াদা ইনফ্রাস্ত্রকচর শেমগৎনবা লুপা করোর ৫০০।
• ভারত সরকার অমসুং অসাম সরকারনা অসামগী ULFA গ্রুপশিংগা খুৎয়েক পীনখিবা MoSগী মতুং ইন্না অসাম রাজ্যদা ইনফ্রাস্ত্রকচর চাউখৎহন্নবা লুপা করোর ৩,০০০ পীগনি।
• ভারত সরকার অমসুং ত্রিপুরা সরকারনা ত্রিপুরাগী নেস্নেল লিবরেসন ফ্রন্ত ওফ ত্বিপ্রা (NLFT) অমসুং ওল ত্রিপুরা তাইগর ফোর্স (ATTF) গ্রুপশিংগা খুৎয়েক পীনখিবা MoSগী মতুং ইন্না ত্রিপুরাগী ত্রাইবেলশিংগী চাউখৎ থৌরাংগীদমক লুপা করোর ২.৫০।

ফাইনান্সিএল ইমপ্লিকেসনশিং:

হৌদোক্লিবা অনৌবা কম্পোনেন্ত মরি অসিগী অপুনবা আউৎলে অসি লুপা করোর ৭,২৫০ ওইগনি। মসিগী মনুংদা লুপা করোর ৪,২৫০ অসি অসাম (করোর ৪০০০) অমসুং ত্রিপুরা (ককোর ২৫০) গীদমক স্পেসিএল দিবেলপমেন্ত পেকেজকী হৌজিক লৈরিবা সেন্ত্রেল সেক্তর স্কিমগী মখাদা পীগনি। অমসুং লেমহৌরিবা লুপা করোর ৩,০০০ অসি অসামগী রাজ্য সরকারনা মখোয়গী রিসোর্সশিংদগী শরুক তমগনি।

শেনবা চহি ২০২৫-২৬দগী ২০২৯-৩০ ফাওবগী মনুংদা চহি মঙাগী ওইনা লুপা করোর ৪,০০০গী আউৎলে অসি অসামগী কম্পোনেন্ত অহুমগীদমক অমসুং শেনবা চহি ২০২৫-২৬দগী ২০২৮-২৯ ফাওবগী মনুংদা চহি মরিগী ওইনা লুপা করোর ২,৫০গী আউৎলে অসি ত্রিপুরাগী কম্পোনেন্ত অমগীদমক ভারত সরকার, আসাম অমসুং ত্রিপুরাগী রাজ্য সরকার অমসুং রাজ্য অদুগী মরী লৈনবা কাংলুপশিংগী মরক্তা খুৎয়েক পীনখিবা মেমোরেন্দম ওফ সেতলমেন্তকী মতুং ইন্না ওইগনি।

থবক পীবা ঙম্বগী মতিক য়াওনা কান্নবা:

• ইনফ্রাস্ত্রকচর অমসুং লাইবলিহুদ প্রোজেক্তশিংনা থবক ফংহল্লগনি
• স্কিল দিবেলপমেন্ত, ইনকম জেনেরেসন অমসুং লোকেল ওন্তপ্রিন্যুওরশিপকী থোংদা নহাশিং অমসুং নুপীশিংদা কান্নবা ফংহল্লগনি
• শোকহল্লবা কম্ম্যুনিতীশিংবু স্তেবিলিতী অমসুং মেনস্ত্রীমদা পুরকপা আশা তৌরি

কান্নবশিং:

স্কিম অসি অসাম অমসুং ত্রিপুরাগী অৱাং নোংপোক থংবা রাজ্যশিং অসিদা অখন্ননা তার্গেৎ তৌবনি। পীরিবশিং অসিগী খুত্থাংদা মসিনা ইক্বিতী প্রমোৎ তৌগনি:

• সরকারগী তোঙান তোঙানবা স্কিমশিংগী মপুং ফানা কান্নবা ফংদ্রিবা লায়রবশিং অমসুং শোত্থরবা কাংলুপশিংগী সোসিও-ইকনোমিক কন্দিসন ফগৎহনবা;
• থবক ফংহন্নবা খুদোংচাবশিং হেনগৎহনবা, হকশেলগী সর্ভিসশিং ফংহনবা, নহাশিং অমসুং নুপীশিংগী হিংননবগী থবকশিং পায়খৎতুনা মহৈ-মশিং অমসুং স্কিলিং অমসুং ইনকম হেনগৎহনবা;
• লৈবাক অসিগী অতোপ্পা মফমশিংদগী লাকপা তুরিস্তশিং হেনগৎহনবা, মসিনা অৱাং নোংপোক লমদমগী মীয়ামগীদমক অহেনবা থবক পীবা অমসুং হিংনবগী খুদোংচাবশিং শেমগৎকনি।

মসিগী খুত্থাংদা, অসামগী আদিবাসী অমসুং দিমাসা কম্ম্যুনিতীগী মীওই লাখ কয়া, অসামগী অতোপ্পা জিলা কয়াদা লৈবা মীওইশিং অমসুং ত্রিপুরাগী ত্রাইবেল কম্ম্যুনিতীশিং কান্নবা ফংলগনি।

মসি হৌজিক চৎথরিবা স্পেসিএল দিবেলপমেন্ত পেকেজকী সেন্ত্রেল সেক্তর স্কিমগী মখাদা অনৌবা খোঙথাং অমনি। মমাংগী MoSদা য়ুম্ফম ওইবা পেকেজশিং (খুদম ওইনা, বোদো অমসুং কার্বি গ্রুপশিংগীদমক) না শান্তি পুরকপা অমসুং চাউখৎপদা পোজিতিব ওইবা মহৈশিং উৎখ্রে।

বেকগ্রাউন্দ:

ভারত সরকার, অসাম অমসুং ত্রিপুরাগী রাজ্য সরকারনা মরী লৈনবা ইথনিক গ্রুপশিং (আদিবাসি গ্রুপশিং - ২০২২, DNLA/DPSC – ২০২৩, ULFA – ২০২৩, NLFT/ATTF – ২০২৪) গা লোয়ননা মেমোরেন্দম ওফ সেতলমেন্ত সাইন তৌনখি। ইনফ্রাস্ত্রকচর অমসুং সোসিও-ইকোনোমিক প্রোজেক্তশিংগী খুত্থাংদা শান্তি, ইনক্লুসিব দিবেলপমেন্ত অমসুং রিহেবিলিতেসন প্রমোৎ তৌনবা MoSশিং অসিনা পান্দম থম্লি।

***