नवी दिल्‍ली, 29 सप्‍टेंबर 2025

राष्ट्रपती द्रौपदी मुर्मू यांनी दुर्गापूजेच्या पूर्वसंध्येला आपल्या देशवासियांना शुभेच्छा दिल्या आहेत.

राष्ट्रपतींनी एका संदेशात म्हटले आहे की, “दुर्गापूजेच्या शुभ प्रसंगी, भारतात आणि परदेशात राहणाऱ्या सर्व भारतीयांचे मी हार्दिक अभिनंदन करते आणि शुभेच्छा देते.

दुर्गापूजेचा पवित्र सण आपली संस्कृती, श्रद्धा आणि आध्यात्मिक वारशाचे प्रतीक आहे. दुर्गामातेची तिच्या नऊ रूपांमध्ये पूजा करणे हा केवळ आध्यात्मिक शुद्धीचा मार्ग नाही तर सत्य, न्याय आणि करुणेसह  पुढे जाण्यासाठी प्रेरणा देखील देतो.  हा सण समता, सहिष्णुता आणि प्रेमाच्या भावनेला प्रोत्साहन देतो.

या पवित्र  प्रसंगी, महिलांचा आदर करण्यासाठी आणि समाजात त्यांचे योग्य स्थान कायम राखण्यासाठी  सर्वतोपरी  प्रयत्न करण्याची प्रतिज्ञा आपण घेऊया . मी दुर्गामातेकडे  सर्वांना बुद्धी आणि धैर्य प्रदान करण्यासाठी आणि सर्वांना आनंद आणि समृद्धी लाभावी यासाठी  प्रार्थना करते ”.

राष्ट्रपतींच्या संदेशासाठी कृपया इथे क्लिक करा

* * *

निलिमा चितळे/सुषमा काणे/दर्शना राणे

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai