ভারত মাতা কী – জয়!

ঐখোয়গী তিরঙ্গা অসি কৈদৌনুংদা নেম্না পাইহল্লোইদবনি।

ভারত মাতা কী – জয়!

ভারত মাতা কী – জয়!

গুজরাতকী মুখ্য মন্ত্রী, শ্রী ভুপেন্দ্রভাই পতেল, কেন্দ্রগী মন্ত্রীমন্দলদা ঐহাক্কী মরুপ শ্রী মনোহর লালজী, মন্ত্রীমন্দলগী অতৈ মেম্বর পুম্নমক, পার্লিয়ামেন্তকী মেম্বরশিং, লেজিস্লেতিব এসেমব্লীগী মেম্বরশিং, ইকাই খুম্নরবা মীহুৎশিং অমসুং কচ্ছকী ঐহাক্কী নুংশিরবা ইচিল-ইনাওশিং!

করিগীদমক্তা ঐহাক্না কচ্ছকী লমদম, শরাদকী লমদম অমসুং থৌনা ফরবা কচ্ছী মীয়ামদা লাক্লিবনো? ঐহাক্না কচ্ছকী অফাওবা মচানুপা অমসুং রিভোলুস্নরী হেরো, শ্যামজী কৃষ্ণ বর্মাদা থম্মোয় শেংনা ইকায় খুম্নবা উৎচরি। অমসুং ঐহাক্কী কচ্ছীগী ইচিল-ইনাওশিং, ঐহাক্না ময়াম পুম্নমকপু থম্মোয়দগী ‘রাম রাম’গা লোয়ননা নুঙাইবা ফোংদোকচরি।

মরুপশিং,

কচ্ছকী মসিগী শেংলবা লমদম অসিদা, ঐখোয়গী আশা পুম্নমক অসি মা আশাপুরগী য়াইফ-মঙ্গোলগা লোয়ননা মপুং ফাহল্লি। মা আশাপুরানা মতম পুম্নমক্তা লমদম অসিদা মহাক্কী মঙাল পীদুনা লাক্লি। ঙসি, ঐহাক্না মা আশাপুরাগী মমাংদা ইকায় খুম্নবা উৎচরি অমসুং কচ্ছকী লৈহাওদগী মীয়াম পুম্নমক্তা য়াইফ-পাউজেল পীজরি।

মরুপশিং,

কচ্ছকা ঐহাক্কা লৈনরিবা মরী অসি য়াম্না ঙল্লিঙৈদগী লৈরকপনি, অমসুং ময়াম পুম্নমক্না ঐঙোন্দা থম্লিবা নুংশিবা অদুনা মরম ওইদুনা ঐহাক্না মফম অসিদা লাক্তবা ঙমহন্দে। ঐহাক রাজনিতীদা য়াওদ্রিঙৈ, শক্তিগা মরী লৈনদ্রিঙৈ মতমদসু, ঐহাক্না কচ্ছকী লমদমদা চাং নাইনা লাকলম্মি - মসি ঐহাক্কী থবক অমসুং পুন্সিগী শরুক অমনি। ঐহাক্না লমদম অসিগী মফম খুদিংমক্তা চৎপগী খুদোংচাবা ফংখি। কচ্ছকী মীয়াম, অদোমগী ইশাদা থাজবা, অৱাবা কয়া মায়োক্নরবসু অদোমগী থৌনা অসিনা ঐগী পুন্সিদা মতম পুম্নমক্তা লমজিংদুনা লাক্লি। চহি য়াম্লবা জেনেরেসনগী মীওইশিংনা খঙই, হৌজিক্কী জেনেরেসননা খঙদ্রবসু, মফম অসিদা পুন্সি অসি হৌজিক য়াম্না লায়থোক্লে, অদুবু মতমদুগী ফীভমদি য়াম্না খেন্নরম্মি। অমসুং ঐহাক্না নীংশিংলি, মুখ্য মন্ত্রী ওইরিঙৈদা, নর্মদাগী ঈশিং অসি কচ্ছকী লমদমদা অহানবা ওইনা য়ৌরকপা মতমদা, মসি কচ্ছকীদি দিৱালী লাকপগুম্না ওইখি। ঐহাক্না থাজৈ মদুদি কচ্ছতা ঐখোয়না নুমিৎ অদুদা পাংথোকখিবা অদুগুম্লবা দিৱালী অমা উখিদ্রি। চহি চা কয়াগী মমাংদগী ঈশিং ঈখৌলাংদুনা লাক্লবা কচ্ছ অসি মা নর্মদাগী থৌজাল ফংখি। অমসুং ঐহাক্না মসি ঐহাক্কী লাইবক ফবনি হায়না লৌই মদুদি ঐহাক্না খুদোংচাবা অসি ফংলে - ময়াম পুম্নমকপু থাগৎপা ফোংদোকচরি -ঐহাক চীফ মিনিস্তর ওইরিঙৈদা, কচ্ছতা ঐহাক কয়ারক চৎলিবগে হায়না মীশিংনা মশিং থীরম্মি - মখোয়না মশিং থীরম্মি । মীওই খরনসু হায়খি, "মোদী জীনা সেঞ্চুরি অমা য়ৈখ্রে।" খুঙ্গং কয়াদা চৎপা, ঐগী পার্তীগী থবক তৌরিবশিংগী য়ুমদা চৎপা, মীয়ামগা উনবা, লোকেল ওফিসশিংদা থবক তৌবা অমসুং থবক তৌবসি ঐগী নুমিৎ খুদিংগী থবক থৌরমশিংগী মহৌশাগী শরুক ওইরম্মি।

মরুপশিং,

কচ্ছতা ঈশিং লৈত্রবসু, কচ্ছকী লৌমীশিংনা থৌনা লৈরম্মি, মখোয়গী থৌনা অসি মতম পুম্নমক্তা শিংথানিংঙাই ওইরম্মি। চহি কয়াগী মমাংদগী, ঐহাক্না কচ্ছতা করিগুম্বা অমা থেংনরবসু, মফম অসিদা চাউখৎপগী মতিক লৈবা মফম অমা ঐহাক্না মতম পুম্নমক্তা উখি। কচ্ছ অসি হন্থনা লৌবা য়ারোই। চহি লিশিং কয়াগী মমাংদা ধোলাবীরা লৈরম্বা লমদম অসি মপাঙ্গল য়াম্না লৈরমগনি। অসিগুম্বা লমদম অসি ঐখোয়না ইকাই খুম্নবা উৎকদবনি ।

অমসুং মরুপশিং,

আশা অমসুং লেপ্পা লৈতনা কন্না হোৎনবগা লোয়ননা, ফীভমশিং অদু হোংদোকপা য়াই, অৱাবা অসি খুদোংচাবা অমদা ওন্থোকপা য়াই অমসুং অপাম্বা পান্দমশিং অদু ফংবা য়াই হায়বসি কচ্ছনা উৎলি। মফমসিদা য়ুহার হাখিবা মতমদা মালেম্না খনখি - "মসি লোইরে, করিগুম্বা অমত্তা হৌজিক তৌবা য়াররোই"। য়ুহার হারবা মতুংদা কচ্ছ অসি অশিবগী ফীজোলনা কুপশিল্লম্মি। অদুবু মরুপশিং, ঐহাক্না ঐহাক্কী থাজবসি কৈদৌঙৈদসু মাংহন্দে। ঐহাক্না কচ্ছকী মীয়ামগী কচ্ছী খমিরগী থাজবা লৈ। মরম অদুনা ঐহাক্না হায়খি মদুদি অঙাংশিংবু K হায়বা অসি কচ্ছনি অমসুং Khনা হায়রিবা অসি খমির হায়বনি। ঐহাক্না থাজবা থম্লি মদুদি কচ্ছনা অৱাবা অসি মায়োক্নবা ঙম্লগনি - মদুদি মসিনা য়ুহার হাবা অসি মায়থিবা পীবা ঙমগনি - অমসুং ঐহাক্কী কচ্ছীমাদু (কচ্ছকী নুংশিজরবা মীয়াম) অমুক হন্না হিংগৎলক্লগনি। অমসুং অদোম্না মসি তৌখি। ঙসিদি, কচ্ছ অসি ললোন-ইতিক, ললোন-ইতিক অমসুং তুরিজমগী মরু ওইবা মফম অমা ওইরে। লাক্কদৌরিবা মতমশিংদা, কচ্ছকী থৌদাং অসি হেন্না চাউখৎলগনি। মসিনা মরম ওইদুনা ঐহাক্না কচ্ছকী চাউখৎ থৌরাং য়াঙখৎহন্নবা লাকপা মতমদা, ঐহাক্না হেন্না তৌবা তাই, অনৌবা অমা তৌগদবনি, হেন্না ফবা অমা তৌগদবনি হায়না ঐহাক্না ফাওই। ঐহাক্কী থম্মোয়না লেপহন্দবা পামদে। ঙসি চাউখৎ-থৌরাংগা মরী লৈননা লুপা করোর ৫০,০০০ হেনবগী প্রোজেক্তশিং শঙ্গাখ্রে নৎত্রগা উরেপ উয়ুং তমখ্রে। মতম অমা লৈরম্মি মদুদা গুজরাতকী রাজ্য পুম্বদা লুপা করোর ৫০,০০০গী থৌরাংগী মতাংদা অমত্তা তারমদে। ঙসিদি, অসিগুম্লবা মমল য়াম্লবা থবক অসি জিলা অমা খক্তদা পাংথোক্লি!

মরুপশিং,

প্রোজেক্তশিং অসিনা ভারতপু ব্লু ইকোনোমীদা মালেমগী মরু ওইবা ফোর্স অমা ওইহনবদা অমসুং গ্রীন ইনর্জীগী সেন্তর অমা ওইহনবদা মতেং পাংগনি। ঐহাক্না ময়াম পুম্নমকপু থম্মোয় শেংনা থাগৎপা ফোংদোকচরি। ঐহাক্কী নুংশিজরবা কচ্ছকী মীয়াম, চাউখৎ-থৌরাংগী থবকশিং অসিগীদমক থাগৎপা ফোংদোকচরি। হৌজিক্তি, মচু অহুমগী ফিরালবু চাউথোকচবগা লোয়ননা পাইহনবীয়ু অমসুং নখোয়গী নুংঙাইবা অমসুং পুক্নিং থৌগৎপগী মমি তাহনবীয়ু!

মরুপশিং,

ঐখোয়গী কচ্ছ অসি মালেমগী খ্বাইদগী চাউবা গ্রীন ইনর্জীগী সেন্তর ওইরক্লি। অদোম্না মসি খঙব্রা? ঐনা করি হায়খিবগে? মালেমদা খ্বাইদগী চাউবা ⁇ ঐখোয় মসিগী নুংঙাইবা ফোংদোকসি! গ্রীন হাইদ্রোজেন অসি অনৌবা মখলগী ফ্যুল অমনি। লাক্কদৌরিবা মতমশিংদা, কার, বস, লম্বীগী মৈশিং অসি পুম্নমক গ্রীন হায়দ্রোজেননা চল্লাইরগনি। কন্দলা অসি লৈবাক অসিদা লৈরিবা গ্রীন হায়দ্রোজেন হব অহুমগী মনুংদা অমনি। ঙসি মফম অসিদা গ্রীন হাইদ্রোজেন প্লান্ত অমগী উরেপ-উয়ুংসু তম্লে। মরুপশিং, মসিগী প্লান্ত অসিদা শীজিন্নরিবা তেক্নোলোজী অসি মেদ ইন ইন্দিয়ানি হায়বা খঙবদা অদোম চাউথোকচবা পোক্কনি। ঐখোয়গী কচ্ছ অসি ভারতকী সোলর রিভোলুসনগী ময়াইদা লৈ। মালেমগী খ্বাইদগী চাউবা সোলর পাৱর প্রোজেক্ত অমা ঐগী কচ্ছতা শাগৎলি। কচ্ছকী মতাংদা শন্দোক্না তাক্লিঙৈদা, মীওইশিংনা হায়নরম্মি, "মসিদা অদোমগী করি লৈবগে? মসি মরুভুমিগী লমদম অমনি। মদুদা করি ওইথোকপা য়াবগে? অদুগা মতমদুদসু ঐহাক্না হায়রম্মি মদুদি: "মসি মরুভুমি খক্তা নত্তে, মসি গুজরাতকী গেৎৱেনি!" মতম অমদা উফুলগী নোংলৈ নুংশিৎ অমসুং লৈহাও চেনদবা লমদমনা কোইশিনখিবা মরুভুমি অদু হৌজিক্তি ঐখোয়দা শক্তি পীবতা নত্তনা লৈবাক পুম্বদা ইনর্জী পীবা হৌরে। খাভদা কমপ্লেক্সকী মতেংনা, কচ্ছনা হৌজিক মালেমগী ইনর্জী মেপতা ময়েক শেংনা লৈরে।

মরুপশিং,

ইলেক্ত্রিসিতী মরাং কায়না ফংহনবতা নত্তনা ইলেক্ত্রিসিতী বিল অসি জিরো ওইহন্নবা ঐখোয়গী সরকারনা থবক পায়খৎলি। মসিনা মরম ওইদুনা ঐখোয়না পি.এম. সুর্যগর মুফ্ত বিজলী য়োজনা হৌদোক্লে। গুজরাতকী ইমুং মিলিয়ন কয়া অমা মসিগী খোঙথাং অসিগী শরুক অমা ওইখ্রে।

ইচিল-ইনাওশিং,

লৈবাক খুদিংমক্তা চাউখৎপা পুরকপা মতমদা, মাগী মায়পাকপদা সমুদ্রনা মরুওইবা থৌদাং লৌরি। মসিদসু ঐখোয়না ধোলাভিরাগী খুদম অমা উবা ফংলি। লোথালকুম্বা অরিবা পোর্ত শহরশিং মফম অসিদা লৈরম্মি। মখোয়শিং অসি ভারতকী অরিবা সিভিলাইজেসনগী শেন্মিৎলোন অমসুং খুমাং চাউশিনবগী মফমশিং ওইরম্মি। পোর্ত-লিদ দিবেলপমেন্তকী ঐখোয়গী ভিজন অসি অসিগুম্বা মরাং কায়না লৈবা লেগেসী অসিনা ইথিল পীরি। ভারতনা মসিগী পোর্তশিংগী অকোইবদা শহরশিং শেমগৎলি। সমুদ্রগী পোৎলমশিংদগী হৌরগা তুরিজম অমসুং ললোন-ইতিক ফাওবদা, কোস্তেল রিজন অসি মপুং ফানা অনৌবা ইকোসিস্তেম অমা ওইনা শেমগৎলি। লৈবাক অসিনা পোর্তশিং পাকথোক চাউথোকহন্নবা অমসুং মোদর্নাইজ তৌনবা অচৌবা ইনবেস্তমেন্তশিং তৌরি, অমসুং মসিগী মহৈশিং অসি মশক থোক্না লৈরি। লৈবাক অসিগী মরুওইবা পোর্ত খরনা অহানবা ওইনা চহি অমগী মনুংদা রেকোর্দ ওইনা কার্গো তন মিলিয়ন ১৫০ হেন্দল তৌখি। মসিদা কন্দলাদা লৈবা ঐখোয়গী দীনদয়াল পোর্তসু য়াওরি। লৈবাক অসিগী অপুনবা সমুদ্রগী ললোন-ইতিক্কী শরুক অহুম থোকপগী অমা কচ্ছকী পোর্তকী থোংখক্তদা চেল্লি। মসিনা মরম ওইদুনা কন্দলা অমসুং মুন্দ্রা পোর্তশিংগী কেপাসিতী অমসুং কনেক্তিবিতী অসি লেপ্পা লৈতনা হেনগৎহল্লি। ঙসিসু মফম অসিদা শিপ্পিংগা মরী লৈনবা অনৌবা ফেসিলিতী কয়া অমা শঙ্গাখ্রে। অনৌবা জেৎ অমা শারক্লে। কার্গো হেন্না থম্নবগীদমক্তা, মোদর্ন স্তোরেজ ফেসিলিতীশিং লিংখৎলে। চহি অসিগী বজেৎতা ঐখোয়না মেরিতাইম সেক্তরগীদমক্তা অখন্নবা ফন্দ অমা লাউথোকখ্রে। শিপ বিল্দিংদসু মরুওইবা মীৎয়েং চংলি। ঐখোয়না হৌজিক ভারত্তা ঐখোয়গী মথৌ তাবশিং অমসুং মালেমগী মথৌ তাবশিংগীদমক অচৌবা জহাজশিং শাবগী থবক পায়খৎলগনি। মতম অমদা মান্দবী অসি অচৌবা জহাজশিং শাবগীদমক্তা মমিং চৎখি। ঐখোয়গী মীয়াম্না মখোয়শিং অসি য়াম্না হৈ-শিংলগা শাবগী থৌওং তৌরম্মি, অমসুং মসিগী মপাঙ্গল অদু ঙসি ফাওবা মান্দভিদা লৈরি। হৌজিক, ঐখোয়না ভারতপু মোদর্ন শিপ বিল্দিংদা মালেমগী থাক্তা পুখৎপা পাম্মি, শিপশিং অসি পুথোকপা অমসুং এক্সপোর্ত তৌবা পাম্মি। মসিনা ঐখোয়গী নহারোলশিংগীদমক থবক ফংহন্নবগী খুদোংচাবা লিশিং কয়া অমসু লৈহল্লগনি। ঐখোয়গী মফম অসিদা অলং শিপ ব্রেকিং য়ার্দ লৈরে। হৌজিক্তি, ঐখোয়না শিপ বিল্দিংদা ঐখোয়গী মপাঙ্গল পুম্নমক থাদরি। অমসুং মসি থবক ফংহন্নবগী খ্বাইদগী ৱাংবা পোতেন্সিএল লৈবা সেক্তরশিংগী মরক্তগী অমনি।

মরুপশিং,

ঐখোয়গী কচ্ছনা মতম পুম্নমক্তা মসিগী হেরিতেজ অসিবু ইকাই খুম্নদুনা লাক্লি। হৌজিক্তি, হেরিতেজ অসিনা কচ্ছকী চাউখৎ থৌরাংগী ইথিলসু পীরি। হৌখিবা চহি তরাগী খুজিং অনিদগী তরাগী খুজিং মঙা ফাওবদা, তেক্সতাইল, ফুদ প্রোসেসিং, সেরামিক্স অমসুং থুমগা মরী লৈনবা ইন্দস্ত্রীশিংনা ভুজতা চাউনা চাউখৎলক্লি। কচ্ছ ইমব্রোদরী, ব্লোক প্রিন্তিং, বন্ধানি ফেব্রিক অমসুং লেদরৱার্ক - মখোয়গী মমিং অসি মফম পুম্নমক্তা উবা ফংই। অদুগা ঐখোয়গী ভুজোদীগী মতাংদদি করি হায়গদগে? ভুজোদীগী থবক য়াওদবা হেন্দলুম নৎত্রগা হেন্দিক্রাফ ৱার্কশোপ অমত্তা লৈতে। অজ্রখ প্রিন্তিংগী চৎনবী অসি কচ্ছকী তোপ তোপ্পা অমনি অমসুং হৌজিক ঐখোয়গী কচ্ছকী আর্ত ফোর্ম পুম্নমক জি.আই. (জিওগ্রাফিকেল ইন্দিকেসন) ফংখ্রে। মখোয়না লোকেল ওইনা খক্তা নত্তনা মালেমগী থাক্তা শকখঙবা ফংলে। মসিনা তাকপদি হৌজিক্তি হায়রিবা আর্ত ফোর্মশিং অসি কচ্ছতগী হৌরকপনি হায়না ওফিসিএল ওইনা খঙলে। মসি মরু ওইনা ঐখোয়গী ত্রাইবেল ইমুংশিং অমসুং আর্তিসানশিংগীদমক অচৌবা শকখঙবনি। চহি অসিগী বজেৎতা, কেন্দ্র সরকারনা লেদর অমসুং তেক্সতাইল ইন্দস্ত্রীশিংগীদমক এনাউন্সমেন্ত কয়া অমা তৌখ্রে।

মরুপশিং,

ঐহাক্না কচ্ছকী লৌমীশিং - নুপী অমসুং নুপা অনিমক্না কন্না হোৎনরিবশিং অদুদা ইকায় খুম্নবা উৎচরি। অদোম্না অচৌবা শিংনবশিং মায়োক্নরবসু তোকপা তৌদে। মতম অমদা গুজরাতকী ঈশিংগী লৈমায় অসি ফিৎ চাম্মা চাম্মা হন্থরম্মি। নর্মদাজীগী থৌজাল অমসুং সরকারগী থৌনাগী মতুং ইন্না ঙসিদি ফীভম অসি হোংলে। কেভাদিয়াদগী কচ্ছকী মোদ কুবা ফাওবা শাখিবা কেনেল অসিনা লমদম অসিগী তুংগী পুন্সিদা অহোংবা পুরকখি। ঙসিদি, কচ্ছকী হৈনৌ, দেৎস, কম্ফোই, জিরা, অমসুং দ্রাগন ফ্রুত অসি য়াম্না ফবা মওংদা পুথোক্লি। অসিগুম্বা মহৈ-মরোং কয়া অমা হৌজিক মালেমগী কৈথেলশিংদা য়ৌরে। মতম অমদা কচ্ছতগী মীওইশিং মাইগ্রেৎ তৌখিবা মতম অমা লৈরম্মি। মতম অদুদা ঐখোয়না নেগেতিব পোপুলেসন গ্রোথ থেংনরম্মি। অদুবু ঙসিদি, কচ্ছকী মীওইশিংনা কচ্ছতা থবক ফংলি। মসি খক্তমক নত্তে, মপান্দগী লাকপা মীওইশিংনসু হৌজিক্তি কচ্ছতা আশা উরে, মরুপশিং।

মরুপশিং,

লৈবাক অসিগী নহারোলশিংদা থবক ফংহন্নবা অৱাংবা থাক্কী খুদোংচাবশিং ফংহনবা অসি বি.জে.পি.গী খ্বাইদগী মরু ওইবনি। তুরিজম অসি থবক কয়া পীরিবা অসিগুম্বা সেক্তর অমনি। কচ্ছতা পুৱারী, কলচর অমসুং মহৌশাগী ফজবা – অহুমক লৈ। কচ্ছকী রন উৎসব অসি নোংম-নোংমগী অনৌবা অৱাংবা থাক্তা য়ৌরক্লিবা অসি উবদা ঐহাক নুংঙাইবা ফাওই। ভুজতা শাগৎলিবা স্মৃতি ভেন অসি য়ুনেস্কোনা মালেমগী খ্বাইদগী ফজবা ম্যুজিয়ম ওইনা শকখঙখি। লাক্কদৌরিবা নুমিৎশিংদা লমদম অসিদা তুরিজম অসি হেন্না পাকথোক চাউথোক্কনি। ধোর্দো খুঙ্গং অসি মালেমগী খ্বাইদগী ফবা তুরিজম খুঙ্গংশিংগী মনুংদা য়াওরি। ঙসি নখোয়গী মরক্তগী দোরদোদগী মীশিং য়াওব্রা? অদোম্না লৈবাক অসিগী ফিরাল হাইবীয়ু! মান্দবীগী সমুদ্র মপাল অসিসু তুরিস্তশিংগী পুক্নিং চিংশিনবা মফম অমা ওইরক্লি। ঐহাক্না ভুপেন্দ্র ভাই অমসুং মফম অসিদা লৈরিবা কচ্ছকী লুচিংবশিং পুম্নমক্তা হায়জবা পাম্মি মদুদি রন উৎসব পাংথোকপা মতমদা, ঐখোয়না মসিগী মতম অসিগী মনুংদা সমুদ্র মপালদা কম্পিতিসনশিং পাংথোকপা ঙমগদ্রা? হৌজিক্কী মতমদা বীচ গেমশিং অসি য়াম্না পাম্নরক্লি। হৌজিত্তি দিয়ুদা নেস্নেল লেবেলগী কম্পিতিসন অমা পাংথোকখ্রে, মসিদা অঙাং লিশিং কয়া অমা শরুক য়াদুনা সমুদ্র মপাল অসিদা শান্নবা লাকখি। ঐহাক্না লৈবাক অসিগী মফম পুম্নমক্তগী মীওইশিংবু পুক্নিং চিংশিন্দুনা রন উৎসবকী মতমদা মান্দবী বীচতা বীচ ফেস্তিবেলশিং অমসুং গেমশিং চাং নাইনা পাংথোকপা উবা পাম্মি। অসুম্না, কচ্ছ তুরিজম অসি অনৌবা থাক্তা য়ৌরগনি। অমসুং নখোয়না পাম্বা মতেং অদুগীদমক - ঐহাক্না মতম পুম্নমক্তা নখোয়গীদমক মতেং পাংগনি।

মরুপশিং,

অহমাদাবাদ অমসুং ভুজগী মরক্তা নমো ভারত রেপিদ রেলনা তুরিজমদা চাউনা মতেং পাংলি।

মরুপশিং,

ঙসি মেগী ২৬নি - করিগীদমক তুমিন্না লৈরিবনো? গুজরাতকী ঐহাক্কী ইচিল-ইনাওশিং, নখোয়না ঐহাকপু গুজরাত্তগী দিল্লীদা নুংঙাইবা ফোংদোক্তুনা ঐবু থাবীখি। অদুগা ঙসিগী নুমিৎ অসিদা, ২০১৪গী মে ২৬দা, নুমিৎ অসিমক্তদা ঐহাক্না অহানবা ওইনা প্রধান মন্ত্রী ওইনা লৈবাক অসিগী 'প্রধান সেবক' ওইনা ৱাশক লৌখি। অদোমগী য়াইফ-মঙ্গোলগা লোয়ননা, গুজরাতকী সেবাদগী লৈবাক অসিগী সেবা ফাওবগী খোঙচৎ অসিনা চহি ১১ মপুং ফারক্লে। অমসুং মে ২৬দা, প্রধান মন্ত্রীগী থৌদাং অসিদা চহি ১১ মপুং ফারক্লে। ঐহাক্না ৱাশক লৌখিবা নুমিত্তা লৈবাক অসিগী ইকোনোমী অসি মালেমদা ১১শুবা মফমদা লৈখি। অমসুং ঙসি, চহি ১১গী মতুংদা, ঐখোয়না ৪শুবা মফমদা লৈরে।

মরুপশিং,

ভারতনা তুরিজমদা থাজৈ । তুরিজমনা মীশিংবু শম্নহল্লি । অদুবু পাকিস্তানগুম্বা লৈবাক খরদি তেরোরিজমবু তুরিজম ওইনা লৌই, অমসুং মসি মালেমদা অচৌবা খুদোংথীবনি। চহি ২৫-৩০গী মমাংদা গুজরাতকী কচ্ছতা লৈবা মীওইশিংনা গান্ধীনগরদগী মন্ত্রী নৎত্রগা মুখ্য মন্ত্রী অমা লাকপা মতমদা, মখোয়গী ৱারোলশিং অসি পাকিস্তানদগী হৌরগা পাকিস্তানগা লোইশিলম্মি। মখোয়না কচ্ছকী মীয়ামদা পাকিস্তানগী মরমদা হন্না-হন্না নীংশিংহল্লি। অদোম্না খঙলমগনি মদুদি ২০০১দা ঐহাক্না ৱারেপ অমা লৌখি: ঐহাক্না মদুদা মতম মাঙহল্লরোই। ঐহাক্না মদুগী মতাংদা পনবা থিংজিল্লে। ঐহাক্না কচ্ছকী মপাঙ্গলগী মরমদা খক্তা ঙাংখি। ঐহাক্না মপুং ফানা মাংদা চংশিনখি - অমসুং কচ্ছকী মীয়াম্না মখোয়গী মপুং ফাবা পোতেন্সিএলগা লোয়ননা, পাকিস্তান ফাওবা মীহৌবা পোকহনবা ঙমগদবা কচ্ছ অমা শেমগৎখি, ঐহাক্কী মরুপশিং!

মরুপশিং,

তেরোরিজমগী মায়োক্তা ঐখোয়গী পোলিসী অসি জিরো তোলরেন্সীগী পোলিসী অমনি। ওপরেসন সিন্দুরনা হায়রিবা পোলিসী অসি ময়েক শেংনা তাক্লি। ইন্দিয়নশিংগী ঈখেং তাহন্নবা হোৎনরিবা মীওই খুদিংমকপু মখোয়গী মশাগী লোলদা পাউখুম পীগনি। ভারতকী মায়োক্তা লান্দানবা হোৎনরিবা মীওই অমত্তবু লেম্না থারোই।

মরুপশিং,

ওপরেসন সিন্দুর অসি মীওইবা খুন্নাইবু ঙাকথোক্নবা অমসুং তেরোরিজম মুত্থৎনবা মিসন অমনি। মে ২২গী মতুংদা ঐহাক্না করিগুম্বা অমত্তা লোৎশিনখিদে। বিহারগী মীয়ামগী মীফম অমদা ফোংনা হায়খি: "ঐহাক্না তেরোরিস্তশিংগী লোৎফমশিংবু উফুল তাহনগনি।" ঐখোয়না পাকিস্তান্না তেরোরিজমগী মায়োক্তা থবক খরা পায়খৎকনি হায়দুনা নুমিৎ ১৫নি ঙাইদুনা লৈখি। অদুবু তেরোরিজম্না মখোয়গী হিংনবগী লম্বী ওইরমখি। মখোয়না করিগুম্বা অমত্তা শোকহনবা তৌদবদগী ঐহাক্না ঐখোয়গী আর্ম ফোর্সশিংদা মপুং ফানা খুদোংচাবা পীখি। কিলোমীতর চাম্মগী মনুংদা লৈবা তেরোরিস্ত হেদ ক্বার্টরশিংদা তার্গেৎ তৌখি। ঐখোয়গী লান্মীশিংনা অকোইবদা লৈবা মীওই অমত্তা শোকহন্দনা প্রিসাইস ওইনা লান্দাখি অমসুং অকনবা মওংদা শোকহনখি। মসিনা ঐখোয়গী লান্মী অসি কয়া য়াম্না মপাঙ্গল কনবা অমসুং দিসিপ্লিন লৈবগে হায়বদু উৎলি। ঐখোয়না মালেমদা উৎলি মদুদি ঐখোয়না ভারত্তা লৈরগা তেরোরিস্তশিংগী মফমশিং মুত্থৎপা ঙম্লে।

