পুৱারী ওইরবা খোঙচৎ অমসুং মতম শাংলবা পার্তনরশিপ

রিপব্লিক ওফ সাইপ্রসকী প্রসিদেন্ত, শ্রী নিকোস খ্রিস্তোদৌলিদেসনা রিপব্লিক ওফ ইন্দিয়াগী প্রধান মন্ত্রী, শ্রী নরেন্দ্র মোদীবু ২০২৫গী জুন ১৫-১৬ ফাওবদা সাইপ্রসতা ওফিসিএল ভিজিৎ লাকপদা নুঙাইবা ফোংদোকখি। প্রধান মন্ত্রী মোদীগী খোঙচৎ অসি চহি তরাগী খুজিং অনিগী মনুংদা ভারতকী প্রধান মন্ত্রী অমনা সাইপ্রসতা চৎখিবা অহানবা খোঙচৎনি। মসি পুৱারী ওইরবা মাইলস্তোন অমনি অমসুং লৈবাক অনিগী মরক্তা লৈনরিবা অচেৎপা অমসুং মতম শাংলবা মরুপ-মপাং ওইবগী মরী অদু অমুক হন্না ফোংদোক্লি। খোঙচৎ অসিনা মান্নবা পুৱারী শেয়র তৌবতা নত্তনা, অপুনবা স্ত্রেতেজিক ভিজন অমসুং অমগা অমগা থাজবা অমসুং ইকায়খুম্নবা থম্নদুনা মাংলোমদা চংশিল্লিবা পার্তনরশিপ অমা শৌগৎলি।

লুচিংবা অনিনা বাইলেতরেল, রিজনেল অমসুং গ্লোবেল ইসুশিংদা পাক-শন্না খন্ন-নৈনখি। মখোয়না সাইপ্রস অমসুং ভারতকী মরক্তা মতেং পীনবগী পাক চাউবা অমসুং অচেৎপা মওং-মতৌ অদু ফোংদোকখি। মখোয়না ইকোনোমিক, তেক্নোলোজিকেল অমসুং মীয়ামগী মরক্তা লৈনরিবা মরীদা হৌখিবা মতমগী খুমাং চাউশিল্লকপবু তরাম্না ওকখি।

মখোয়গী ভেল্যুশিং, ইন্তরেস্তশিং, ইন্তরনেস্নেল আউৎলুক অমসুং ভিজন হেনগৎলক্লিবা অসি খঙলদুনা, নাকল অনিমক্না মরুওইবা সেক্তরশিংদা পার্তনরশিপ অসিবু মখা তানা খুমাং চাউশিলহন্নবা মখোয়গী ফিরেপ অদু ফোংদোকখি। সাইপ্রস অমসুং ভারতনা রিজনেল অমসুং গ্লোবেল শান্তি, চাউখৎপা অমসুং তংদু লৈতাবা অসিদা মতেং পাংলিবা থাজবা অমসুং তঙাই ফদবা পার্তনরশিং ওইনা মখোয়গী মতেং পীনবা হেন্না চেৎশিলহন্নবা অচেৎপা ৱাফম থমখি।

মখোয়না মখাদা পীরিবা জোইন্ত দিক্লারেসন অসিদা য়ানখি:

মান্নবা ভেল্যুশিং অমসুং গ্লোবেল কম্মিৎমেন্তশিং

লুচিংবা অনিমক্না শান্তি, গনতন্ত্র, আইনগী কাংলোন, ইফেক্তিব মল্তিলেতরেলিজম অমসুং সস্তেনেবল দিবেলপমেন্তকীদমক মখোয়না শরুক য়ামিন্নবা অদু ফোংদোকখি। মখোয়না য়ুনাইতেদ নেসন্স চার্তর অমসুং ইন্তর্নেস্নেল লোদা য়ুম্ফম ওইবা রুলদা য়ুম্ফম ওইবা ইন্তর্নেস্নেল ওর্দর অমগীদমক মখোয়গী শৌগৎপা অদু অমুক হন্না ফোংদোকখি, মখোয়না য়ুনাইতেদ নেসন্স কনভেন্সন ওন দি লো ওফ দি সী (য়ু.এন.সি.এল.ও.এস.)দা, নেভিগেসনগী নীংতম্বা অমসুং মেরিতাইম সোভরিন রাইতশিংগা মরি লৈননা অখন্নবা মীৎয়েং থমখি।

লুচিংবশিংনা লৈবাক পুম্নমক্কী লৈঙাক অমসুং লমদমগী অপুনবগীদমক মখোয়গী অচেৎপা শৌগৎপা অদু অমুক হন্না ফোংদোকখি। মখোয়না মিদল ইস্তকী ফিভম অমসুং য়ুক্রেনদা তৌরিবা লান য়াওনা ইন্তর্নেস্নেল ইসুশিংদা কুপ্না খন্ন-নৈনখি। ন্যুক্লিয়র সপ্লাইয়র গ্রুপতা ভারতনা য়াওরকপগী ভেল্যু অদু খঙলদুনা গ্লোবেল নন-প্রোলিফরেসন আর্কিতেকচর ঙাক্না চৎপগী মরুওইবা অদুসু লুচিংবা অনিনা খন্নখি।

লুচিংবশিংনা য়ুনাইতেদ নেসন্স অমসুং কম্মনৱেল্থ য়াওনা মালেমগী ওর্গনাইজেসনশিংগী মরক্তা কোওর্দিনেসন মপাঙ্গল কনখৎহন্নবা মখোয়গী অপাম্বা ফোঙদোকখি। মালেমগী ওইবা সস্তেনেবিলিতী অমসুং রেসিলিয়েন্সকী য়ুম্বী অমা ওইনা ওসীন গবর্নান্সবু মরুওইনা পল্লদুনা ২০২৪ এপিয়া কম্মনৱেল্থ ওসিন দিক্লারেসন ইমপ্লিমেন্ত তৌবদা নকশিন্ননা থবক তৌনবা য়ানখি। অসিগুম্বা ফীভম অসিদা ২০২৪গী এপ্রিল থাদা সাইপ্রসতা পাংথোকখিবা অহানবা কম্মনৱেল্থ ওসীন মিনিস্তরশিংগী মীফমদা কম্মনৱেল্থ মেম্বর স্তেতশিংদা তুংকোইনা চৎনগদবা ওসীন গবর্নান্স অমসুং কেপাসিতী মপাঙ্গল কনখৎহন্নবা ব্লু চার্তর সেন্তর ওফ এক্সেলেন্স লিংখৎখি।

লুচিংবা অনিমক্না য়ুনাইতেদ নেসন্স সেক্যুরিতী কাউন্সিলগী রিফোর্ম তৌবগী তঙাইফদবা, মসি হেন্না ইফেক্তিব, ইফিসিএন্ত অমসুং হৌজিক মতমগী জিওপোলিতিকেলগী শিংনবশিং অসিগী মীহুৎ ওইহনবগী পাম্বৈশিং য়াওনা খন্নখি। লুচিংবা অনিনা য়ুনাইতেদ নেসন্স সেক্যুরিতী কাউন্সিল রিফোর্মগী মতাংদা ইন্তরগবর্নমেন্তেল নেগোসিএসনশিংদা খোংজেল য়াংশিনবদা মতেং পাংনবা ফোঙদোকখি অমসুং তেক্স-বেজ নেগোসিএসনগী মায়কৈদা লেপ্পা লৈতনা হোৎননবা মখোয়গী অচেৎপা ফিরেপ অমুক হন্না ফোংদোকখি। সাইপ্রসনা য়ুনাইতেদ নেসন্স সেক্যুরিতী কাউন্সিলগী রিপ্রজেন্তেতিব কেরেক্তর হেনগৎহনবদা মতেং পাংলি হায়না অমুক হন্না ফোংদোকখি।

নাকল অনিমক্না নক্নবা মতেং পীনবা অমসুং মল্তিলেতরেল ফোরমশিংদা অমনা অমবু শৌগৎপগা লোয়ননা য়ুনাইতেদ নেসন্সতা অমনা অমবু শৌগৎনবা য়ানখি।

পোলিতিকেল দাইলোগ

নাকল অনিমক্না চাং নাইনা পোলিতিকেল দাইলোগ পাঙথোক্নবা অমসুং তোঙান তোঙানবা সেক্তরশিংদা কোওর্দিনেসন অমসুং কোওপরেসন হেনগৎহন্নবা রিপব্লিক ওফ সাইপ্রসকী ফোরেন এফিয়র্স মিনিস্ত্রী অমসুং রিপব্লিক ওফ ইন্দিয়াগী ফোরেন এফিয়র্স মিনিস্ত্রীগী মরক্তা লৈরিবা বাইলেতরেল মেকানিজমশিং শীজিন্ননবা য়ানখি। মথক্তা পনখ্রিবা কম্পিতেন্ত মিনিস্ত্রীশিংনা লৈবাক অনিগী কম্পিতেন্ত ওথোরিতীশিংগা নক্না চৎমিন্নদুনা শেমগদৌরিবা এক্সন প্লানদা য়াওরিবা কোওপরেসনগী লমশিং অসি য়েংশিনগনি অমসুং মোনিতর তৌগনি।

সোভরেন্তী অমসুং শান্তিগীদমক  সপ্পোর্ত তৌবা

সাইপ্রাস অমসুং ভারতনা য়ানখিবা য়ু.এন. ফ্রেমৱার্ক অমসুং য়ুনাইতেদ নেসন্স সেক্যুরিতী কাউন্সিলগী মরী লৈনবা রিজোলুসনশিং অদুগী মতুং ইন্না বাইজোনেল, বাইকম্ম্যুনেল ফেদরেসন অমসুং পোলিতিকেল ইক্বেলিতীদা য়ুম্ফম ওইদুনা সাইপ্রস ক্বেসনগী কম্প্রিহেন্সিব অমসুং তুং কোইগদবা সেত্তলমেন্ত ফংনবগীদমক য়ু.এন.না মতেং পাংলিবা থবকশিং অমুক হন্না হৌনবা মখোয়গী অচেৎপা ফিরেপ অদু ফোংদোক্নখি।

ভারতনা রিপব্লিক ওফ সাইপ্রসকী নীংতম্বা, সোভরেন্তী, তেরিতোরিএল ইন্তিগ্রিতী অমসুং অমত্তা ওইবগীদমক মহাক্কী অচেৎপা অমসুং লেপ্পা লৈতনা শৌগৎপা অদু অমুক হন্না ফোংদোকখি। মসিগী মতাংদা, নাকল অনিমক্না মরু ওইবা ৱারী শানবগী থবকশিং অমুক হন্না হৌনবগীদমক কন্দ্যুসিব ওইবা এনভাইর্নমেন্ত অমা শেমগৎনবগীদমক য়ুনিলেতরেল এক্সনশিং লৌখৎপা থিংবগী তঙাইফদবা অদুদা অকনবা ৱাফম থমখি।

সেক্যুরিতী, দিফেন্স, অমসুং ক্রাইসিস কোওপরেসন

সাইপ্রস অমসুং ভারতনা তেরোরিজম অমসুং হিংসাগী ওইবা এক্সত্রিমিজমগী মওং মতৌ পুম্নমক, ইন্তর্নেস্নেল অমসুং ক্রোস-বোর্দর তেরোরিজম য়াওনা অকনবা মওংদা য়ানিংদবা ফোংদোকখি অমসুং শান্তি অমসুং তংদু লৈতাবা হন্থহনবা হোৎনরিবা হায়ব্রিদ থ্রেতশিং থেংননবা মখোয়না শরুক য়ামিন্নবা অদু অমুক হন্না ফোংদোকখি।

সাইপ্রসনা ঙমখৈ লান্না চত্থবা তেরোরিজমগী মায়োক্তা লান্থেংনবদা ভারতকা অমত্তা ওইনা লৈনবা অমসুং থোইদোক হেন্দোক্না মতেং পাংনবা ফোংদোকখি। লুচিংবা অনিমক্না জম্মু অমসুং কাশ্মীরগী পহলগামদা হৌখিবা তেরোরিস্তকী এতেক্তা সিবিলিয়নশিংবু তমথিনা হাৎপগী থৌদোক অদু কন্না য়ানীংদবা ফোংদোকখি। মখোয়না তেরোরিজমগী মায়োক্তা মখোয়গী জিরো-তোলরেন্স এপ্রোচ অদু অমুক হন্না ফোংদোকখি অমসুং অসিগুম্বা থৌওংশিং অসি করিগুম্বা ফিভম অমহেক্তদা জস্তিফাই তৌবগী থৌওং য়ানীংদবা ফোংদোকখি। মখোয়না অকনবা ৱাফম থমখি মদুদি এতেকশিং অসিগীদমক থৌদাং লৌরিবা মীওইশিং অসি একাউন্তেবল ওইনা লৌগনি।

লুচিংবা অনিমক্না তেরোরিজম থেংননবা মল্তিলেতরেল ওইবা হোৎনরিবশিং মপাঙ্গল কনখৎহন্নবা মখোয়গী অচেৎপা ফিরেপ অদু অমুক হন্না ফোংদোকখি অমসুং য়ু.এন.গী ফ্রেমৱার্ক মনুংদা ইন্তর্নেস্নেল তেরোরিজমগী মতাংদা কম্প্রিহেন্সিব কনভেন্সন অথুবা মতমদা লোইশিনবা অমসুং এদোপ্ত তৌনবা হায়খি। মখোয়না য়ু.এন. অমসুং ই.য়ু.না মশক খঙদোক্লবা তেরোরিস্ত অমসুং তেরোরিস্ত এন্তিতীশিং, মসিগা মরী লৈনবা প্রোক্সি গ্রুপশিং, ফেসিলিতরশিং অমসুং স্পোন্সরশিং, ১২৬৭ য়ু.এন.এস.সি. সেঙ্কসন কম্মিতীগী মখাদা তেরোরিস্তশিং য়াওনা তেরোরিস্তশিংগী মায়োক্তা পুন্না থবক পায়খৎনবা তকশিনখি। মখোয়না য়ুনাইতেদ নেসন্স অমসুং ফাইনান্সিএল এক্সন তাস্ক ফোর্স (এফ.এ.তি.এফ.) য়াওনা তেরোরিজম ফাইনান্সিং চেনেলশিং থিংনবা থবক পায়খৎনবা মখোয়গী অচেৎপা ফিরেপ অদু অমুক হন্না ফোংদোকখি।

ইন্তর্নেস্নেল সেক্যুরিতী এনভাইরনমেন্তকী মনুংদা থোক্লক্লিবা শিংনবশিং খঙলদুনা লুচিংবশিংনা স্ত্রেতেজিক ওতোনোমী, দিফেন্স রেদিনেস অমসুং দিফেন্সকী তৌবা ঙম্বশিং হেনগৎহনবগী মরুওইবা অদুদা অকনবা ৱাফম থমখি।

সাইবর সেক্যুরিতী অমসুং অনৌবা তেক্নোলোজীদা অখন্নবা মীৎয়েং থমদুনা মখোয়গী দিফেন্স ইন্দস্ত্রীশিংগী মরক্তা তেংবাং পীনবা য়াওনা মখোয়গী দিফেন্স অমসুং সেক্যুরিতী কোওপরেসন হেন্না চেৎশিলহন্নবা মখোয়না য়ানখি।

ভারত অমসুং সাইপ্রস অনিমকপু মরা চেৎলবা সমুদ্রগী চৎনবী লৈবা সমুদ্রগী লৈবাকশিং ওইনা শকখঙলদুনা লুচিংবা অনিনা সমুদ্রগী লমদা তেংবাং পীনবা হেনগৎহন্নবা খন্নখি। মখোয়না ইন্দিয়ন নেভেল ভেসেলশিংনা পোর্ত্তা চাং নাইনা চঙবা হেনগৎহনগনি অমসুং মেরিতাইম দোমেনগী এৱেরনেস অমসুং রিজনেল সেক্যুরিতী হেনগৎহন্নবগীদমক জোইন্ত মেরিতাইম ত্রেনিং অমসুং এক্সরসাইজগী খুদোংচাবশিং থিগৎকনি।

অসিগুম্বা মওংদা, অমসুং হৌজিক চত্থরিবা মালেমগী ওইবা অৱাবা কয়া অসি য়েংলগা, নাকল অনিমক্না ইমর্জেন্সীগী শেম-শারিবা অমসুং অৱাবা কয়াদা মতেং পীনবগী মতাংদা মতেং পীনবা হেনগৎনবা অচেৎপা ৱাফম থমখি। মমাংদা মায় পাক্না পায়খৎখিবা থবকশিং অদুদা য়ুম্ফম ওইদুনা, লুচিংবশিংনা ইভাক্যুএসন অমসুং সর্চ এন্দ রেস্ক্যু (এস.এ.আর.) ওপরেসনশিংদা কোওর্দিনেসন তৌনবা য়ানখি।

কন্নেক্তিবিতী অমসুং রিজনেল কোওপরেসন

সাইপ্রস অমসুং ভারতনা লমদমশিং অসিগী মরক্তা থোংশিং ওইনা থবক তৌমিন্নবগী স্ত্রেতেজিক ওইবা মীৎয়েং অমমম থম্লি। লুচিংবা অনিমক্না শান্তি, শেন্মিৎলোনগী ইন্তিগ্রেসন অমসুং তুং কোইনা চৎনগদবা চাউখৎপা পুরক্নবা ত্রান্সফোর্মেতিব, মল্তি-নোদেল ইনিসিয়েতিব অমা ওইনা ইন্দিয়া-মিল ইস্ত-য়ুরোপ ইকোনোমিক কোরিদোর (আই.এম.ই.সি.)গী মরু ওইবা অদু থমখি। আই.এম.ই.সি.বু কন্সত্রক্তিব রিজনেল কোওপরেসনগী কেতলিস্ত অমা ওইনা লৌরদুনা, মখোয়না নোংপোক থংবা মেদিতেরেনিয়ন অমসুং হেন্না চাউবা মিদল ইস্ততা স্তেবিলিতী প্রমোৎ তৌনবা মখোয়গী শরুক য়ামিন্নবা ফিরেপ অদু অমুক হন্না ফোংদোকখি অমসুং ইন্দিয়ন পেনিনসুলাদগী হেন্না চাউবা মিদল ইস্ত ফাওবা য়ুরোপ ফাওবা ইন্তরকন্নেক্সনগী কোরিদোরশিং অমসুং হেন্না চাউবা থৌদাং লৌবগী মরুওইবা অদুদা অকনবা ৱাফম থমখি।

সাইপ্রসনা য়ুরোপকী থোং অমা ওইনা লৌরিবা থৌদাং অমসুং মসিগী মতাংদা, ত্রান্সশিপমেন্ত, স্তোরেজ, দিস্ত্রিব্যুসন অমসুং লোজিস্তিক্সকী লমদমসিগী হব অমা ওইনা থবক তৌবগী পান্দম অদু মখোয়না খঙলদুনা, সাইপ্রসতা ইন্দিয়ন শিপ্পিং কম্পনীশিং লৈবগী পান্দম অদু তরাম্না ওকখি। মখোয়না সাইপ্রসতা য়ুম্ফম ওইবা অমসুং ইন্দিয়ন মেরিতাইম সর্বিস প্রোভাইদরশিং য়াওরিবা জোইন্ত ভেঞ্চরশিংগী খুত্থাংদা মেরিতাইম কোওপরেসনগী খুমাং চাউশিনহনবদা পুক্নিং থৌগৎলদুনা ইকোনোমিক অমসুং লোজিস্তিক্কী মরীশিং মখা তানা চেৎশিলহন্নবা পাম্বৈ অমা ওইনা হোৎনখি।

ই.য়ু.-ইন্দিয়া স্ত্রেতেজিক এঙ্গেজমেন্ত

২০২৬কী অঙনবা শরুক্তা সাইপ্রসনা য়ুরোপিয়ন য়ুনিয়নগী কাউন্সিলগী প্রসিদেন্সী লৌগদৌরিবা অসিদা মীৎয়েং থমদুনা লুচিংবা অনিমক্না ই.য়ু.-ইন্দিয়া মরী মপাঙ্গল কনখৎহন্নবা মখোয়গী ফিরেপ অদু অমুক হন্না ফোংদোক্নখি। কোলেজ ওফ কম্মিস্নরশিংগী ভারত্তা চৎখিবা মাইলস্তোন ওইবা খোঙচৎ অদু মখোয়না নীংশিংখি অমসুং অহানবা ভারত-ই.য়ু. স্ত্রেতেজিক দাইলোগ হৌদোকখিবা অমসুং খোঙচৎ অদুগী মনুংদা ত্রেদ, দিফেন্স অমসুং সেক্যুরিতী, মেরিতাইম, কনেক্তিবিতী, ক্লিন অমসুং গ্রীন ইনর্জী অমসুং স্পেস য়াওনা অখন্নবা লমশিংদা মাংজৌননা খংদোকখিবা খোংজেল অদুদা মখোয়না নুংঙাইবা ফোংদোকখি।

সাইপ্রাসনা প্রসিদেন্সীগী মতমদা ই.য়ু.-ইন্দিয়া স্ত্রেতেজিক পার্তনরশিপকী খুমাং চাউশিলহন্নবা হোৎনগনি হায়না থাজবা পীখি। নাকল অনিমক্না ইকোনোমিক অমসুং স্ত্রেতেজিক পোতেন্সিএল লৈ হায়বা খঙলদুনা চহি অসিগী অরোইবা ফাওবদা ই.য়ু. -ইন্দিয়া ফ্রী ত্রেদ এগ্রীমেন্ত লোইশিনবদা মতেং পাংনবা শেম-শাবা ফোংদোকখি। মখোয়না ই.য়ু.-ইন্দিয়া ত্রেদ অমসুং তেক্নোলোজী কাউন্সিলগী খুত্থাংদা হৌজিক চত্থরিবা থবকশিংদা মতেং পাংলিবা অদুসু ফোংদোকখি অমসুং মরুওইবা মালেমগী পার্তনরশিপ অসিবু হেন্না চেৎশিলহন্নবা স্ত্রেতেজিক রোদমেপ ২০২৫গী ৱাংমদা তুংলমচৎতা মীৎয়েং চঙবা এজেন্দা অমা লেপহন্নবা অচেৎপা ৱাফম থমখি।

ত্রেদ, ইন্নোবেসন, তেক্নোলোজী অমসুং ইকনোমিক্কী খুদোংচাবা

সাইপ্রস অমসুং ভারতকী মরক্তা স্ত্রেতেজিক কম্প্লিমেন্তরীতি হেনগৎলক্লিবা অদু খঙলদুনা লুচিংবশিংনা ললোন-ইতিক, ইনভেস্তমেন্ত অমসুং সাইন্স, ইন্নোবেসন অমসুং রিসর্চতা তেংবাং পীনবা হেনগৎহন্দুনা শেন্মিৎলোনগী মরী পাকথোক চাউথোকহন্নবা অচেৎপা ৱাফম থমখি।

তেংবাং পীনবা হেনগৎহন্নবা, লুচিংবা অনিনা বিজিনেস রিপ্রজেন্তেতিবশিং য়াওনা সাইপ্রসকী অৱাংবা থাক্কী মীহুৎ কাংবু অমা ভারত্তা লাকপদা অমসুং শেল থাদবগী খুদোংচাবশিং হেনগৎহন্নবা সাইপ্রস-ইন্দিয়া বিজিনেস ফোরম অমা শীনবগীদমক মখোয়না তরাম্না ওকখি। লুচিংবা অনিমক্না সাইপ্রাস-ইন্দিয়া বিজিনেস রাউন্দ তেবলদা স্ত্রেতেজিক ইকনোমিক পার্তনরশিপ অমা এদভান্স তৌনবগী মতাংদা ৱা ঙাংখি।

লুচিংবা অনিনা রিসর্চ, ইন্নোবেসন অমসুং তেক্নোলোজীদা মতেং পীনবা, স্তার্ত-অপশিং, একাদেমিক ইন্সতিত্যুসনশিং অমসুং ইন্দস্ত্রীগী মরক্তা মপাঙ্গল কনখৎহন্নবা অমসুং মরী লৈনবা এম ও য়ু অমা লোইশিনবগী পান্দমদা মরুওইবা সেক্তরশিং হায়বদি আর্তিফিসিএল ইন্তেলিজেন্স, দিজিতেল ইনফ্রাস্ত্রকচর অমসুং রিসর্চতা ইন্নোবেসন এক্সচেঞ্জদা মতেং পীনবা য়ানখি।

মোবিলিতী, তুরিজম, অমসুং পিপল-তু-পিপলগী মরী

লুচিংবা অনিনা মীয়ামগী মরক্তা লৈনরিবা মরী অসি শেন্মিৎলোন অমসুং চৎনবীগী মরী হেন্না চেৎশিলহন্নবগীদমক্তা স্ত্রেতেজিক এসেৎ অমসুং মল্তিপ্লাইতর অমনি হায়না খঙখি। নাকল অনিমক্না ২০২৫গী অরোইবা ফাওবদা মোবিলিতী পাইলোৎ প্রোগ্রাম এরেঞ্জমেন্ত অমা ফাইনেল তৌনবা থবক পায়খৎকনি।

নাকল অনিমক্না কলচরেল অমসুং মীয়ামগী মরক্তা লৈনরিবা মরীশিংগী খুত্থাংদা অমগা অমগা খঙমিন্নবগী মরুওইবা অদুদা অকনবা ৱাফম থমখি। মখোয়না তুরিজম হেনগৎহন্নবা অমসুং সাইপ্রস অমসুং ভারতকী মরক্তা হকথেংননা এয়র কনেক্তিবিতী লৈহন্নবা খুদোংচাবশিং থিজিনবা অমসুং পুন্না চৎথোক-চৎশিন তৌবদা লাইথোকহন্নবা অমসুং নাকল অনিগী ওইবা এক্সচেঞ্জ হেনগৎহন্নবগীদমক্তা শরুক য়ামিন্নরিবা পার্তনরশিংগী খুত্থাংদা এয়র রুতশিং হেনগৎহন্নবা য়ানখি।

তুংলমচৎ: ২০২৫-২০২৯ এক্সন প্লান

জোইন্ত দিক্লারেসন অসিনা সাইপ্রস অমসুং ভারতকী মরক্তা লৈরিবা স্ত্রেতেজিক বোন্দিং অদু অমুক হন্না ফোংদোক্লি। লুচিংবা অনিমক্না হৌজিক চত্থরিবা লৈবাক অনিগী মরক্তা তেংবাং পীনবগী খোংজেলদা নুংঙাইবা ফোংদোকখি অমসুং পার্তনরশিপ অসিনা মখা তানা চাউখৎলকপা, মখোয়গী লমদমশিং অমসুং মসিগী মপান্দা শান্তি, তংদু লৈতাবা অমসুং চাউখৎপা পুরকপা অসিদা থাজবা ফোংদোকখি।

লুচিংবশিংনা রিপব্লিক ওফ সাইপ্রসকী ফোরেন এফিয়র্স মিনিস্ত্রী অমসুং রিপব্লিক ওফ ইন্দিয়াগী ফোরেন এফিয়র্স মিনিস্ত্রীগী মীৎয়েং মখাদা লাক্কদৌরিবা চহি মঙা অসিদা সাইপ্রস অমসুং ভারতকী মরক্তা লৈবা নাকল অনিগী মরীশিং লমজিংনবা এক্সন প্লান অমা শেম্নবা য়ানখি।

***