پیسنٹھویں نیشنل ڈیفنس کالج کورس کے فیکلٹی اور کورس اراکین نے آج  (7 اکتوبر 2025) راشٹرپتی بھون میں صدر جمہوریہ ہند محترمہ دروپدی مرمو سے ملاقات کی ۔

اس موقع پر خطاب کرتے ہوئے صدر جمہوریہ نے کہا کہ قومی مفادات اور مقاصد کسی بھی قوم کے سلامتی کے ڈھانچے کی بنیاد  ہیں ۔ تاہم ، عالمگیر اقدار ہمارے قومی مفادات کے تعلق سے مرکزی حیثیت کے حامل ہیں ۔ ہندوستانی روایت نے ہمیشہ پوری انسانیت کو ایک خاندان کے طور پر دیکھا ہے ۔ عالمی بھائی چارہ  اور امن ہمارے عقیدے کے موضوع رہے ہیں ۔ البتہ ہم نے انسانیت اور ہماری قوم کے لیے نقصان دہ قوتوں کو شکست دینے کی غرض سے جنگ کے لیے تیار رہنے کو بھی اہمیت دی ہے ۔

صدر جمہوریہ نے کہا کہ ہماری مسلح افواج نے 'آپریشن سندور' کے دوران اتحاد اور اسٹریٹجک دور اندیشی کی طاقت کا مظاہرہ کیا ۔   فوج کی تینوں شاخوں کے ذریعہ درست ردعمل کے نتیجے میں موثر ہم آہنگی پیدا ہوئی ۔  لائن آف کنٹرول کے پار اور سرحد کے پار علاقوں کے اندر دہشت گردی کے بنیادی ڈھانچے کو ختم کرنے کی کامیاب مہم کے پیچھے یہی ہم آہنگی  کارفرمارتھی ۔

صدر جمہوریہ نے کہا کہ مشترکہ اندازکو فروغ دینے کا عمل فوجی امور کے محکمے کی تشکیل کے ساتھ شروع ہوا،  جس کے سکریٹری چیف آف ڈیفنس اسٹاف تھے ۔  انہوں نے کہا کہ انٹیگریٹڈ تھیٹر کمانڈز اور انٹیگریٹڈ بیٹل گروپس کے قیام کے ذریعے افواج کی تنظیم نو کی کوششیں جاری ہیں ۔

صدر جمہوریہ نے کہا کہ بدلتے ہوئے جغرافیائی سیاسی ماحول اور سلامتی کے تناظر میں متحرک ردعمل کی ضرورت ہے ۔  انہوں نے یہ جان کر خوشی کا اظہار کیا کہ ہندوستان مسلح افواج کو تکنیکی طور پر جدید ، کثیر جہتی مربوط کارروائیوں کے قابل جنگی دستے میں تبدیل کرنے کے عمل میں مصروف ہے ۔

صدر جمہوریہ نے اس بین الاقوامی پروگرام کے انعقاد کے لیے نیشنل ڈیفنس کالج آف انڈیا کی ستائش کی ، جو سیکھنے کا ایک معیار بن گیا ہے ۔  انہوں نے اعتماد کا اظہار کیا کہ یہ پروگرام سلامتی سے متعلق قومی ، علاقائی اور بین الاقوامی شعبوں میں بہتر افہام و تفہیم ، باہمی تعاون اور مناسب روابط کو فروغ دینے میں کامیاب رہا ہے ۔

صدر جمہوریہ کی تقریر دیکھنے کے لئے براہ کرم یہاں کلک کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –ش ب۔ ق ر)

U. No.7189