প্রধানমন্ত্রীগী লোইশঙ
প্রধান মন্ত্রীনা দিল্লীদা চিলিগী রাস্ত্রপতি, হিস এক্সেলেন্সী শ্রী গেব্রিয়ল বোরিক ফোন্তপু তরাম্না ওকখি
লুচিংবা অনিমক্না কমপ্রেহেন্সিব পার্তনর্শিপ এগ্রীমেন্তকী মতাংদা খন্নবা হৌনবগী মতাংদা য়ানখি
ভারত অমসুং চিলিনা মিনরেলস, ইনর্জী, স্পেস, দিফেন্স, এগ্রিকলচর হায়রিবা সেক্তরশিং অসিদা হেন্না মরি চেৎশিলহল্লগনি
प्रविष्टि तिथि:
01 APR 2025 9:33PM by PIB Imphal
প্রধান মন্ত্রী শ্রী নরেন্দ্র মোদীনা ঙসি দিল্লীদা চিলিগী রাস্ত্রপতি, হিস এক্সেলেন্সী শ্রী গেব্রিয়েল বোরিক ফোন্তপু তরাম্না ওকখ্রে, মসিনা ভারত-চিলীগী পার্তনরশিপকী মরুওইবা খোংথাং অমা ওইরে। শ্রী মোদীনা রাস্ত্রপতি বোরিকপু তরাম্না ওকপদা নুংঙাইবা ফোংদোকখি, মহাক্না লেতিন অমেরিকাদা মরুওইবা মরুপ অমা ওইনা চিলিগী মরুওইবা অদু ফোংদোকখি।
মখোয়গী খন্ন-নৈনবা অদুদা লুচিংবা অনিমক্না লৈবাক অনিগী মরক্তা শেনমিৎলোনগী মরী হেঙ্গৎহন্নবা পান্দম থমদুনা কমপ্রেহেন্সিব ইকোনোমিক পার্তনরশিপ এগ্রীমেন্ত অমগীদমক ৱারী শাননবা য়ানখি। মখোয়না মিনরেলস, ইনর্জী, দিফেন্স, স্পেস অমসুং লৌউ-শিংউগুম্বা মরুওইবা সেক্তরশিং অসি কোলাবোরেসনগীদমক অচৌবা পোতেন্সিএল লৈবা লমশিং ওইনা মশক খঙদোকখি অমসুং মসিগী মতাংদা খন্নখি।
হেলথকেয়র অসি লৈবাক অনিগী মরক্তা কলচরেল একচেঞ্জগী খুদম অমা ওইনা চিলিদা য়োগ অমসুং অয়ুর্বেদাগী মমিং হেনগৎলকপগা লোয়ননা হেন্না নকশিন্নবা মরী অমা শেমগৎনবগী থাজবা পীরিবা য়াম্না মরুওইবা লম্বী অমা ওইরক্লি। লুচিংবশিংনা মহৈরোইশিং এক্সচেঞ্জ প্রোগ্রামশিং অমসুং অতোপ্পা অনৌবা খোংথাংশিংগী খুত্থাংদা কলচরেল অমসুং এজুকেস্নেল কনেক্তিবিতী হেন্না চেৎশিলহন্নবগী মরুওইবা অদুসু পনখি।
Xতা থাগৎলকপা থ্রেদ পোস্ত অমদা মহাক্না অসুম্না ইরকখি:
“ভারতনা অখন্নবা মরুপ অমবু তরাম্না ওক্লি!
দিল্লীদা রাস্ত্রপতি গাব্রিয়েল বোরিক ফোন্তবু তরাম্না ওকপা অসি য়াম্না নুংঙাইবা অমনি। চিলি অসি লেতিন অমেরিকাদা ঐখোয়গী মরুপ অমনি। ঙসি ঐখোয়গী ৱারী শানবা অসিনা ভারত-চিলীগী মরূপ-মপাং ওইবগী মরীদা চাউনা ইনোৎ হাপকনি।
@GabrielBoric”
ঐখোয়না চিলিগা লোয়ননা শেনমিৎলোনগী মরী হেনগৎহনবগী অপাম্বা পোক্লি। মরী অসিদা, প্রসিদেন্ত গাব্রিয়েল বোরিক ফোন্ত অমসুং ঐহাক্না কমপ্রিহেন্সিব ইকোনোমিক পার্তনরশিপ এগ্রীমেন্ত অমগীদমক্তা খন্ন-নৈনবা হৌনবা য়ানখি। ঐখোয়না মরুওইবা মিনরেলস, ইনর্জী, দিফেন্স, স্পেস অমসুং লৌউ-শিংউগী সেক্তরশিংদসু খন্ন-নৈনখি, মসিদা হেন্না নকশিন্নবা মরী অমা থম্বা ঙমগনি।
“ভারত অমসুং চিলিবু হেন্না নকশিন্নহন্নবা মরুওইনা হেলথকেয়রদা য়াম্না চাউনা মতিক লৈ। চিলিদা য়োগ অমসুং অয়ুর্বেদাগী মীয়াম্না পাম্নবা হেনগৎলক্লিবা অসি নুংঙাইবা অমনি। কলচরেল অমসুং মহৈরোয় এক্সচেঞ্জ প্রোগ্রামশিংগী খুত্থাংদা ঐখোয়গী লৈবাকশিংগী মরক্তা কলচরেল লিঙ্কশিং হেন্না চেৎশিলহনবা অসিসু চপ মান্ননা মরু ওই।”
***
(रिलीज़ आईडी: 2173635)
आगंतुक पटल : 38
इस विज्ञप्ति को इन भाषाओं में पढ़ें:
Tamil
,
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Telugu
,
Kannada
,
Malayalam