প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা ঙসি ভিক্সিৎ কৃশি সঙ্কল্প অভিয়ানদা ৱা ঙাংখ্রে। থৌরম অদুদা ৱা ঙাংলদুনা মহাক্না ফিবম ফগৎহন্নবগীদমক লৌমীশিংগীদমক মরু ওইবা খোঙথাং অমা ওইনা অমসুং লৌউ-শিংউগী চাউখৎ-থৌরাংবু মতেং পাংনবা অখন্নবা খোঙথাং অমা ওইনা ভিক্সিৎ কৃশি সঙ্কল্প অভিয়ান হৌদোকখিবগী ৱাফম থমখি। প্রধান মন্ত্রীনা হায়খি মদুদি নোংজু থা লাকপগা লোয়ননা খারিফ সিজনগী শেম-শাবা হৌবগা লোয়ননা লাক্কদৌরিবা নুমিৎ ১২দগী ১৫ ফাওবদা সাইন্তিস্ত, এক্সপর্ত, ওফিসিএল অমসুং প্রোগ্রেসিব ফার্মরশিংগী কাংলুপ ২০০০না জিলা ৭০০ হেনবদা চৎকনি অমসুং খুঙ্গং কয়াদা লৈরিবা লৌমী মিলিয়ন কয়াদা য়ৌশিনগনি। মহাক্না ভারতকী লৌউ-শিংউগী সেক্তর মপাঙ্গল কনখৎহন্নবগীদমক মখোয়গী থৱায় য়াওবা অদু শকখঙলদুনা, হায়রিবা তীমশিং অসিদা য়াওরিবা লৌমীশিং অমসুং শরুক য়ারিবা পুম্নমক্তা মহাক্কী য়াইফ পাউজেল পীখি।

রাজ্য খুদিংমক্না পোলিসীশিং শেম্বা অমসুং লৌমীশিংগী য়াইফনবা থৌরাং লৌখৎপগা লোয়ননা লৌউ-শিংউ অসি চৎনবীগী মতুং ইন্না রাজ্যগী হীরম অমা ওইরি হায়না পল্লদুনা শ্রী মোদীনা হায়খি, অদুম ওইনমক, খোঙজেল য়াংনা হোংলক্লিবা মতম অসিদা, ভারতকী লৌউ-শিংউগী সেক্তরদসু মশক থোকপা অহোংবা অমা পুরকপা মথৌ তাই। মহাক্না হায়খি মদুদি ভারতকী লৌমীশিংনা রেকোর্দ ওইনা পুথোকপা ঙমখ্রে, ফুদ গ্রেন রিজর্ব মপুং ফাহনখ্রে, অদুবু কৈথেলগী দাইনামিক অমসুং কঞ্জুমরগী অপাম্বশিংদি হোংলক্লি। মহাক্না হায়খি মদুদি রাজ্যশিং অমসুং লৌমীশিংগা খুৎশম্নদুনা লৌউ-শিংউগী পথাপশিংদা মোদর্ন রিফোর্মশিং পুরকপা তঙাইফদে। শ্রী মোদীনা হায়খি মদুদি কেম্পেন অসিগী মখাদা সাইন্তিফিক তীমশিংনা লেবোরেতরীদগী লেন্দদা ওন্থোক্লগনি। মখোয়না লৌমীশিংদা মপুং ফাবা দেতা পুরক্কনি অমসুং মখোয়বু এদভান্স এগ্রিকলচরেল নোলেজগা লোয়ননা খুৎশিন্নগনি। মহাক্না অকনবা ৱাফম থমখি মদুদি হায়রিবা তীমশিং অসি খারিফ সিজন হৌদ্রিঙৈগী মমাংদা লৌমীশিংদা মতেং পাংনবা শেম-শারি।

ভারতকী লৌউ-শিংউগী সাইন্তিস্তশিংনা দিকেদ কয়াদগী হোৎনদুনা লাক্লিবা মরুওইবা রিসর্চকী অওনবা অদু পল্লদুনা, লৌউ-শিংউগী মহৈশিংদা মখোয়না পীরিবা পোজিতিব ইথিল অদু পল্লদুনা, অনৌবা তেক্নিকশিং মায় পাক্না চাংয়েং তৌদুনা, শিংথানীংঙাই ওইবা ফলশিং ফংলিবা প্রোগ্রেসিব ফার্মরশিংবু প্রধান মন্ত্রীনা থাগৎখি। সাইন্তিফিক রিসর্চ অমসুং মাই পাক্লবা ফার্মিং প্রেক্টিসশিং অসি পাক-শন্না ফার্মিং কম্ম্যুনিতীদা য়ৌহন্নবগী মরুওইবা অদু পল্লদুনা, প্রধান মন্ত্রীনা হায়খি মদুদি হোৎনরিবশিং অসি লেপ্তনা চত্থরি, হৌজিক্তি অনৌবা ইনর্জীগা লোয়ননা থৌরাংশিং অসি য়াংশিনবা মথৌ তাই। "ভিক্সিৎ কৃশি সঙ্কল্প অভিয়াননা লৌশিংগী মরক্তা লৈরিবা অৱাৎপা অসি কোকহন্নবা মমল য়াম্লবা খুদোংচাবা অমা পীরি। মসিনা লৌমীশিংদা অৱাংবা থাক্কী লৌউ-শিংউগী ৱাখল্লোনগী কান্নবা ফংহনগনি," হায়না প্রধান মন্ত্রীনা ফোংদোকখী।

শ্রী মোদীনা হায়খি মদুদি ভিক্সিৎ ভারত অমগীদমক, ভারতকী লৌউ-শিংউদসু চাউখৎপা তাই। লৌউ-শিংউগী সেক্তরদা অহোংবা পুরক্নবা পান্দম থম্লিবা কেন্দ্র সরকারগী মরুওইবা মীৎয়েং থম্লিবা হীরম কয়া মহাক্না পনখি। মহাক্না লৌমীশিংগী পোৎথোকশিংগী অচুম্বা মমল ফংহনবা, লৌউ-শিংউগী শেন্মিৎলোন মপাঙ্গল কনখৎহনবা অমসুং মহৈ-মরোং পুথোকপা অসি লৈবাক অসিগী মথৌ তাবশিংগা মান্নহনবা য়াওনা মরুওইবা ৱাফমশিং থমখি। ভারতনা মশাগী মথৌ তাবশিং মপুং ফাহনবতা নত্তনা মালেমগী ওইবা চিঞ্জাক সপ্লাইয়র অমা ওইরকপা মথৌ তাই হায়না শ্রী মোদীনা হায়খি। ক্লাইমেৎ চেঞ্জগী শিংনবশিং থেংননবা, ঈশিং য়াম্না শীজিন্নদনা মহৈ-মরোং পুথোকপা হেনগৎহনবা, মাং-তাক্নিংঙাই ওইবা কেমিকেলশিংদগী লৈহাউ ঙাকথোকপা, লৌউ-শিংউগী তেক্নিকশিং মোদর্নাইজ তৌবা অমসুং সাইন্স অমসুং তেক্নোলোজীবু লমদম অসিদা পুখৎপা অসি য়াম্না মরু ওই হায়না মহাক্না ফোংদোকখি। হৌখিবা চহি ১০-১১ অসিদা, সরকারনা হিরমশিং অসিদা পাক-শন্না হোৎনরি হায়না মহাক্না অকনবা ৱাফম থমখি। মহাক্না কেম্পেন অসিদা শরুক য়ারিবা পুম্নমকপু লৌমীশিংগী এৱেরনেস হেন্না হেনগৎহন্নবা অমসুং মখোয়না মোদর্ন এগ্রিকলচরেল এদভান্সশিংগী মতাংদা মতিক চাবা পাউ ফাংহন্নবা হায়খি।

ত্রেদিস্নেল এগ্রিকলচরগী মথক্তা লৌমীশিংদা অহেনবা শেন্থোক ফংহন্নবগী মরুওইবা অদু পল্লদুনা, প্রধান মন্ত্রীনা লৌমীশিংগীদমক্তা খুদোংচাবশিং হেনগৎহন্নবা পান্দম থম্লিবা মরুওইবা খোঙথাংশিং অদু পনখি। মহাক্না ফোংদোকখি মদুদি লৌবুক্কী মতাংশিংদা সোলর পেনেলশিং ইনস্তোল তৌবনা অহেনবা রেভেন্যু পুথোকপা ঙম্মি। মহাক্না স্বিৎ রিভোলুসনগী ইম্পেক্তকী মতাংদা পনখি। মহাক্না হায়খি মদুদি বীকিপিংনা লৌমীশিংদা কান্নবা পীরি অমসুং মসি শরুক য়ারিবশিং হেনগৎহন্নবা পাকথোক চাউথোকহনগদবনি। প্রধান মন্ত্রীনা লৌউ-শিংউগী লেমহৌরিবা পোৎলমশিংবু ইনর্জীদা ওন্থোকপা অমসুং লেমহৌরিবা পোৎলমশিংবু শেন্মিৎলোনদা ওন্থোকপগী তঙাইফদবা অদুসু ফোংদোকখি। মহাক্না শ্রী অন্না থাবগী মতিক চাবা লমশিং মশক খঙদোকপা অমসুং লৌউ-শিংউগী পোত্থোকশিংদা ভেল্যু এদিসন হেনগৎহনবগী মরুওইবা অদু পনখি। প্রধান মন্ত্রীনা মখা তারদুনা হায়খি মদুদি হৌজিক্তি নন-মিল্কিং কেত্তলশিংসু গোবর্ধন য়োজনাগী খুত্থাংদা শেন্মিৎলোনদা মতেং পাংলি। মসিনা শেন্মিৎলোনগী খুদোংচাবা কয়া ফংহল্লি। মহাক্না ফার্মরশিংদা ইনোভেসনশিং অসিগী মতাংদা পাক শন্না খঙহন্নবা হায়খি। মসিনা মখোয়গী শরুক য়াবা অমসুং কান্নবা ফংহনগনি।

শ্রী মোদীনা হায়খি মদুদি ভারতকী লৌউ-শিংউ অসি চাউখৎলবা ভারত অমগী য়ুম্ফম ওইগদবনি। মহাক্না লৌমীশিংবু ভিজিতিং সাইন্তিস্তশিংগা এক্তিব ওইনা মরী লৈননবা হায়খি, মখোয়বু ৱাহংশিং হংনবা অমসুং মমল য়াম্লবা ইনসাইৎশিং লৌনবা পুক্নিং থৌগৎখি। শ্রী মোদীনা সাইন্তিস্তশিং অমসুং ওফিসিএলশিংদা মখোয়গী মিসনগী মরুওইবা খঙনবা হায়খি। মখোয়না পাংথোক্লিবা থবকশিং অসি গবর্নমেন্তকী রুতিনগী থবকশিংদগী হেন্না তৌগদবনি অমসুং মসিনা লৈবাক অসিগী সেবাগী তৌবগী ৱাখল্লোন অমা উৎকদবনি হায়না মহাক্না ফোংদোকখি। মহাক্না মখোয়দা লৌমীশিংগী খঙনীংবশিং অদু মপুং ফানা কোকহন্নবা অমসুং মখোয়গী মমল য়াম্লবা খন্ন-নৈনবশিং অদু দোকুমেন্ত তৌনবা হায়খি। শ্রী মোদীনা ফোংদোকখি, "ভিক্সিৎ কৃশি সঙ্কল্প অভিয়াননা ভারতকী লৌমীশিংগীদমক চাউখৎপগী অনৌবা লম্বী অমা হাংদোক্কনি, লৌউ-শিংউদা মোদর্নাইজেসন পুরক্কনি," হায়না ফোংদোক্লদুনা স্তেকহোল্দর পুম্নমক্তা মহাক্কী য়াইফ-পাউজেল পীরদুনা ৱারোল পীবা লোইশিনখি।

Sharing my remarks at the launch of 'Viksit Krishi Sankalp Abhiyan'. https://t.co/yBu4bdrugx

— Narendra Modi (@narendramodi) May 29, 2025

***