প্রধানমন্ত্রীগী লোইশঙ
মোরিসসকী রাস্ত্রপতি ঐচ.ই. ধরম্বীর গোকুলনা শিনবা অয়ুক্কী চাক্লেন্দা প্রধান মন্ত্রীনা থমখিবা ৱারোলগী মনিপুরী ৱাহন্থোক
Posted On:
11 MAR 2025 9:33PM by PIB Imphal
ইকাই খুম্নরবা রাস্ত্রপতি ধরম্বীর গোকুল,
ফার্স্ত লেদী, শ্রীমতী ব্রিন্দা গোকুল,
ইকাই খুম্নরবা উপ রাস্ত্রপতি, রোবর্ত হাংলী,
প্রধান মন্ত্রী, শ্রী রামগুলাম,
শক্নাইরবা মীথুংলেনশিং,
মোরিসসকী নেস্নেল দেগী থৌরমদা অথোইবা মীথুংলেন ওইনা শরুক য়াবা ফংজবা অসি ঐহাক্কীদমক ইকায় খুম্ননিংঙাইনি।
ঐহাক্না হিস এক্সিলেন্সী, রাস্ত্রপতিবু মহাক্কী ফজরবা সেবা অমসুং ইকাই খুম্নবা অসিগীদমক্তা থাগৎপা ফোংদোকচরি।
হায়রিবা মীফম অসি চাক্লেন চাবখক্তমক নত্তে, মসি ভারত অমসুং মোরিসিসকী মরক্তা লৈনরিবা অচেৎপা অমসুং মতম শাংনা চৎথগদবা মরীগী খুদম অমনি।
মোরিসসকী চিঞ্জাক অসি য়াম্না অহাওবা অমা ওইবখক নত্তে, মসিনা লৈবাক অসিগী শিংথানিংঙাই ওইবা খুন্নাইগী মখল-মখা কয়াসু উৎলি।
মসিনা ভারত অমসুং মোরিসসকী মান্নবা হেরিতেজবু মশক তাক্লি।
মোরিসসকী হোস্পিতালিতীগী ইথিল খুদিংমক্না ঐখোয়গী অচেৎপা মরুপ-মপাং ওইবগী নুংশিবা অমসুং নুংশিজবা অদু উৎলি।
মসিগী অখন্নবা থৌরম অসিদা, ঐহাক্না হিস এক্সেলেন্সী রাষ্ট্রপতি ধরম্বীর গোকুল অমসুং শ্রীমতী গোকুলগী অফবা হকশেল অমসুং য়াইফ-থৌরাংগীদমক থম্মোয় শেংনা য়াইফ-পাউজেল পীজরি। ঐহাক্না মোরিসিয়সকী মীয়ামগী মখা তানা চাউখৎপা, নুংঙাইবা অমসুং নুংঙাই য়াইফবা ওইরসনু হায়নসু থৌনিজরি। মসিগী মথক্তা, ঐহাক্না ঐখোয়গী তুং কোইনা চৎথগদবা পার্তনরশিপকীদমক ভারতকী অচেৎপা ফিরেপ অদু অমুক হন্না ফোংদোকচরি।
জয় হিন্দ!
মোরিসসপু থাগৎচরি!
খঙজিনগদবা - মসি প্রধান মন্ত্রীনা হিন্দিদা থমখিবা ৱাফমশিংগী চাউরাকপা ৱাহন্থোক্নি।
***
(Release ID: 2171683)
Visitor Counter : 8
Read this release in:
Malayalam
,
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada