ہندوستان کی صدر جمہوریہ محترمہ دروپدی مرمو نے وجے دشمی کے موقع پر ہم وطنوں کو مبارکباد پیش کی ہے۔

ایک پیغام میں ، صدر جمہوریہ نے کہا ہے  ’’وجے دشمی کے مبارک موقع پر ، میں تمام ہم وطنوں کو دلی مبارکباد اور نیک خواہشات پیش کرتی ہوں ۔

وجے دشمی کا تہوار ، جو ادھرم پر دھرم کی فتح کی علامت ہے ، ہمیں سچائی اور انصاف کے راستے پر چلنے کی ترغیب دیتا ہے ۔  ملک کے مختلف حصوں میں راون دہن اور درگا پوجا کے طور پر منایا جانے والا یہ تہوار ہماری قومی اقدار کی عکاسی کرتا ہے ۔  یہ تہوار ہمیں غصے اور انا جیسے منفی رجحانات کو ترک کرنا اور ہمت اور عزم جیسے مثبت رجحانات کو اپنانا بھی سکھاتا ہے ۔

یہ تہوار ہمیں ایک ایسے معاشرے اور ملک کی تعمیر کے لیے تحریک دے جہاں تمام لوگ انصاف، مساوات اور ہم آہنگی کے نظریات سے متاثر ہو کر ایک ساتھ آگے بڑھیں ۔

صدر جمہوریہ کا پیغام دیکھنے کے لیے یہاں کلک کریں

***************

) ش ح –    اک-  ش ہ ب )

U.No. 6915