প্রধান মন্ত্রী শ্রী নরেন্দ্র মোদীনা লোক কল্যান মার্গ ৭তা অয়ুশ সেক্তরগী রিভিয়ু তৌনবা অৱাংবা থাক্কী মীফম অমদা ময়াই তাংবল লৌখি। মহাক্না হোলিস্তিক ৱেলফেয়র অমসুং হেল্থকেয়র, ত্রেদিস্নেল নোলেজ ঙাক্তুনা থম্নবা অমসুং লৈবাক অসিগী ৱেলনেস ইকোসিস্তেমদা মতেং পাংবদা মসিগী মরুওইবা থৌদাং অদু পনখি।

২০১৪দা আয়ুশ মন্ত্রালয় শেমখিবা মতমদগী প্রধান মন্ত্রীনা মসিগী চাউখৎ-থৌরাংগীদমক ময়েক শেংবা রোদমেপ অমা শেমখ্রে। সেক্তর অসিগী খুমাং চাউশিল্লকপগী মতাংদা পাক শন্না য়েংশিনখিবা অদুদা, প্রধান মন্ত্রীনা মাগী পোতেন্সিএল মপুং ফানা শীজিন্ননবা স্ত্রেতেজিক ওইবা খোঙথাংশিংগী মথৌ তাবা অদুদা অকনবা ৱাফম থমখি। রিভিয়ু অসিদা ইনিসিএতিবশিং অসি স্ত্রীমলাইন তৌবা, রিসোর্সশিং ওপ্তিমাইজ তৌবা অমসুং আয়ুশকী মালেমগী থাক্তা লৈরিবা প্রজেন্স অসি হেনগৎহন্নবা মীৎয়েং শানবা লম্বী অমা শেমগৎপদা মীৎয়েং থমখি।

রিভিয়ু অদুগী মনুংদা, প্রধান মন্ত্রীনা সেক্তর অসিনা প্রিভেন্তিব হেল্থকেয়র প্রমোৎ তৌবদা, হিদাক-লাংথকশিংদা শীজিন্নবা পাম্বৈশিং থাবগী থোংদা খুঙ্গংগী শেন্মিৎলোনদা খুমাং চাউশিলহনবদা অমসুং ত্রেদিস্নেল মেদিসিনগী লমদা মালেমগী লুচিংবা অমা ওইনা ভারতকী থাক হেনগৎহনবদা লৌরিবা থৌদাং য়াওনা মরুওইবা থৌদাংশিং অদু ফোংদোকখি। মহাক্না সেক্তর অসিগী রেসিলিয়েন্স অমসুং গ্রোথকী মতাংদা পনখি। মালেম শীনবা থুংনা মসিবু পাম্নবা হেনগৎলকপা অমসুং সস্তেনেবল দিবেলপমেন্ত অমসুং থবক ফংহন্নবগীদমক মসিগী লৈরিবা পোতেন্সিএল অসি পনখি।

সরকারনা পোলিসী সপ্পোর্ত, রিসর্চ অমসুং ইন্নোবেসনগী খুত্থাংদা আয়ুশ সেক্তরবু মপাঙ্গল কনখৎহন্নবা ফিরেপ লৌখি হায়না প্রধান মন্ত্রীনা অমুক হন্না ফোংদোকখি। মহাক্না হোলিস্তিক অমসুং ইন্তিগ্রেতেদ হেল্থ অমসুং য়োগ, নেচরোপেথী অমসুং ফার্মাসী সেক্তরদা স্তেন্দর্দ প্রোতোকোলশিং প্রমোৎ তৌবগী তঙাইফদবা অদুসু পনখি।

প্রধান মন্ত্রীনা অকনবা ৱাফম থমখি মদুদি সেক্তর পুম্নমক্তা সরকারগী থবক থৌরম পুম্নমক্তা ত্রান্সপরেন্সী লৈবা অসিনা য়ুম্ফম ওইগদবনি। মহাক্না স্তেকহোল্দর পুম্নমকপু খ্বাইদগী ৱাংবা ইন্তিগ্রেতী স্তেন্দর্দশিং ঙাক্না চৎনবা অমসুং মখোয়গী থবকশিং অসি আইনগী কাংলোন অমসুং মীয়ামগী য়াইফনবগীদমক্তা খক্তমক লমজিংনবা খঙহনখি।

আয়ুশ সেক্তর অসি ভারতকী হেল্থকেয়র লেন্দস্কেপতা য়াম্না থুনা চাউখৎলক্লি, এজুকেসন, রিসর্চ, পব্লিক হেল্থ, ইন্তরনেস্নেল কোলাবোরেসন, ত্রেদ, দিজিতেলাইজেসন অমসুং গ্লোবেল এক্সপান্সনদা মরুওইবা মাইলস্তোনশিং ফংলি। সরকারনা হোৎনরিবশিং অদুগী খুত্থাংদা সেক্তর অসিনা মরুওইবা মায়পাকপা কয়া অমা উবা ফংলে। মসিগী মতাংদা প্রধান মন্ত্রীদা পাউদমখি।

• আয়ুশ সেক্তরনা মেনুফেকচরিং মার্কেতকী সাইজ অসি ২০১৪দা দোল্লর বিল্লিয়ন ২.৮৫ ওইরম্বদগী ২০২৩দা দোল্লর বিল্লিয়ন ২৩দা হেনগৎলকপগা লোয়ননা এক্সপোনেন্সিএল ইকোনোমিক গ্রোথ উৎখি।

 • ভারতনা ইভিদেন্সতা য়ুম্ফম ওইবা ত্রেদিস্নেল মেদিসিনদা মালেমগী লুচিংবা অমা ওইনা মশাবু মশক তাক্লে। আয়ুশ রিসর্চ পোর্তেলদা হৌজিক্তি স্তদী ৪৩,০০০ হেনবগী হোস্ত তৌরি।

• হৌখিবা চহি ১০দা ফোঙখিবা রিসর্চ পব্লিকেসনশিং অসি মমাংগী চহি ৬০গী পব্লিকেসনশিংদগী হেল্লি।

• মেদিকেল তুরিজম হেন্না পুক্নিং থৌগৎনবা আয়ুশ ভিজা, হোলিস্তিক হেল্থকেয়র সোলুসনশিং থীরিবা ইন্তর্নেস্নেল পেসেন্তশিংবু পুক্নিং চিংশিনবা।

• আয়ুশ সেক্তরদা নেস্নেল অমসুং ইন্তরনেস্নেল থাক্তা মকোক থোংবা ইন্সতিত্যুসনশিংগা খুৎশম্নদুনা চাউনা খুমাং চাউশিল্লক্লি।

• ইনফ্রাস্ত্রকচর মপাঙ্গল কনখৎহনবা অমসুং আয়ুশ গ্রিদকী মখাদা আর্তিফিসিএল ইন্তেলিজেন্স পুনশিন্নবদা নৌনা মীৎয়েং চংবা।

• দিজিতেল তেক্নোলোজীশিংবু য়োগ প্রমোসন তৌবদা শীজিন্নবা।

•  ৱাই-ব্রেক য়োগগুম্বা কন্তেন্তশিং হোস্ত তৌনবা আই.জি.ও.তি. প্লেৎফোর্ম লৈরে

• গুজরাতকী জামনগরদা দবল্যু.ঐচ.ও.গী গ্লোবেল ত্রেদিস্নেল মেদিসিন সেন্তর লিংখৎপা অসি ত্রেদিস্নেল মেদিসিনদা ভারতকী লুচিংবা মপাঙ্গল কনখৎহন্দুনা য়াম্না মরু ওইবা মায় পাকপা অমনি।

• ৱার্ল্দ হেল্থ ওর্গনাইজেসনগী ইন্তর্নেস্নেল ক্লাসিফিকেসন ওফ দিজিজ (আই.সি.দি.) -১১দা ত্রেদিস্নেল মেদিসিন য়াওহনবা।

• নেস্নেল আয়ুশ মিসন অসিনা সেক্তর অসিগী ইনফ্রাস্ত্রকচর অমসুং এক্সেসিবিলিতী পাকথোক চাউথোকহনবদা মরুওইবা থৌদাং লৌরি।

• মালেমগী ওইবা থৌওং অমা ওইরক্লবা ২০২৪গী ইন্তর্নেস্নেল দে ওফ য়োগ (আই.দি.ৱাই.) অসিদা মীওই করোর ২৪.৫২ হেন্না শরুক য়াখি।

• ২০২৫দা পাংথোক্কদৌরিবা ১০শুবা ইন্তর্নেস্নেল দে ওফ য়োগ (আই.দি.ৱাই.) গী চহি অসি মালেম শীনবা থুংনা মীওই কয়া শরুক য়াদুনা মশক থোকপা মাইলস্তোন অমা ওইরগনি।

মীফম অদুদা কেন্দ্রগী হকশেল মন্ত্রী শ্রী জগৎ প্রকাস নদ্দা, আয়ুশ মন্ত্রালয়গী রাজ্য মন্ত্রী (আই.সি.) অমসুং হকশেল অমসুং য়াইফ-য়ুম্বাল মন্ত্রালয়গী রাজ্য মন্ত্রী শ্রী প্রতাপরাও য়াদব, প্রধান মন্ত্রীগী প্রিন্সিপাল সেক্রেতরী দোক্তর পি. কে. মিস্ত্রা, প্রধান মন্ত্রী প্রিন্সিপাল সেক্রেতরী-২,  শ্রী শক্তিকান্ত দাসকী প্রধান মন্ত্রীগী এদভাইজর শ্রী অমিত খারে অমসুং মকোক থোংবা ওফিসিএলশিংনা শরুক য়াখি।

***