মরুপশিং,

ভারতকী থবক থৌরমগী মতুংদা পাকিস্তান করম্না তৌরকখি হায়বদু ঐখোয় পুম্নমক্না উখ্রে। ৯শুবা নুমিদাংদা ঐখোয়গী কচ্ছকী ঙমখৈদসু দ্রোনশিং উবা ফংখি। মোদী অসি গুজরাত্তগী ওইবনা মরম ওইদুনা মখোয়না মফম অসিদা লান্দানবা হোৎনগনি - অদুবু মখোয়না কনানবু শীংনরিবনো হায়বা মখোয়না খঙদে। ১৯৭১ খক্তমক নীংশিংবীয়ু - ঙসি মফম অসিদা লৈরিবা থৌনা ফরবা নুপীশিং অসিনা মতম অদুদা পাকিস্তানবু মায়থিবা পীখি! ইমাশিং অমসুং ইচে-ইচলশিং অসিনা পুং ৭২ খক্তদা রনৱে অমা শাখি, অমসুং ঐখোয়না অমুক্কা হন্না লান্দাখি। ঙসিদি, ঐহাক্না য়াম্না নুংঙাইবা ফাওই মদুদি ১৯৭১গী লানগী লান্মী নুপীশিং অসি ঐহাকপু য়াইফ-পাউজেল পীনবা লাক্লি। মদু খক নত্তনা মখোয়না ঐঙোন্দা সিন্দুর পাম্বী অমসু পীরম্মি। ইমাশিং অমসুং ইচে-ইচলশিং, অদোম্না ঐঙোন্দা পীখিবা পাম্বী অসি প্রধান মন্ত্রীগী য়ুমদা হৌরগনি। সিন্দুরগী পাম্বী অই ‘ভত ভৃক্ষা’ (অচৌবা খোঙনাং পাম্বী) অমগী মতৌগুম্না চাউখৎলগনি অমসুং ৱাংখৎলগনি।

মরুপশিং,

ঐখোয়না তেরোরিস্তশিংগী মফমশিংদা লান্দারকপা মতমদা, পাকিস্তান্না ঐখোয়গী ‌ঐখোয়গী মীচম প্রজাশিংদা লান্দারক্নবা হোৎনখি। অমসুং মখোয়গী দ্রোনশিং অদু উবা ফংলকপা মতমদা, মখোয়শিং অদু মীকুপ অমগী মনুংদা মথং-মথং মাংহনখি। অদোম্না মসি অদোম ইশামক্না উখি। ভারতনা মখোয়গী লান্মীদা মপাঙ্গল শরুক অনি থোক্না লান্দারকখি। ভারতনা পাকিস্তানগী এয়রবেজশিং অমসুং মিলিতরী ইন্সতোলেসনশিংদা অকনবা মওংদা লান্দারকপদা মালেম পুম্বনা অঙকপা পোকখি। ঐনা হায়খিবগুম্না, অদোম্না ১৯৭১গী লান অদু উবা ফংখি। অদুবু হন্দক্তি পাকিস্তান পুম্নমক অকিবা পোকখি, ঐগী মরুপশিং, মখোয়না অকিবা ফাওখি। ১৯৭১দা মখোয়না ঐখোয়গী ভুজ এয়রবেজতা লান্দারকখি, অমসুং ঐখোয়গী ইচে-ইচলশিংনা লম্বা লৈত্রবা থৌনাগী খুদম অমা থমখি।

অমসুং মরুপশিং,

ঐখোয়না পাকিস্তানগী এতেকশিংদা পাউখুম পীখিবনা মখোয়গী এয়র বেজশিং অসি ঙসি ফাওবা আই.সি.য়ু.দা লৈরি, মখোয়না অমুক হন্না ফগৎলকপা ঙমদ্রি! অমসুং অরোইবদা, পাকিস্তানবু সরেন্দর তৌহনখি। মখোয়না নান্থোকপা য়াররোই হায়বা খঙখি - ভারতনা মাগী শিংথানীংঙাই ওইরবা শক্তি অদু উৎখ্রে। অরোইবদা, মসি ঐখোয়গী আর্মদ ফোর্সশিংগী থৌনা, মতিং, অমসুং প্রিসিজন অদুনা মসি পাংথোকখিবনি। পুং খরগী মনুংদা, পাকিস্তান্না মখোয়না অহেনবা নোংমৈ হেন্না কাপশিল্লকপা পামদে হায়দুনা অঙৌবা ফ্লেগ অদু হায়খি। ঐখোয়না হায়খি, “ফরে, ঐখোয়না মসি হান্ননা ময়েক শেংনা হায়খ্রে! ঐখোয়গী পান্দমদি তেরোরিস্তশিংগী মফমশিংবু থুগায়বা, লান্দাবা, পরা তম্বীবনি। অদুম ওইনমক, অদোম্না অশোয়বা অসি তৌখিবনা অদোম্না মদুগী মহৈ ফংবনি।

মরুপশিং,

ভারতকী লান অসি ঙমখৈগী ৱাংমদা লৈবা তেরোরিজমগা লান্থেংনবনি। ঐখোয়গী য়েক্নবা অসি ঙসি তেরোরিজমবু পুক্নিং থৌগৎলিবা অমসুং শৌগৎলিবা মীওইশিংগা লোয়ননা লৈ। পাকিস্তানগী ঙমখৈদা লৈবা কচ্ছকী লৈহাও অসিদগী ঐহাক্না পাকিস্তানগী মীয়ামদসু করিগুম্বা খরা হায়জনীংই: অদোম্না করি ফংবগে? ভারত অসি মালেমগী মরিশুবা খ্বাইদগী চাউবা ইকোনোমী ওইরে, অদুগা অদোমগী ফিভম অদু করিনো? কনানা অদোমগী অঙাংশিংগী তুংলমচৎপু মাঙহনবগে? কনানা মখোয়বু আশা লৈতনা ককঙাওনহনবগে? মখোয় অসি তেরোরিজমগী মাস্তরশিংনি; মখোয়গী মশাগী এজেন্দাগা লোয়ননা মখোয় অসি অদোমগী লৈবাক অসিগী লান্মীনি। পাকিস্তানগী প্রজাশিং, মরু ওইনা নহাশিং অমসুং অঙাংশিংদা ঐনা হায়জরি মদুদি মোদীবু পুক্নিং চিংশিন্দুনা তাজৌ। অদোমগী সরকার অমসুং অদোমগী লান্মীনা তেরোরিজমবু শৌগৎলি। তেরোরিজম অসি পাকিস্তানগী লান্মী অমসুং লৈঙাক্কী শেল থাদবগী ললোন-ইতিক অমা ওইরে। পাকিস্তানগী নহাশিংনা ৱারেপ অমা লৌবা মথৌ তাই। পাকিস্তানগী অঙাংশিংনা মখোয় মশাদা ৱাহং অসি হংগদবনি: মসি অচুম্বা লম্বীরা? মসিনা মখোয়দা তশেংনা কান্নবা পীব্রা? পাৱর পোলিতিক্সকী গেম অসিনা পাকিস্তানগী অঙাংশিংগী পুন্সি ফগৎহনবা ঙমগদ্রা? ঐহাক্না পাকিস্তানগী অঙাংশিংদা হায়জরি: অদোমগী লৈঙাক্লোয়শিং, অদোমগী লান্মীনা, তেরোরিজমগী মমিদা হিংদুনা, অদোমগী পুন্সিবু খুদোংথিনিংঙাই ওইহল্লি, অদোমগী তুংলমচৎপু মাংহল্লি, অমসুং অদোমবু অম্বদা পুশিল্লি। পাকিস্তানবু তেরোরিজমগী লাইনা-লাইচৎ অসিদগী লৌথোক্নবা, পাকিস্তানগী মীয়াম্না হৌগদবনি। পাকিস্তানগী নহারোলশিংনা খোঙফম চেৎনা লেপকদবনি - শান্তি অমসুং ইকাই খুম্নবা পুন্সি অমা হিংগদবনি, নখোয়গী চাক শান্তি ওইনা চানগদবনি, নৎত্রবদি - ঐহাক্কী বুলেৎ অদু শেম-শারি।

মরুপশিং,

ভারতকী মাইকৈ অসি ময়েক শেংলে। ভারতনা চাউখৎপগী লম্বী, শান্তি অমসুং চাউখৎপগী লম্বী খনখ্রে। কচ্ছকী স্পিরিত অসিনা ভারতপু চাউখৎলবা লৈবাক অমা ওইহন্নবা পুক্নিং থৌগৎকনি হায়না ঐনা থাজৈ।

ঐহাক্কী কচ্ছীগী ইচিল-ইনাওশিং, আশাদী বিজ - কচ্ছ ন্যু ইয়ারগী কুহ্মৈ অসি নুমিৎ খরনিগী মনুং অসিদা লাক্কনি। মমাংদা, ঐহাক্না অদোমগা লোয়ননা আশাদী বিজ পাংথোক্নবা মফম অসিদা লাকখি। অদুবু হন্দক্তি, ঐহাক লাকপা ঙম্লোইদবনা, ঐহাক্না নুমিৎ অসিদা য়াইফ-পাউজেল পীজরি। ঐহাক্কী নুংশিরবা কচ্ছকী ইচিল- ইনাওশিং - অদোমগী নুংশিবা, অদোমগী য়াইফ-পাউজেল, অমসুং ঙসিগী রোদ শো - ৱাও! শাখ্রবা নুংশা অসিদা এয়রপোর্ত্তগী মফমসি ফাওবদা, মীওই কয়া অমা লাকখি। কচ্ছকী মফমদা ইকায় খুম্নবা উৎচরি, ঐগী মরুপশিং! ইকায় খুম্নবা উৎচরি! অমুক্কা হন্না, চাউখৎ-থৌরাংগী প্রোজেক্ত পুম্নমক্তা ঐহাক্না নুংঙাইবা ফোংদোকচরি। হৌজিক্তি, ত্রিকোলর অদু ৱাংনা পাইহল্লু, অমসুং ঐগা লোয়ননা হৌনা হায়বীয়ু -

ভারত মাতা কী – জয়!

ভারত মাতা কী – জয়!

ভারত মাতা কী – জয়!

ভারত মাতা কী – জয়!

ভন্দে মাতারম! ভন্দে মাতারম!

ভন্দে মাতারম! ভন্দে মাতারম!

ভন্দে মাতারম! ভন্দে মাতারম!

হন্না-হন্না থাগৎচরি!

খঙহঞ্জবা: প্রধান মন্ত্রীগী ৱারোলগী শরুক খরদি গুজরাতি লোলদা ওইখি, মসিগী ৱাহন্থোক মসিদা পীজরি।

***