नवी दिल्‍ली, 1 ऑक्‍टोबर 2025

राष्ट्रपती द्रौपदी मुर्मू यांनी विजयादशमीच्या पूर्वसंध्येला देशवासियांना शुभेच्छा दिल्या आहेत.

“विजयादशमीच्या शुभ प्रसंगी मी सर्व देशवासियांना हार्दिक शुभेच्छा देत आहे" असे राष्ट्रपतींनी एका संदेशात म्हटले आहे.

विजयादशमीचा सण धर्माच्या अधर्मावरील विजयाचे प्रतीक असून तो आपल्याला सत्य आणि न्यायाच्या मार्गावर चालण्यासाठी प्रेरणा देतो. देशाच्या विविध भागात रावण दहन आणि दुर्गा पूजेच्या स्वरूपात साजरा होणाऱ्या या सणामधून आपल्या राष्ट्रीय मूल्यांचे प्रतिबिंब दिसते. हा सण आपल्याला क्रोध आणि अहंकार यांसारख्या नकारात्मक वृत्तीचा त्याग करण्याची शिकवण देतो आणि शौर्य आणि दृढनिश्चय या सकारात्मक गुणांना आत्मसात करण्याची प्रेरणा देतो.

हा सण आपल्याला असा समाज आणि देश निर्माण करण्याची प्रेरणा देवो जिथे सर्व लोक न्याय, समानता आणि सौहार्दाच्या भावनांनी  प्रेरित होऊन पुढे एकत्र वाटचाल करतील.”असे राष्ट्रपतींनी  म्हटले आहे

राष्ट्रपतींचा संदेश पाहण्यासाठी येथे क्लिक करा.

* * *

गोपाळ चिप्‍पलकट्टी/भक्‍ती सोनटक्‍के/दर्शना राणे

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai